(.. ركني الهادي ..) [الأرشيف] - ::. مـنتدى قبيلـة العجمـان .::

العــــديم

22-01-2010, 07:43 PM

الفياض الخـضـر

يا زين المشي في االروض الخضر لا شعشع المخضار
يازين الدير ة اللي من حقوق الوسم ممطورة
يريح البال سجٍ في الفياض الخضر والمسيار
سعادة للقلوب اللي من السلوان مســــرورة
متى عيني تشوف اللي على قلبي ربيع ودار
أشاهد للسعادة في حياة المجتمع صـــــورة
لا هلت مزون فوقهن تنعومتين صغار
على ذيك اللباب اللي من الرضوان مغمورة
لا منه أصحى سما غر المزون وشعشع النوار
ودجاه أدلى سدوله والقمر متجلي نــــــوره
أشاهد لي بروق دونها ربانها تندار
تقول أكباس غاز من ورا شلال نافورة
سبح ماهر خيالي في الخباري والبرد والنار
وأشوف الجمر فوقه دلة الرسلان منحورة
هذاك المنظر اللي ما تشوفه في الحياة أمرار
على شوفه سبابيح الخيال تموت مقهورة
حرام إني ما أهني راع المليون والمليار
ولا أهني عربسات الفضا دوره ومقدوره
أعيش بعالم طول المدا يبقى لها تذكار
عليّه بالحرام انها حياةٍ مالها جوره
هذا وجه الصحيح ولا على وجه الصحيح غبار
حقيقة ويتمعنها اللبيب بكامل شعوره

العــــديم

22-01-2010, 07:49 PM

الـثـقـيــل

آه يا قلب ياللـي دايـمٍ فـي ذهـول
والله انـه ثقيـلٍ ليـن جــوه الثـقـال
يا قطـاة العبيّـه يـا هيـام الـذلـول
يـا عيـون النـداوي يـا رقبـة الغـزال
نور وجهك على من شاف منـك القبـول
نور صبـحٍ تبسّـم فـي رهـاد الجبـال
كنّي اقـرا علـى طـرّت جبينـك تقـول
انـا قلبـي يحبـك يـا حبيبـي تـعـال
كـان قدّمـي حـدٍ فالحـب راح امهبـول
والله انـه خطيـرٍ لا يجينـي اهـبـال
المحبـه جملـهـا مـرسـلٍ وامعـقـول
لعنبـو مـن يقـول ان المحبـه اخـبـال
والذي ليلـة الاسـراء عـرج بالرسـول
ان حبـك لحـال وحـب غيـرك لحـال

العــــديم

22-01-2010, 07:53 PM

انـا مثـل صقـارٍ تولّـع بحـب الطيـر
ولف قلبـه افـروخ الشياهين وهبلتـه
تولعت فـي فـرخٍ قضيـبٍ يتـل السيـر
ابي لمحـةٍ مـن نظـرة الحـر وإسبلتـه
صغير بسنه غير عندي ماهوب اصغير
يا مغلاه فـي قلبـي ويـا كبـر منزلتـه
اجمع له سمان الهرج خـوفٍ مـن التقصيـر
والا جيت ابشرح لـه كلامـي تهيزلتـه
يجيني منه هيبة محبـه.. سحـى.. تقديـر
اقابلـه عنـدي علـم واروح مـا قلـتـه !!!

العــــديم

22-01-2010, 08:08 PM

لاجل الغلا نطوي البيدا ونقطعها
مشاعر الحب لاعنت تعنييني
لاقلت لبيه من ثغرك وانا اسمعها
نسيت بعد المسافه بينك وبيني
ياعشقه الروح ياخيره مطامعها
شوفتك عن باقي الدنيا تكفيني

العــــديم

22-01-2010, 08:10 PM

عشقت غيدا سمحتني عن الغيد
أقول والا بس مانيب قايل
ميت ضما والعد صعب المواريد
وبذلت من شانه جميع الوسايل
والشربه اللي من حياض الأجاويد
تقطع ضما هدف الضلوع النحايل
يانووووف جيتك من ورا نازح البيد
بالراس مايحتاج رد الرسايل
وأن كان ماضمدتي الجرح تضميد
تحملي شرهة عيال الحمايل
أنا دخيل الصدر والثغر والجيد
أرخي علي شلال شقر الجدايل
هذي تكفيني من العيد للعيد
وأنا علي يانوووف رد الجمايل
أحظنك بأشواقي من الإيد للإيد
وشعرك على هاك المبيسم تمايل
ياقوم يامبسم نجاح المساعيد
أنتي مثل تضرب عليه المثايل
حبي وحبك حب عليا وأبو زيد
والا مثل حب الطنايا لحايل

