قبلةالعجمان
15-09-2004, 05:59 AM
أنواع العرب
بسم الله الرحمن رب البريه
بديت انا القيفان والنار حيه
هبت بكار الشعر من راس شاعر
ساق القوافي والدواعي سميه
اروض القيفان ما روضني
هذا وانا باسي ونفسي قويه
امشي مع الطيب واجازيه طيبه
ولا الردي للطيب ما به حميه
اخذت انا في خوة الناس جوله
ولقيت فرق الناس ماهي سويه
بعض العرب لو تزهمه ماش في ماش
وبعض العرب من طبعه المفزعيه
وبعض العرب يمناك لو ما طلبته
وبعض العرب لو تزهمه ما تهيه
وبعض العرب لو تكرمه زاد فوقك
وبعض العرب يكرم ونفسه عصيه
وبعض العرب ودك على الدوم يلفيك
وبعض العرب ودك يخفف مجيه
وبعض العرب في خوتة يلحقك عيب
وبعض العرب في خوته مفخريه
وبعض العرب ما ذاق لقمة رفيقه
وبعض العرب ياكل وجايع خويه
وبعض العرب يخطي ويجسر على الناس
وبعض العرب ما عدله بالخطيه
وبعض العرب لو يملك كنوز فرعون
ما عز نفسه عن قبول العطيه
وبعض العرب لو كان ميت من الجوع
يموت ونفسه راس ماله غنيه
لقيت انا بالناس تسعت عشر لون
لونٍ عجبني والعزى بالبقيه
واخذت انا من جملة الناس ربعي
وصديت عن درب النفوس الرديه
صديت انا عن كل جاحد ونمام
اللي وراهم ما يجي منفعيه
وعندي طلب من كل قرمٍ سنافي
لا يكرم اللي بالمواجيب عيه
هذا وانا ماني بناسي هل الجود
اهل الكرم واجد ولاهم شويه
وانا ترى ممنون لمقدم الطيب
ممنون انا لاهل السلوم الوفيه
يرتاح بالي للرجال المناعير
وضح النقا واهل القلوب الصفيه
ما فيهم اللي غايبٍ عن رفيقه
وقت الشدايد ياردون المنيه
وعندي نصيحه للرجال الفهيمه
ما قلتها باغن تجي مرجعيه
احفظ صلاتك واحسب ليوم حشرك
وترى العمر وان طال تاليه غيه
اغنم زمانك لا يغرك زمانك
واسلم على سنة رسول البريه
وعندي وصيه تشمل صغير وكبير
حقن علينا يارجال الحميه
اسعى ورى مرضاة والدك وامك
هذي وصاة الله وسنة نبيه
وعندي نصيحه للقلوب النضيفه
لا تامن الا من يعدك خويه
احفظ سدودك لا تبيح سدودك
بعض العرب ما يحفظون الوصيه
وعندي نصيحه للرجال الكريمه
اهل السلوم الطيبه والزكيه
باوصيك انا ياقرم في حق جارك
لو يطلبك خمسين تعطيه ميه
واكرم رفاقك لا تزعل رفاقك
وترى الخوي ملزوم في حق خيه
وعندي نصيحه خاتمه واسمعوها
ما قلتها راجن بها مكسبيه
احذر من الدنيا تجرك معاها
وتصير حالك من غثاها شقيه
لا تلحق الدنيا وتركض وراها
تدخل مداخل ما بها مخرجيه
اقنع بحالك يستر الله حالك
كب المناوي واتبع الواقعيه
واعرف ترى ما كل شيٍ محقق
بعض الحقايق ما بها مقدريه
تمت وصل الله على سيد الناس
صلوا على اللي بعثته خاتميه
وســــــــــــــلامتـــكم ..:):)
ما اعرف الشاعر بس عجابتني وحبيت انقلها
لكم التحيه والتقدير...:):)
بسم الله الرحمن رب البريه
بديت انا القيفان والنار حيه
هبت بكار الشعر من راس شاعر
ساق القوافي والدواعي سميه
اروض القيفان ما روضني
هذا وانا باسي ونفسي قويه
امشي مع الطيب واجازيه طيبه
ولا الردي للطيب ما به حميه
اخذت انا في خوة الناس جوله
ولقيت فرق الناس ماهي سويه
بعض العرب لو تزهمه ماش في ماش
وبعض العرب من طبعه المفزعيه
وبعض العرب يمناك لو ما طلبته
وبعض العرب لو تزهمه ما تهيه
وبعض العرب لو تكرمه زاد فوقك
وبعض العرب يكرم ونفسه عصيه
وبعض العرب ودك على الدوم يلفيك
وبعض العرب ودك يخفف مجيه
وبعض العرب في خوتة يلحقك عيب
وبعض العرب في خوته مفخريه
وبعض العرب ما ذاق لقمة رفيقه
وبعض العرب ياكل وجايع خويه
وبعض العرب يخطي ويجسر على الناس
وبعض العرب ما عدله بالخطيه
وبعض العرب لو يملك كنوز فرعون
ما عز نفسه عن قبول العطيه
وبعض العرب لو كان ميت من الجوع
يموت ونفسه راس ماله غنيه
لقيت انا بالناس تسعت عشر لون
لونٍ عجبني والعزى بالبقيه
واخذت انا من جملة الناس ربعي
وصديت عن درب النفوس الرديه
صديت انا عن كل جاحد ونمام
اللي وراهم ما يجي منفعيه
وعندي طلب من كل قرمٍ سنافي
لا يكرم اللي بالمواجيب عيه
هذا وانا ماني بناسي هل الجود
اهل الكرم واجد ولاهم شويه
وانا ترى ممنون لمقدم الطيب
ممنون انا لاهل السلوم الوفيه
يرتاح بالي للرجال المناعير
وضح النقا واهل القلوب الصفيه
ما فيهم اللي غايبٍ عن رفيقه
وقت الشدايد ياردون المنيه
وعندي نصيحه للرجال الفهيمه
ما قلتها باغن تجي مرجعيه
احفظ صلاتك واحسب ليوم حشرك
وترى العمر وان طال تاليه غيه
اغنم زمانك لا يغرك زمانك
واسلم على سنة رسول البريه
وعندي وصيه تشمل صغير وكبير
حقن علينا يارجال الحميه
اسعى ورى مرضاة والدك وامك
هذي وصاة الله وسنة نبيه
وعندي نصيحه للقلوب النضيفه
لا تامن الا من يعدك خويه
احفظ سدودك لا تبيح سدودك
بعض العرب ما يحفظون الوصيه
وعندي نصيحه للرجال الكريمه
اهل السلوم الطيبه والزكيه
باوصيك انا ياقرم في حق جارك
لو يطلبك خمسين تعطيه ميه
واكرم رفاقك لا تزعل رفاقك
وترى الخوي ملزوم في حق خيه
وعندي نصيحه خاتمه واسمعوها
ما قلتها راجن بها مكسبيه
احذر من الدنيا تجرك معاها
وتصير حالك من غثاها شقيه
لا تلحق الدنيا وتركض وراها
تدخل مداخل ما بها مخرجيه
اقنع بحالك يستر الله حالك
كب المناوي واتبع الواقعيه
واعرف ترى ما كل شيٍ محقق
بعض الحقايق ما بها مقدريه
تمت وصل الله على سيد الناس
صلوا على اللي بعثته خاتميه
وســــــــــــــلامتـــكم ..:):)
ما اعرف الشاعر بس عجابتني وحبيت انقلها
لكم التحيه والتقدير...:):)