....قــلــوب×××مــهــاجـــره.....

[قلب_مهجور]

مساء الورد

أو

اجمل صباحه

لكل مرور أو حضور

في رحلة قلبي المهجور دونت لك وفا جراحاتي

كل شعور مرني لأجلك ورحل لك

هنا بهالركن

بعض عمري وشي من عذابي

يكفيني عيونك لامرت تقرا حروف كتابي

[قلب_مهجور]

كتَبت الحرف لأجل أنسى هموم البارحة واليوم ..
لقيت الهم في حرفي تربع يوم خطيته

يقولون الملا ظالم وأنا بلسانهم مظلوم ..
وأنا المشتاق والموعد على بالي تناسيته

حبيب الأمس إذكرني أنا بفكرك بقايا حلوم ..
نسيت أذكر ليالينا وطير الشوق هديته

أحبك يا شقا باكر أحبك يا فرح هاليوم ..
كتبت الحرف لأجل أنسى ولا أدري كيف خطيته

[قلب_مهجور]

أعرفك نفسي .. يا نفسي
يا يومي .. يا أمسي
أنا الجروح .. أنا الألم ..
أحكي عن الشوق ؟
ولا عن الحرمان .؟
عندي الزمن واقف .. لا دارت الأزمان ..
يا سيّدي مهموم .. وأناطر شمسي ..


لا ليل راضي يمر ..
والنور جافيني
واللي أمر من المر..
اللي جرى فيني
محسوب أنا عاشق.. ومفروض لي معشوق
أضحك مع هالناس .. وفـ داخلي محروق ..

عيبي معك صادق .. وبكل حسن نيّه
وبهـ الزمن يا صاح .. الطيبه منســيّه
يا سيّدي مهموم .. وأناطر شمسي ..

[قلب_مهجور]

صبور ؟ أي و الله اني ما ثنيت العزم قبل أدوج
بريضان الجفا و أظما لوصلك لين تسقيني

شجاع ؟ اي و الله اني ما عرفت الذل قبل أسوج
قدم رجلي على درب لبيت أهلك يوديني

كريم ؟ اي والله اني ما عرفت الشح قبل تروج
دموعي في عيوني ثم أشح بحسرتي فيني

أحبك ؟ حسبي الله ليت مالك في سماي بروج
و لا لك فالبسيطه كود شي بينك وبيني

دخيلك لا تلفت رح بفالك و أترك المرجوج
تغانم ما بقى لك و لا أنا ما عاد يمديني

فمان الله سق ركبك على درب السنين العوج
و لكن طالبك لا أقفيت عني لا تخليني

[قلب_مهجور]

http://alajman.net/up/uploads/5d521a775a.jpg (http://alajman.net/up/)



بين الخــوفـ في / جــوفي
وبين الجــوفـ في / خــوفي
صـآر الكـل متوحد بطعمـ المـلح
صـآر الصبـح ,, مـاهـو صـبح
صـآر الجــرح ينبت جــرح ..صدقنـي وقفتـ شـوي
ونشّفـت البــحر بيدي
وشفـت المـلح بشفاتـي
بعــد ماذقتـ طعــم الملـح صـرت أخــآف من / ذاتـــي
صـرت أسرد حكــآياتــي لــ عبــرآتــي
وأنـآدي من ورا صــوتــي خــيـآلاتــي

[قلب_مهجور]

تعبت أكتب على اوراقك غرام وحضرتك تمحيه
تعبت اصبر وانا أتأمل تحس في يوم وش فيني



تعبت اضحك وجرح القلب تعبني ولا قدرت اخفيه
واداري شلون ياقلبي وحزني واضح في عيني



تعبت اسقي ورود الغير ووردي ماعرفت اسقيه
اطاوع قلبي المجنون واجني الهم بايديني


تعبت اشكي تعبت ابكي وجرح القلب كيف اطويه
وارجع وابتدي من اول وألملم باقي سنييني


تعبت اتامل اوصالك ودربك من كثر ما امشيه
تعبت من خطوتي ورجلي ترا ماعاد تقويني


تعبت وضاعت سنيني وعمري بأوله وتاليه
تعبت اذكرك كل لحظة واحاتي وانته ناسييني

[قلب_مهجور]

.. ضآعتّ

معَآني قصتّي | وأحتَرتّ | وشلُونّ أسترِيّح ..؟
كُليّ إجَآبآتّ وعَذآبّ وبَعّض صَمتيّ أسّئلَه ..

عينّي بهَآ [ العَبّره ] وأنآ دآخلّي قلّبٍ جريّح ..
وإحسَآس يحيّى بدآخلّي وأرجَع بـِ.. قسّوه أقتُله ..

/ محّتآر / أبكّي وأبتسمّ وأضحَك وأعآندهُم وأصيّح ..
صآرَتّ حَيّآتي كُلهَآ ( مَهّزلَه فيّ مَهّزلَه ) ..!! ..

[قلب_مهجور]

أنادي للسما ..

وأتشكّل لـ صوتك .. " سحاب "

شفني

إلين اللحين ..

أفتح للقا .. مليون " باب "

( وما أجيك ) ..!

[قلب_مهجور]

آلودآع
يعني قلوب [ حبّت ]
وسَهرت .. وأظن [ ضحّت ]

وفجأه حسّت

بآلضيآآآع !

[قلب_مهجور]

يثور في قلبي ..مـن الهـم.. بركـان..
ويصيح بي.. شوق ٍ كما.. الريح عاتي ..

من وحدتي ..اصرخ وما حولي.. انسان..
واسمع.. صدى صوتٍ.. ينادي شتاتي !..

[قلب_مهجور]

http://alajman.net/up/uploads/20ebc96500.jpg (http://alajman.net/up/)



مبطي وانا آصب القلق بالفناجيل
وآشفها فنجال فنجال فنجال



في ركن من صدري مزوح وتعاليل
وفي ركنه الاخر متاهه وغربال

[قلب_مهجور]

http://alajman.net/up/uploads/38758d067a.jpg (http://alajman.net/up/)

آدّريْ بكَ إنكْ تَجيْ تتَصفحْ آوُرآقيْ.............
..............مَشغوُلْ بآلكْ وشَ إلّي بكَتبه بَعدكْ .."


مآ دآمكْ أصلاً رَضيتْ بِـ لحظّة فرآقيْ .............
............ مآ رآحْ تفَرقْ / تفَضلْ كلّهآ عنَدّكْ .."

[قلب_مهجور]

http://alajman.net/up/uploads/dfee692c88.jpg (http://alajman.net/up/)





اجتمع بالقلب [ حبك]مع همومي و الدراسـه



و انقسم عندي طموحي بين[شوفك] و" التخرج". . !

[قلب_مهجور]

http://alajman.net/up/uploads/93abb186b8.jpg (http://alajman.net/up/)


وإنت جنبي كل شي بصفي
..... من تغيب صفوفي تخليني..!!

لاتلوح لي تقول:"مقفي"!!
..... تغترب والوحده تباريني

معك "نصفيني" وأنا احسب "نصفي"
..... في يدي ,,ياسارقن "نصفيني" !!

بفرض إنك بالحشا متخفي !!
..... في مكانٍ (ما)..بين ايديني...!

ليــــــن ترجع لي وأعلم كفي
..... كيف (أعانق) شي ساكن فيني!!

[قلب_مهجور]

http://alajman.net/up/uploads/7565c786fe.jpg (http://alajman.net/up/)

مآعليك آن طحْت يآحظّيْ ملآمْ ..!
............... وإن بغيت آلُوم قلْ ليْ من آلوم ..؟

ضآقت آلدّنيآ ولآعندي كلآم ..!
........... يآهي صعْبه ضيقة آلشخصْ آلكتُوم

[قلب_مهجور]

رتبيها.!
رتبيها.!
رتبيها.!
رتبيها.!

أذكر أني كنت
فيها
من ملامح ماضية.!
قبل
يكسرها عنادك
يوم
صحتي ما أبيها..
يوم
صحتي ما أبيها..

[قلب_مهجور]

http://alajman.net/up/uploads/86350bf9b9.gif (http://alajman.net/up/)




إذا شفــْـت المـــــّــطر
أفتحْ يديكْ وأجّمـع اللِي تقــَدر عليْه !
شفتْ الليِ جمّعته..!!
هّـذآ شْوقك ليِ ـ!

تبْي تعّرف شّكثَر شُوقِي لْك



بـاقِي
المـّـطر
اللـي ِ
مـاقدْرت يدِيك تجّمعَه!

