وينك يا sufrany

[عـزام]

السلام عليكم

ودي بمحراف معك يا السفراني ولا تهون

من هجوس الشاعر اللي يصوغ اجزالها===== يا سلام الله سلامن يطول بالمسير

بعد ميزنا جنيه الذهب وريالها ====== يا الفرزدق ثبت العلم قدامك جرير




الولهان

[sufrany]

وعليكم السلام

ياسلااام يا الولهان بس تري وقتي قصير

أشوي وأطلع ليتك مبكر

وأستلم


بيض الله وجه من حافها ثم قالها ///// مرحبا بك يا هلا وأنت االأول والأخير


من يشيل أخفافها يرتكي لإثقالها ////// والفرزدق لا حضر قال يا الله علم خير

[عـزام]

صبحك الله بالخير انا مثلك طلعت امس وتونى اشبك اليوم

استلم لا هنت...

البقا بك يا مرحب عدد همالها ===== بس هيّا نسرى الليل والدرب العسير

أمس وانته عايش(ن) فى نعيم اظلالها====جاك يوم فيه ترغى بعد ذاك الهدير

[فيصل بن حجرف]

الولهان
والسفراني
الله يعطيكم العافيه
امتعتونا بالابيات الرائعه
وننتظر المزيد

[عـزام]

الله يعافيك يا ابو عبدالله

يسعدنا متابعتك يالسنافى

ولا هنت على الحضور الكريم

الولــــهــان

[مـحمـد]

الله يعطيكم العافيه
رديات جميله :)
ALAJMI

[sufrany]

هلا بك وانا معك للفجر



العرب وأقوالها ثبتتها أفعالها ///// وأنت ساس البيت خله علي قمة عسير



اليتيمه رزقها ما يسد أعوالها ///// والرحي من فوق راسك بحبه يستدير

[عـزام]

مرحبا يالسفرانى ما أبطا بالسيل الا كبره:)

العرب فى تالى الوقت يرثى حالها ===== عقب ذاك العز والمجد والشان الكبير

كل وارد لا ورد ماينوش حبالها ===== كيف يارد عاد قافى لميراده صدير



الولـــهــــان

[sufrany]

يا هلا بك الله يحييك كنت مسافر


القبايل كيف تجهل صنيع إرجالها ///// جيت من سن السلوم وغدي للقوم أمير


الدلي لامن وردنا شكت من جالها //////و أنت خلك لين أوردك وأسقيك الغدير

[عـزام]

ولا تعبت


القبايل مجدها من صنيع أبطالها ===== نظرتى قدام وانته مدى شبحك قصير

بندق(ن) تخطى الهدف عيبها نقالها ==== واحسافه كل طلقه تضيع بدون طير


الولـــهـــان

[sufrany]

ولا ندمت


عن قصيرات السوالف نجيب أطوالها //// نظرتي للنجومها وأنت عينك وسط بير


خل عنك الضبعه المجلده في فالها ////// والرصاصه خلها من تحت راس البعير

[عـزام]

لا هنت يالسفرانى هات بيتك وصح الساانك


ما ندقق فى رباريبها وهزالها======وان قنصنا نجلب الخير والصيد الوفير

والقضيه عقب ذا حان وقت اقفالها ===== بيننا الايام وابليس ملعون(ن) حقير


الولـــهــــان

[سياتل]

الولهان و السفراني لاهنتوا وبنتظار المزيد

[sufrany]

لا هنت يا لولهان ونستنا الله يونسك


الحرار الشقر دائم برؤس إجبالها ///// وإن جلبت الخير عش المسير والقصير



ملعبتنا ناشد(ن) عمها من خالها ///// وأنت مكسيها الذهب وأنت مكسيها الحرير

[عـزام]

ALAJMI

سياتل

صحت ابدانكم ويسعدنا متابعتكم ومروركم الكريم

السفرانى صح السااانك مليوووووون يا القرم وبيض الله وجهك

[عيد بن شدقان]

الولهان
السفراني
صح السانكم
ولا هنتو ياشعار