بـــس في الكويت

[سياتل]

بـــس في الكويت... في بدون :(
بـــس في الكويت... يطلعون لستات باسامي خلق الله لانه ماكو شغل
بـــس في الكويت... الهنود والمصاروة اكثر من الشعب
بـــس في الكويت... لازم مدرس خصوصي ;)
بـــس في الكويت... الشوارع زحمه ليل نهار
بـــس في الكويت... اللي ما عنده شاليه يصير هيليقي
بـــس في الكويت... اذا صار حادث على سايد اللي رايح ..السايد اللي راد يوقف يطمش :mad:
بـــس في الكويت... اللي ما تحط ميك اب معقده او ليزي
بـــس في الكويت... اليهال الصبيان لازم سبايكي والبنوتات قلوس وماسكارا
بـــس في الكويت... مذيعه غريبه تخترع لكنه غريبه والبنات يقلدونها
بـــس في الكويت... المواقف فُل والمجمع زحمه والمحلات تصفر هدوووء ماكو احد :confused:
بـــس في الكويت... ينادون الواحد بسم سيارته
بـــس في الكويت...اللي يدش الجيش بشهاده متوسط معاشه اقوى من معاش الجامعي اللي يشتغل في وزارة
بـــس في الكويت...الشباب كلهم يشابهون بعض ونفس قصة الشعر بعد
بـــس في الكويت...التاكسيات والباصات مافيه كويتين
بـــس في الكويت... اللي تبي تتزوج تروح عرس او درس ديني
بـــس في الكويت...السيارة الغالية او الكبيرة يطوفونها والقوطي ماله رب يشرشحونه
بـــس في الكويت... لي سافرت ديرة فيها كويتين يقعدون يخزون بعض عشان لي ردوا يقولون بنت فلان سوت
بـــس في الكويت...يقلبون حرف القاف غين والغين قاف
بـــس في الكويت... يسوون استقبال اللي تولد في المستشفى
بـــس في الكويت... نشتري من ستار بكس بخمسة دنانيير ونطلع اناشب راعي البرد على الامية فلس
بـــس في الكويت... ما نذكر المنتخب الا كل سنتين
بـــس في الكويت... مافي استاد نفس الاوادم
بـــس في الكويت... العاصمه ما لها ملامح
بـــس في الكويت... خطوط تلفون اكثر من الناس
بـــس في الكويت... يبوق ايميلات ويقول انا هكرز ..قولها عدل اول :D
بـــس في الكويت... الناس مو عاجبها شي وكل شوي مطلعين ايميل
بـــس في الكويت... الأراضي فيها الأغلى في العالم وفوق هذا أراضي جلحة
بـــس في الكويت... الخطوط الجوية غالية والناس تسافر عليها مع ان خدمتها تعبانة
بـــس في الكويت... المطار فيه المستقبلين اكثر من المسافرين
بـــس في الكويت... بوق ولا تخاف



منقول

[مـحمـد]

أأكد لك ان الموضوع فكاهي اكثر من انه صحيح
وهذا في كل الدول وليس الكويت :)

[qataria]

سياتل الله يعطيك العافية على الموضوع الحلوووو..

واسمح لي اضيف .....

بس في الكويت ..... تاخذ قرض من البنك عشان تسافر ...

بس في الكويت .... البيت خرابه والسياره جدامه آخر موديل ....

بس في الكويت .... الغني والطرار لازم بيته فيه سرداب ....

بس في الكويت .... صالات الافراح مافيها الا كراسي بدون طاولات ....

بس في الكويت ... متحجبه وشعرها مايبين بس لابسه بنطلون والمكياج على الآخر .....

بس في الكويت ..... نظام دمج الرواتب ....

بس في الكويت ....... اللي يبني قسيمة مافوقه فوق.....

وبدون زعل ترى الكويتين أهلنا وناسنا ....

[كويتيه]

يعطيك العافيه يا سياتل..:)
في وايد اشياء ماتلقاهاا الا بالكويت والعكس صحييح

يعطيك العافيه:)

[flower q8ya]

يعطيك العافيه يا سياتل على الموضوع

بس اعتقد الاشياء الي قلتها موجوده باغلب الدول:)

[راكان اليامي]

تسلم على الموضوع ياسياتل
ابشرك في كل مكان ذالنقاط اللي قلتها
والحمدلله على كل حال
تسلم على الموضوع

[سياسي^مستقل]

يعطيك العافيه ياسياتل ولاتتذمر زياده عن اللزوم لانها لو خليت خربت


وانتي ياقطريه الشماته مو زينه اوكي

مع تحياتي
سياسي^مستقل

[النايفه]

:eek::eek:

كل هذا في الكويت بس..

شدعوه سياتل هالنقاط الي ذكرتها مافي دوله مو موجوده فيها مو بس الكويت..والكويت والله ديره خيير وماترضى عليها

بـــس في الكويت... المواقف فُل والمجمع زحمه والمحلات تصفر هدوووء ماكو احد ((هذي صدقت فيها :D))

مشكور على الموضوع
تحيتي,,,

[عيد بن شدقان]

والله ضحكت يوم قريت الموضوع:D:D:D

سياتل
والله انك صادق بكل شي قلته

ولا هنت

[هند]

الهنود والمصاروة اكثر من الشعب
لازم مدرس خصوصي
الشوارع زحمه ليل نهار
اذا صار حادث على سايد اللي رايح ..السايد اللي راد يوقف يطمش
مذيعه غريبه تخترع لكنه غريبه والبنات يقلدونها
بوق ولا تخاف
اللي يدش الجيش بشهاده متوسط معاشه اقوى من معاش الجامعي اللي يشتغل في وزارة
التاكسيات والباصات مافيه كويتين


مو بس في الكوييت
إلا في كل مكــــان تقريباً


يعطيك العافية ياسياتل



الســؤدد

[ابو خالد]

الله يعـز الكويت

والله لو تلف العالم كله شرق وغرب شمال وجنوب

ما تلقى نفس الكويت :)

[سياتل]

تسلمووون على المروور

و لا اظيف اكثر من اللي قاله اخوي ابو خالد

اشكركم مره اخرى

[ابوتركى]

تشكر اخى سياتل

وانا اقول بس الكويت

اللى شيوخهم فيهم البركه واللى مابينهم وبين الشعب فرق

بس الكويت اللى بينهم فى ولف ورحمه على بعضهم

بس الكويت اللى فيها جابر الخير الله يطول بعمره

بس الكويت اللى يسمونها ديرة الايتام

[سياتل]

حياك الله يا ابو تركي
ومشكوور عللى الاضافه

[جالس بن مبارك]

شكرا لك على الموضوع
واللى قبلى ما قصروا
كفوا و وفوا

[سياتل]

تسلم طال عمرك و لاهنت على المروور