[قلب_مهجور]

أبي أيّ شي ينتصف لي ؛ أبي لي حلّ
................. انا من زمن بين النقيضين مدلّي


انا غير ؛ مدري هو انا غير ؛ أو الكلّ
.............. هم الغير ؛ وانا اللي عن الغير متجلّي


فشلت أعرب المعرب ؛ تبي أعرب المعتلّ !
.................. أنا أصلا المعلول في كثري وقلّي


دخيلك قريني لاتشدّد علي واضلّ
................... تخيّل ليا ضليت من يعتني بفلّي ؟!


تخيّل قريني من زمن راحتيني فلّ
.................. أقدّم لهم فلّي وهم يزرعوا غلّي


أنا صبح في تاريخهم ضاحك منفلّ
.......... ليا اجدب ثراهم ثُرت به من ندى طلّي


كلامي الآخير ووصله لاغرر لا زلّ

.............. مع انهم نسوني باقي بذكرهم كلّي

[قلب_مهجور]

تسافر لاخر الدنيا وتطلب مني ما اشتاق !
تدور راحتي وانت تبي تروح وتخليني ؟!

شسوي بـ صورتك عندي شسوي بكل هالاوراق
اذا يغنيك عني شي فلا شي عنك يغنيني

شسوي لا وله قلبي على قلبك وصدري ضاق ؟
شسوي ان صارت الدنيا صغيره بعدك بعيني

من اشرح له من احكي له من اشكي له الم الفراق
ومن غيرك بهالعالم يعرف شلون يهديني

تخيل غيبتك عني تخيل حرقة الاشواق
وتعرف ليه اترجاك ايدينك تبقى بيديني

حبيبي لا تخليني عذاب الوحده ما ينطاق
ذبحني الخوف من الفرقا وياليتك تحس فيني

[قلب_مهجور]

تعودت اموت بصدق وارحل بلا تعليق
كفاني احس بلذة الموت في اوراقي

ولا احط نفسي وثن يشرب التصفيق
على شان يدخل برزخ النور لأعماقي

مهو لازم اقطع دابر الشك بالتصديق
ولاهو ضروري تعكس اشعاري / اخلاقي!

[قلب_مهجور]

http://alajman.net/up/uploads/6f7ade2cb3.jpg (http://alajman.net/up/)


هات من خبز الفراغ ..الجوع كافر
...............موتنا ياسيدي موت الولاده !
نزرع الدنيا قصيده والف شاعر
.............وغيرنا يتعلق –الدنيا / قلاده!

[قلب_مهجور]

http://alajman.net/up/uploads/a117a2c678.jpg (http://alajman.net/up/)



رح القمر و أفرش على سطحه بساط
و خل الحثال ان كان به خير يرقا


و أختار من تعشق و تغليه بفراط
اللي علا شانه ثرا الارض يسقا

راعي الجروح اللي بتموز و أشباط
اللي لكل الزين مجمع و ملقا

[قلب_مهجور]

داعب هموم الليـل لاهب نسناس
...... وعطها الخبر من قلب خلن لخله

قل لحبيبك ماوطى قلبه الياس
.....حتى عذابك بالهوى جايزٍ له

[قلب_مهجور]

http://alajman.net/up/uploads/b4292c6be1.jpg (http://alajman.net/up/)



احيان احس إنّي من الحزن مخنوق . !
واحيان احس الحزن فيني يغنّي


ياااااما أصبّرني واتمتم (تبي تروق) !
حتى : إنتهيت ومابقا شي منّي . !

[قلب_مهجور]

جيتلك والقلب يصرخ .. لـ ( آخرك ) ياهيييييه لِين !!
طالبك تضوي شموعن ...... ذابت / ( إبحروة لقاك )

من سنه ( والغيم ) يسقي ( وحدتي ) بالحزن / دين !
شوفني ( لازلت صحرا ) ( كيف ترضى لي اذاك ) ؟؟؟

[قلب_مهجور]

گنت أحس
لآ
ايش أحس !
گنت متأكد بـ أنّگ
مثل :
هآلدنيآ و .. " نآسگ " ..!
من تجيگ الفرصة مرّة ...
تشرب
أحبآبگ
بـ گآسگ !

[قلب_مهجور]

http://alajman.net/up/uploads/0fa4f5f701.jpg (http://alajman.net/up/)


رح بلّغ الناس .. كل الناس هـ الكلمه
قل : "قالها اللي يدوّر فرح فـ أيامه"

النور.. كذبه كذبناها على الظلمه
و الحلم.. عيّت تشيله فزعة أقدامه

انسان دوّر ورا الغيمات عن حلمه
والحين حلمه يشوفه.. "مات" قدامه

[قلب_مهجور]

http://alajman.net/up/uploads/671095a430.jpg (http://alajman.net/up/)

يا قلبي الطِيبْ ما ينْفَعْ عشاني ركِّزْ وإفهم
أنا ملِّيتْ أعلِّم فِيكْ .. . وإنتَ تزيدْ آهاتي

أمانه كان لِي خاطر مِنْ اللِّي صار تتعلم
ويا قلبي إترك الطيبه , بعد قصة مُعاناتي

[قلب_مهجور]

ما أبيك من بعد الجفا ترجع لي بـقلبٍ بليد
حسسني بشوقك ، ودمعك من عيونك اسكبه

ضيّعني بشهقة بكاك ، وجيب فيني ألف عيد
بحكيك اللي حافظه ../ .. و لا عرفت ترتّـبه !

هي كلها هالساعتين وعقبها ببقى .. وحيد
لا تشح بشعورك علي و لا (اِ) تمادى و انتبه

[قلب_مهجور]

--------------------------------------------------------------------------------

الصمت أحسن حل لاضاق صـدري
...................... بعض السوالف زادت الضيق بالضيق .!
ღ ღ
و إذا نشدني من نشد .. قلـت مـدري
..................... أجحد بـ مدري نشفة الحال والريـق .!

[قلب_مهجور]

http://alajman.net/up/uploads/6472bc6064.jpg (http://alajman.net/up/)


تعال اسكـن مساحـات الخفـوق .. وودع الترحـال
،،،،،،،،،،،،،،،،،،،،،،،، تعال اشعل كـلام الحـب .. واخمـد ثـورة سكاتـي

تعال وقبل ( كيف الحال).. ناظر .. هو بقى بي حال
،،،،،،،،،،،،،،،،،،،،،،، تعال وقبـل ( سمعنـي جديـدك ) .. أسمـع آهاتـي

[قلب_مهجور]

إن جيت .. ولا أحدٍ دنا منّي
...............ماشيلها في خاطري .. والله

لكن لا غبت وما إنسأل عنّي
...............تصعب علي نفسي يا عبدالله !
__________________

[قلب_مهجور]

يامن سكنت اجمل زوايا كياني
ياما على نفسي علشانك تحاملت

ماني على خبرك حبيبي تراني
حتى عن صغار الاماني تنازلت

[قلب_مهجور]

http://alajman.net/up/uploads/60d15b81cb.jpg (http://alajman.net/up/)


لو خسرتك ما خسرت العمـر والدنيـا متـاع
........وادري اني لو خسرتك ما خسـرت الا قليـل

بس فكّر زين تعرف من خسر فينـا وضـاع
........وتعرف انّك لو تلـفّ الأرض وتـدوّر بديـل

والله ان تبطي ولـو لفّيـت فـي كـل البقـاع
........ولو تسوّي وش تسوّي ما انت لاقي لي مثيـل

[قلب_مهجور]

الدمع ماهو عيب رح علم اللي

،،،،،،،،،،،،،،،،،، يقول لك ما قد بكى في حياتــــــه

الدمع ما يقطع صلاة المصلي

،،،،،،،،،،،،،،،،، والضحك مثل إبليس يقطع صلاته

[قلب_مهجور]

ياحروفنا الملح.. في شفاهنا الحنضل
كان السكوت أفضل .. ولا الكلام ؟
قلت اللي في قلبي ..
وخرج الحكي..من الحكي وما عاد..
اخيامنا طويت ..كافي ندق اوتاد
الكلمه .. ماهي انتصار
ولا انكسار ..
كانت حقيقه ..
يوم انقطع حبل الحوار
يا حروفنا الحنضل.. في شفاهنا الملح
زعلوا حبايبنا..كان السكوت أفضل .