العــــديم

22-01-2010, 11:07 PM

آه مـن دمع ٍ على خدي سفـح
من فراق اللي على غيري شحيح
من فراقـه بالحشا قلبـي لفـح
ساكن ٍ وسط الحشا حبه صحيح
من ربا صنعـا إلى غربـي رفـح
ما سكن وسط الحشا غيره مليح
ان تعمدت الخطا عنـده صفـح
خابـر ٍ قلبـي من اسبابه جريح
فـي غباب الحب انا قلبي طفـح
هايـم ٍ ببحورهـا مـا يستريح
ريـح خلـّي مع هوى الغربي نفح
مـن جـنان الخلد ريحه فيه ريح

العــــديم

22-01-2010, 11:14 PM

غزال ضيعت عقلي وروحي
رمت قلبي وقلبي ما رماها
لها بالروح وفوادي موده
ولا شي من أحوالي خفاها
تعرف إني لها مملوك طايع
أبيع الروح في دورة رضاها
أهيم بحبها واخفي جروحي
وقلبي ما عشق زول سواها
توقد حبها باقصى فوادي
ونار الحب يحرقني لظاها
ملكني بالهوا عذب السجايا
ولا اذكر ساعة قلبي نساها
نحيل الخصر وضاح الثنايا
نظيم الدر منظوم بفاها
فجعني بالهوا ورقا حمامه
إلى غنت يذكرني غناها
يذكرني وليف غاب عني
وعيني منه جاها ما كفاها
ورا دنياي عقبه لوعتني
من الفرقا تكدر لي صفاها

العــــديم

22-01-2010, 11:33 PM

سَلا القلبَ عَمّا كان يهْوى ويطْلبُ
وأصبحَ لا يشكو ولا يتعتبُ
صحا بعدَ سُكْرٍ وانتخى بعد ذِلَّة ٍ
وقلب الذي يهوى ْ العلى يتقلبُ
إلى كمْ أُداري من تريدُ مذلَّتي
وأبذل جهدي في رضاها وتغضبُ
عُبيلة ُ! أيامُ الجمالِ قليلة ٌ
لها دوْلة ٌ معلومة ٌ ثمَّ تذهبُ
فلا تحْسبي أني على البُعدِ نادمٌ
ولا القلبُ في نار الغرام معذَّبُ
وقد قلتُ إنِّي قد سلوتُ عَن الهوى
ومَنْ كان مثلي لا يقولُ ويكْذبُ
هَجرتك فامضي حيثُ شئتِ وجرِّبي
من الناس غيري فاللبيب يجرِّبُ

العــــديم

22-01-2010, 11:38 PM

حسناتي عند الزَّمانِ ذنوبُ
وفعالي مذمة ٌ وعيوبُ
ونصيبي منَ الحبيبِ بعادٌ
وَلغيْري الدُّنوُّ منهُ نَصيبُ
كلَّ يوْمٍ يَبْري السِّقامُ محباً
منْ حَبيبٍ ومَا لسُقمي طبيبُ

العــــديم

23-01-2010, 01:27 AM

يا راعي الغـر العـذاب المباهيـش
رش الكبود اليابسـه عـن عطشهـا
دنق علي وطمن الـراس بشويـش
واحي العـروق الذابلـه وانتعشهـا
حبك ينهش ثومـة القلـب تنهيـش
نهش الحنيش لعرش رجـل نهشهـا
واهل الهواء في سجن غيك دروايش
وقلوبهـم وجلانـه مـن دهشـهـا
من ذاق من خمر السوالف بخاشيش
يبطـي وروحـه معتلقهـا بلشهـا
ولا تستمع في هل الحكا والوشاويش
نـاسٍ انقيلـي النامـيـم دبشـهـا
يا خشف ريم ذار واوحـي شوابيـش
بدواً طلوع الشمـس ذاره وغشهـا
والعين عين اللي جسر عقب توحيش
اميـر بيتـي الحـرار اوحشـهـا

