طباشير..! [الأرشيف] - الصفحة 3 - ::. مـنتدى قبيلـة العجمـان .::

فهيد بن سالم

06-09-2010, 03:19 AM

( أزعل واصدّ ) ولا لفت ذكراك
.............تقصر خطاي , وينهزم باسي

الله يقسّي ( قلبي ) بـ فرقاك
.............ولا يليّن قلبك ( القاسي ) !

.

فهيد بن سالم

06-09-2010, 06:45 AM

وين الدروب الشحاح اللي تودّي لك
................وين إختفيت وسرت بك باقي أفكارك

( العيد ) قرّب ، وأنا كلي أنادي لك :-
................الحين وإحنا بعاد شلون بـ ( أبارك ) ؟

( فقدت ) بعد المفارق كل تفاصيلك ,
................والحين فاقد معاها ( عيدك مبارك ) !

.

فهيد بن سالم

06-09-2010, 02:32 PM

( بانت ) ولا لك عذر واضح ومفهوم
...............كم لك تدوّر لك على الصد ( سبّه )

( منت ) بحبيبي يا حبيبي من اليوم
................انا حبيبي ؟ ما ( يخون المحبه ) !

.

فهيد بن سالم

06-09-2010, 07:00 PM

( الليالي ) بدونك دلّها شـين
..................يا مودّي معك نجماتها ( جبها )

ناوي تغيب عن عيني ، وبعدين
..................كل مره تـرد ( وطلتك ) ابهى :-

ما يبي القلب منك غير حرفين
..................لا تزيد ( الجروح ) , ولا تقلبها !

ياربيب الحسن مشكور من وين
..................ما القي الطعون القاك صاحبهاآ

كنت ابي من حياتي معك شيين
..................كلمة احبك اسمعها ، وتكتبها !

http://www.alqsed.com/up/uploads/dce1be64dd.gif (http://www.alqsed.com/up)

.

فهيد بن سالم

07-09-2010, 02:53 AM

سوّي بحالي مثل مـ أنتي تريدين
..................قلبي عشانك نبضته يا ( عروقه ) :-

( روحي ) بعيد هناك , ولا تحاتين
..................ماني مدوّر من بعدك ( معشوقه ) !

http://www.alqsed.com/up/uploads/dce1be64dd.gif (http://www.alqsed.com/up)

.

فهيد بن سالم

07-09-2010, 04:20 AM

لا يطق لك عرق لحظه وأستمع مني
......................بعض السوالف حبيبي ( مالها داعي )

أن كان قصدك كلام اللي حكو عني ؟
......................ما زعزعت ( حبنا ) يا زين الأطباعي ,

وأن كان تبغى الصحيح وما غلب ظني
........................يا كثر منهوا تمنى ( لوية إذراعي ) !

.

فهيد بن سالم

07-09-2010, 05:53 AM

بـ( الهوى ) واجد عن العالم فرقْت
.....................أبْتسم يا قلب لو كل شي ( مات ) ,

ما عشقت إي شي لكنْك عشقت
.....................( أجمل أنسانه على وجه الحياة ) !

.

فهيد بن سالم

07-09-2010, 07:04 AM

( صدقني ) مهما يطول البعد وغيابك
......................ما غابت ( طيوفك ) ولاغابت الذكرى !

أتذكرك وأذكر اللي صار بـ ( أسبابك )
......................وأقول عزالله إنّه ( عيشتي قشرى ) :-

وإن كان ودّك تعرف شصار فـ أحبابك
......................تعال ( ركني ) وشاهد حالتي وأقرى !

.

فهيد بن سالم

07-09-2010, 07:29 PM

( جرحك ) مع الأيام لو طال يشفى
.................ومشكور ولا يزعلك قسوة حركته

ماجاه من وقته من الوقت أكفى :-
.................إلين ضاعت هقوته في ( بركته )

معاك سوّا خير يوم أنّه ( أقفى ) ,
.................وأنتِ بعد سويت خير ( وتركته ) !

.

فهيد بن سالم

08-09-2010, 12:57 AM

http://www.alqsed.com/up/uploads/ca1b6eee5f.jpg (http://www.alqsed.com/up)

يـ ( الله نطير ) بْعيد عن جوّ هـ الناس
.......................( ضيق وهموم وأمنياتٍ نحيله )

عطني غرام وقلب , وأعطيك إحساس
.......................يعيّشك فـ ( الذكريات الجميله ) !