[قلب_مهجور]

ما احبه مثل اول ، بس ! عمري ماكرهته
........................ طبعي لا عاشرت شخص اذكره بالخير واروح
يكفي انه كان ذكرى ، كل ما اسهى لمحته
....................... حتى لو رجعْ لي قلبي ، شاحب وممليّ جروح

[قلب_مهجور]

بديت تاخذني لدنياك بسكات
بديت احس انك معي وين ما روح

كيف اختصرت الدرب في بضع كلمات
لا سحرك استاذن ولا قلت مسموح

الله عليك..الله لا جيت بسكات
والله عليك الله.. لاجيت بتروح ..

[قلب_مهجور]

قالت بصيف بين لندن ومدريد
وانت حبيبي وين ناوي تصيف

قلت اتركيني للحزن والتناهيد
الله يخلي غرفتـي والمكيـف

[قلب_مهجور]

http://alajman.net/up/uploads/11f9ad97fb.jpg (http://alajman.net/up/)



امشي وهمي جبل يمشي معي وين أروح
ازريت اشيل الجبل وازريت لا أفارقه

كل الخطاوي تعب كل الليالي جروح
ارضي هجير وسمايه شمسها حارقة

خايف يطول السكوت المر وأخاف أبوح
ما ودي أشكي وروحي بالحزن غارقة

ما غير روح التحدي في عروقي تلوح
قوة صمودي على جور الزمن خارقة

رغم امتداد التعب عيّا يموت الطموح
نور الأمل ما يزال بناظري بارقه

هذا وأنا عزتي دايم قبالي تلوح
لين أصبحت في حياتي ميزةٍ فارقة

أرفض شعور الندم وأرفض طمان السفوح
لو شفت فيه الحياة غصونها وارقة !!

ما دام فيني نفس يذري وفيني جموح
باب وراه اعتزازي؛ طارقه . . طارقه

عزيمتي . . ما يحطمها الزمان الشحوح
والشمس بكره رغم أنف الدجى شارقة

[قلب_مهجور]

خابر اكفوفك تحاشى لحضة وداعي
ولون الحزن ماخذٍ منّه التعابيري

الوقت لو مايطيعك غصب ينطاعي
وغلاك ثابت ولك وديّ وتقديري

تدري وش اللي يقلب فيني أوجاعي
لا من طرالي افراقك وإنك لغيري

[قلب_مهجور]

http://alajman.net/up/uploads/1f0d38a314.jpg (http://alajman.net/up/)




دام السواحل خطاوي رحلة الغرقــا
لاأبغى السواحل ولا ابغى للبحر سيره

لاوالله ابغى مـــلاذ عنك يالطــرقا
لو كان حضـنك ربيع وديـرتك ديره

[قلب_مهجور]

البآرحة كنت اكسر الروح و انهيه
كآن الورق أرض و عيوني سحآبه

زرعت مآ احبه ولآ عاد لي فيه
و جنيت احبه لو يطول غيآبه

[قلب_مهجور]

رغم طول ( انتظاااارهـ) .. واحتضااارهـ.. ما سألهاااا .. ( ليه )
تسلّيه ( الليااااالي ) .. مرّهـ../.. ومرّهـ.. يسلّيهااااااااا .. !!

قبل ترحل .. سألهاااا ../.. ( ايه ) .. قالت .. ( أيه أحبّك .. ايه )
تنهّد ../.. رااحت .. وراااحت ورااهاااا .. نصف ( أمااانيهااااا ) !!

تجي .. مثل ( السوااالف ) .. لا حكاااهاااا .. غالي .. لـ( غاليه )
وتبقى .. في ( صدر ) .. كل السوالف ../.. صدر ( غاااليهاااااا ) !!

[قلب_مهجور]

حط إكتئاب البارح بصدري أنا حمل إكتئاب
لاصار من صدرك يروح الضيق أنا ما أستخسره

بس أنت لاتزعل على خلك ولا تطري الغياب
من " طاري الفرقا " .. تهل العين والليل أسهره

[قلب_مهجور]

اللي جبرني على الفرقا .. كلامك لي
...............يوم انك تقول .. ابقفي .. واسلم وسلّم

حسّيت بالضعف في حالي .. وفي شكلي
.................حتى شموخي من اللي صار .. متألّم

لذّة منامي .. ولذّة شربي .. وأكلي
................راحت .. وانا عادني فبداية .. السلّم

خلاص لا تعتذر لي وانت..ما لك..لي
..................علاقةٍ انتهت .. وبضربة معلّم!!

[قلب_مهجور]

http://alajman.net/up/uploads/885625cecc.bmp (http://alajman.net/up/)



على شاطي الحلم انتهت رحلة المـلاح
.........وداعاً وداعاّ حلمـي وماضـي سنينـي

هنا يمكن اودّع جروح الهوى ياصـاح
..........واغيّـر مساراتـي واغيّـر عناوينـي

إذا كان هذا البنك يخسر بـدون اربـاح
.........ولوكـان ديكـوره ورود ورياحيـنـي

وإذا كان هذا الدرب عصف ومطر ورياح
..............رجـاءً رجـاءً فلانه لاتحبيـنـي

أنا عاد ناقصني سهاد وسهـر وجـراح
.......تكفينـي جروحـي جروحـي تكفينـي

[قلب_مهجور]

مادرى الشاطي عن الخـوف بعيـون الغريـق.....
ولا لعب في حسبـة النـاس غيـر اشواقهـا

فان دعاك الشـوق للـورد وانفـاس الرحيـق...
اذكـر اجمـل سيـدات التـرف واعناقـهـا

المهاه .. الفارع .. أسطورة الحـس الرقيـق....
مـا ذبحـك الا غلاهـا و طـول فراقـهـا !!

[قلب_مهجور]

ما دمت ما تعرف غلاك إلاّ بغيابك
وما تبي حتى تطمّني عليك
ليه جيت !
وليه علّمت السوالف تحتريك !؟
وأنت تدري وش لك بقلبي مكانه
وإنّي رغم البعد سااااكت
وما نطقت بأي كلمه
بس قلّي بكل أمانه
ليه غبت
وشاللي جابك !
جاي تحييني بحضورك كم يوم
وباقي أيامي تموّتني بغيابك !

[قلب_مهجور]

مرّت ( الريـــــح ) .. شبّـاااك ٍ قدييييم .. وصحـىـى
من سواالف ( عيون ) .. البااارحه .. لـ الـ غ صــون !!

ايييه .. يا عذبـة الأنفااااس .. دااار الرحااااااا
وانطحن ( خااااطر ٍ مشتااااق // سبعة طعووون ) !!

وييين أرووح .. ويديني لـ ( اليديــن ) .. اشفحاااا
والكلاااام اللي يذبح ـــني .. ( بكرى تهووون ) !!

[قلب_مهجور]

ياشرفة الغيّآب ... كم غايبٍ جآي ؟
............وكم غايبٍ ..بيظلّ ... [ ذكرى حزينه ] ..؟



وكم من صبآح يمرّني ... | يطْفِي اشياي..؟
...........وكم شيّ مرّ الصبح ... , واطفى حنينه ..

[قلب_مهجور]

تدرين صدر العاشق المشتاق شلّي يثلجـه ؟!!


لاضم صدرك وأنتي مشتاقه .. ولكن : هايبه !!

[قلب_مهجور]

طفلتي جف بعد الوصل .. ينبوعي
يزيد همّي (كفاني هم) .. لا تزيدي

هنا تعالي ونامي بآآخر .. ضلوعي
بشويش..مابي تصحى بي..تناهيدي!!

[قلب_مهجور]

http://alajman.net/up/uploads/949077bdb7.gif (http://alajman.net/up/)



دخيلـك لا تـذر الملـح بعتابـك
على جرحي وانا ما جيت لك بعتاب


أنا أول من وفا من جملـة أحبابـك
وأنا آخر من عرف إن الحضور غياب


تعبت تنادي أحلامك علـى بابـك
خذلك الصوت والأحلام والبوّاب


خذاك اللي خذاك ورحت لغيابـك
تجر الذنب والذكرى جروح أحباب


قبل ما ترمي بحبك فدى إعجابك..!
نسيت الفرق بين الحب والإعجاب

[قلب_مهجور]

و أنتَظرِك ..
و أنتَظرِك ..
و يصيح الشوق في قلبي .!
أمانة قلّي وش عذرك ؟
إذا طالت مسافة:
أُمنياتك ..
أُغنياتك ..
صمتك و حبرك .!
أمانه بس وش عذرك ؟
أو
وش اللي بس ينتظرك
شموعك ليه ؟!
دموعك ليه !؟
وغرام احلى مواعيدك تعلّق في شراع التيه !
ودقايق هم تنتظرك
أمانه بس وش عذرك ؟

[قلب_مهجور]

سنه وآآنا أنفض ( اغبارك ) .. عن اللي فـ( الحشا ) .. مهجور
اذا مريت ( واااعي ) .. ( دربك ) .. ومرّيت .. ( لا وااعي ) !!