العــــديم

23-01-2010, 01:33 AM

مدري على النوم عيني وش مكلّفها
للسِهْر في نونها ممسـى ومقيالـي
واللي جعل نوم عيني مـا يوالفهـا
واهج لهيب الغرام اللي برى حالي
واحالي اللي طهوم الشوق ناحفهـا
مابـاقٍ الاّ عظـامٍ جسمهـا بالـي
عليك ياللي غلاك الـروح متلفهـا
ياللي محلّك بوسط القلـب نزّالـي
غلاك نفسي عن الخفرات صارفها
لو يجمعن لي من اولهن الى التالي
لك سيرةٍ بالمحبّه ما اقـدر اخلفهـا
لو هي سبايب سهر عيني وغربالي
الاّ رجا ساعةٍ ما اقضي حسايفهـا
والاّ على السنّه السمحـا تهيّالـي

العــــديم

23-01-2010, 01:46 AM

.
ياروح روحي مهجة الروح تفـداك
راحت على مركب غرامك وساقـه
واليوم لك غيبات ماعـاد شفنـاك
عقب التقارب صار شوفك شفاقـه
ويش اللذي دلّهك عنـي ونسـاك
هاك السوالـف والعلـوم الدقاقـه
ماهوب حق تقطع عشرة من أغلاك
الحق تجويـد الصداقـة .. صداقـة
هاجوس قلبي مايخلينـي انسـاك
اذكرك في نومي على كـل فاقـه

العــــديم

24-01-2010, 01:22 PM

جتني وقالـت خـذ بقايـا هدايـاك
وهاك الرسايـل وأعتبرهـا نهاايـه
وخل ذكرياتي والصور دووووم وياك
مابيـك تنسانـي وتنسـى هـوايـه
وأستر على ماشفت منـي وماجـاك
وعسـاك تذكـر ذكرياتـك معايـه
قلت أسمعي قالت عسى الله يرعـاك
ماعـاد ينفـع ياحبيـبـي كفـايـه
صاح الضمير وقال يالزين وش جاك
ودي أعرف اليـوم شنهـو خطايـه
ودي أعرف اللي حصل لاعدمنـاك
شاللي حصل بالضبط شنهي الحكايـه
قالت (خطبني) شخص مثلك وشرواك
وأبـوي ملّكني وحـطـم منـايـه
قالت وهي تبكي ترى الكل يفـداااك
لكن ظـروف الوقـت زادت شقايـه
غصب علي اليوم أوادعك وأجفـاااك
مجبوره يـا قلبـي أفـض الروايـه
لاتعتقد في يوم أنـا بقـدر أنسـاااك
أنت الوحيـد اللـي له القلـب غايـه
والقلب صابه وقتهـا ألـف دكـاك
والهم أعلـن فـي حياااتـي البدايـه

العــــديم

27-01-2010, 02:52 AM

يامـل قلـبٍ كـل ماهـف شفـه
يزوع من بين الضلوع المهاديـف
اليا جاء غروب الشمس واقبل مهفه
مرتاح لين ابدي طويل المشاريـف
اليـا ذكـرت اللـي بغيتـه بعفـه
مضيت يومي بين ممشى وتوقيـف
ارقى على روس الهضاب المشفه
واخيل نشر مشلف القلب تشليـف
راعي اشقرٍ من فوق الأمتان ضفه
شليـل شقـرٍ هزتـه بالحاريـف
والعيـن نجـلا مايغطيـه كـفـه
والعنق عنق اللي تقود المخاشيـف
حبـه لجـا بيـن قلبـي وجـفـه
كنه على جوفي يشب المراضيـف
ليته يطاوعنـي ليـا قلـت طفـه
بيديك ياراعي الثمـان المراهيـف
خف العنا في وصل الأقدام خفـه
الوصل طـبٍ للقلـوب المواليـف
قـدام تاخـذ فينـا الأيـام لـفـه
مافي يدينا من قدرهـا تصاريـف
اليـا دقـرت ماكـل حـيٍ يدفـه
ماعدلوها أهل المهـار المزاغيـف

العــــديم

27-01-2010, 03:14 AM

اشواق قلـبي تدفعه يـــم غاليه
على صدى صوت الهنوف وغزلها
الليل والجوال والعشق والتيه
ونفوســـنا ســـلك الغـــرام يحملها
والحب واصوات الغلا والمشاريه
وقلوب ملياء حب ونفوس ولها
وشوي كلمه حب وشوي ترفيه
تمزح معي لازاد فيها خجلها
من حبى الها مابقى شي احكيه
كل الكلام الحلو منى وصلها
ومن حبها لي كل شي حكت فيه
سوالف(ن) ماســولفتها لا اهـلها
كلامها كن العسل ذايب فيه
واخلاقها زادت عسل في عسلها
ابدع لها بيت القصيده واغنيه
واحـساس كل النـاس حســيته الها
وليا ذكرت بشي انا كنت ناسيه
اخم جوالي ابا اقولــــــه الها
وليا سمعت بصوتها العذب لبيه
اضيع في صوت الهنوف وغزلها

