أنت يا سلمان لو تضبط عيار المارتينه=مالقينا الحيه الرقطا تذرى في عبلهـا.!

[فــلاح]

لتنشيط الذاكره :)



ياسلام الله سلام صلف وعضوده متينه=لا لقا له صيدة ً دسمه بمشعابه ختلهـا

أنت يا سلمان لو تضبط عيار المارتينه=مالقينا الحيه الرقطا تذرى في عبلهـا.!
.

.

:)

[سلمان بن ضيدان]

لتنشيط الذاكره :)



ياسلام الله سلام صلف وعضوده متينه=لا لقا له صيدة ً دسمه بمشعابه ختلهـا

أنت يا سلمان لو تضبط عيار المارتينه=مالقينا الحيه الرقطا تذرى في عبلهـا.!
.

.

:)


مرحبا ترحيب يحيي قاعكم يا ميّتينه = لا لقا زلّه دمحها .. لا لقا ميله عدلها
كل بحرٍ يا طويل العمر حنّا شاربينه = سعْد عين اللي نقضها .. يا حليل اللي فتلها

[فهيد بن سالم]

الله الله

صح ألسنتكم :)



وأنا بصف فلاح ولا يهون سلمان


:)

[سلمان بن ضيدان]

الله الله

صح ألسنتكم :)



وأنا بصف فلاح ولا يهون سلمان


:)



أرحب يابو سالم :)


يستاهل أبو محمد عز له الصف :)

تحياتي .،

[فــلاح]

الضعيّف كان شبّت ما ينجنّه يدينه=لو تبسّم بسمته..خوفه كسر حاجز خجلهـا


أنت جم ً مارد ً لأهل المدينه والمدينه=كل ما جاته طويلة عنق وقفها وأكلهـا.!



.
.

:)

[فــلاح]

يامرحباا يا فهيد بن ساالم



تزيد الصف شـــرف طال عمرك وابركه بشت الوزاره :)

[سلمان بن ضيدان]

الجمل خدّه ترانا يا جماعه واسمينه = وأقصرانا ماحدٍ منهم وسم خدّت جملها
شيب عين اللي دفنها فالجحر يا شيب عينه = ذالجيوش اللي تغير الليل بَلْحقها بطلها

[ناصر بن فالح]

الله الله

متابع

[سلمان بن ضيدان]

أررحب يا ناصر

لاهنت ومتابعتك تعني الشي الكثير

شرفتنا :)

تحياتي لك .،

[فــلاح]

العوارف خابرينك ، لو تصيح وخابرينه=يوم شفت المنحله وأغرتك في لذة عسلهـا

والله اني شاعر ً يطرب عقول ً متابعينه=وأنت مثل اللي بحث عنها ، ونام وماوصلهـا


.

.

:)

[فــلاح]

يامرحباا يا نااصر



متابعتك محفز للإثاره :)

[سلمان بن ضيدان]

القراح و واردينه ، وارمضان وصايمينه = قلّتك تشهد على زندٍ يثوّر في قللها
راعي البشْت الخَضَر لا من ندسها فالسفينه = علّموا البشْت الحَمَر قدام لا تغْرق بأهلها

:) :) :)

[فــلاح]

صح الله لسااانك


يا سلمان

[سلمان بن ضيدان]

صح بدنك طال عمرك

يار اعي البشت الأخضر

:p

[ذيب الخزامي]

الله الله لاهنتواااا لاهنتوااا

اخوي ابو ضيداان مشاء الله تبااارك الرحمن دائمن

مبدع وابياات جزله بالتوووفيق اخوي فلاح لاهنت

ومبدع يافلاح

[ناصر بوجما]

الله الله

صــح لســانكم جميــع


ومتابعينكم :)


اخيـكم / ناصر ابوجما

[سلمان بن ضيدان]

اخوي ذيب الخزامي لا هنت على المرور والابداع يكمن في مرورك يالغاالي

ناصر ابو جما لا هنت على المرور والمتابعه شرف كبير ،،

تحياااتي لكم .،

[عَشّــاقْ آلصلَــفْ !]

الله الله عليك يابو ضيدان :)

جزل لعنبوا ابليسك الله يجيب أبو عرار وتحلو الملعبه :)

صح لسانك ولسان فـلاح ، ودي واحترامي ....

[*مصدوع*]

سلمان + فلاح

مبدعين .. وصح الله السنتكم

[بنت الزعبي ..]

السلام عليكم ورحمة الله وبركاته

فلاح تنشيط الذاكره شي رايع :p

صح ألسنتكم يالشعار

ولا هنتوا وفالكم الجنه