.

فهيد بن سالم

08-09-2010, 03:03 AM

حسافه كنت أشوفك في عيوني غير بس أقديت
.................عرفت تروح من كيفك وخل ( الوقت جارحني )

انا ماخطيت في حقك وفي حقي تراك أخطيت :-
.................بلاش تكرر الغلطه تجي وتقول ( سامحني ) !

.

فهيد بن سالم

08-09-2010, 05:38 AM

لا صرت ( ناوي ) تفارقني وتتركني
.............الله معك يا ( أجمل ) سنيني وخلاني ,

لكن أبهديك يوم فرقنا ( ركني ) :-
.............عشان تعرف إحساسي يوم ( تقراني ) !

.

فهيد بن سالم

08-09-2010, 06:08 AM

ما كنت اصدق لين هـ ( البعد ) طوّل
.................والحين في ( دنياي ) كل شي وارد ,

يا مـوطني ( ضاعت ) حياتي تسوّل
.................مطرود من ( دنياي ) من غير طارد !

مشاعري ما هي مثل حالي ( اوّل )
.................والبال له عامٍ من اليوم ( شارد ) :-

من بعد ما ( غبتي ) بديت اتحوّل ,
................من شاعري اصبحت انسان ( بارد ) !

.

فهيد بن سالم

08-09-2010, 06:36 AM

( عيدك مبارك ) حبيبي تراني ما قويت
..........................انتظر للعيد لان الصبر ( ضيقة صدر ) :-

( اكتبك ) واشوف زولك يمر بكل بيت ,
..........................( وابتساماتك ) توزع على عجز , وصدر

واتذكر ( دمعتك ) كل ماضقت , وبكيت
..........................والله ان دمعتك ؟ تجعل من الفرحه كدر

انت لو قويت قلبك على البعد وسريت ؟
..........................( عاشقك ) والله حاول يغيب وما قدر !

غيب وارفع قدر غيرك لانك يوم جيت ؟
............................قلت اقدار الحبايب ( قدر قدر قدر ) !

حصريّه من محمد المسعري :)

.

فهيد بن سالم

08-09-2010, 10:34 AM

امر ( ركنك ) كل يومين واشوف
.................يمكن الاقي تحت الاسم ( متواجد ) ,

وان ما لقيته قام يقتلني الخوف !
.................ويرجد احاسيس من ( الشوق ) راجد

مدري وش اللي حدني جيت ملهوف
....................ولا الحياه ( بخير ) والناس واجد !

.

فهيد بن سالم

08-09-2010, 06:58 PM

( عزاه ) يوم انك ليا ضقت أنا ضقت ؟
..................اليوم أنا من سبتك صرت ( ضايق )

توّي من ( احلامي ) قبل يومين فقت
.................( الحب ) ما عاده على القلب لايق !

.

فهيد بن سالم

09-09-2010, 04:28 AM

( العيد بكرة ) جيت أهنّي وأبارك
.......................رغم الأماكن والعيون ( الحزينة )

الناس في العادة تزور وتشارك ,
.......................( الفرح ) ما بين الأهل بـ المدينة

ياعين كفِّي عن ضجيج انتظارك
.......................لـ الخوف وأرصفْة الشوارع رهينة

( دقيت ) أمس وقلت عيدك مبارك
.......................وبكل برود إحساس قال أنتهينا !

.

فهيد بن سالم

09-09-2010, 05:55 AM

يا قلب ( لا تبكي ) ولا تزعج الخوف
.....................اللي تحاتيها ( نستك ونستني ) :-

وأكبر دليل الحين يا خاطري شوف ,
.....................حتى فـ يوم العيد ما ( عايدتني ) !

.

فهيد بن سالم

09-09-2010, 05:56 AM

http://www.alqsed.com/up/uploads/7e78707b3b.png (http://www.alqsed.com/up)

http://www.alqsed.com/up/uploads/773f8acfc1.gif (http://www.alqsed.com/up)

فهيد بن سالم

09-09-2010, 12:37 PM

الكل فـ ( الجمعه ) يعايد حبيبه ,
....................كل عام وانتي بخير يا ( شيخة الغيـد )

حبيبتي في كل حاجه عجيبه :-
....................وشلون , وانتي لابسه ( بدلة العيد ) !

.

