رجال يقول لزوجته في ليله العرس رحت اضربت اخوش

[شباب ضوة]

السلام عليكم اقولكم هذي وحده عندها ولد كلن يضربه حتي البزر الى اصغر منه يكوفله المهم الام طاحته كبدها :mad:كل يوم جايها ولدها مطقوق مكفخ فقامت الصايبه تدعي في صلاتها انها يجي بزر كلن يتوذا منه المهم وتحمل وجيبلها ولد ويطلع اقرد من صايح الصبح :D كلن يتوذا منه ولايخلي احد يلمسه ياكافخ هذا يباط راس واحد المهم هو كان بينه وبين اخيه 4سنين بس ماكان يخلي احد يلمسه اخيه الكبير من يوم جاء عمره 8والقلاعه معه مرافقته الزبده مرت السنين وهو القلاعه معه ميخلي احد في حاله ويوم من الايام خطبتله امه من بنات عمه وافقو عليه و:)يوم جاء العرس وقدهم بزفونه قام اخ العروس وقال ميدخلون اخوانه هو تنح ليه يعي على خواني ميدخلون ويوم قده بهاوش حلف ابيه وعد الزفه على خير وهو اعصابه على نار ويوم دخل هو والعروس الشقه قالها بروح مشوار وراد اخذي راحتش نص ساعه واجي المهم بعد نص ساعه عودلها وقالت له وين كنت رايح قالها رحت ضربت اخيش وعوته ليه يعي على اخي مايدخل :eek:
فانا اقول لكل وحده بتدعي على ولدها تدعي على ولدها بالهدايه مو تدعي عليه بالقلاعه هذاهي مرافقته طول عمره حتي عرسه ماهجعه :(
سبحان الله وبحمده سبحان الله العظيم

[فايز الحويله]

لاهنت يا الغلا

علي نقلك المبدع

وانشهد انك قلته الي بيدعي علي ولده تدعي له با لهدايه

والله يا اخوي بعض الحريم يدعوون علي عيالهم في المووت لا مات الولد تبكي عليه

وجزاك الله خير

تقبل مروري

[شباب ضوة]

على راسي من فوق يافايز الحويله ولى الشرف ان القصه امتعتك لاهنت على المرور

[خزنه بنت مايكل]

^

آبرك عرسـهـ :p



لا هنت على النقل يا شباب ضوه

[ربمـآ]

على الحرام انه شنب كبده موجعته ماهوب في حال العروس يبغي يكسر ثم اخيها عشان يحس براحه نفسيه ههههههههههههه..

شين ليلها راح منها كااشخ وعود عليها ثوبه فيه دم اخيها على الحرام ان تمشي معه على السراط المستقيم ههههههههههه....

[خزنه بنت مايكل]

^


الخوف لا تطلع شمشون الجبـآر :rolleyes:

[ربمـآ]

والله الرجال ماكمل السالفه اخر السالفه انه رجع عليها كااسر ثم اخيها...


ويمكنها متعقده من اخيها وتقول في صدرها جعلك الزين فيه...

ومضنتي انها شمشون كني بها اتسرط عقب مارجع عليها ههههههه

[هيبتي قبيلتي]

وربي انا ميته من الــــــــــــــــــــــــضحك هههههههههههههههههههههههههههه يعجبني ماخلاها في كبده

[قصر نايف]

اعوذ بالله هذا يندعابه يكفينا شره انا اشهد انها خلصت علومها العروس شين فالها
ربمـــــــا الناس يقولون فم مـــــــو ثم

[s3odi]

هههههههه

هذا والله الخبل



لاهنت وجعل ضوك دايم شابه


:)

[النــ فهيــد ــاجعي]

هههههههههه لاهنت ياخوي.

[لبى خراطيش قلبك]

هههههههههههههه
ما خلاهااا بنفسه

[شباب ضوة]

الله لايهين كل من رد على الموضوع وكلكم على راسي من فوق
سبحان الله بحمده سبحان الله العظيم