أنا بنصحك يا الولهان

[sufrany]

السلام عليكم ورحمة الله وبركاته

الولهان الدعوه سعوديه

سلام الله لخلق الله وهذا الوقت محسوب //// ولا وقت النبي هذا ولا وقت الصحابه



أنا بنصحك يا الولهان تقطع راس عرقوب //// وأنا ما عس ديره لين تذكر لي سحابه

[عـزام]

وعليكم السلام ورحمة الله وبركاته

استلم لا هنت...

هلا يا الصاحب اللي رمّز العنوان باسلوب \\\ وزاد المومن التقوى وحسناته شرابه


ترى خفض الجناح لصاحبك يا صاح مطلوب \\\ ولا به باس لا علمته حروف الكتابه

[sufrany]

هلا بك يا الولهان




بنيت السور يا الولهان والمقسوم مكتوب=وأنا لامن بنيت البيت ما صكيت بابه

وما بك عيب يا الطيب ولكن فيك عذروب=تسرحها تضويها علي روس الذيابه

[عـزام]

استلم لا هنت...

انا ادريبك سنافى طيب النيه وحبوب \\\ ولا بك غير شايه ما تعرف اللعب بالطابه

وانا بجعلك يا رجال والى الدار منصوب \\\ ولكن خلص الديان واعط الحق طلابه

[sufrany]

أستلم يا الولهان لا هنت



إبن غانم لونه ما نطح عنتر وشيبوب=تريح من ذنوبه وصدره به رحابه


ليا عينتني منصوب أبي أعينك مندوب=وهذا شيك مني وسجله بحسابه

[sufrany]

حصل خطأ في طباعة البيت المعذره يا الولهان




إبن غانم لونه ما نطح عنتر وشيبوب=تريح من ذنوبه وأنت صدرك به رحابه


ليا عينتي منصوب أبي أعينك مندوب=وهذا شيك مني روح سجله بحسابه

[العماني]

خلوووووووووووووهااااااااا

<<<داش عرض

صح لسانكم جميع والله لايهينكم على القصايد الطيبة

تقبلوا تحياتي،،

[عـزام]

العمانى لا هنت على المرور الكريم

سفرانى صح لسااانك ولا هنت يالقرم

وترى اليومين اللى زلت عند الابل وتونى جاى منها