سنه .. وآآناا أجمّع لي .. ( شتاااات ) الشااااعر المشهور
واجمّع لك .. ( رساااله ) .. تشرح الخاااافي .. من اوضااااعي !!

بقى ( منّي ) .. يدين .. ودمعتين .. وخاااطر ٍ مكسور
تزف ( الذكريااات ) البيض .. منْك .. وتطعم ( اجياااعي ) !!

وبقى ( بيتين شعر ) .. وحلم مكسور .. وألم ( عصفور )
وشباك ٍ هزيل .. تلااااطف ( النازف ) من .. أوجاااعي!

وصوت ٍ .. لا نثرته فـ( القلوووب ) .. يحرّك ( المستور )
ومنّك .. ما بقى .. يا كوود ( دمعك ) .. لحظة ودااااعي !!

[قلب_مهجور]

http://alajman.net/up/uploads/1c7c796af7.jpg (http://alajman.net/up/)




رفيف الماء .. وفجر العيد .. وأحزان المواني
يا أكثر أهل الأرض طيبة قلب .. وأسرار دفينه

المكان اللي هنا .. مليان ضحكات ، وأغاني !
والكلام اللي بغيت أقول .. يحتاج لـ سكينه !

[قلب_مهجور]

http://alajman.net/up/uploads/e520272abb.jpg (http://alajman.net/up/)



تدري وش اسهل شي عند اليتامى == دمعة حزن تطيح منهم عليهم
والصعب رغم الحزن فيهم تنامى == ضحكة فرح ما كل يوم تجيهم

[قلب_مهجور]

ما بقا في الناس للناس
ابتسامة أو شعور
كلنا لاهي و كل ٍ شايف ٍ همه كبير

كل واحد يحسب انه فاهم بكل الأمور
وكلنا يبني طموح .. وكلنا ودّه يصير

وفي النهاية وش خذينا في الغياب
وفي الحضور
غير قسوتنا علينا .. و انعدامك يالضمير !

[قلب_مهجور]

حبيبي ,لك صدقت بكل كلمة ,والزمن كذاب
عطاني لِين صدقت بوفاه,وركّز رماحه!

بسيطة يا عيونٍ تسرق الفرحة من الأحباب
بسيطة يا زمانٍ خان عهده!, وأشهر سلاحه

مصير الجرح في ركض الليالي , يصدق الأطباب
مصير القلب في ليل العذاب ,يشبْ مصباحه

دخيلك !, بس لا تعاتب!, كفى دمع العيون عتاب
تِعبنا من بعضنا ,يا عسى بفراقنا راحة

[قلب_مهجور]

ليت الحكاية : ارتواء
.......أو ليتـها : شهـوة ولد
الموت اني يا...صفاء
.......أشـوفها اعظـم ....بلد
فيها مْن العهر:الشتاء
.......وفيها من الطهر:الجسد
طفله يحاصرها الغناء
.......لا..بـلل شفـاها: شهَد
أحبها وصمتي: حدااء
.......أحبها... وصوتي: مدد
أحيان أسمّيها : سماء
.......وأحيان.. أغنّيها: عّمّد
هي عاصمة كل النساء
.......اثنينها.......ماهو أحد!

[قلب_مهجور]

لايضيق الصدْر .... من ڪثر الجراح
............ ولايموت الورْد ..... من خنق اليدين ...!

الصبآح .. اليوم ماڪنّه ... صبآح
.............. ڪيف اروح الجامعه ... وانته حزين ؟!

[قلب_مهجور]

وأنا طفل قبل السهر والتناهيد ،
وقبل الحزن .. يصبح لـ قلبي طبيعة !

قبل أحبس الدمعة ليا طروا العيد ،
وقبل أسكب الدمعة بليا ذريعة !

"كنت" أستطيع أفرح بليّا مواعيد ،
و"اليوم" في موعد فرح .. ما استطيعه !

[قلب_مهجور]

فرصه وراحت... لكن نقول .. (خيره) !
ياما خسرنا والبقى بـراس الأيـام .؟

ما فيه كسرٍ إلا خِـلـق لـه جبيـره !!
مير البلى وش يجبر اكسور الأحـلام .؟*

[قلب_مهجور]

انا أوّل من كبر في عين قلبك وإبتدا بالميل
..............| وانا أكبر من طعنته بالغياب وقال لك عادي
تعال وشوفني شارع بدونك ممتلي بـ الويل !
..............| رصيفي مظلم وشمعة وصالك عافت أعيادي
تضيق بجسمي كتوف اللقا وأستنزف التفصيل
..............| وآشيب وتصبح جروح الليالي حسبة أولادي
انا جيتك ودمعي حيرتي وسنيني المنديل !
..............| بعد ماضعت فيني بسألك : ياكيف إيجادي ؟

[قلب_مهجور]

يا سلمى وين ألدّ الشوف عنّك ،..وين يـا سلمـى!
لي سنين أتحاشى وآتنائى ... وأوصـد الأبـواب

لي أسنين أقنع أرواح البشـر بـإن الحـزن أسمـى
وأصدق كذبتي وأعيشها ... وأبلل الأهداب

وأحس إنّي مثل ما قالوا أعمـى قـاد لـه أعمـى !
ولكن المصيبه كثروا العمي .. وطغى الإعجاب

ولا أدري كيف يرجون الضيّا مـن حـادي الظلمـا
ولا أدري كيف يرجون الوصل مـن سيّـد الغيّـاب

[قلب_مهجور]

الالم والهم والخوف الدفين
............ والشقى والضيم وآهات العنا

والأسى والظلم والدمع الحزين
................ كلها اسماء والمعنى (أنا)

[قلب_مهجور]

http://alajman.net/up/uploads/5f85772ffb.png (http://alajman.net/up/)



ما أبيـك فـ \ الظـلام .. ولا أبيـكـ بـ \ الحـرام ..!
ما أبيـك غيـر بــ \ العــز الشريـف المقتـدي ..


ما أبيـك بــ \ التـلاعب .. ولا أبيـك بـ / الكـلام ..!
ما أبي إلاّ ( أخــوك ) يصيـر ( عــم ٍ ) لولـدي ..

[قلب_مهجور]

http://alajman.net/up/uploads/58d78b483b.jpg (http://alajman.net/up/)



هم قالو مفاتيح الفرج للحي في صبره == وانا اشوف الصبر مفتاح ضاع وزاد طابوره

تعبت الملم ايامي بيدين الهم والحسره == تعبت المع البرواز وامسح غبرة الصوره

تعبت ابوس كف الجوع وخشم الفقر طال عمره == تعبت اكذب ع الحاجه واقول الحال ميسوره

منهو فيكم وطاه الجوع وذله وصفقه فقره == منهو فيكم عرف قهر الزمان وظلمه وجوره

| منهو فيكم من الضيقه حفر بأصبعه قبره | == منهو فيكم عرف يحتاج للقمه ونشف زوره

منهو فيكم ما طاح الفين مره وسلمت الجره == وانا من قبل اطيح وجرتي بيديني مكسوره

[قلب_مهجور]

إن سألونك يوما عني ..... وسيفعلون
فقل لهم غادرتني .....
فقد كنت ضعيفا
أضعف من الاحتفاظ بامرأة احبتني بجنون
واحتملت بجنون ...... وسامحت بجنون


قل لهم غادرتني ....
فقد كنت شرقيا
والرجل الشرقي يزهد بامرأة تجاهر بحلمها
ونبضها وحرفها ودمعهاا!!

