تقييم نوابنا بدون محاباة

[مافي الحمض احد]

السلام عليكم ورحمة الله وبركاته

انا من الناس اللي كنت اقول تو الناس عليهم عطوهم فرصه ... وكنت أسكت وما احاول اقيمهم لان الوقت توه .. لكن على قولة المثل ( ماضل بيها ) :)

1- العدوه ,, بما انه اكبرهم سناً : للأسف اداءة ماهو مثل ماكنا متوقعين خصوصا وانه اخذ درس مفروض انه تعلم منه وغير مساره ... لكن اللي نشوفه لا طبنا ولا غدا الشر.

الرجل غايب عن الساحه ... مجرد ملاسنات مع البصيري لا تسمن ولا تغني من جوع . على الساحه وبين ابناء القبيله ماله اي وجود .. وللأسف ان قبيلتنا محتاجه نواب يعززون دور ابناء القبيلة في الدوله .. مفروض يسعون لتقليد اكبر عدد من ابناء القبيله مناصب عليا تساهم في خدمة ابناء القبيله ... لكن اللي نشوفه العكس .. وهو محاربة المسؤولين من ابناء القبيله .

2- الصيفي مبارك الصيفي .. بو منصور خالف كل التوقعات بمواقفه .. لان حنا كنا متوقعينه يكون بصام وصامت .. لكن اخلف في وحده فهو ليس ببصام وتصويتاته تشهد .. ولكنه صامت من الدرجه الأولى لدرجة انه فيه ناس مايدرون انه فيه عضو اسمه الصيفي .

الرجل ماسك ذرا في التكتل الشعبي وهذا شي طيب .. لكن مافيه شي من راسه .. ماعنده اقتراحات ... وللأسف عنده سكرتاريه مدججينه .. ومسببين له احراجات مع الناس .. كذب ولف ودوران ومواعيد تصريف للناس .
واللي هذا اوله ينعاف تاليه


3- الدكتور محمد هادي الحويله ...
مواقف لا تدورون ... معاملات ابشر بسعدك ... هذا المختصر


4- خالد الطاحوس .. مواقف ممتازه .. لكن شلون يغفل الجانب الديني ؟؟ وينه من قضية العريفي ؟ وينه من قضية مركز وذكر ؟؟ وينه من حفلات هلا فبراير ومافيها من حفلات ؟؟ هل اصبح ليبرالي ؟؟

اما معاملات للأسف لا تدورون .. وانا اتوقع انه ماينجح الانتخابات القادمه.


في النهايه انا اقول للعجمان .. عظم الله اجركم في نوابكم يا عجمان
دوروا لكم احد مثل مسلم البراك ولا فيصل المسلم ولا الطبطبائي ولا الحريش

[الشاهين العجمي]

السلام عليكم ورحمة الله وبركاته

انت يا صاحب الموضوع (مافي الحمض احد) انصحك بعدم المشاركه بهالمنتدى المبارك فيبدو انك مراهق وتعيش هذة المراهقه فحبك واخلاصك للحويله واضح لدرجة انه من اخلاصك له تريد ان تسحق وتحرق ابطال العجمان ويام كافه الطاحوس والصيفي والعدوه. يا حبيبي خاف الله في نفسك. نوابنا لاينامون يعملون و يسعون في جماعتهم 24 ساعه بلا منه وانت قاعد بالمنتدى ومهمتك فقط انك تكسر وتشوه سمعتهم بالأخص من اجل الحويله!!!!!!!!

[مافي الحمض احد]

وعليكم السلام ورحمة الله وبركاته

انت معتبر كلامي عن الحويله مدح له ؟؟؟ عزالله انك انت المراهق اللي شبحك قريب

ومابي ارد على كلامك الباقي لانه كلام جاهل

اذا اعجبك الكلام علق ماعجبك منت ملزوم ترد برد مثل هذا

[الـفـارس]

السلام عليكم ورحمة الله وبركاته

مافي الحمض احد

انا صراحه كنت بشارك بالموضوع وبقول اللي بخاطري

لكن يوم شفتك شخص متناقض جدا جدا ونفس ماذكر الشاهين تكتب لاجل ناس وتضرب

ناس اخرين ؟؟؟؟

موضوعك راي في الصيفي قد اتهمت الصيفي انه لامعاملات ولا مواقف وحطيته الثاني :)

