مرحبا فى منتدانا منتدى العجمانى

[الشامرى]

الله يمسييكم بالخير جميع ،،،
ترى مانى بشاعر ولكن متذوق للشعر فقط
وابغى استفيد من الشعار الموجودين
ويطولون بالهم علينا ;)

واستلمـــــــــــــــــــــــــوا :------------------


من صميم القلب والا منبع الوجدانى= ياسلام الله عليكم بالوفا نبديبه

مرحبا فى منتدانا منتدى العجمانى=منتدى خوه وشيمه والعرب تدريبه



الشـــــــــــــــــــــــــــــــــــامرى ،،،،

[sufrany]

الله يحييك يا الشامري

وكلنا نتعلم من الشعار أمثالك

أستلم لا هنت


من هجوس الشاعر اللي شرع البيباني=مرحبا بك يا المسلم يا ولد يا شيبه


البقاء بك يا هلا بك قالها سفراني=كل طيب يا السنافي ينذكر من طيبه

[الشامرى]

السفرانى ،،،
لاهنت على الرد
شاعر كبير الله يعينا على مجاراتك
والله انى صادق

استـــــــــــــــــــــلم


مرحبا بالشاعر اللى له مكان بانى=فارس الميدان بيته ثابتن تركيبه
كن وصفه عنتره أو نابغ الذبيانى=جامعن قولن وفعله وافين يحريبه

[عـزام]

يا سلالالالالالالالالالالالالالالالالالالالام يا شعار


صح الله لسااااااانك يالشامرى

وصح الله لساانك يالسفرانى

متاااااااااااااابع معكم
لا هنتو

[sufrany]

هلا بك يا الشامري ولك الشكر

وأستلم لا هنت


البقاء بالشاعر اللي تو علمه جاني=يوم رحب بالمسير بعد طول الغيبه


البحر فيه الخطر واللول والمرجاني=وأنت بيتك يا عميلي فيه شك وريبه

[الشامرى]

الولهان

حياك الله وسعيد بمرورك

السفرانى،،،

استلم الله يحييك


الصفه تضفى على اللى بالفعل له شانى= فى مجال الطيب والا فى محيط الخيبه
والبحر خضته واعرف الحيده من الدانى=ما استشك الا الردي الله يقطع صيبه

مهوب شرواكم

[sufrany]

الولهان حياك الله


يا سلام يا الشامري مبدع

أستلم لا هنت


لو حضرت المعركه في شرقي الصماني=شفت سيفي من خضاب الدم عز وهيبه

أدري إن الصدر غره شيخه السستاني=إن هرجت أكبر مصيبه وإن سكت أمصيبه

[عبدالله المعيضي]

كاتب الرسالة الأصلية sufrany
الولهان حياك الله


يا سلام يا الشامري مبدع

أستلم لا هنت


لو حضرت المعركه في شرقي الصماني=شفت سيفي من خضاب الدم عز وهيبه

أدري إن الصدر غره شيخه السستاني=إن هرجت أكبر مصيبه وإن سكت أمصيبه
***********************************************
سفراني مساك الله بالخير....اعجبني مرادكم انت والشامري
خلووووها .. اسمع ياسفراني :

ياسلام الله على اللي لاتحديته حداني * وان تحداني حديته جابني والا بجيبه
ياسفينتنا تهادي بالبحر والا تراني *بترك الرحلة واغني باللحون اللي غريبه

[sufrany]

هلا بك يا المعيضي

المحاوره مع الشاعر الشامري

ودك تلعب أفتح صفحه جديده وحاضر وهذا مردي عليك



مرحبا بك يا المسلم بس تو اللعب زاني=وإن وردنا يا المعيضي نشرب الماء من قليبه

والله إني في مكاني ما أتزحزح عن مكاني=وأنت روح وغن في دربك ودورلك ذهيبه

[الشامرى]

السفرانى كفو كفو

واستــــــــــــــــــــــلم :------------------


لو علمت بما جرى فى ساحة القيمانى=شاهرن سيفى ولا راحت علينا طليبه

حافظن حقى واحامى دون حق العانى=واحفظ السانى عن اللى لسانه يبابيبه

[sufrany]

ما عليك زود وألف نعم

أستلم لا هنت




عطني أخبار المسلسل طاش والسدحاني=زينب العسكر عساها جات له خطيبه
في حدود أرض الثريا هاجسي وداني=يوم شفت الضلع الأعلي قام يقنب ذيبه

[عيد بن شدقان]

يااااااسلااااااااام
الله الله
الشامرى
صح السانك
sufrany
صح السانك
انا بصف السفراني ولا اقصورن فيك

[مـحمـد]

ماشالله عليكم
صح لسانكم جميع
حامي اللعب :)

ALAJMI

[الشامرى]

الراكد & العجمى

سعيد بمروركم ومتابعتكم

واستـــــــــــــــــــلم ياعميلى :------------------


دون بنت غلوم عودن واقفن بالعانى=عايدن حجبة هنوفن حبها يسريبه

الحلوم اللى تصاحب نومة السهرانى=اصبحت اضغاث حلمن راوده تجريبه

[sufrany]

الراكد هلابك وخلك بصفي علي الشامري والمعيضي


العجمي حياك الله

أستلم يا الشامري،،،



البضاعه بايره في معرض الدكاني=غير صر التمر صره في جيوب العيبه


كان راسك يا بن عمي فيه شي(ن)ثاني=حاتم الطائي لا يذخر قرش داخل جيبه

[الشامرى]

السفرانى ،،

استـــــــــلم :------------


ماتبور الا بضاعة تاجر الدخانى=غار لا يطغيك مالك واحكم التصويبه
ما نسل سيوفنا الا فى وجه عدوانى=محزمى مليان فى وقت الزعل نصخيبه

[sufrany]

أستلم لا هنت



أنت فرق بين وزن التين والرماني=لو غلا سعر الجواهر بالذهب نشريبه


إن زهمت الظاعني يفزع لك المصراني=وألا أنا بزهم عيال معيض للحريبه

[الشامرى]

السفرانى
الله يعطيك العافيه
رديت وأجدت
وجاريتك فأستفدت

أظنها قاوعت يا بن عمى ووصلت اقصاها

شاب القاف

ولاهنت لاهنت على كل حال

وتقبل تقدير ابن عمك
الشامرى ،،،،،،،،،،،،،،،،،،،،،،

[sufrany]

الشامري

لا هنت بيض الله وجهك

شاعر متمكن

الله يعطيك العافيه

[اطياف الماضي]

http://www.jaralqamr.com/smiles/smile_files/smile1_data/0144.gif الله الله لاهنتووووو وصح لسانكم جميعا

واسمحلي اخوي الشامري باستفيد من هالبيت في الترحيب في ضيوفنا ..

مرحبا فى منتدانا منتدى العجمانى منتدى خوه وشيمه والعرب تدريبه

تحيتي لكم جميعا لاتحرمونا من جديدكم

[فيصل بن حجرف]

لاهنتو لاهنتو جميعا
وبيض الله وجيهكم
صراحه كانت متعه متابعتكم ومتابعة ردودكم الرائعه
لكن نتمنى ان لاتقفو على هذا الحد
نبي على الاقل لو كل اسبوع محاوره :)