قل لهم غادرتني .....
تلك التي حين اكون مع سواها تموت الف الف مرة .....
ولا يعلم بأمر موتها سواها

قل لهم غادرتني .....
تلك التي ان نام الكون ... استيقظت
فصلت .. فسجدت .. فرددت ... اللهم احفظه لي

قل لهم غادرتني ....
تلك التي صلت صلاة الحاجه الف مره...
وفي كل مره .. اكون انا الحاجه

قل لهم غادرتني .....
تلك التي ان بكت السماء
رفعت يديها إلى السماءوذكرت اسمي بدعاء لا اعرفه ...
وان سألتها .. قالت الدعاء في المطر مجاب

قل لهم غادرتني ....
تلك التي ان كانت على سفر
رفعت يديها إلى السماء...
وذكرت اسمي بدعاء لا اعرفه
وإن سألتها ... قالت الدعاء على سفر مجاب

قل لهم غادرتني .....
تلك التي ان فرح الصائمون بإفطارهم ....
رفعت يديها إلى السماء
وذكرت اسمي بدعاء لا اعرفه
وإن سألتها قالت ... للصائم عند إفطاره دعوه لا ترد

قل لهم غادرتني ....
المرأة الوحيدة التي ادمنتني

[قلب_مهجور]

كل الوفا شفته على ذاك الرصيف ذاك المسا
وكل الجفا شفته على نفس الرصيف نفس المسا

كانت تعض ابهامها حيره
كانت تشب وتنطفي حيره

كانت تموت وتحتضر
كانت ابد ما تنتظر غيره

[قلب_مهجور]

http://alajman.net/up/uploads/8aea9b8e84.jpg (http://alajman.net/up/)



شي واحد قبل ما أبـدأ .. مـا أبـي أي شـي ثانـي
يخطر فـ بالك .. وأنا أكشف لـك شعـور تجهلينـه !

إن أنا .. وبكـل مـا تحملـه " أحبـك " مـن معانـي
كنت ، وراح أبقى أحبك .. لين .. مدري وش هو لينه !!

بـس والله ماقـدرت أنسـى .. ولا همـي نسـانـي
لا ذكـرت إنسـان .. فيـه أسـرار مابينـك وبينـه

كـل مـا تطـري علـي فكـرة هــواك الأولانــي
أشعـر إنـي أنطعـن مليـون مـره مـن يديـنـه!

أشعـر إن عيونـك .. الله مـا خلقهـا إلا عشـانـي
كيف كانت تبتسـم لـه؟!.. قولـي إنـك تخدعينـه !!

صورة إنـه كـان يمسـح دمعـك .. تزلـزل كيانـي
وكيف كـان يلـم شعـرك .. ويتبعثـر فـي يمينـه

[قلب_مهجور]

http://alajman.net/up/uploads/7f01b38e5a.jpg (http://alajman.net/up/)



لو بالسهر دم .. أو لوسادتي ذمه
ما كان نمت .. ودموعي تغسل أهدابي

حسيت كن الفراش إنسان بآضمه
ومديت يدي إلين إنهارت أعصابي !!

[قلب_مهجور]

زرعتِك شُوق .. أتحرى حضورك , وأثمر غيابك
تِحَمَّلتِك / ولكنـه .. جُبرنـي الجـرح : أتكلم

خيانـه شِفتهـا مِنِّك .. عِطِـرهَا , تارس ثيابك
[ بنيتِك ] حُب في قلبي وإنتَ .. حضرتِك .. تهدم

كرهتِك حيـل صدقنـي .. وكِل هـذا مِن أسبابك
تقول : آسف ..؟! يا خلف الله !!

بقى بـ ( وجه ) التسامح / دم ...!!؟

[قلب_مهجور]

http://alajman.net/up/uploads/4096e7dbbc.jpg (http://alajman.net/up/)


يانجدنا تسوين لندن وباريس

لوكان جوك مكتسيه العجاجي

[قلب_مهجور]

المجتمع .. غرّب أحاسيس و وجيه
.. .. .. .. وفي آخر الدنيا يجي شي فاصل

إمّا تعيش إنسان .. كامل بـ ما فيه ،
.. .. .. .. .. ولاّ تعيش إنسان ( تحصيل حاصل ) !.!*

[قلب_مهجور]

, ياويل عيني ! إليا مني .. نويت البكا !
......................و اخاف .. لا طاحت الدمعه ! بكبري اطيح !

الوقت .. لا مر صدرك .. و لــ جروحكْ نكأ ..
......................يضيق بك كل شيء !وما انت قادر [ تصيح !] ..

[قلب_مهجور]

كل مآ شفت جرحٍ وقلت : تقدر تطيب
........ رد وقتي : ترى مآينفعه طبنا

ليه حلمي وحلمك .. تحت رحمة ( نصيب )
........ أول الدرب يمدح , وأخره / سبّنا

والله إني حبيب .. و والله انك حبيب
........ لكن الظاهر آن الوقت / ماحبّنا !

[قلب_مهجور]

تضيق فيني دنيتي وأسكت وفي نفسي أقول
يا خاطري لا لا تضيق شوف الفضا ما أوسعه

وأنا تعبت وما بقى للوضع بيديني حلـول
بس أتفاءل بالصبر وانثر همومي واجمعه

ما عاد به فيني على مشواري الباقي ميول
لكن معي بعض الظنون تمنعني أني أقطعه

يا حظي العاثر معك ما فيه للفرحة حصول
ولا الأمل في حضرتك يمكن أعانق مطلعه

والسالفة قصة هوى عيّت تصدقها العقــول
حبٍ شبع من قلب بس القلب عيْا يشبعه

قال المثل فكّر في المخرج قبل تبدأ الدخـول
والحب عيبه له دخول.. لكن مخرج ما معه

[قلب_مهجور]

بلغُوه إنيّ " تعبتْ " من التمنيّ ..
ولآ لقيّتْ أريَح مِنَ أحلآم " الأمآنيّ " ..

[ آه ] منّه ..
................. و [ آه ] منكُم ..
.................... ............... و [ آه ] منيّ ..!

منْ نبَشّ فيكُم .. ورَى " الصمتْ " وحكَآنيّ ..
إيّه أمُوتْ بدُونَه .. وأحيَآ كـ/.. أنيّ ..
عآيشّ بدُونـيّ | غيَآبْ إنسَآنْ ثآنـيّ | ..!

[قلب_مهجور]

حبيبي ترا اجمل حب حبٍ كريقه عمس ...
يذيب القلوب وتذبل الكبد من حره

ولاهو ضروري في المحبه عناقٍ ولمس...
يا شينه محبٍ له بدرب الخطا جره

احبك هنا وهناك احبك لباكر وامس...
احبك يا ليت الوقت خيره غلب شره

يكفي تعيش قلوبنا في حنانٍ وهمس...
يكفيني اني بحر وانتي معه دره

ترانا لنا العبره بحب القمر والشمس ...
عشيقين مالمسوا بعضهم ولا مره

وهذا اجمل حب واقبض عليه بخمس...
ولو صار عكسه يخرب الكون بالمره

[قلب_مهجور]

ياااااني كرهتك - بس باقي بِـ عيني
ياااااني أحبك - بَس مـا عاد تنطاق


ياااااني من الثنتيـن - ينـدى جبيني
ياااااني بِهـ القلبين محروقة آحراق


( حنّا ) : تجمعنا أبيك ..... و تبيني
و ماجمعتّنا غير ( حنّا ) / و الأوراق


أرسلت لِك : ( خيّب غيابك يقيني )
أرسلت لي : أن الهوى مسلكه شاق


و رديت لك : ( متّـاك بِ تجيني !؟ )

و رديت لي :
.............. لآآآ فاق وقتي ..
.............................. و لآآآفااااق !

[قلب_مهجور]

انا أوّل من كبر في عين قلبك وإبتدا بالميل
..............| وانا أكبر من طعنته بالغياب وقال لك عادي

تعال وشوفني شارع بدونك ممتلي بـ الويل !
..............| رصيفي مظلم وشمعة وصالك عافت أعيادي

تضيق بجسمي كتوف اللقا وأستنزف التفصيل
..............| وآشيب وتصبح جروح الليالي حسبة أولادي

انا جيتك ودمعي حيرتي وسنيني المنديل !
..............| بعد ماضعت فيني بسألك : ياكيف إيجادي ؟

[قلب_مهجور]

قم هاتني .. وجهي من أيام مفقود
من شارع الغيره لقْارعة الأحزان

حاولت أفكك من ضلوعي بلا قْيود
ورحت وبقا همي معي دون جنحان

أنا أنا يامعذبي كنت موجود
ومفقود أنا من يوم شفتك إلى الآن ..!

[قلب_مهجور]

متى صار العتب بين القلوب .. اعلان حالة حرب
ومتى عشنا كذا .. وادنـات شـي يسـد فاقتنـا


تفاهمنا على مبـدا الصداقـه والكـلام الـذرب
وضيّعنـا الكـلام الـذرب .. وانهينـا صداقتنـا

[قلب_مهجور]

صباحك نور ..