والحويله ماقلت عنه شي وكنت مبعده عن الشبهه عشانك راعي مواقف وفوق هذا

حطيته الثالث والمشكله انت بنفسك تقول ان المعاملات ماتهمني

انا ابي مواقف وحطيت الطاحوس الرابع والمشكله تقول بموضوع الصيفي نبي نواب مثل

الطاحوس من كلامك حاطه رقم واحد ويوم جا وقت التقيم حطيته الاخير ؟؟؟؟

نصيحه لك اخي الكريم خاف الله في نفسك انك تضرب 3 لاجل واحد لعبتك مكشوفه ومعروفه

ولاتحسب الناس غشم الناس تشوف وتعرف ؟؟

خاف الله في نفسك اما انك تقول الصدق ولا لاتقول غيره .

[مافي الحمض احد]

الاخ الفارس الله ينور لك طريقك ويوريك الحق حق ان شاءالله
انا قلت 1 العدوه لانهم اكبرهم سناً انا مرتبهم بالعمر مو بالأفضل يا ذكي
الترتيب ماله دخل اصلا
وبعدين شوف تعليقي في النهايه علشان تعرف اني غاسل ايدي منهم كلهم بدون استثناء

فعيب عليكم انتم تلمعون احد على حساب احد
المشكله انهم كلهم فاشلين سياسياً ......فشنو تبقى ؟؟ مابقى الا خدماتياً

[DK-21]

الاخ مافي الحمض احد

فاشلين سياسيا <-- انا بعقب على هالكلمه وبس :)

لما تقول اخي الفاضل فاشلين سياسيا هالكلمه لاتنبطق على نوابنا الافاضل

خالد الطاحوس
خالد العدوه ا
الصيفي مبارك

فاشلين سياسيا ؟؟ وهم الوحيدين من اعضاء القبائل والدائره الخامسه الذين وقفو في استجواب رئيس مجلس وزارء وكلنا يعرف شنو يعني تصوت ضد رئيس مجلس وزاراء يعني خلاص ماعاد فيها لا معاملات ولا اي واسطه تمشي لك واذا ماتدري بهالشي اسئل الي يلعمونك فا لاتعتب عليهم بالمعاملات لاْن مواقفهم تبديهم على المعاملات

والكل عارف انه الي يكون بصف المعارضه ينتهي خدامتيا فا ليش نخلط بين الاوراق ؟

لما تقولي فاشليين سياسيا انا ادري انك ماتعي الكلمه الي انت تقولها مجرد كلمه طلعت منك وخلاص

فاشلين سياسيا لما يكونوون مؤيدين حق وزير الداخليه مع الي سواه ايام الانتخابات والاعتقلات والفتن وهم واقفو ضده تماما واطرحو الثقه فيه وقفة رجل واحد مع عاده الذي تنبطق عليه كلمــتــك الاخ النائب محمد الحويله الفاشل سياسيا مع متربت الشرف في وجهة نظري

فاشلين سياسيا لما يؤيديون رئيس مجلس الوزارء والسرقات الي صارت في عهده بخور ودهن عود بملاييين الدنانير والرشوات حق النواب وهم وقفو ضد رئيس مجلس الوزارء وقفة رجل واحد والذي عجز عنها الكثيرين ومنهم من تنبطق عليه كلمـتـك الاح النائب مـحـمـد هـادي الحــويــله الفاشل سياسيا مع مرتبت الشرف
وبالاخير يا اخي الكريم فاشلين سياسيا لاتنبطق على امثال خالد العدوه والصيفي مبارك وخالد الطاحوس الفاشل السياسي هو من كتب عنهم وجحد مواقفهم وتضحيتهم بالمعاملات التي هي صمام امان النائب التي تمنحه الفوز بالانتخابات حتى قبل ظهور النتائج وانا لا اويد ان يصبح بيننا نائب بصـــــــام بحــت الحكومه لاتحسب له احساب لاْن تدري انه تبـع لها في اي شي تقوله او تشرعه حتى لو كان ضد الشعب وضد حقووقه الحكومه تعمل الف احساب حق مسلم البراك واحمد السعدون وخالد الطاحوس وخالد العدوه والصيفي مبارك وفيصل المسلم ووليد الطبطبائي وفلاح الصواغ ومن سقط سهوا

وااتمنى ان تاخذ كلامي بصدر رحب وديمقراطي

[ناصر^العجمي]

كلمتهم المعتادة نحن نواب معارضة ولا تمشي لنا اي معاملة ؟؟




.

