الخويطر2003
03-09-2004, 06:12 PM
وهذه الرائعه الثالثه للشاعر / غازي بن دغيم العجمي:
يالله طلبتك من مطر غر الامزان =ينشي من القبله نصوبه مزابير
كنه خشوم طويق نوه اليا بان =سيله يشيل اغثاه فوق الشناظير
حيمون سيله يدهج شعيب خضران= حيثه مرب معزلات الغنادير
ياما يربه من جهاجيل غزلان =خشوف ريم يدهلن العثامير
منهن بليت بحب سحاب الاردان =اللي عليه القلب يكفخ كما الطير
اللي شعاني شعيت الركب ذيدان =ذيدان عزب رتعوا فالمخاضير
واق الرقيبه قال هذيك الالوان =وقفوا عليها مبعدين المعايير
اتلى العهد به يوم تلتم الاضعان =وقفوا وانا عيني بذيك المظاهير
اقفوا وقفوبه طليقين الايمان =اهل الثنا واهل الوجيه المسافير
من دونه اللي فاللقى تروي الزان =لاجانهار فيه غز القناطير
راحوا وراح القلب والروح تلفان =وحنيت حنت مخلجات على ضير
حل العصير وفارقني مسيان =الله لا يجزا اخر اليوم بالخير
امسيت ممسى البين والطرف سهران =واصبحت اشرف عاليات العناقير
اقنب كما يقنب من الجوع سرحان =الصبح جاه وحاديته النواطير
غديت من فرقى النيا تقل حيران =ضاقت عليه فجوجها والمعابير
منازل فيها يهلن الاعيان =من حب اهلها بالدموع الشخاتير
احب واغلي من غلى ذاك عدوان =لو حربهم لي حرب جساس للزير
يلومني خبل امن الحب عجزان =ما هو هوى للي ثمانه مغاتير
ماله جدى الا يغري فلان وفلان =وسط المجالس بالسب ومعايير
ويصورون العلم لو كان ما كان =ويزورون الحمل بوساقة غير
ما ولعتهم سجة بعض الاحيان =تبري الهموم الواردات المصادير
وانا المولع لو يقولون غلطان =ما طيع ومثلي ما يطيع المشاوير
ما ينعذل في واحد حبه جنان =حبه يشقر ثومة القلب تشقير
غرو عيونه حطة القلب نيشان =لا حققت ترمي سهوم المقادير
ولا هوب يرحم لا رحم منه جدان =ياخذ ولا يدي ولا لي مثاوير
يا ليت عرفه ما تصور ولا كان =ما رتحت من شوفه ولا رفقه خير
تمت وصلى الله على نسل عدنان =ما لعلع القمري بروس العناقير
الخويطر2003
يالله طلبتك من مطر غر الامزان =ينشي من القبله نصوبه مزابير
كنه خشوم طويق نوه اليا بان =سيله يشيل اغثاه فوق الشناظير
حيمون سيله يدهج شعيب خضران= حيثه مرب معزلات الغنادير
ياما يربه من جهاجيل غزلان =خشوف ريم يدهلن العثامير
منهن بليت بحب سحاب الاردان =اللي عليه القلب يكفخ كما الطير
اللي شعاني شعيت الركب ذيدان =ذيدان عزب رتعوا فالمخاضير
واق الرقيبه قال هذيك الالوان =وقفوا عليها مبعدين المعايير
اتلى العهد به يوم تلتم الاضعان =وقفوا وانا عيني بذيك المظاهير
اقفوا وقفوبه طليقين الايمان =اهل الثنا واهل الوجيه المسافير
من دونه اللي فاللقى تروي الزان =لاجانهار فيه غز القناطير
راحوا وراح القلب والروح تلفان =وحنيت حنت مخلجات على ضير
حل العصير وفارقني مسيان =الله لا يجزا اخر اليوم بالخير
امسيت ممسى البين والطرف سهران =واصبحت اشرف عاليات العناقير
اقنب كما يقنب من الجوع سرحان =الصبح جاه وحاديته النواطير
غديت من فرقى النيا تقل حيران =ضاقت عليه فجوجها والمعابير
منازل فيها يهلن الاعيان =من حب اهلها بالدموع الشخاتير
احب واغلي من غلى ذاك عدوان =لو حربهم لي حرب جساس للزير
يلومني خبل امن الحب عجزان =ما هو هوى للي ثمانه مغاتير
ماله جدى الا يغري فلان وفلان =وسط المجالس بالسب ومعايير
ويصورون العلم لو كان ما كان =ويزورون الحمل بوساقة غير
ما ولعتهم سجة بعض الاحيان =تبري الهموم الواردات المصادير
وانا المولع لو يقولون غلطان =ما طيع ومثلي ما يطيع المشاوير
ما ينعذل في واحد حبه جنان =حبه يشقر ثومة القلب تشقير
غرو عيونه حطة القلب نيشان =لا حققت ترمي سهوم المقادير
ولا هوب يرحم لا رحم منه جدان =ياخذ ولا يدي ولا لي مثاوير
يا ليت عرفه ما تصور ولا كان =ما رتحت من شوفه ولا رفقه خير
تمت وصلى الله على نسل عدنان =ما لعلع القمري بروس العناقير
الخويطر2003