لي متى [الأرشيف] - ::. مـنتدى قبيلـة العجمـان .::

مشاهدة النسخة كاملة : لي متى

سمو الامير

12-09-2004, 10:31 AM

لي متى؟؟؟

لي متى : والواحد يقطن ملفه وهو ماحصل وظيفه

لي متى : الواسطه تعطي كل ذي حق حقه

لي متى : نفرش الجرايد بدال السفره

لي متى : المطافي توصل بعد ماتطفي الحريقه

لي متى : رئيس البلديه يرصد مليونين مزانية مشروع تكلفته ميتين الف

لي متى : صيدلية المستشفى تصرف بندول وسابوفين بس

لي متى : كل مافتح احد محل بمشروع جديد من بكرا فتحنا عشر محلات بجنبه

لي متى : نتغدا رز ولحم

لي متى : المستشفى السعودي الالماني يقص علينا بصبغ راس دكتور اردني ويقول استشاري الماني

لي متى : وشبابنا ينقطعون ويتمسخرون بسوريا لين توصل الحواله

لي متى : صالح كامل يحتكر كأس العالم وتلفزيوناتنا الحكوميه تتفرج

لي متى : نشجع السياحه الداخليه وحجزنا اوكي للخارج

لي متى : الريموت يناقز بين قنوات روتانا ومولدي ونجوم ومزيكا

لي متى : الجندي يتقاعد وهو ماعلق عريف

لي متى : البنت تدق وتسكر

لي متى : الانترنت عندنا بفلوس

لي متى : الخدامه تربي فلذات اكبدنا

لي متى : البنت لازم تمسك جوالها بيدها وهي بسوق

لي متى : وبنات الفيديو كليب مايرقصون الا بشلحات

لي متى : احبك وانت ناسيني

لي متى : واحنا ندور البرتقاله من قناة الى قناة

لي متى : والشعب السوداني كسلان

لي متى : والبحرينين يسمون المدرسه مرررسه

لي متى : رواتبنا تروح لتسديد الفواتير

لي متى : والموظف اللي ماعنده واسطة ماكل تبن

لي متى : نرسل مسجات غراميه مجامله لناس مانحبهم

لي متى : ندور الهمر داخل علب البيبسي

من الايميل

راكان اليامي

12-09-2004, 06:30 PM

لاهنت على الموضوع ياسمو الامير

فيصل بن حجرف

12-09-2004, 10:26 PM

والله بتبطون وانتو على هالحال:)

مـحمـد

12-09-2004, 10:52 PM

دوام الحال من المحال :)

شكرا عزيزي

ALAJMI

كويتيه

13-09-2004, 12:00 AM

لي متى : نتغدا رز ولحم

وامانه انتواا لي ماكان في عيش ولحم على الغدا تاكلون عاد؟؟ لا اولله تعصبوووووون:)..

يعطيك العافيه يا سمو الامير:)

ابوتركى

13-09-2004, 12:38 AM

لاهنت على الموضوع اخى

العزيز

قبلةالعجمان

13-09-2004, 05:15 AM

لي متى : احبك وانت ناسيني

دواااااااام الحال من المحاااال ......

ولاهنت يا سمو الامير .....

:):):):):)

هند

13-09-2004, 05:23 AM

يعطيك العافية ياسمو الأمير

السؤدد

سمو الامير

13-09-2004, 08:10 AM

راكان اليامي

ولا انت والحمد لله على السلامه

Alajman
شكلنا

ALAJMI
اكيد بس وين الحال

كويتيه
من قال ان احنا نعصب الا انتو اللي شايفين الرز واللحم اسهل طبخه لا والود ودكم بيض وجبن وتزحلقونا

ابوتركى
ولا انت اخوي

قبلةالعجمان
اكيد محال

السؤدد
الله يعافيك

والله لا يهينكم انتم على المرور

كويتيه

14-09-2004, 03:51 AM

لوول لا اولله يا سمو الامير اللي اشوفه انه الرياييل يموتون على العيش واللحم:)..و لو بتسوي خفايف فطاير معكرونه اي شي يقولولك هذا غدا؟؟؟ :rolleyes:

سمو الامير

14-09-2004, 09:05 AM

صح
بس كثير من الرجال ماوده ياكل على طول رز ولحم
لكن زوجته تبرمجة على هالطبخه وهو توهق:(
لا وتقوله يابو فلان ترى كرشتك كبرت:mad:
ماتدري ان السبب يدها:D

السياسي

14-09-2004, 12:32 PM

لا هنت يا سمو الأمير على هذا الموضوع الجميل

السياسي

سمو الامير

14-09-2004, 02:48 PM

ارحب يالسياسي

ولاهنت على حضورك

الوطن

14-09-2004, 03:10 PM

اخى الفاضل

سمو الامير

يعطيك العافيه على الموضوع

سمو الامير

15-09-2004, 11:20 AM

مراحب بالهاجريه

ومشكوره على المرور والله يعافيك

السلاطين

15-09-2004, 01:02 PM

ســـمو الأمـــــير

إن اللــــــه لايغــــير ما بقــــــوم

حـــتى يغـــــيروا ما بأنفســــهم

لا هنــــت عـــلى الموضـــــوع

العجمي

15-09-2004, 02:26 PM

ههههههههههههههههه

انا ما ضحكت الا من حاجه وحده
فيه جمله خاشه عرض

لي متى : أحبك وأنت ناسيني

الكلام كله منطقي , وهذي معاناة كثير من الشباب السعودي
الله يفتح لهم من فضلة
ويعطيهم من واسع كرمه

سمو الامير

18-09-2004, 09:41 AM

عزيزي السلاطين

صدقت إن اللــــــه لايغــــير ما بقــــــوم حـــتى يغـــــيروا ما بأنفســــهم

ولا انت

ومشكور عالمرور

عزيزي العجمي
عسى ضحكتك دوم

مشكور عالمرور

أم ثامر

19-09-2004, 10:56 AM

لأجل غير مسمى وخاصة الوااااااااسطة!!!! والله إنه فاهم إللي كاتبه...

سمو الامير لك مني كل التحية على النقل المنطقي !!!

سمو الامير

19-09-2004, 11:24 AM

ولك مني ايضا تحيه

ومشكوره على المرور والتعليق

حبيب

19-09-2004, 02:50 PM

سموالامير

لاهنت على الموضوع الصريح والاسئله المحرجه

بس اللحم والرز نتركها مستحيل الواحد اذا اخذ يوم ماكها يوجعه راسه

رغم انها تزيد الوزن ؟؟؟؟

ولاهنت ويعطيك العافيه

حـــبــــــــــيـــــــب

سمو الامير

19-09-2004, 03:20 PM

ولا انت ياحبيب

وعسى الله يعينا على التخفيف من الرز واللحم

ونتويع الاكل اللي فيه فايده

ماتدري يمكن يجي يوم الشيبان يتعازمون في ماكدونالدز ولا برجر كنج

ومشكور على المرور