[DK-21]

الاخ ناصر العجمي مساك الله بالخيــر

بقولك شغله

انا واحد من الناس معاملتي تمشي عند الثلاثه خالد الطاحوس والعدوه والصيفي
ولله الحمد تدري ليش ؟؟ لاْن معاملتي قانووونيه وماقفزت على احساب احد ولا طلبت المستحيل انا استاهل هالمكان اوكي الرجاجيل توقف معاك اما انك تطلب شي انت تدري انه مايصير اصلا وشلووون اصلا تطلب معامله او واسطه غير قانونيه والي انت جاييه يحاسب وزراء ورئيس مجلس وزراء عن قوانييين مو قاعده اتطبق شلون تبيه اول من يكسر القانووون هو هم ترى لازم تقدر موقفه شلون يحاسب وزير على تقصيره ويجيب له معامله ويقوله تعال ولله وقعلي كلم العاقل بما يعقل ولاتحملهم ثقل كبير تبيهم معارضه وخدامات ياخي معرروف الحكومي ومعروف نائب المواقف انت تبي معاملتك تمشي ماتجي حق معارض وتقوله ولله تعال مشلي هذا سوء تصرف من الشخص نفسه يحرج نفسه ويحرج العضو الي هو جايه انا الحين مثلا مثلا بستجوب وزير الداخليه وتجيني معامله من ناخب يبيني اتوسط حق ولده ادخله ظباط مايصيييييييير مايجوووووووووز فا انا بصراحه ما اللومهم انه يقولون احنا معارضه ومعاملاتنا ماتمشي بالعكس قاللك الصراااحه ما لف ودار ودلس وكذب وعيشك بووهم الرجل قالك من البدايييه انت عليييك انك تروح حق الي تعرف انه بيميشك بالعربي الحكووومي بحت وشكراااااااا :)

[((الحزين))]

أنا بقولكم رايي في الاربعه لانهم عجمان وتعبنا لما وصلناهم لهالمكان

1::خالد العدوه.. تحسن يعني صار افضل من قبل .. صحيح مش زي زماااااااان لكن قاعد يتحسن واتمنى ماتطول فترة تحسنه

2: الصيفي .. خالف توقعاتنا وطلع بالصوره الايجابيه لقبيلة العجمان واتمنى ما تكون فزة موتر فقط

3: الحويله .. سياسه قديمه يتخذها هذا الرجل وهذي السياسه ماتنفعه مع هالجيل ومأظن لاهو ولا الحويله الكرام ينجحون

4: الطاحوس . ممتاز ولكن ينقصه شي واحد هو الاعتماد على النفس يعني مو كل ما قال مسلم البراك يمين رحت يمين ولا قال يسار رحت يسار مايصير

[محمود هويج ال مخلص]

اخواني الاعزاء يجب ان يكون نقاشكم فيه بعض العقلانيه والبعد عن التجريح

اعضائنا فيهم الخير والبركه ويجب ان يكون التقييم على النافع العام اما المصلحه الخاصه

فمن الواجب ان لاتوخذ بعين الاعتبار

كل انسان لديه القدره على تسيير اموره في جميع المجالات بدون منة احد

نوابنا الافاضل لديهم القدره على الدفاع عن المال العام ومصلحة البلد دون اي خوف

اوتبعيه لااحد


الطاحوس ينتمي للتكتل الشعبي ويتماشى مع انجده التكتل واطروحاته المفيده للجميع

دون نفس قبلي او طائفي

العدوه رجل المهمات الصعبه

الصيفي تجده قريب في جميع الاحوال وله من المواقف الشجاعه مايشهد على ذلك

الحويله نعم هناك بعض الأخذ عليه ولكن يجتهد ولكل مجتهد نصيب

اعزائي هؤلاء رجال القبيله في المجلس ويجب ان نلتمس لهم بعض العذر

وأن لاتؤخذ الشخصانيه او عدم توقيع بعض المعاملات المخالفه في تقييمهم

دمتم بود

[king الساحه]