صباحك مدرسة .. ونعاس طفل .. فـ آخر الطابور ..

صباحك لمـّـة أصحابٍ .. نسوا إنّ الزمان .. يدور..

صباحك ضحكة بنيـّـه .. تقول لصاحبتها أسرار..

صباحك .. هَدْهَدَة أشعار ..

وعاشق يهمس لخلـّـه : أنا ما أشكّ بس آغار !

صباحك .. طفلتين صغار ..

جمعهم صفّ وإفترقوا .. وتلاقوا يوم صاروا كبار ..

صباحك ورد .. صباحك رعشة الحب القديمة في العيون الشـُـرْد ..

صباحك ذكريات وسرْد ..

صباحك لهفة مسافر .. رحل وإنقطعت أخباره ..

ومابين المطر والبرد .. خذاه الشوق لدياره ..

صباحك رجعة الغيـّـاب .. وشوق الأهل والأحباب ..

صباحك كلمتين عتاب .. بعد طول السنين الجرْد ..

صباحك .. و ر د !

[قلب_مهجور]

هَو آلملجأ عن أنفآسْ آلشوَآرع وإبتسآمْ آلعَآج ..
ملآمح هَآلبشَر .. أكبر صُدآع وَ ( موت مجآنيْ ) !!

أحس آلنآسْ .. وأشكآل آلفلل وآلليل . . وآلأموَآج
[ حَزِينَة ] وآلنوآرسْ حزنهآ ينهلْ مِنْ أحزآنيْ !

تمرك يآلبحَر حُوريتك بكرآ | بلآ مكيَآج !
بليآ رتوش تكَفى يآ بحر . . . . إضحَك عَلى شآنِـي !

على شآنِـي ( أمآ آ آ آ آ نَه ) !يآ بحَر خلك طليّق حجآجْ
وخذ من صدرهآ ضيقة سِنينٍ منّهآ تعآنيْ !

[قلب_مهجور]

من عيون الفقر / وأطرآف الُحطآم
......... كآن بآقي ( معزه ) > لــمنيَ

شوفني في غيبتك مــآني تمآم !
........... كل حزن الكون بـعــــدك ضمنَي

ضقتَ ذرعاً في غيابك والسلآم
............ لعنبــــــوَ حَيــــــك غيآبك > سمنَي

[قلب_مهجور]

يبطي النيل ماعـدل مـزاج المنيـل..........لو نسيمـه عليـل وريحتـه فارقـه

رحت أبرمي همومي في مياهه تخيل......جيت شايـل بعينـي دمعـة حارقـه

كنت أبنسى وأبسلى.. بس حظي تنيل......كني الباب وايديـن الوجـع طارقـه

في زحام الحسين.. آدف رجلي وأميل..........خطوة تنسـرق.. والثانيـه سارقـه

كنت أبا أضيع بين أجسامهم وآتذيـل...............لأخر الصـف بيـن العالـم الغارقـه

وكنت رغم الزحام أشوف همّي وأخيّل.............بارق الحزن وآخـر طعنـةٍ مارقـه

انجرحت ونزفت وكان صبري قليّـل.................ماتحمّـل نزيـف الطعنـه الخارقـه

آآآه يامصْر واللي رحت به مايكيّـل..................حجمه أكبر من اللي جيتـك مفارقـه

[قلب_مهجور]

http://www.alqsed.com/up/uploads/d57ff7f19e.jpg (http://www.alqsed.com/up)


ياشينها / لاضاع عمرك ورا حلم ..
....................... والعمر ضيعته .. وضيعت حلمك ..


ولاعاد تدري أنت في حلم أو علم ..
....................... لا الحلم طاولته ولازان ... علمك ..


تشكي من الدنيا والأقراب والظلم ..
....................... والضيق والمنفى وساعات ظلمك ..


حربٍ ضروس ولاتهيابها .. سلم ..
....................... دارت رحاها و انكسر فيك سلمك ..


والسيف ماعابه اذا بان به .. ثلم ..
....................... والا أنت موتك يافتى الجود ثلمك ..


لاتفتكر من ضيقتك تطلع بـ علم ..
....................... واحذر من انك تطلع بشين علمك ..


يامن حياتك عشتها حلم في حلم ..
....................... ليتك رفضت تعيش لو يوم حلمك ..

[قلب_مهجور]

http://www.alqsed.com/up/uploads/35da69d60c.jpg (http://www.alqsed.com/up)


ومرات احس اني بلا شي مخنوق !
____________ ومرات احس جروح قلبي تغني !



ومرات احس الآه تطلبني حقوق !
____________ ومرات اسيء الظن ويخيب ظني !



ومرات اقول الهم له فيني عروق !
____________ ومرات اقول انه طريقي وفني !



ومرات احس اني له اشتاق واتوق !
____________ ومرات احس بـ غيبته يمتحني !



ومرات احس بطلته رقه وذوق !
____________ ومرات احس انه ثقيل وغبني !



عندي يقين اني من الهم مخنوق!
____________ واجزم بأن الهم مخنوق مني !

[قلب_مهجور]

http://www.alqsed.com/up/uploads/3e6e0e1760.jpg (http://www.alqsed.com/up)



ياگبرگ بقلبي / وياگبر شانگ !!
...................... وياصغري بقلبگ / وياصغر شاني !!




تغيب / واحفظ في غيابگ مكانگ !!
...................... وانت بغيابي جبت غيري مگاني !!




صديت يوم انه صفالگ زمانگ !!
...................... وانا من من اسبابگ نفاني زماني !!

[قلب_مهجور]

http://www.alqsed.com/up/uploads/5cdabf4808.jpg (http://www.alqsed.com/up)


دنيتـي لوحـة عـذاب معلّقـه فــي سـاحـه.........والحزن ثبّـت مساميـر الألـم باللـوووو وحـه

النهـار بنـون عيـنـي منطـفـي مصبـاحـه..........والليـال دمـوع تبكـي هالعمـر وتنوووووحـه
0
ول يـا عمـر ٍ تـوارى مـا جنيـت اربـاحـه..................راح مـن قبـل اتبيّـن عتمتـه ووضوووووحـه


وآآآآه يا قلـب العنـا وينـك وويـن الراحـه ؟؟...........والسعاده شوف عينك – تنتفض- مذبوووووحه

[قلب_مهجور]

http://www.alqsed.com/up/uploads/48f6955062.jpg (http://www.alqsed.com/up)


يذوب الليل بـ عيون الغريب ..... وتنطفي ناره ..
.......................... ويطيح الحلم من عالي سماه وينكسر نوره ..



يسولف لـ الدروب اللي شكت من طول مشواره ..
.......................... عن طعون القريب و دمعتين وآه مكسوره ..



عن المنفى .. عن ذنوب الزمان .. وقبح أعذاره ..
.......................... عن الآمال والهقوه .... وروحٍ فيه مقبوره ..



عن اللي يشكي الغربه وهو عايش وسط داره ..
.......................... عن اللي شاف بـ عيونه أخوه يخون دستوره ..



عن المجهول والواقع .... عن اللي بيح أسراره ..
.......................... عن اللي مع حبيبه شاف غيره ماخذن دوره ..



يسولف عن كثير أشياء .... ضيّع لـ أجلها ثاره ..
.......................... وطيح برجه العاجي ... وقلعة حلمه وسوره ..

[قلب_مهجور]

توه فضى وسع المكان وتغيّر
وساد الهدوء أرجاء كل المدينه

وأسمع خطا أنسان يمي مسيّر
ودقات قلب يفور منها حنينه

مسك يدي في وضع جداً محيّر
كنه يقول أرجوك خذني رهينه

شف السهر كم له بعيني يطيّر
النوم .. مايغري العيون الحزينه

ضميت صدره لين شكله تغيّر
وقلت أستريح انت بـ آيادي أمينه

[قلب_مهجور]

من رجعك؟
كنت السفر , من رجعك!!
ضاع الطريق او ضيعك؟؟
لا تقول احبك , لا تقول
عالي السكوت , ما اسمعك !!
تذكر في يوم المفارق
لما وقفت اودعك
ناديت يا عمري ابيك
و بكيتها عيوني عليك
و تركتني الله معك
لا تقول احبك لا تقول
عالي السكوت , ما اسمعك !!
يا صوتك الناحل
في ضجت ظنوني
انت الزهر ذابل
في قلبي و عيوني
صدقني ما يفيد العتاب
و صدقني ما يكفي الندم
تبغاني احبك للعذاب
والا احبك للالم
انا حتي مدري وش تقول
عالي السكوت ما اسمعك !!

