أدور الولهان أيام وليالي

[sufrany]

السلام عليكم

الولهان لو سمحت طاروق الله لا يهينك


صدقت من العجله

لكن أنت في السوق الغالي أبشر


يا ذيب أبي أغير الطاروق لحن(ن)جديد /// والملعبه بيننا ما أسكر أبوابها

عزالله أنك رفيق وفيك رأئ(ن) سديد /// لكن بعض الأوادم قد بلشنا بها

[عـزام]

وعليكم السلام

مرحبا وابشر بس انت متاكد من شطرك الاول

سلام تسليمه ما هل هماله

وانا بانتظار ردك

[sufrany]

لا هنت يا الولهان

[عـزام]

استلم لا هنت...

يا مرحبا باللذى يبدع قوافى القصيد &&& واليا بدعها تهيض ثمّ غنابها

دنياك دنيا العجب وتشوف فيها العديد &&& ازوالهم وافيه وعقول تبلابها

[عـزام]

استلم لا هنت..

يا مرحبا باللذى يبدع قوافى القصيد &&& واليا بدعها تهيض ثمّ غنابها

دنياك دنيا العجب وتشوف فيها العديد &&& ازوالهم وافيه وعقول تبلا بها

[عـزام]

سفرانى ومن قال ما يهون انا الجهاز علق عندى مدرى وش بلاه وجاك الرد مرتين

[sufrany]

هلا بك

دام البقاء يالسنافي فيك والدرب سيد /// والهرجه الأوله لو تعرف أسبابها

دنياء سعيد الشقي فيها ويشقي السعيد /// وأهل العقول البليده مأحسب أحسابها

[sufrany]

لا تمون يا الولهان لك مني رساله خاصه ما قريتها

[عـزام]

استلم لاهنت..

ما فات ذبه ورى ظهرك كما ذب حيد &&& لا تلتفت فى سهلها واقطع شعابها

وجيزة مصر تبكى الغيبه لشوقى الفريد &&& من بعد ما راح فيها كثرت احزابها

[عـزام]

قريت رسالتك وجاك الرد على بريدك

[sufrany]

أستلم

للي يبي معرفتنا ما نصد ونحيد /// وأهل الوفاء يا فتي ما تزعل أصحابها

لو عاد للوقت هذا خالد إبن الوليد /// ما شفت بنت الهرم تبكي علي أحبابها

[عيد بن شدقان]

sufrany صح السانك
الولهان صح السانك

الله الله الله
عليكم
معاكم
متااااااااااااااااابع:D

[sufrany]

الراكد

صح بدنك لا هنت

[عـزام]

ههههههههههههههههههه

اما بيوتك جازت لى يا السفرانى

بعض المعرفه خساره عن طريق البريد &&& والناس ما تنوخذ فى الشكل واشنابها

والبيت الاول لغيرك وافهمه يا وليد &&& والراس شاب وتعلم وانته ادرابها

[sufrany]

ما نبي ألا اللي يجوز لك

أستلم لا هنت

لكن عرف النشاما للعرب يوم عيد //// سكان شبه الجزيره نعرف أنسابها


أثرك رامي وصوبت الهدف من بعيد //// أنا أعرف المدرسه وأعرف طلابها

[عـزام]

ان كنت صادق فولّم مجلسك والعصيد &&& والدلّه اللى بريح الهيل يعبابها

هذى سواة الرجل والعمر لازم يبيد &&& والرجل تبقى علومه ذكر فى كتابها

[sufrany]

أستلم

لا صرت تكرم لضيفك من عصيد ورغيد //// غداه مفرود والحايل تعشابها


الله يحاسب عباده في نهار الوعيد //// والطيب اللي يعز النفس وأقرابها

[عـزام]

استلم لا هنت...

قد قيل بعض الحكى وقت الرخا ما يفيد &&& والناس بأيمانها تفعل ويحكابها

يالله برحمتك ترحم كل ميت شهيد *** رجال ضحت بغالى الروح وارقابها

[sufrany]

لا هنت يا الولهان هات بيتك وبيض الله وجهك

ونشوفك علي خير


كم قلت لك كم مره وأنت قلبك بليد //// كم وحدة(ن) هملت يا شيخ خطابها



الله يرحم جميع أموات عمر(ن) وزيد //// أيام سلم النشايب تنهي أنشابها

[عـزام]

ومن قال ما يهون ولا هنت عزا الله انك جزل ووافى

استلم لا هنت ..

شاعر وعندى من الايام شيك ورصيد &&& والكلمه اللى غدت يا جعل يغدابها

سلم ليا جيت ابن طعّان والا فهيد &&& العمده اللى علوم الطيب يزهابها



الولــــهــــان

[عيد بن شدقان]

لا هنتو يالشعااااااااااااااار
امتعتونا
الله يجزاكم خير

[هند]

صح لسانكم ،
أمتعتونا .،
الله لايحرمنا من مثل هالمشاركات الراقية الجميلة

الأخوة ،
السفراني ، الولهان


لكما تقديري
الســؤدد