ما فيه غير الطيب الولهان وألسانه فصيح

[sufrany]

الولهان الله لا هينك نبي معك طاروق لو سمحت

سلام تسليمة وفاء والقلب من ليلا جريح //// وأقنب قنيب الذيب في روؤس الجبال العاليه


ما فيه غير الطيب الولهان وألسانه فصيح //// واللي يفك الأوله لازم يفك التاليه

[عـزام]

يا سلالالالالام يا سلالالالالام الله يمتحنك:)

يا مرحبا ومسهلا أبشر طال عمرك باللى تبى

استلم لا هنت...

يا مرحبا ترحيب فيه المسك والكادى يفيح =====بالصاحب اللى جر صوته عند ناس(ن) ساليه

ولهان حاضر يسمع اللى يزعق الصوت ويصيح====وليا حضر للسوق يجلب كل سلعه غاليه

[فيصل بن حجرف]

ههههه
حوله الله يمتحنك
بيض الله وجيهكم جميع وصح لسانك يالسفراني وصح لسانك يالولهان
بس عاد نبيكم تكملون:)

[sufrany]

هلا بك يا الولهان آستلم لا هنت



دام البقاء بك وأنت غيرك وش بلا كفه شحيح ///// الضيف سير والبيوت أمن النشاما خاليه


أصهل صهيل أحصان والخافي علي مثلك يبيح ///// والله ما غيرك دري محي العظام الباليه

[عـزام]

استلم لا هنت....

أنت بدارك قبل تاتى ضيف ذا علمٍ(ن) صريح === قبلك نصينا الدار لكن ما لقينا واليه

تدرى وانا ادرى ما على الدنيا ضمير(ن) مستريح === ايام مره حنضله وايام تضحك حاليه

[sufrany]

أستلم لا هنت


الدار بيبانه تصافق كلها مع كل ريح //// جتك الرساله من عصر فيها رقم جواليه


والوقت هذا حال يا رجال عن ديد المنيح //// عندي خبر والعلم عندك يا زبون الجاليه

[sufrany]

العجمان

لا هنت علي المرور لك الشكر

[عـزام]

استلم لا هنت..

ادرى ولكن كان تبغى الحق والهرج الصحيح === الدار يا رجال تحشم غصب عن عذاليه

الوقت هو الوقت والثلجه لزوم انها تسيح === لو طالت المده عليها فى السموم الصاليه

[sufrany]

أستلم لا هنت


ودك تمدحها ولكن كيف يزهاها المديح //// ألا أسمها مع وسمها والسيف والفنجاليه


أسمك يطابقني أنا ما باقي ألا أقوم أطيح //// يا ويش أسوي لا تركني صاحبي بلحاليه

[عـزام]

استلم لا هنت...


من عقب ذا يا راكب اللى تو ورده الجميح === سلم على اللى وافق بمعناه معنى اقواليه

اللى تبى يا صاحبى نقدم ولا عنّه نزيح ==== ما نذخر الفزعه مع الصاحب ولو بامواليه

[sufrany]

لا هنت يا الولهان هات بيتك ولا قصرت يا الطيب


بيض الله وجهك يا السنافي


كم قلت لك مجنون ليلي و السبب عين الطريح //// تذيرت مما حصل تذير الغزاليه



تراك ذخر(ن) بالقسي والكون في عيني فسيح //// لكن حالوا دونها العقال والجهاليه

[عـزام]

صح الله بدنك ولساانك يالذيب

وبيض الله وجهك

قبلك ترى ابو زيد من عليا غدا صوته بحيح === مالك يا كون الصبر والله يفتح الاقفاليه

قمت اشرب الشاهى مع الدخان واكثح به كثيح === حسبى على اللى حدنى للقيض واشهب لاليه:)

[sufrany]

الولهان لا هنت علي الأبيات الطيبه

وأسهيل طلع له أيام والقيض راح يا الولهان


زانت أعلومك

ونشوفك علي خير

[عيد بن شدقان]

sufrany
صح السانك
الولهان
قمت اشرب الشاهى مع الدخان واكثح به كثيح === حسبى على اللى حدنى للقيض واشهب لاليه:D:D
صح السانك
وبيض الله وجيهكم امتعتونا الله يجزاكم خير