[قلب_مهجور]

يـ الحزن لو مآنيْ من الليْ مصلّين
و أخشَع لـ ربّي , و أتعوّذ من إبليس


كآن [انفجَر] مآبين صدريْ " برآكين "
و أصبح ضحيّه لـ العنآ و الهوآجيس

[قلب_مهجور]

يا بحرنا الممتلي نفط و شموس و خوى
.................... أغنيائك في مزابل خصومك ساهرة

كلّ عام وأغنيائك سخيفين و سوا
................ و آهل جنيف إتفاخر على أهل القاهرة

حنا أمة ( .. ) بين ميزان القوى
...............بس أمة في فنون التفاهة ماهرة

عند ربي اللّي خلق كلّ إمرءٍ و ما نوى
.............. وعند ذولا الناس- لا كلّ إمرءٍ بظاهره

هذا ولد المستوى وهذي بنت المستوى
................ كم فقير إنذلّ من بين هالمصاهرة

يا سخيفة لو جعلتي من خصلـّـك ضوى
................في عيون اللّي يعرفون منتي باهرة

الملابس و السيـارات و أنواع الغوى
.....................ما تحطّ الشايكة في مقام الزاهرة

إنفثي دخان سيجارتك على الهوى
.................. و إثبتي للعالم إنـّـك .. مجرّد ( .. ) !

( .. ) ماهوب رغبة وليل و ماحوى
................... ( .. ) مجاهرة .. ( .. ) مجاهرة !

كلّ وحدة طاهرة حلوة وذوق و "دوا"
...............لكن المحزن مهوب كلّ حلوة طاهرة
__________________

[قلب_مهجور]

قبل امس غبـت ويمكـن آغيـب بكـره
لا اصبحت وحضوري ما يرضي غروري !

مانيب راضـي .. بـس مانيـب مكـره
اهـم حاجـة مـا ازيّـف شعـوري !!

لو ما كتبـت بحـس .. وانشـأت فكـره
اصبح غيابي مـن دواعـي سـروري !

[قلب_مهجور]

واحد ينام وعنده اللي يضمه
وأحدٍ ينام وضم همه على هم

وأحدٍ لقاله عطر صدرٍ يشمه
وأحدٍ على ريح الحزن أدمن الشم

وأحدٍ مسح دمعات عينه بكمه
وأحدٍ غرس سنه من الضحك بالكم

وأنا غريبٍ لي مع الوقت غمه
أسقت عروقي من الغلا شربة السم

غربة وطن يا بشر وسط لمه
وغربة شتات في وطن يجهل اللم

ياما شربنا الهم كيفه؟ وكمه؟
وياما قلوبٍ ترخصك قالت بكم! ...

[قلب_مهجور]

هذا أنا يا سلسبيل..

لو كانت غصون الحياة لعين محسوبك تميل..

واثمارها تساقطت حولي.. وانا جالس ملك..

أموت ما مديت يد.. وما اشتهيت..

كيف اشتهي تفاح غيري؟!.. مستحيل!!

[قلب_مهجور]

http://www.alqsed.com/up/uploads/631e0e81e2.jpg (http://www.alqsed.com/up)






عاشق هالارض .. من خلقني الله لين اموت

عاشقٍ جرد الروابي والفيافي والخبوت

عاشقٍ طين البيوت فتلة خيوط الوبر

عاشقٍ مافي البشوت من عطا وطيب وفخر

[قلب_مهجور]

قل لها .. إنه تأمَّل في دُنياه
حـيـناً فـعادَ يحضنُ دمعـه

راعَـهُ أنَّ عُــمـره يـتلاشى
مثل ما تُخمد الأعاصير شمعةْ

وصباه يضيعُ منهُ .. كما ضاع
نداءٌ.. تطوي المتاهات رجعه

قل لها .. إنّه يفيقُ على جُرح
وتغـفـو سنينهُ فـوق لوعهْ

سكبَ الدهر من أساهُ رحيقا
فـتحساه جُـرعة إِثْـر جُرعهْ

قل لها .. إنهُ يـهـيـمٌ وأخشى
أن تواريه رحلة دون رجعـهْ !

[قلب_مهجور]

مدري وش اكتب لك علشان تقرى ؟؟..
مادامني ماعدت قادر اكلمك ..

اهم شي ان انت بشعوري ادرى ..
سواء اعلمك .. او .. ما اعلمك ..

مادامك الجلاد .. وافراحي اسرى ..
مافيه داعي اشتكي واتظلمك ..

الجرح دامه منك ( جعله مايبرى) ..
يشفيني الله .. وانت الله يسلمك ..!!

[قلب_مهجور]

في خاطري من جاير الوقت .. ضيقه ,,, وقلبي غدا معطوب واطلاله تطّيـح

ودي افجـر عبـرةٍ بـي عميـقـه ,,, فتـرة غيابـك اشبعتنـي تجـاريـح

أكابـر وبقصـى ضلوعـي حريقـه ,,, نـارٍ لهبهـا لـوّح الجـوف تلويـح

علمني كيف الحل كيـف الطريقـه؟ ,,, وشلون أضمك وانفجر فيك وأصيح؟؟

[قلب_مهجور]

تجين نقفل أبواب الفراق ونبلع المفتاح
..............بعد مانسترد اللي من أحلام الوصل فاتك

تجين نغمض عيون القلوب ونتبع الارواح
...............وأراهن شمسك اني لأزور أبعد مداراتك

تجين نصارح القمرى بنور ظلالك الوضاح
...........ونكشف للسحاب ان البروق أسباب لفتاتك

تجين نعد كم نجمٍ تعثر في سناك وطاح
................وكم بدرٍ .. تمنى لو قباله مثل تقفاتك

وتجين نشاور أهداب السحاب اللي عجز يرتاح
......يحسب الصبح نور الشمس وهو ظلال وجناتك

[قلب_مهجور]

http://www.alqsed.com/up/uploads/300857e29f.jpg (http://www.alqsed.com/up)



في غيبتك ما في الحياة ألوان ,
شعبك فنا , وما للوطن تحرير!

عاجز وجرحي ينزف وخجلان ,
والعذر كاسر خاطر التبرير!

وشلون عدَّانا شهر ( شعبان )
وما قلت لك : كل عام وأنت بخير!

[قلب_مهجور]

http://www.alqsed.com/up/uploads/f1be90450c.gif (http://www.alqsed.com/up)


آطيح .. لكن لا يجي في بالك إني قد فشلت!
شف للمطر وشلون لامن طاح .. هالدنيا تعيش

شف للسنين اللي مضت .. كم مرة بعمري انخذلت !!؟
و هذي آنا للحين آجيلك .. و آتبعثر بك و اطيش

[قلب_مهجور]

http://www.alqsed.com/up/uploads/e71cfb5748.jpg (http://www.alqsed.com/up)


من الأسهل علينا تقّبل موت من نُحب , على تقّبل فكرة فقدانه و اكتشاف أنّ بـ امكانه مُواصلة

الحياة بـ كلّ تفاصيلها دوننا ..

ذلك : أن فى الموت تساوياً فى الفقدان نجد فيه عزائنا . !


- أحلام مستغانمي

[قلب_مهجور]

أقفرت بعيني الرياض .. يوم إني مالقيتك

ماكنها تتنفس ..

وماقدرت فيها أتحسس .. نسيمك العذب

آآآخ ياشين الجدب عقب الفياض ..

واسفا بك يالرياض ..

.امطري وقولي .. أحبك

خليني أعرف لك طريق ..

وخلي الرياض تفيق

تحضني بعد غياب ..

راجع أنا لك .. ماجابني إلا سؤالك

وذيك الاماكن الرقيقة

اللي صارت بالحقيقة ... أنقااااض

واسفا بك يالرياض ..

[قلب_مهجور]

http://www.alqsed.com/up/uploads/908657178c.jpg (http://www.alqsed.com/up)

[الـصـمت] ... أوجـع من مدى زفرة البوح !!!
والبُعد أقسى من الظما .... لحاجة المي !!!
تدري وش اللي ينهك الـقلب و الـروح ....؟
إنك تعيش ,,, لـ " شيء "
عدّك ,,, " ولاشيء "

[قلب_مهجور]

مبطي الحزن يستوطن هدوء الفكر !
و انت ما في شعورك ذره من احترام !

جيت لك ودي اقبّل عيونك .. شكر !
و رحت عني بدون ارمي عليك : السلام !