العــــديم

29-01-2010, 03:28 PM

لاياعيــــــــــون اللــــــــي تعـــــــــلا علــــى اللــوح
بــــــــرق الــــــــدواغر في الهـــــــوى قـــــد طـــــرحها
اليـــــــــا نطحـــــــــــها بالهــــــــوى لاحــــــها لـوح
امــــــا ضــــــــــــربها عــــــــــــرض والا نطــــــــحها
شفــــــــــت الحجــــــــــاج ومبـــــــسم العــــذب ذابــوح
مـــــــــع ذبــــــــــل(ن) لاواهــــــــني مــــــــن نشحــــها
نشحــــــــــت يتـــــــيم مـــــــع هــــل البــــيت مشفـوح
مـــــــــدوا عليـــــــــه جغيــــــــمة(ن) واصطبـــــــــحها

العــــديم

29-01-2010, 03:38 PM

خـلقت فالدنيا و أنا ما معي شي=و بـروح منها ما معي شي منها
خـلوني أستانس بها حدني حي=لا مـت مـدري جثتي من دفنها
و أن طال عمر الآدمي كنه الفي=و كـم خزنة ٍ يلهدبها من خزنها
شـوي ندله و أربع أيام و شوي=نـدفع لـسجتنا الـقليله ثـمنها
و الرابح اللي لنطوت صفحته طي=فـي طاعة الله رحمة الله ظمنها

العــــديم

29-01-2010, 03:50 PM

يا صاحبي عطني وعد واتحـراه
وادخل على الله يا صدوق المواعيد
هذه سنه راحت علـي واحـلالاه
قعدت احسبها مـن العيـد للعيـد
والحال ليتك تعرف ادناه واقصاه
في ذمتي مـا يبخلـون الاجاويـد
انا تعبت امن السهـر والمعانـاه
الوقت قيدني وكيف اقطـع القيـد
وكان الشهر ذا راح ما مد يمنـاه
عزالله اني من حسـاب المقاريـد

العــــديم

29-01-2010, 04:16 PM

يا صاحبي خل قلبي يدله أحلا له
القلب لاسج من موضوعك أريح لي
أنا إلى جيت قدمي صابني حاله
جوارحك كلبوها عنك تشرح لي
أعرف ملامح عيونك وش تعناله
لاصار منتب بصادق لا تلمح لي
الوضع مزري ويوسف له ويرثاله
حاول على وضع يصلح لك ويصلح لي
أما اعتبرني ذكي منتب على باله
وإلا اعتبرني غبي مره ووضح لي
ليا متى وحن على ذا الوضع والحاله
تقودني للخطا وأخطي وتسمح لي

العــــديم

02-02-2010, 08:40 PM

اونس بوسط القلب مثل المناشير
والعين لذات الكرى ما دخلها

على وليف خدر القلب تخدير
عليه بيبان الضماير قفلها

عليه روحي في هموم وتفكير
ولاتنعرف علاتها من زعلها

راع جديل فوق متنه دعاثير
والعين عين اللى سبوق نتلها

والردف شط حوير يتبع الضير
وسط الفياض اللى جديد نفلها

بنت اللذي يثني خلاف المظاهير
لاطبت اقدام السبايا وحلها

والله خبير بالليال المناحير
فيها ربيع القلب ولا محلها

اما نبت وسط الضماير نواوير
ولاتحول يأسها دون املها

العــــديم

02-02-2010, 08:42 PM

غروٍٍ رماني مـن جحيمـه فـي شـرر
مع زود نار الحـب ولـع بـي سعيـر
اللـي لعـب بالنـار يأكـلـه الجـمـر
مقسـوم والمقسـوم ماعنـه مطـيـر
لا ياغـزال طويـق يالظـبـي العـفـر
صرتي كما عـزة وأنـا العاشـق كثيـر
بين الجبـال الشـم والسهـل الخضـر
مدهال ظبي طويـق بالـروض النضيـر
ياحصبـة اللـولـو بمـحـار البـحـر
أتعبتـي الـغـواص بالـيـم الغـزيـر
يـاوردة البستـان ياعـطـر الـزهـر
وإن داعـب النسنـاس فـواح العبيـر
ياروضـة التنهـات فـي غـب المطـر
وإن فاح ريح العشب من جنـب الغديـر
ياشربةٍٍ مـن نقـع فـي نقـر الصخـر
كـرع بهـا الظميـان حاديـه الهجيـر
ياعيـن شيهـانٍٍ مـن الماكـر شهـر
صوبتني بالرمـش لـك سهـمٍٍ شطيـر
الدمع من عينـي علـى الخـد أنهمـر
أحفيت جفن العيـن وأحرقـت النظيـر
مانـام كـل الليـل فـي حالـة سهـر
وأنت الذي مرتـاح فـي نومـك قريـر
يامنتـهـى الأمــال أقـولـه جـهـر
ممنـوع بالأعـراف تعذيـب الأسـيـر

