والله لأ جرحك.............

[العجاجي]

والله لأجــــــــــرحـــــــــــــك


توك تجي تطلب رضا قلب ناسيك

ذابت ورودك واصبحن يابساتـي


ضيعت حبي ياعسى الله يجازيك

وانكرت قلبي يومك اغلى امنياتي


واليوم قلبي يبتعد عـن موانيـك

والحين توها ابحـرت باخراتـي


لاتحسبني عاشـق وميـت فيـك

ولاتحسبني غافـل فـي عماتـي


هذا كتابي كاتـب فيـه ماضيـك

مافات كلـه كاتبـه يـوم فاتـي


يومك تخون وتطعن القلب بيديـك

ويومك تنقص بالمشاعر غلاتـي


ويومك تعيش بحب غيري واناديك

تسمع ولاكنـك تحـس بشقاتـي


ادري فرحت وصار همي يسليك

وادري شعوري ذاق عقبك مماتي


والحين والله لاجرحك مااداويـك

عندي جروح وماصنعت الدواتي


والحين قلبي في همومك يخليـك

لقيت غيـرك وآبـذوق الهناتـي


وارجوك تبعد خلني اعيش ناسيك

تكفـى طلبتـك لاتكـدر حياتـي
ولكم تقديري واحترامي

[!! عـيـا الـبـخـت]

السلام عليكم ورحمه الله وبركاته...
صح لسانك يا العجاجي وبيض الله وجهك ومشكور على القصيد الطيب والرائع...تقبل مروري..

[سادح اسد]

هاااي اخوي العجاجي...
مشكور على القصيد الجزل وبيض الله وجهك..انا من زمان متابعك ومتابع قصيدك اشوف فيك شاعر خيال..تقبل مروري لاهنت..

[السهلاوي]

السلام عليكم ورحمه الله وبركاته..
الله الله الله قصدك طيب وبيض الله وجهك وانا الصراحه متابع مواضيعك وقصيد معا اني جديد في المنتدى..حلجك حلى حط بيك.. الله يوفقك وتقبل مروري...

[العجاجي]

عيا البخت الشكر موصول لك وانت الرائع بردودك لاهنت يا غااااااااااااااااااااااالي

[العجاجي]

السهلاوي لاهنت على الرد وحياك الله عين فراش وعين غطا

[العجاجي]

بيض الله وجهك يالاسد ابد والله ماني شاعر لكن عندي مشاعر شكرا شكرا لعواطفك النبيله