فهيد بن سالم

10-09-2010, 01:37 AM

خايف تناساني مع ( زحمة العيد )
...................ما بين ( أهلك ) وبين موضة جديدك

يا غايتي يـ أم الحلا ( باشة الغيد )
...................( عيدك مبآرك ) يـ الغلا عاد عيدك !

.

فهيد بن سالم

10-09-2010, 06:33 AM

هـ ( العيد ) رابع عيد أعايد هداياك
.......................متى ؟ على الله بس أعايد ( عيونك ) :-

متى تجي وأحس بـ ( العيد ) وياك
.......................لأني ما أحبس بـ ( فرحة العيد ) دونك !

كل عام وأنتوا بألف خير ,
وعيدكم مبارك :)

.

فهيد بن سالم

11-09-2010, 05:04 AM

ما هوب وقتك ( تفارقني وتتركني ) !
......................خل المفارق , ولا تطريلي ( فراقك ) !

( العيد ) فرحه وابي منك تشاركني :-
......................على الأقل تحترم مشاعر ( أشواقك )

وإن راح عيدك وشفت الضيق يدركني ؟
.......................( أخذ المفارق موثق داخل أوراقك ) !

.

فهيد بن سالم

11-09-2010, 08:08 AM

في ( زحمة العيد ) والعشاق تتراسل
........................وانا على حالتي وأنظر لـ ( جوالي ) :-

ياللي على الوصل والأشواق تتكاسل
........................( العيد ) مابه حلا يـ الصاحب الغالي !

.

فهيد بن سالم

13-09-2010, 07:43 AM

( تزعل ) وترجع , وتتأسف , وتتشرّه ؟
.....................وترجع وتزعل أمانه ( خاف من ربّك )

لا صرت خاين وما همتّك هـ ( العشره )
.....................عطني سبب واحد إيخليني ( أحبّك ) !

.

فهيد بن سالم

13-09-2010, 10:48 AM

وين الحنين اللي على عينك العام
.....................وين الوله وين العتب وين ( كنتي )

( كنت ) اتوقع جور جورات الايام :-
.....................الا العتب مـ ( أتوقعه منّك أنتي ) !

.

فهيد بن سالم

14-09-2010, 09:28 PM

هذا أنت ، ولاّ مثل ماهي طيوفك
.......................اللي ملْت من غبت عنّي ( ركوني ) ,

أشوفها كلْ يوم ( وألعن ظروفك )
.......................وأقول هـ الحين , إش يسوّي بدوني ؟

لا تلومني إن كاني أزريت أشوفك
.......................ماعاد أثق من غبت حتى بـ عيوني !

.

فهيد بن سالم

14-09-2010, 10:20 PM

* يا متابعين ( طباشير ) أستأذنكم في أجازه طويله من الركن ,

مع السلامه : )

.

فهيد بن سالم

01-10-2010, 11:25 PM

http://www.alqsed.com/up/uploads/e6402a0cbb.jpg (http://www.alqsed.com/up)

( الليالي ) لها دوره ، ولوّ ما تدور :-
.......................ما كنت آنا هنا , وما كنت أنتَ ( هناك )

ولوّ قرب المسافه يعني قرب الشعور ؟
.......................مارحت لـ الغربه وسافر شعوري معاك !

.

فهيد بن سالم

04-10-2010, 02:12 AM

إبتسمي يا أجمل بشر شفته فـ أيامي
.....................وعطيني ( قلبك ) انا محتاج أحكي له

عن غربتي عن ( جروح الوقت ) وآلامي
......................عن شيّ كل ما طرالي قمت أبكي له ,

شيّ واحد اللي يعكّر صفوّ أحلامي :-
.....................إني بعد غيبتك مدري من أشكي له ؟

.

فهيد بن سالم

31-10-2010, 12:56 AM

.

سود الله وجه من حسّ ( خاطرها ) !

.

فهيد بن سالم

27-04-2011, 04:06 AM

اصحي بلاش ( أحلام ) لو ما سمحتي
النوم خبري فيه من يوم ما ( قمت ) ,

يا كيف جاك ( النوم ) من يوم رحتي ؟
وانا أذان الفجر؟ يـ أذن ولا ( نمت ) !