احساسي اللي يجي مثل الهبوب : احتكر
كل كلمة من شفاهي و طار الخصام

تدري ليا تعبت من الحنين .. ابتكر
1000 لحظة سواليف و قصيد و غرام

لين تغفى عيوني كذب .. مدري سكر !
و اتعوذ من احساس الغياب و .. اناام *

[قلب_مهجور]

[ أحيآن من كثر الحكي تسكت ومآقلت الحكي !
تـتزآحم بـ رآسـك طــوآبير الجُمل| وتصـدّهآ


وأحيآن من كثر الدمع .. مآعآد يمديك البَكي
كل مآتخونك دمعتك تشهق بهآ .. وتردهآ

[قلب_مهجور]

احـس انــي بـديـت اتـخـيـلك فــي غــرفـــتـي تمشين
..........................تــشـوفـي كـيـف سـوى بـي الـغـلا ولـ وين وداني؟!


تعالي اتوسدي صدري ابلعب في شعرْك.. انزين؟!
..........................قسـم بالله مـا تــلـقــي مــثــل حـجـــري واحضاني



تـعــب حـبــك ...واتـعـب منه لا مني سالتك :وين؟!
..........................اذا حـان الـوداع وكـل عــرق يــصــيح ...ممداني!!


كـثـيـر اوقـات اكـتـب لك مـشـاعــر وانتظر تقرين
..........................ولا الــقــى ســـوى هــذا الــغـــيـاب اللــي يتهجاني



نـصـيـحه قـالـها واحــد لــقــيـتــه مــن ثــلاث سنين
..........................نــظــر فـي وجـهــي الـمـمـلـي غـياب وقام وصاني:


امـانــه لا تـــــزور ارض الـغــرام الا مـعــك قلبين
..........................عــشــان ان جــرحــوا واحــد تـعــيـش بقلبك الثاني

[قلب_مهجور]

للجروح اسما

من يقول ان ما للجروح اسما؟!

تعال اقرا جروحي:

1- جرح

2- جرح

3- جرح

4-......

من الاكثر فضاعه.....الى الـ(ادما)

جروحي كلها تاخذ ملامح وجهك وخنجر

تصدق؟!

بعد هذا العمر ..هذا الالم

عجزت اذكر من جرحه الاكبر!!

نسيت اني:

سكبت الضي في صدر الورق

واسقيتني ظلما؟!


تحديت الكلام اللي من احلامي سرق

وْغنيت لك ..مهما؟!!


ركبت اصعب مراكب حزن ما خفت الغرق

وبسهوله...بعتني للما؟!


ما تفرق..

قسم بالله ما تفرق

مدام انك نسيت ..اني ..اعرف انك ..نسيت

اني..ومني ..وعني

وقررت تجرحني

عشان يكون لك اسم ما بين هالاسما


اقول لك شي؟!!

سلّم على سكينك الجاحد الغادر الخاين الاعمى

وقلّه..

مدام ان للجروح..أسما

.

.

بظل اسما

[قلب_مهجور]

خذ يمين الجرح في صدري الجريح
......................وانتبه من آخر دروب الجراح

ولو لمحت لحلمنا الوردي ضريح
......................أسأل دموع اليالي كيف طاح ؟!

سو نفسك منصدم..أبكي وصيح
......................مـثّل ادوار البريئ المستباح

صيح:
لا!!
ما مات!!..
لا!!
ماهو صحيح!!
مستحيل
انه يخليني
وراح!!

ولـ اسألوك الناس عن دم الذبيح
......................بكل برودك قول: مو كافي استراح؟!

يعني انت الحين بعدي مستريح؟!
......................واتّهنى كل ما مرك صباح؟!!

وآنا بـ احضان البكى عاشق طريح
......................ما تحس بحرقتي غير الرماح

[قلب_مهجور]

دخيلك صوت هذا البهو مزعج والصدى طاغي
هناك أقدر اسولف لك كثير....... وأحكي براحه

هناك اقدرأقول أشيا كثيره........وأنزع شماغي
وأراقب كل ضحكات العبث فـ جفون مزاحه

هناك أقدر أشكل بحر / زورق / ليل متناغي
فراشات وضوى وأرسم فنار وناس سـوّاحه

هناك اقدر أمد خيوط شمس ..بليلنا الباغي
ألوّن أفق وأرسم في ضلوعي ملعب وساحه

أرتب مضجعك في كل صدري وألغي اللاغي
وأشكل في جفوني لك مكان وغرفه وباحه

[قلب_مهجور]

بكتبك ..
قبل أنتهي , و تتساقط ( أوراقي )
من راسي لو كنت { فكره }
: ضاع ــت الفكره

ع ـمري خلص .!
وإنت تسألني ع ــن / الباقي !؟
لي قلب واحد
من [ غ ــيابك ] خسر عمره ..

[قلب_مهجور]

الزعل : غلطة حبايب قلب من قلب انصدم ..
والرضى .. ساكت وعزة نفس تتثاقل سماح ..

ياحبيب الجرح شوف احساس محبوبك عدم
مايحس القلب في جرحك .. وهو كلّه جراح ..

كان في وجهك بقى لك دمعتين وفيه دم
هذي ( هُدنة ) نتفق بشروط وننساه اللي راح ..

يا أجي أرضك واترك فيها بصمة قدم
أو أصد واكتب عليها ( أرض مافيها صلاح ) !

..

[قلب_مهجور]

حاولت..
حاولت احبك واعشقك!!
حاولت!!
لكن ما قدرت!!

ماهو على كيفي احب
ولا هو على كيفك تحب
وماهو غصب..
انك تكون اللي ابيه
واللي انتظرته واحتريه

اللي ابيه انسان غير!!
صحيح تشبه له كثير
ايه اعترف

لكن به شي مختلف
لي جيت اضمك!!
ما ارتجف!!

[قلب_مهجور]

هالعيد :

ناس مسافرين . .

واحزان , واشواق . وحنين

هالعيد كل اللي بقى :

دمعه , وطاحت دون عين ....!!

[قلب_مهجور]

اليوم فرحه ، وإذا ودّك تصارحني !
........ خل الحكي ليّ يا أوفى قلب، حبّيته

تدري بهالعيد وشهو اللي مفرّحني ؟
........ إنت أوّل إنسان هنّاني و ( هنّيته )

[قلب_مهجور]

اليوم : تلعب بي رياح الهواجيس ،
ولا ادري عشانك ضيقتي أو عشاني ..!

مابين لوعات الجفا ، والوسـاويس
البرد ساكن فـ ارتعاش المحاني ..!

وانا حبيس الصمت سجن الاحاسيس
ضاق الزمان ولا وسعني مكاني ..!!

[قلب_مهجور]

في الشوارع منزوي
حلمٍ مُشرَّد !
ما يعرف النوم وسلوم المَضاجع !
كلّ ما نادى الفجر والطير غرَّد
يدخل بِ غَيبوبة
.. أحزان ومُواجع !
يوم شاف الموت بالروح يْـتفرَّد
كان عاجز يخطي خطوات التراجع !
عندما فارق ( حياته ) .. ما تمرَّد !
وصارت أحزانه فرَح
....... والفرْح فاجع !
ظَلْ يتَمتمْ ( يأس ) بإحساسٍ مُجرَّد
بانتظاره / باحتضاره : ..
( منت راجع ) ؟!
( منت راجع ) ؟!
( منت راجع

[قلب_مهجور]

إليــآ .. خذلوني نآس ، أو قصروآ نآس ،
آقول : عآدي ‘ كل شخص وظروفه !

نكرآنهم مآأبيه يشعرني بـ / يآس ..
أحب أسوي الخير دآيم و أطوووفّه !

مدري غبى وإلآ غلا وإلآ ..إحسآس .. ؟
" ودي أسآعد كل وآحد أشوفه !!

[قلب_مهجور]

طَفشَ ..!
لا صَارت الديره / طَفشَ /
وَ الساكنينَ : أغرابَ ..
تشوفك : رغم كثر الناس ...[وحدكَ .، عايشَ بــ ديرة !
تلوحَ للمدىَ لـ الشوق لـ لإشراق .. للـ غيابَ ...)
يَجاوبكَ السهر : مالكَ سواي
و هالحزنَ / سيرة .!
تنادي:
ليهَ يادنيا قضايَ أترمل الأحباب ..؟
يَذوب [الصمت] في حلق الكلامَ وَ تنطق [الحيرة] ...
::