العــــديم

02-02-2010, 08:48 PM

البارحة ساهر والدمــع يجري
،،،،،،،،،،،،،،،،، والقـلب حزن على فرقا حبيبه

كريم يــابارق ينوض حدري
،،،،،،،،،،،،،،،،، واللـي سرى بالغداري يقتدي به

واللي ضرب وادي خلاه يـجري
،،،،،،،،،،،،،،،،، عسى طروش البــــوادي ترتوي به

متخفي لابس لـه بشـــــت بدري
،،،،،،،،،،،،،،،،، حسبي علــى البشت واللي غرني به

يامدمج الساق حالي مــنك مبري
،،،،،،،،،،،،،،،،،،، بري النجاجير عيدان صليبه

ابو قرون تغذى بالشمطري
،،،،،،،،،،،،،،،، مثل السفايف عــلى كور النجيبه

ابو عيون ليا دلّـــت تخزري
،،،،،،،،،،،،،،، ترمي بالاسباب ويل اللـي تصيبه

ابو خديد يشــــادي نجم فجري
،،،،،،،،،،،،،،،،، والا القمر لا انتحـى يبغي مغيبه

ابو نهيد كما الــفنجال زبري
،،،،،،،،،،،،،،،،، ويمزّع الثوب من حال غصيبه

ياليتني عالــم للـغيب وادري
،،،،،،،،،،،،،،،،، عن غض الانهاد من هو من نصيبه

ياليتني حايـــف ويقال خبري
،،،،،،،،،،،،،،،،، انهب صخيف الحشا ثم أغدي به

من طاب لي طبت لــه والــكل يدري
،،،،،،،،،،،،،،،،،، واللي يتغلا عـلينا وش نبيبه

ان مت حطو بدرب البيض قــبـري
،،،،،،،،،،،،،،،، تكفون حطـي على قبري نصيبه

يامن يرد الحبيب ويــاخذ اجري
،،،،،،،،،،،،،،،،، قفـّا بلا سبة ربـي حسيبه

ماقــدر الله على المــخـلوق يجري
،،،،،،،،،،،، والعبد لزم تـرى ياخذ نصيبه

وآقوّ ماصابني وآقــوّ صبـري
،،،،،،،،،،،،،،،، لعل ماصابــني منه يصيبه

يالله طلباك مغني كـــــل فقري
،،،،،،،،،،،،،، كل عـلى قد حاله تعتني به

العــــديم

02-02-2010, 08:51 PM

طس السبيل من اشقـر التتن طسّــه ***** الشــاوري يبــري عـن القـلـــب علّـــــــه

من كيــس قــرم دايـمٍ مــا يـدسّــــه ***** تلقــــاه مقــروطٍ علــي جــــــــــال دلّـــــه

لـو عندنا من غيب الأيـام رسّـــه ***** الأدمــي مصــلــــوح نفســـــــه يدلّــــــــه

يالله ياللي كـــل صـــوتٍ تحسّــــه ***** عقــد البلــش غيــر أنت محـــدٍ يحلّـــــــــه

تفـرج لمـن مثــلي زمـانه يرسّـــه ***** عليـــه مــن بعــض المـعــانــي مملّـــــــــه

عليـه من بعض المعـاني محسّـــه ***** ســـاعة خــرج مــن علــةٍ جــــاه علّــــــــه

البــوم يفرس والفهـــد صار بسّــه ***** تبــدّلــت دنيــاك يــــــا فــــاطــــــنـلــّــــــــه

سبـع الخلآ كيـف الضـواين تنسّـــه ***** والصــلح من راع الغنــم مــاحصـــلّـــــــه

القبــس يورد والظــوامي تلسّـــــه ***** والمــــــزن عطشـــان الــوطي مـايبلّـــــــه