فهيد بن سالم

27-04-2011, 04:09 AM

اظهري مثل التحايا في ( يميني ) ,
واسكتي مثل الاماني في سكوتي

وقفي ما بين ( هجرانك وبيني ) :-
انا ( احبك ) موت , وانتي لاتموتي

كنتي اقرب من نظر عيني لـ عيني
وصرتي ابعد من صدى صوتي لصوتي !

فهيد بن سالم

27-04-2011, 04:14 AM

خايف القاك واحبك ( زياده ) !

فهيد بن سالم

27-04-2011, 04:26 AM

للغلا تم تسليم الرساله :-
والرساله بها شوق وحنين

ليته الليله يجدد ( وصاله )
عقب ماجبتله عذر ٍسمين !

فهيد بن سالم

05-05-2011, 07:16 PM

أه يا سعد عين اللي حبيبه معه !

فهيد بن سالم

19-05-2011, 04:19 PM

( دوامها ) خلّص وبيّن تعبها
وخدودها ( حمرا ) وفي عينا شر

وأنا اقترب أبغي اتذوّق ( عنبها )
وتقول لي : وخّر ترا ميته حر !

فهيد بن سالم

19-05-2011, 05:37 PM

مجدولها لا جات ( تقعد ) ؟ ترفعه =
واليا ( انعست ) توسدّت مجدولها

فهيد بن سالم

27-05-2011, 06:21 PM

انا والعواذل اللي ( يقولون ) اتركه ؟ =
سوات ( المريض ) اللي يحاكيه متعافي !

فهيد بن سالم

07-06-2011, 02:55 PM

شخبار قلبك عسى مرتاح ب ( غيابي ) ؟

:)

فهيد بن سالم

08-06-2011, 03:52 PM

( الله ) يسامحهم , ولا يبتليهم !
والله يجملني لو اخطيت واحسنت

( مدام ) أنا معهم ومنهم وفيهم ؟
أرداهم إن خان المواثيق ما خنت

ماني بـ ( بايعهم ) ولا مشتريهم
هم مثل ماكانوا وانا مثل ما كنت

أنا أخوياي إن جيت ابشرة عليهم ؟
( ذكرت تقصيري معاهم وهونت ) !

فهيد بن سالم

15-06-2011, 02:15 AM

المشاعر برقها يجذب ( السارين )
ان بغيتي نسرق الوقت يمدينا ,

لا تقولين العرب كلّهم ( دارين )
( غيرنا ) ما راح يفرح لأمانينا !

فهيد بن سالم

15-06-2011, 02:18 AM

افهيقي ضلعي بـ كفّينك و ويقي
ماتشوفين الا جروحك فوق حبّك !

انا متضايق من أحزاني , وضيقي
لو أسب الحزن لايمكن ( أسبّك )

الحزن من يوم مارحتي ( رفيقي )
طبّ في ( قلبي ) ولا اضنّه يطبّك

بعد ماقلتي أبكمّل ( طريقي ) ؟
صرت ماحبّك كثر ماكنت أحبّك !

فهيد بن سالم

15-06-2011, 02:20 AM

لاتبتسم لاشفتني في ( طباشير )
بـ يمر يوم ( أغيب ) عنها وعنك !

فهيد بن سالم

15-06-2011, 02:38 AM

في خاطري ( كلمتين ) تصول وتنبّه
( معاك ) اببدي بها من قبل لا تبدي

ما اقبلك من دون لا موقف ولا سبّه ؟
تمشي على القاع كن مشيّك على كبدي !

فهيد بن سالم

15-06-2011, 02:55 AM

صارحيني وأحيي اللي من سنين
خافقه : - له كم ماجاه ( الحيا )

ليه ماقلتي ( أحبك ) تستحين ؟
الحيا في هالوضع ( قِلة حيا ) !

فهيد بن سالم

16-06-2011, 02:05 AM

http://www.alqsed.com/up/uploads/ac3a51f7db.png (http://www.alqsed.com/up)

أنت يكفي لو ( تتابع ) من بعيد
المهم أنا مع أحساسي معك ,

كل يوم أنزل علشانك ( جديد )
أسمعه , وأٌقراه لو ما أسُمعك !

مو مهم أكون في غيابك , سعيد
المهم أن ضقت صدري ؟ ياسعك

ماصفا لي من بعدك إلا القصيد
مانفعني بشي ليته ( ينفعك ) !

فهيد بن سالم

16-06-2011, 02:19 AM

ماودي ( أذكرك ) بس المشكله مقدر
ياليتني أنساك لكن ماكتب ( ربك ) !

