هل صحيح ان الحب الأول......

[زين الطبايع]

مرحبا للجميع.....

حبيت أكتب موضوع دايما اسمعه بالأغاني وبالقصايد....
الحب الأول ... هل صحيح ان الحب الأول يبقى ماينسى... أو ان يتناساه الواحد مع وجود حب ثاني صادق وأقوى منه...

وبصراحه انا ودي اسمع راي الشباب(الرجاجيل) .... لأن دايما الحب الاول يبقى بالذاكره لكن أنا أعتقد ان تفسيره .. بحكم انه أول تجربه وأول شخص يدخل القلب وخصوصا اذا كان حب من الروح للروح فعلا ما ينسى لكن يستطيع الشخص ان يحب ثاني ويعيش حياته خاصة اذا كان الحب الثاني قادر على ان يغلب الحب الاول بالعطاء والصدق .. واللا اشرايكم:p

أمااااانه لااطنشووون موضوعي .... اللي يدخل لازم يشاااارك ...ياوييييله اللي يدخل ويطلع كذا من غير مايكتب شي:mad: لو بيت شعر عن هالموضوع

تحياااااااتي

[سفيره بني خالد]

أقول بنسى وأحسب إني نسيته
الحب الأول صعب نسيان راعيه


بالنسبه لي لايمكَن نسيآن أول من رافقني مرحلة المراهقه يومها لا أعرف من الورده إلا عطرها ومن الحب إلا شفافيته يومها كنت مجهوله المستقبل والمصير أمشي مع الحب ومع الأحلام مخدره العقل صعب جداً آنسى من أدخلني عالم المحبه وجعلني محبوبه لديه

للجميع : لا تأسف على حب مضى ولا على حبيب هجر ولكَن أندم على عمر مضى دون أن تعشق وتهوى

http://alajman.net/up/uploads/b74c65eb37.gif (http://alajman.net/up/)

كَل الشكَر على الطرح ـآلرائع
طبت وطآبت جرووحك

[زين الطبايع]

"]مشكووووره سفيره على مروووورك .... ولك مني كل التقدير...

لكن اعتقد ان الحب الأول تقدرين تنسينه اذا لقيتي اللي ينسيك اياه بحق وحقيقه[/size]

[$ احلى من العقد لباسه $]

المرأهـ لاتنسى اول رجل احبتهـ
والرجل لاينسى اول امرأهـ خانتهـ

لاهنتي

[فديت حبي]

أول حب مستحيييل ينسي اذا طبعا كان صادق ولو بعد سنين يبقى خاااااااااااالد ابد الدهر

ويسلمووووو خيتووو وتقبلي مروري

[مـزعـّلـة ـآلـنـسآـآ]

نقل فؤادك حيث شئت من الهوى * ما الحب إلا للحبيب الأول
و كم منزل في الارض يألفه الفتى * و حنينه ابدا لأول منزل

ويقول الاخر :
دع حب أول من كلفت بحبه.....ما الحب إلا للحبيب االآخر


ما قد تولى لا ارجاع لطيبه......هل غائب اللذات مثل الحاضر؟؟

::


انا اشوف ان كل شي وله نهايه

لكن الحب الاول هو البدايه وليس النهايه

لان تجربته تكون تجربه مرّه اكثر مما تكون تجربه حلوه لانها التجربه الاولى


::

لكن


الحب الثاني يداوي جراح الاول ويكون اقل اخطاااء


//

من الآخر اقول

ان هالسؤال تلقون اجابته الاكيده عند المتزوجين // لان حب المراهقه لا ينتهي

كل الشكر ع الطرح المميز

[زين الطبايع]

المرأهـ لاتنسى اول رجل احبتهـ
والرجل لاينسى اول امرأهـ خانتهـ

لاهنتي

أنا برايي ان المرأه تحب الشخص الذي أحبها فعلا وأخلص لها ... حتى ولم تكن تبادله الحب

بس دايما تذكره بالخير وتذكر اشلون كان يدلعها..

الرجل يذكر المراه التي خانته لانها اهانته وليس حبا بها...والرجل ينسى بسرعه ويلتهي بالحب الجديد عكس المرأه مستحيل تنسى من أحبت...
وأشكرج حبيبتي على مشاركتج الحلوه ...ولاهنتي

[زين الطبايع]

أول حب مستحيييل ينسي اذا طبعا كان صادق ولو بعد سنين يبقى خاااااااااااالد ابد الدهر

ويسلمووووو خيتووو وتقبلي مروري


هلا حبيبتي .... فعلا معاك حق ... إذا كان الحب صادق ويمر بأحداث حلوه ومره والأحباب يصبرون على الظروف والوفا بينهم والاخلاص ... ويكون الفراق غصب عنهم .. فعلا هذا الحب ماينتسى كلش .. ويظل ذكرى حلوه للشخصين....

ليت ربي ماكتب لحظة وداع ... ولافراق ولادموع ولاضياع
وليت كل الناس خل مع خليل .. كنت أحبه حييييييل...