لا صار عن حقك سلاحك تدسّـــه ***** مــا ينعقــد لــك فــي حضـون المــذلّــــــه

العــــديم

02-02-2010, 08:54 PM

ياعيد مايصخر قلوب المخاليق
إلا الذي يحط الأرواح فيهـا
ولاتنفع الجهدة بليا توافيـق
والنفس ماهي في هواك اتهديها
ياخو وضيحا لاتسد الطواريق
ناس ٍ تبي فرقـاك لاتبتليهـا

العــــديم

02-02-2010, 09:02 PM

حل الفراق وحن رايم لمريوم=وقوى الفراق اللي كبار دفوفه
أمسيت أنا عيني حريبٍ لها النوم=كن الأداوي بالنظير محذوفه
أبكي بكا ورعٍ عن الديد مفطوم=عاجاه غير أمه وكثرت صدوفه
غديت مثل اللي بمسراه منجوم=مني معاليق الضمير مخطوفه
ونفسي غدت لاهيب منٍ ولاسوم=وجسمي نحل كن السعاير بجوفه
والقلب جارٍ له سواميح وهموم=ومن القرادة كل طاري يلوفه
على الذي جاني منه رد وعلوم=شرهٍ علي اللي جميلٍ وصوفه
وله الشره لوكان ماجيت مثلوم=أصبر على عجفاه لجل معروفه
لو بين الغيظه فأنا منه ما أشوم=لين اتعذر منه وأجلى الحسوفه
حقٍ على رادع شفاياه برقوم=يروف بي وأنا بحال المروفه
وحقه علي إلى هرجت أبعد الحوم=أغضي ولاكني مع الناس أشوفه
أنا الذي ياما تمناه من يوم=وهو الذي نفسه لغيري عيوفه
إن مت قبله قال لي : زيد مرحوم=وإن مات قبلي ما الحياة مخلوفه
كن اللوالي بين أشافيه منظوم=أو ضيق وبل محلتم في قنوفه
والعين عين اللي على رأس ملموم=ماجيب له من كل نسرٍ علوفه
حرش المناكب لأبرق الريش صيروم=حرٍ ملك موت الحباري كفوفه
أبو نهيدٍ في حشى الصدر مزموم=بيض الحمام اللي رفاع قيوفه
هافي حشا كنه عن الزاد محروم=والثوب يشكي مانبا من ردوفه
والزين في مقرن حجاجيه مرشوم=رشمة مهر شيخٍ شبع في مضوفه
ياجاعل موت المخاليق محتوم=قرب مداهيل العنود الهنوفه

العــــديم

04-02-2010, 04:50 PM

يامرحبا عدت نجوم المجره=واعداد مارش المطر وادلق سهيل
واعداد من يمشي ابحره وبره=واعداد ماراح الضحى واقبل الليل
جيّتك في روحي تزيد المسره=وبعدك ترى يازين يورثني الويل
حلاوة أيامي بفرقاك مره=في غيبتك والدمع يجري كما السيل
في غربتك قلبي عنا الشوق ضره=وحسيت بالغربه عن الناس بالحيل
حبك معاليق الضماير يجره=يسطي بسيف الموت من دون تعليل
مسكين ياقلبٍٍّ هوى الحب فره= من مر كاس البعد زوّد له الكيل

العــــديم

04-02-2010, 04:53 PM

عقبك عيوني بالدموع استخالت=من فوق خدي نثرهن فوق جيبي

وعقبك علي يا زين الأيام مالت=أرجع وعالج ضامري يا طبيبي

وديارنا من عقب فرقاك سالت=من دمع عيني قام يدرج شعيبي

وان كان فرقاكم على القلب طالت=نجيك فوق منثرات الســـبيبي

نا صلك لومن دونك القوم حالت=من فوق قب(ن) يرهجن الحريبي

أون دونك مرَح الخيل حالت=لازم يجيبك حظنا من نصيــبي..