أخر طلب وأوعدك بعده ماعاد , أسهر
اذكرني أنساك لا تذكرني ( أحبك ) !

فهيد بن سالم

16-06-2011, 02:31 AM

http://www.alqsed.com/up/uploads/516c91565e.png (http://www.alqsed.com/up)

من دون لا تشعر بصوتي , ولا حسي
كنت أتواجد هنا فـ ( الركن ) من مبطي

الركن هذا ليا جيته ( فتح نفسي ) !
للشعر وآخذ من إبداع الأدب , وأعطي

إحساسي إنه قريب لوضعي النفسي
وإن قلت حرفك يعالجني ماني ( مخطي ) !

فهيد بن سالم

16-06-2011, 02:52 AM

( إتذوّب ) ضلوعي وقلبي لا سمع حسك يذوب
واتصبها في كاس حبك ( والحبيشي ) يشربه !

:)

فهيد بن سالم

18-06-2011, 05:14 AM

البارحه من غيبته ( خاب ظني )
كنت احسبٍ الشوق لا غاب جابه !

غاب وتركني في ظلامه مع إني :-
ماقد تركته لـ ( النهار ) وسرابه !

ماكنت احسب حساب غيبته عني
حتى القمر ماكنت حاسب حسابه

زودٍ على غياب القمر غاب مني ؟
ياليته البارح مـ / أجل ( غيابه ) !

فهيد بن سالم

18-06-2011, 07:51 AM

ما مهم ارقد لو أني ( مواصل )
يكفيني ادري بقضي اليوم وياك !

فهيد بن سالم

19-06-2011, 05:39 AM

الله يخفف شقاه ولا يزيد ذنوبه .!

فهيد بن سالم

20-06-2011, 02:06 AM

( خل ) منك إللي سوالفهم كثيره
العلوم صغار والمضمون ( طفسه )

كل شخصٍ ينشغل بعيوب غيره ,
جاهلٍ ماهو بعارف حجم نفسه !

فهيد بن سالم

20-06-2011, 02:10 AM

يا ( فهد ) مال النوم في عيني مراح
رغـم التعـب والسهـر ( عيَـا ) يجينـي

ما يرقد الا اللي مـن الهـم ( مرتـاح )
وأنـا ثلاثـه أيــام مــا ( طــبَ ) عيـنـي !

فهيد بن سالم

20-06-2011, 02:23 AM

http://www.alqsed.com/up/uploads/852ed2b38e.bmp (http://www.alqsed.com/up)

محبتك عن عيون الناس ( صاينها )
محفوظة ٍ ما كشفت اسارها إلا لك

في وسط قلبي عن العالم مزبنها ,
ينبض بها قلبي اللي منك متهالك

هذي حقيقه وجيت اقولك ( عنها )
قبل يفوت ( الأوان ) وتقطع إوصالك

( سويتها ) في قصيده وانت لحّنها
شلها بـ صوتك وسجلها بـ جوالك !

فهيد بن سالم

21-06-2011, 08:43 AM

http://www.alqsed.com/up/uploads/91e71f0eb5.png (http://www.alqsed.com/up)

جوالي , وماسنجري , والأسك Me ؟

كل الثلاثه فاقدينك

....................يا ( حلو ) !

فهيد بن سالم

21-06-2011, 08:51 AM

سولفي لـ الفراغ العاطفي عنه
.............كل ماهزتك ذكراه يا ( عيني ) !

أشتكي له وفاي , وأشتكي منه
.............قبل لا تشتكي للعالم سنيني !

فهيد بن سالم

21-06-2011, 08:59 AM

يعني تبي ( تشمت ) العذال في قلبي ؟
عادي ولا همني كل شامت ( وجاحد ) ,

واذا اسألوا عنك لامريت في ( دربي ) ؟
بقول يكفي ( أحبه ) من طرف واحد !

فهيد بن سالم

21-06-2011, 09:02 AM

علمني أنساك , ياحلمٍ ملا أمسي
.............قبل لاتنوي أمانه لحظه ( وداعي )

مافيه داعي توصيني على نفسي
.............مادام صرت بحياتك مالي أي داعي !