الله يعينك على
نفس ياصحب الموضوع

[DK-21]

:)


:)

[ام نايف]

مساء الخير ياصاحب الموضوع لو تلاحظ و تتمعن عدل بإسلوبك و نقدك الجااااااااارح فقط واركز على كلمة فقط إتجاه النائب الفاضل المحترم الشريف الصييفي مبارك الصييفي وطبعا احترامي لنوابنا الباقي : راح تشوف واتوقع اللي قروا الموضوع لاحظوا انه نقدك نقد شخص حاااااااااقد بكل ماتحمل هالكلمه من معنى واكثر شنو ( مدججينه) عيب عليك وبعد 9 شهور تقول في ناس ماتعرفه بس مالومك من حرتك وحقدك موت في غيظك

[عبـق أجدادي]

.














خالد العدوة

نائب لاتنقصه عوامل النائب المعارض شخصية قوية ومحبوبة ومفوهة جدا ً

لكن أتمنى أن أراه يوما ً يستخدم " السؤال المغلظ " وهو الإستجواب


مواقفه إلى الآن جميعها قوية وعند الظن

أتمنى إستمراره على نفس الوتيرة







الصيفي مبارك الصيفي

باختصار يابو منصور كنت فوق الظن وعند الطموح

لم أصوت له بالتشاورية السابقة .. لكن أول إسم سأضع بجانبه إشارة الصح

في الإنتخابات القادمة هو الصيفي مبارك








محمد الحويلة

اللي يبي ياكل بالثنتين يغص يابو هادي

مواقف وخدمات في آن واحد صعبه .. مواقفك بالأيام الأولى خيبت آمالنا

بدأت تسير بالطريق الصحيح بدءا ً من الإستجواب الثاني لوزير الداخلية

مرورا ً بأسئلتك لوزير المالية عن صندوق الأجيال القادمة


أمامك الكثير من الإختبارات ومنها إستجواب أحمد العبدالله

نحن بانتظارك












خالد الطاحوس


جميل إنضمامه للتكتل الشعبي وجميل هو خط سيره

ورائع موقفه مع وزير الداخلية في اللجنة التشريعية


لاتزال تنقصه الخبرة في العمل البرلماني

جميل هو العمل المشترك لكن نتمنى أن لا يلغي

هوية النائب داخل المجلس













باختصار


لما أنظر لأعضاء الكتل الأخري

ونواب العوازم والرشايدة أقول يهونون ربعنا













بحفظ المولى

[النــ فهيــد ــاجعي]

انا مستغرب من بعض الناس اللي مايعرف يسولف ،، ياخي كل شخص ووجهة نظره انا شخصيا سمعت انهم قايمين بالعجمان بس انا ماني شايف انهم فعلو شي بالمجلس فمثال عندكم الطاحوس حاط دوبه دوب وزير الداخليه واخر شي يسكته وزير الداخليه ويقوله سد بوزك واقعد والطاحوس مارد ولا قال شي ومحطوط ذا الكلام بالجرايد... ورجاءا كل شخص يحترم وجهة نظر غيره... لاهنت ياخوي على طرحك هالموضوووع الجميل وقول اللي تبي تقوله مالك شغل بأراء غيرك

[DK-21]

فهيد الناجعي

شلونك

بالجرايد شفت وزير الداخليه قال حق الطاحوس سد بوزك

ماشفت لما قام النائب خالد الطاحوس ورد عليه قاله يا مضلل يا كذاب انا اعلمك حجمك الحقيقي

ورد عليه الوزير قاله تلميذ ناجح تلميذ ناجح

ورد عليه النائب خالد الطاحوس وقاله ونعـــــــــم الاستاااذ ويأشر على مسلم ونـعـم المدرسه ويأشر على احمد السعدووون


لا تخاف يالناجعي بو مشعان مايخلي حقــــــــــه :)

[العجاجي]

انشالله النواب عند حسن ظن الجميع وكلهم خير وبركه والله يعينهم على المسؤليه الصعبه وعلى اوظاع ومشاكل المواطنين ونوابنا جهودهم مشرفه وواضحه وضوح الشمس وشكرا

[عبدالعزيز العجمي]

حسب وجهة نظري الشخصية :

خالد الطاحوس ... طموح ..مدافع .. يهتم بالأمور التي تتعلق بمصير البلد بشكل اكبر من تخليص المعاملات .

