الكويتية المتزوجة من غير كويتي والكويتي المتزوج من فلبينية

[دموع ألماس]

ها نحن ننتظر بفارغ الصبر ما تسفر عنه لجنة حقوق المرأة من قرارات تصب في مصلحة المرأة الكويتية ، لكن للاسف مع اقتراب الاعلان عن قوانينها لاقرارها في المجلس
ظهرت محاولات احباط واصبحت الاصوات تتعالى وتطالب بعدم منحها هذه الحقوق
فهناك من يرفض ان يمنح زوج الكويتية الجنسية او يمنح ابناؤها الجنسية وعذرهم بأن ذلك اخلال بالتركيبة السكانية وراح يطمع في بناتنا كومار وحسنين ومحمدين
الله اكبر
وينكم عن الخلل في التركيبة السكانية ايها الرجال وانتم السبب في ذلك
يعني يالكويتي لك الحق تتزوج فلبينة وهندية واندونيسية
والقانون يمنحها الجنسية لانها زوجة الكويتي
قلنا الابناء لهم الحق لانهم يتبعون الاب لكن ما دخل زوجة الكويتي
والله قهر الفلبينية تصير كويتيه

انا اقول لست مع منح الجنسية سواء لزوجة الكويتي او لزوج الكويتية
ارى ان الحل هو ان الكويتية المتزوجة من غير كويتي يجب أن يعامل ابناؤها معاملة الكويتي من حيث التعليم والتوظيف والسكن ويمنح ابناؤها الجنسية اذا كانت مقيمة في الكويت لسنوات طويلة ولا يجوز التفريق بينها وبين زوجها بالطلاق ليحصل ابناؤها على الجنسية
يعني تعطون الجنسية حق عيال الفلبينية والاندونوسية وما تعطونها حق عيال الكويتية للي فعلا تربيهم التربية السنعه

واتقوا الله في بنات الكويت
هل من العدل والانصاف التمييز حسب الجنس
فالكويتي يتمتع بخيرات وخمدمات البلد
اما الكويتية لا؟

[النــ فهيــد ــاجعي]

الخليجيه اذا متزوجه كويتي المفروض تاخذ الجنسيه بس...
اما الخليجي او الغير خليجي اذا كان ماخذ كويتيه ماله حق ياخذ الجنسيه وين ديرته...
والمرأه اللي ماخذه كويتي يحق لها تاخذ الجنسيه لان المرأه تتبع الرجل...
انا ضد ان الشخص اذا امه كويتيه يتوظف بالكويت او تكون حقوقه نفس حقوق الكويتي وين ديرتهم...
وهذي وجهة نظري... لاهنتي

[شخص عادي]

انا معارض لهذا القانون وبشده

صحيح يخل بالتركيبة السكانية

لو يقرون هذا القانون تشوفين اخوانا المصريين والسوريين والعرب
يتذابحون على الزواج من الكويتيات حتى لو كانت عجوز كبيرة
مو لسواد عيونهم بس طمع في الجنسية وبعد ماياخذ الجنسيه يطلقها
ويتزوج واحده من جنسيته الاصلية ويجنسها كويتيته بعد

كل شخص عنده جنسيه وبلد ..اللي يبي يتزوج كويتيته يتزوجها
وابناءه يحملون جنسيه والدهم لانه بالاصل مو كويتي


وفيه خبر قريته ومنتشر في الانتر نت وفي الصحف المصرية عن مصري تزوج سائحه بريطانيه عمرها سبعين سنه وورث منها 10 ملايين
دولار وهو في الاصل معدم ويعمل في مطعم في مدينه الاقصر السياحيه
والصدفه انها اشترت له سيارة وفي رحلة سياحية معاها انقلبت السيارة اللي يقودها المصري وماتت البريطانية العجوز وورث مايقارب 10 ملايين دولار (خمسة ملايين جنيه استرليني)
(يعني توقعون متزوجها لسواد عيونها ؟متزوجها على طمع وحصل مراده ورجع لزوجته الثلاثيينه في الصعيد اللي ماتدري انه متزوج عليها اصلاً )



وبعدين انا معارض تجنيس الحريم المتزوجات من كويتيين
حتى لاتتطالب في البيت وغيرة في حاله الطلاق
حفظ لحقوق الزوج وابناءه
وبعد الطلاق تتزوج واحد من جنسيتها الاصلية ويحصل على الجنسيه الكويتيه

ونبتلش في توفير السكن والوظيفه للكويتي الجديد زوج الكويتيه الحاصله على الجنسيه من زوجها الكويتي

المفروض مايقنون هذا القانون ويلغون حصول الزوجه الاجنبيه على الجنسيه الكويتيه الا بعد مرور 30 او 40سنه علي زواجها من كويتي او يلغون القانون كله

نقطة نظام:
وجه نظر والحكومه ابخص. حنا مجرد مواطنين عاديين والقرار بيد اصحاب القرار
بس مايمنع نكتب وجة نظرنا مع اني ادري ان وجة نظري ماراح تغير شي ولا احد راح
ينتبه لها او ياخذها

[نوال]

احنا عندنا في الدوحه اي خليجيه تاخذ قطري تسلم جوازها لسفاره
وتاخذ الجنسيه القطريه بس مدري عن الدول الباقي ..

الله يعطيش العافيه
لاهنتي ..

[ALAJMI]

في الشرع وفي جميع دول العالم
الابن ينسب لأبيه لا لأمه
فهذه الاقتراحات حمقاء ولا تعرف توابع الامور
فهذا اخلال في التركيبة السكانية
وحتى مصطلح"مساوات ابناء الكويتيه بالكويتيين" لا نؤيده ولا نريده
بالاول خلهم يحسنون معاملة الكويتيين انفسهم حتى يتم معاملة غيرهم بهم
من توظيف واسكان وتعليم وصحه وطرق ..الخ ؟
من ارادت الزواج برجل غير كويتي عليها تحمل وضعه من ناحية الجنسية وتوابعها
فلا تزعجنا بمطالبات لدينا ماهو اهم منها

هناك نائبه في البرلمان هي من تحرك هذه الامور وبشده
واذا عرف السبب بطل العجب
النائبه معصومه المبارك وذلك لأنها متزوجه من بحريني
:)

[يدآعبهآ آلخ ـجل]

بصرآحه انا استغرب من هالنآئبآت


يعني خلآص بتقارن نفسها بالرجال


حتى بالجنسيه بعدين شنو الكويتيه تجنس زوجها وعيالها


وين قاعدين فيه ليش زوجها ماعنده ديره تجنس عياله


بصرآحه اشووف انه آكبررر غلط


بعدين المرآءه تابعه لزوجهاا مو الرجال تابع لزوجته



الخليجيه اذا متزوجه كويتي المفروض تاخذ الجنسيه بس...
اما الخليجي او الغير خليجي اذا كان ماخذ كويتيه ماله حق ياخذ الجنسيه وين ديرته...
والمرأه اللي ماخذه كويتي يحق لها تاخذ الجنسيه لان المرأه تتبع الرجل...
انا ضد ان الشخص اذا امه كويتيه يتوظف بالكويت او تكون حقوقه نفس حقوق الكويتي وين ديرتهم...


آآيد كلامـك وبقووه بعد

عوآفي على الموضوع