فهيد بن سالم

21-06-2011, 09:08 AM

خليتني , الف شكراً لك على صدك
...............تصدق أن صدتك , ما تِضعف أمالي

لـ أنك اذا ( غبت ) عني والغلا ردك ؟
................أشوف نفسي كبير بعين عذالي !

فهيد بن سالم

22-06-2011, 08:32 AM

كل ما جابوا لها طاري ( النقاب ) ؟
( تنهي ) الموضوع وتضيق , وتتوه

وليا قالوا : علّموها عـ ( الخراب ) ؟
( وأهلها ) ماضي عوايدنا نسوه

قالت : أهلي علّموني عـ الحجاب
والنقاب أهل المغـازل ( شوّهوه ) !

فهيد بن سالم

22-06-2011, 09:01 AM

عشان ما أجـرح وتجرحنـي ؟
وعشان ما أُهْمل ولا تُهمـل !

( مابي ) أفارقـك , وتفارقني
الحبّ خلّه ( من بعيد اجمل ) !

فهيد بن سالم

23-06-2011, 06:18 AM

لا تلمس الجرح وأنت الجرح في عيني
أبيك تنسـى , وأنا مثلك ( أبنساني )

أنت ( أكثر ) إنسان حالف ما يخلّيني ,
وأنت أول إنسان يوم احتجت خلاني !

فهيد بن سالم

25-06-2011, 09:54 AM

أحيان تنزل ( دمعتي ) لا ذكرته
.............وأحيان أقول الحمدلله على البين ,

ذاك ( الطريق ) الي تعبت وعبرته
...........يمكن يكون أحسن وخيرة لـ لأثنين !

فهيد بن سالم

25-06-2011, 09:56 AM

ما لغيرك في ( وطَن ) قلبي ركن
.............وافترقنا وصرت لأحزاني ( هدف )

لعنبو سوَّاقكم والـ ( parkin ) ,
.................ولعنبو دقَّات قلبي والصدف !

فهيد بن سالم

25-06-2011, 10:30 PM

( نامت ) وأنا ما غفت عيني دقيقة
..................كل يوم ترتاح وآداوم ( مواصل ) !

ما يدري ( الحب ) أحاسيسي رقيقة
..................ليش يتفنن بتعذيبي ( وأواصل )

( قناة ) عشق وخفوقي جفّ ريقة ,
..............يا من يهمّه الأمر محتاج ( فاصل ) !

فهيد بن سالم

26-06-2011, 09:54 PM

أرتاحلك وأرتاح لـ ( وجودك ) معآي
أشوفنـي ، وأشوف كل الناس فيك !

ضمّت يدينك أرض وعيونك سمآي
( أشتاقلك وأبيك وأحتاجك وأجيك )

بسكت , وخل الناس تتكلّم وراي
أخآآف أسولف فيك وأحسدني عليك !

فهيد بن سالم

27-06-2011, 05:59 PM

إشتقت وانا ادري انك مثلي اشتقتي
واللي تعيشينه أكثر منّك ( أعيشه )

والوقت ماهو بـ لا وقتك و لا وقتي ؟
الوقت وقت ( الدوام و طلبة العيشه ) !

فهيد بن سالم

27-06-2011, 06:14 PM

ما هو خطاي , انك تبيني وساكت !

فهيد بن سالم

02-07-2011, 02:52 PM

كم لي أدور عن هويه لـ ( ذاتي )
...........وأنا ورا , ذاتي ( مسافات ) وازعاج

الاحتياج أصعب شعور بـ ( حياتي )
...........عادي اعاني بس مو عادي آحتاج !

فهيد بن سالم

09-07-2011, 01:34 AM

أحلامي اللي غدت تشبه لي أوهامي
............كل يوم أكذب على نفسي وأصدقها

مكتوب , في كل خطوه داخل أيامي ؟
............أعيش الاحلام لكن ما ( أحققها ) !

فهيد بن سالم

13-07-2011, 02:02 AM

السلام عليكم ورحمة الله وبركاته

انا مسافر بكره لـ ( لندن ) ,
اشوفكم على خير

اخيكم / فهيد ..