خالد العدوة .. يهتم قدر الامكان بأن يكون حاضر بالمسائل الحاسمة .. مهتم بالمعاملات قدر الامكان .. بالمواقف الحاسمة نجده دائماً

الصيفي مبارك الصيفي.. مجتهد .. يهتم بالناخب بشكل عام لا يلتفت بقدر كبير للقبيلة .. يحب يخدم الكل ولكن حسب نطاق دائرته . يرى نفسه مرشح جميع اطياف الدائر الخامسة .. في المواقف الحاسمة يكون صاحب موقف يحترم .

النائب د. هادي الحويلة .. صاحب رأي خاص فيه (خصلة تحترم) .. لا نستطيع توقع مواقفه .. يهتم بالمعاملات .. يخفت ظهوره في المواقف الحاسمة ... يتردد بشكل كبير في أتخاذ القرار .. يفضل دائماً ان يتريث قبل التصريح واتخاذ موقف .

مع احترامي وتقديري لهم جميعاً وللجمع الآراء

دمتم بود

عبدالعزيز العجمي

[النــ فهيــد ــاجعي]

Dk_21 هذا اللي اتمناه ان بومشعان مايخلي حقه ويستاهل كل خير هو وجميع النواب.. تقبل مروري:)

[!! عـيـا الـبـخـت]

السلام عليكم ورحمه الله وبركاته..
شكرا للاخ الفاضل على الموضوع الغير منطقي وكلامه الغير منصف..
اتمنى من الاخ الفاضل انه يرفع كلمه بصام وصامت .. لانه فارس المجلس بومنصور اشرف من الشرف.. وفي مثل يقولك(( كلن يرى الناس بعين طبعه))...اخوي المحترم.. اذا تبي تقيم قيم الكل مو تقيم ثلاثه وتنسى الرابع الي كتبت عنه كلمتين بعدت الشكه عن موضوعك الي ماله اي هدف وقيمه عند الناس.. كان المفروض اسلوبك يكون ارقى من هالكلام..تبي تطرح موضوع اطرحه بكل شفافيه.. ومحد راح يقدر ينتقدك.. اما كلامك هذا فيه تجريح وتطاول على الشرفاء..ولو انك ما بينت شي ..لكنك تستخدم طريقه الضرب تحت الحزام..في نهايه كلامي..
ما اقول الا يا بومنصور توكل على الله وسو الي يريح ضميرك.. هؤلاء ما هم الا مرتزقه وبصامين يوريدون محاربتك لانك فارس قبه عبدالله السالم..ومواقفك تشهد لك ومقترحاتك وتصويتاتك.. بيض الله وجهك وعسى ربعك يمشون على دربك.. والسلام عليكم ورحمه الله وبركاته..

[بعيد الهقـاوي]

انا هذي وجهة نظري

اعضائنا كلهم ممتازين ويجملون

خالد العدوه : ادائه افضل من الدوره السابقه اللي نجح فيها وابشر بسعدك في الموقف الحاسم
ونبي منه اكثر .

الصيفي مبارك الصيفي : اخلف كل التوقعات واثبت جدارته في تمثيله للعجمان وعلي ماقالو البدو(لون وعون) مواقف ومعاملات والله يوفقه .

محمد الحويله : اكثر عضو عليه ضغط معاملات والعجمان وخلق الله كلهم منكبين عليه ومرتكيلهم
مايصير اعارض الحكومه واخلص معاملات ذا العالم والمواقف لا باس فيها مر ومر .

خالد الطاحوس : انا بصراحه في الانتخابات الفرعيه
ماكنت ابي اصوت للطاحوس ولكني صوتله بعد الموضوع اللي انتو خابرينه
لكن اقسم بالله اني اقول الحمد لله اني صوتله عزالله العزيز انه بطل واني افتخر بان هذا العضو انه عجمي لو ان المعاملات ماعليك منها لكن ماني بلايمه اذا ماخلص المعاملات يصادم الحكومه
اكيد ماتمشي له معاملات لكن حصان ابو مشعان يجمل


تحـــــــياتي