العــــديم

04-02-2010, 05:02 PM

اليوم يا عيني علامك ترفين =ولاأنتي على العادة ينثر الدموعي
أما يبي يلفيك علمن ما هوزين =وإلا اتذكر ما غدى من اربوعي
يا كثر ما نذكر من الناس غالين =حدر الثرى ما عد قيهم رجوعي
راحو مراحن منه ما هم ملفين =صارت منازلهم عذابن لشوعي
الله على وقتن مضي مثل هالحين =ابعد علي اليوم من حب كوعي
إليا ذكرته والمخاليق غافين =جريت ما يفتح مفالج اضلوعي
يوم أن وقتي مقبلن يا أدعج العين =عروس عشق ومعجبتها الدفوعي
واليوم وقتي صار بين اليهاهين =إليا طاب لي يومن خبث لي اسبوعي
دنيا نبي منها عدال الموازين =وتميل لوني في خطاها جزوعي
تضحك لناس بالفرح مستمرين =وناسن تجيهم بالكدر والفجوعي
وصارت بها سود المقانع شياهين =وفحولها صار اتبوع التبوعي

العــــديم

04-02-2010, 05:11 PM

قولت أحبك ترى يازينها عندي
الكلمه اللي من شفاك أتحراها

كنت أحترق لأجلها بأشواق وأشتدي
وأهيم فيها وتأتيني من أقصاها

كنت أفتخر بالمحبه أيه من قدي
وكنت أضمي الحب وأرد به على ماها

أحبها والمحبه من سنه جدي
أحبها والخلايق صدق تفداها

حتى القصائد ورب البيت ماودي
أكتب ولكن كتبت الشعر لرضاها

هذي ترى حالتي لكن وقف ضدي
حظي معاها وقردنها وغواها

قالت تراها صداقه قلت مابدي
قالت محبه ترى منته بوياها

قلت المحبه معسكر داخله جندي
عنها فدائي تحزم لجل يفداها

يعني أنا لك وكلي منك ياودي
وانتي إلي بالموده وكل معناها

وأقفت وضاع الكلام وطحت منهدي
وطاحت صروح الغرام اللي بنيناها

ناديتها يابعد كل البشر ردي
وصرت اتحرى كلامآ ينطقه فاها

صحيح راحت وصرت بعالمي وحدي
وصحيح راحت وياصعبك يفرقاها

وصحيح راحت وهي قلبي وهي كبدي
وصحيح راحت وأنا كلي تمناها

وصحيح راحت وخلت يومي الوردي
أسود سواد الجديل اللي تغشاها

وأصبحت أغني عليها أه ياوجدي
من عقب ماكنت أغني أوه ماأحلاها

العــــديم

12-10-2010, 11:52 PM

الحب مردوده على صاحبـه سـي
كم ضحكـة ونَـات قلبـي ثمنهـا
أذكر سنة تسعه وتسعيـن هجـري
الـف وثلاثميـة بدايـة زمنـهـا
زلت بي الاقدام للشمس مـن فـيَ
اقـدار والاقـدار تامـر وتنهـى ّّ
غافل وجتني من كوت خافقي كـي
كية عطـب لـولا طبيـب مكنهـا
أبعدت مضربها عن الصـدر بيـدي
ولدَت على كبـدي برمـح طعنهـا
وعرفت ماتخفيه في صدرهـا لـي
من واقع النظـرات منـي ومنهـا
نظرت فيهـا مثـل نظراتهـا فـي
وعجزت اقاومهـا وصديـت عنهـا
كل النساء ظلماء وهي بينهن ضـي
غطت شعاع الشمس أشعـة بدنهـا
من الذهب تلبـس خلاخيـل وحلـي
سـود محاجرهـا وحمـر وجنهـا
مدري تسمى من ومنين ومـن أي
وش هي قبيلتهـا وموقـع سكنهـا
راحت وانا مااعرف من اخبارها شي
الا رمـوز الموتـر اللـي حضنهـا
مدينة من بيـن ابـو ظبـي ودبـي
لعلهـا كاننـهـا هــي وطنـهـا
تمطر عليها السحب هـذي ورى ذي
وديـم الليـا قفـى تراهـا ودنهـا

العــــديم

12-10-2010, 11:58 PM

نومك طرب وأنـا بنومـي هواجيـس
ماسهّـرك بالليـل كثـر الهمـومـي
أسهر إلى نامـت عيـون الهداريـس
. وبالليل اراعي ساهرات النجومـي
أوجس بقلبـي مثـل دقّ النحاحيـس
. الله يلـوم اللـي لحالـي يلـومـي
قالوا جهلت وقلت جهل(ن) بلا قيـس
الجاهـل اللـي مايعـرف اليمومـي
أشـوف عـدلات الليالـي مقابـيـس
. ولا احد(ن) من الدنيا عظامه سلومي
تضحك وتخفي لك خفـيّ الهناديـس
. تفطر لها يوم(ن) ويوم(ن) تصومـي
إعمل وتلقا وافهـم العلـم بالقيـس .
. دنياك لـو زانـت تراهـا نقومـي
إلى توافـق مشّـور السـوّ وابليـس
تبـر منـه وعـزّ ربـي يـدومـي