فهيد بن سالم

24-07-2011, 12:59 AM

السلام عليكم ورحمة الله وبركاته

وباك ,

وصلت لندن من 10 أيام تقريبا ً
ولكل اللي نشدني عن الشايب
ابشركم طيّب وبخير ولله الحمد ومابه الا الخير ان شاء الله ,

وصارلي فتره من ( الساعه 9 ) لا غابت الشمس اكون محضر فالشقه
وزهقت من الواتس اب فـ قلت مالي الا المنتدى والركن ,

انتظروني :)

فهيد بن سالم

24-07-2011, 01:07 AM

http://www.alqsed.com/up/uploads/eb5718fabf.jpg (http://www.alqsed.com/up)

تودعك وتضمك وتبكي على ( صدرك )
..........وانا ( عزتي ليّ ) ما أحدٍ جاء يودعني

ياصدري على ( فرقا ) المحبين ياصبرك
..........ولو أن فرقاهم من العام ( يوجعني ) !

فهيد بن سالم

26-07-2011, 01:55 PM

( خوينا ) من عاد حنا بزارين
اليا خلص من ( واجباته ) يجينا

نضحك ونلعب وانتمازح وبعدين
اليا بكا من اي حاجه ( بكينا )

من اول ايسلم ويقلط وذلحين ؟
ايمرنا ولا ( يسلم ) علينا

اثر القلوب الحاقده فالها شين
( الله يعافيها ولايبتلينا ) !

:)

فهيد بن سالم

27-07-2011, 04:06 PM

ماشالله عليك انسان راهي , ورجل اعمال
عمايرك في ( لندن ) واراضيك عـ الكورنيش

مدامك تشوف الجوع والفقر بـ( الصومال ) ؟
ياليتك توفّر لـ ( المساكين ) لقمة عيش !

فهيد بن سالم

27-07-2011, 04:16 PM

بديت أشعر إن هـ الصيف بيكون آخر صيف
أودع عيونك فيه واستقبلك بـ ( الورد )

بلاش السفر وش راح تلقى لا رحت جنيف
( بعد برد هـ الاحساس عادك تدور برد ) ؟

فهيد بن سالم

27-07-2011, 04:56 PM

من كثير الوجد يا طول ( الثواني )
ما كسبت الا مشاريه وحسوفه

الأمل كذاب يا صدق ( الاماني )
طاف حلم العمر وعيوني تشوفه

من ثلاث سنين يا غربة زماني ؟
ما شكى قلبي معاناته وخوفه

ينكسر بوحي قبل يوصل لساني
( والقصيد ان جاد ما توفي حروفه ) !

فهيد بن سالم

01-08-2011, 04:29 AM

السلام عليكم ورحمة الله وبركاته

مبارك عليكم الشهر , وتقبل الله طاعتكم

اخيكم / فهيد بن سالم

فهيد بن سالم

15-09-2011, 12:35 AM

بـاك يالكويت =)

فهيد بن سالم

15-09-2011, 12:37 AM

ذبّح البعثي هل السنّه وكنّا
ما نشوف الا ذعاذيع الهبايب

كان حكّام العرب فينا , ومنّا
ليه ما رزّو على قبره نصايب

الشعور الحيّ ما خالط زمّنا
وش بقى ما صار ياسبع العجايب

العباد تموت في درعا وحنّا ؟
ما نموت إلا من عيون الحبايب !

فهيد بن سالم

11-10-2011, 03:11 PM

طيفك البذّاخ كنّه لا جا عقب ( العصر )
فردة إخلاص ٍ حساوي , وفنجال قهوه

ذوقّيني فرحة المنتصر يوم ( النصر )
والله إني مشتهي ضمّة إيديك شهوّه !

فهيد بن سالم

19-12-2011, 04:54 AM

راح نص العمر , والباقي سراب
إن تبعته ضعت والشرهه عليّ

كان ماطوعت نفسي بالعتاب ؟
عاتبوني قبل عدواني ( هلي ) !

فهيد بن سالم

02-02-2012, 01:16 AM

لو ماتت الفرحه من , كفوف الأحزان
من ياخذ ( بثار ) النفوس الشقيّه ؟

ومن يفتح بصدر المتاهات ( بيبان )
ويرجّع ( أيام الغلا ) الأوليّه ؟

فهيد بن سالم

16-03-2012, 06:19 PM

ماودي القا من يرد الصوت
خصوصاً البلاس , والشامت !

يالليت لـ أفواه العرب ريموت
علشان اخليها على الصامت !

فهيد بن سالم

23-03-2012, 01:44 PM

http://www12.0zz0.com/2012/03/23/10/754996996.jpg (http://www.0zz0.com)

الجمس سواقه عذاب المطاريش =)