قصيدة مزاين قبيلة العجمان(للابل)

[بـداح عـبـدالـله الجـعيـديـه]

بسم الله الرحمن الرحيم

السلام عليكم ورحمة الله وبركاته

هذه قصيده لقبيلة العجمان وهي لمزاين الابل واتركم مع القصيده :؛<


بسم الله الرحمن والقاف مجرود = وقف لها الشاوي فهد ثم قصدها
بسم الرخا والطيب ومشاهد الجود = يا مرحبا ترحيبة في وعدها
حيه نقية صافيه تطلب الزود = من هجرس اللي جابها في سعدها
عنت براسي كنها صفت جنود = جتها الاوامر (أود)ولا على أدها
كن المشاعر حلقت معها والنود = مخيلت حطت حول بردها
في وادي الشجعان ربعي اهل القود = نوماس راسي عصبتي واحمدها
اهل الشحم والهيل والبن والعود = اهل الدبش والخيل يقرا سندها
تاريخنا وش عاد بين ومشهود = من فعلنا عميت عيون برمدها
فينا الحميا والسخا ماله حدود = فينا البراعه والشجاعه وحدها
لاذت بصدري كنها بروق ورعود = كذا ترى العجمان ربت ولدها
يا مزبن اللي جار وقته ومضهود = بيت القبيله يرتفع من عمدها
ما كنها الا كف وزناد بارود = بيتك يا ابن حثلين بيتك شهدها
كنك يا ابو محمد مع الطيب موعود = يمناك يا راكان محد فقدها
في دبرتك يا شيخ بسهود ومهود = انته شقا كبد تراكم كبدها
راكان لامن حك عود على عود = حلحيل فتاك يحلحل عقدها
طلق المحيا طلتك كلها فود = يا مشيب القيفان لا يا بعدها
وحنا مشينا الدرب وجدودنا جدود = الابل ياهلها عز للي وجدها
تعرفك بالبيد ورجال وعدود = ومنزله فالذكر ربي فردها
هذي عطايا الله وهذا عطا الذود = يوم اجتمعنا كلنا في رغدها
الزين فيها ويهبا الشين مفقود = هذي صراقيع نوادر بلدها
صفر وعفر ولا من الشقح والسود = شعل وحمر يالله تزود عددها
الشمخ اللي صيتهن دوم محمود = واللي عليها شلته طول يدها
جرد الرقاب وعيزها راود الكود = متفهقن كنه تعمد جهدها
هذي عزاوينا ولاعنها صدود = ياخيالابل كيف نقوى صددها
لعيون حرة تنقض الراس مكدود = باول صباها تو زمت نهدها
اما حفظها عود ولا ولد عود = يكظم على نفسه بصبره جلدها
في مزاين العجمان والشكر ممدود = تسلم يمانيهم ويسلم مددها
وللي سعا فيها بعد خير مردود = عز الله انه ورد اللي وردها
باسم القبيله كلها عن هل القود = يا مرحبا ترحبة في وعدها

وشكراااااااا

["..عـَـذْبـًة الأطْـبـَآآآآع.."]

.
وعليكم السلام ورحمة الله وبركاته ,,ْ~

كفوو ,
وصح لسان شاعرها ,
وتسلم يمينك على النقل الطيب ,,,,


تحيتي

[بـداح عـبـدالـله الجـعيـديـه]

تسلم على المرور الطيب من الطيب
وشكرااااا