• وإن سلمنا من خيالك .. ماسلمنا من سميّك •

[محمد بن سعود]

•

ابكيكَ يا حظاً تردىَ مع الوقت ،
ويلعنك يا صبراً حنى رأس راعيه

شطراً أرده فـ الصدر كل ماضقت
[ مآ طلت شيئاً قد لحقته وانا ابغيه ]

•

[محمد بن سعود]

,







حاولت اسافر عن مواجهك وسج !
وادور السجه ولا فيه سجه !

قلت اعتمر وانسي طواريك واحج !!
واثرك معي في كل " عمره " وحجه !!

[محمد بن سعود]

,







عسى خير ياواحد من ربوعي الغالين
على الصده اللي ماعرفنا سبايبها

جفيا الرفيق اشد من طعنة السكين
الى مكـــنوا بين السراجيف مضربها

لكن الزمــن غــيّر معالم صلاح الدين
ونـــزل زعامــات الدول من مناصبها

وانا بخـتصر معـناي كــله عــلى بيــتين
مايحـــتاج اشــرق بالمــعاني واغــربها

ليا عــظتك بقعا وجــور الزمان الـشين
وحــمول الجــمال الصفر حزت غواربها

تَـــنَشّد واذا قــالوا لــك اني مــن الحيين
ترانـــي على هـــقواتك اللي هـــقيت ابها

وترى محزمك في مامضى محزمك ذالحين
ولا خـير فـي قــومٍ تغــير مـذاهــبها

والــيا صرت مـتعافي وطيب ووضعك زين
عسى السيل يسقي الديرة اللي ربيت ابها

[محمد بن سعود]

•

​صبرنا على ما جابه الوقت زين وشين
ولا ضعّفت صكات بقعا عزايمنا

نحشم الرفيق ولا طردنا ورا المقفين
وعلى نخوة الناخين نحذف عمايمنا