ليت المرأه هي اللي تخطب وتتزوج ... كان والله ماآخذ غير اللي ملك قلبي ... بس الله يعين

طولت عليك ...حياك الله ياقمر

[زين الطبايع]

نقل فؤادك حيث شئت من الهوى * ما الحب إلا للحبيب الأول
و كم منزل في الارض يألفه الفتى * و حنينه ابدا لأول منزل

ويقول الاخر :
دع حب أول من كلفت بحبه.....ما الحب إلا للحبيب االآخر


ما قد تولى لا ارجاع لطيبه......هل غائب اللذات مثل الحاضر؟؟

::


انا اشوف ان كل شي وله نهايه

لكن الحب الاول هو البدايه وليس النهايه

لان تجربته تكون تجربه مرّه اكثر مما تكون تجربه حلوه لانها التجربه الاولى


::

لكن


الحب الثاني يداوي جراح الاول ويكون اقل اخطاااء


//

من الآخر اقول

ان هالسؤال تلقون اجابته الاكيده عند المتزوجين // لان حب المراهقه لا ينتهي

كل الشكر ع الطرح المميز

هلا والله يامزعلتنا ..مدري اشفيش علينا:p

مشكوره على مرورك.... بس أنا برايي ان الحب الصادق هو الباقي سواء اول او ثاني او عاشر..

هذا كله لعب عيال ..الحب الصادق ماهوب موجود الا بالخيال ..لان فعلا الحب اللي يحبك انت
وبس ومايروق له اي احد غيرك مهما مروا عليه الوان واشكال غير حبيبه مايبي ويعيش على ذكراه
ويتمنى الموت بعد افراقه ... في أحد كذا الايام هذي طبعا لاااا
عشان كذا كلن يعيش حياته الحب خيال بخيال ...واللي نشوفه الحين كله لعب في لعب ,,,
الحب بعييييد بهالزمن مايعرفه غير اهل القلوب النظيفه والبيضا

[كحيـــــــلان]

المرأهـ لاتنسى اول رجل احبتهـ
والرجل لاينسى اول امرأهـ خانتهـ



واااو :)

[مجنونة مجنوني]

اممممم

انا من رأيي ان اللي يقول مستحيل يتنسى الحب الاول تحصلينه يعيش ( مع ) هالحب طول ما هالكلمه بلسانه ..
وهي بالاساس تعتمد ع نهاية هالحب ..
ومن السهوله نسيـاااااااانه بمجرد ما تجمعك الصدفه مع الحب الثاني
الـــــــــــــوكـــــاد ..
(( اللي يحب اول مره يحب ثاني مره دام ماشي قطاره ))
بعدين ليش محد رد من الشباب وهو السؤال موجه لهـــــــم :p

[زين الطبايع]

المرأهـ لاتنسى اول رجل احبتهـ
والرجل لاينسى اول امرأهـ خانتهـ



واااو :)

هلا وغلا بكحيلان ..... نورت هالميدان

[زين الطبايع]

اممممم

انا من رأيي ان اللي يقول مستحيل يتنسى الحب الاول تحصلينه يعيش ( مع ) هالحب طول ما هالكلمه بلسانه ..
وهي بالاساس تعتمد ع نهاية هالحب ..
ومن السهوله نسيـاااااااانه بمجرد ما تجمعك الصدفه مع الحب الثاني
الـــــــــــــوكـــــاد ..
(( اللي يحب اول مره يحب ثاني مره دام ماشي قطاره ))
بعدين ليش محد رد من الشباب وهو السؤال موجه لهـــــــم :p


صح كلامك..... حياك الله يا مجنونه:confused: تدرين ليش ماردوا الشباب ..لأنهم ماحبوا :D

[V E T E R A N]

حبينا يا معود وجربنا كل أنواع الحب حب أول وثاني إلى المليووووووووووون بعد :p

لكن ..
مستحيل ..نسيان أول من أستعمر القلب..:( وتركه دمار وخراب مثل دول العالم الثالث بعد أستعمارها ..:D

الحب الأول هو أحلا حب وأصدق حب..!

ودايم الحب الأول يكون فاشل ..!!:mad:

وأعتقد أن بداية الحب الأول في نهاية مرحلة الطفولة وبداية مرحلة المراهقة..!!


( إذا الرجل فشل في أول حب له تمنى أن يعيش حياتة أعزب )

وأنا من هؤلاء الرجال البؤساء..:p


وأبيات بو تمام ..كافية..:)


لا هنت..

[Aq9aK..~bShr]

لأأهنت على ألموضوع

[زين الطبايع]

حبينا يا معود وجربنا كل أنواع الحب حب أول وثاني إلى المليووووووووووون بعد :p

لكن ..
مستحيل ..نسيان أول من أستعمر القلب..:( وتركه دمار وخراب مثل دول العالم الثالث بعد أستعمارها ..:d

الحب الأول هو أحلا حب وأصدق حب..!

ودايم الحب الأول يكون فاشل ..!!:mad:

وأعتقد أن بداية الحب الأول في نهاية مرحلة الطفولة وبداية مرحلة المراهقة..!!


( إذا الرجل فشل في أول حب له تمنى أن يعيش حياتة أعزب )

وأنا من هؤلاء الرجال البؤساء..:p


وأبيات بو تمام ..كافية..:)


لا هنت..


حياك الله ..... بس عفيه عليك وصلت للمليون ... وأكيد ليلحين قلبك فيه مجال يوصل البليون
يابن الحلال الله يرحم الحب الأول دام ربي امعوضك بالموجودين.... عموما حياك الله وأعجبني مرورك
يا اللي مدري وشاسمك فاترين او فولترين...مسكن ههههه:d

[زين الطبايع]

لأأهنت على ألموضوع


ومن قال ..... الله لايهينك على مرورك الطيب....

[!! عـيـا الـبـخـت]

المرأهـ لاتنسى اول رجل احبتهـ
والرجل لاينسى اول امرأهـ خانتهـ

لاهنتي مشكوره على النقل