العــــديم

13-10-2010, 12:07 AM

شي بقلبي واهجه مستمري
لولا أرزق الدخان يطفي لهيبه
سلط على الدخان لو هو مضري
له حزةٍ عند إحتكام المصبه
وأنا الذي ما أبدي على الناس سري
من خوف سودان الوجيه تحكيبه
أصبر على ضيم الدهر والتعزي
من شان من يرضى على الغليبه
وأبعد مجالى عن عيال التزري
من لاهوى قلبي دواه المغيبه
أخاف لي من مجلس مايذري
في جانبه بوم حساسه صليبه
سوالفٍ ما بين تجحد تقري
يجرح فؤادي عية وأبتليبه
والله خلق بالكون لي ثلث بري
يكفن ثلثين البحر ويش ليبه
واليا بغيت الدرب مانيب اطري
أمس للفرجة حبال النجيبه
وأقطع تهاتيه الخلا بالتجري
والله يجيبه والى أمري يجيبه
يرضيني المقسوم خير وشري
سبحان من لا تعلم الناس غيبه
أحدٍ على ربعه يحب التحري
للشر بلاسٍ وخيره بجيبه
هذاك أنا يالربع منه متبري
لو عظني ناب الدهر ما انتخيبه
من خوف يضحك لي وهو يستغري
يفتل حبال السوء ما يندريبه
يفرح علي بكل شرٍ يمري
وأنا شاف يمي خير عني انهيبه

العــــديم

13-10-2010, 12:15 AM

الحب مثل النوم .. والوصل .. الاحلام..
.. والشيين من الاحلام..صـد المحبييـن

نوم ٍ طويل ٍ عمره اشهـوور واعـواام ..
.. وان قمت.. ففهمها فرااق وسهر عيـن

وانا رقدت وعمري اربع عشـر عـام ..
.. وصحيت في شهر اربعه عام الالفيـن

نـوم ٍ ثقيـل ٍ كلـه احـلام واوهـاام ..
.. ونصيبي من احلامـه الجانـب الشيـن

صحّى الفرااق اقلوب في عكسه..نيـام ..
.. وغاب الفرح وانا بعكسه الـى اللحيـن

ياحزن كبدي حزن من ضاق ثـم حـام ..
.. اخذت فروخه مـادرى ليـه ولويـن؟

بعد ما شاف العـش عيـدان وعظـام ..
.. خاالي..تفكر فووق ويسـاار.. ويميـن

خلا عشاها فيه ومـن الوطـى شـاام ..
.. زبن علـى روحـه وفـل الجناحيـن

وياوجد حالي وجد مـن نـام ثـم قـام ..
.. على صياح امـه وهـو دون رجليـن

عويـق وامـه تنعتـه والنعـت سـام ..
.. وهو خابر انه يقسـم الصـف صفيـن

حبا وصاح بصيحـة ٍ تاصـل الشـام ..
.. منهـا تقطّـع فـي خفوقـه شراييـن

على وليـف ٍ قسـم اظنونـي اقسـام ..
.. واقفى وانا ما اعـرف طـرد المقفيـن

راح وترك في صدري ووسووم واعلام ..
.. وصـى علـي طيفـه وقفـى بقلبيـن

ليتـه تعـذّر كـان مـاهـو بـمّـلام ..
.. بعد ماشـااف الـدرب بيسيـر دربيـن

اشوى عليه شوي..مـن عـظ الابهـام ..
.. واشوى علي شوي..من دمعـة البيـن

تمشـي بنـا الاقـدام والمـوت قـدام ..
.. وميعادنـا يمفـرق اثنـيـن بعـديـن

ياعيـن لا تبكـيـن وعيـونـه تـنـام ..
.. عادش الى ما خـاب ظنـي بترضيـن

لـو الدمـوع اتفيـد فـادن الايـتـام ..
.. ولـو الكـلام يفيـد عـادت فلسطيـن

ولـو النبـاات يطّلعـه دمعـة هيـام؟..
.. شفتوا علـى وجهـي ورود وبساتيـن

الحب سجن..وبعد الاحبـاب الاعـدام ..
.. وقلوبنـا السجّـان مـدري مساجـيـن

الحب نوم ٍ عمـره اشهـوور واعـوام ..
.. وان قمت ففهمها فرااق وسهـر عيـن