والله ان الصمت حكمه ,, مير راع ِ الحق صايب

[بتاااار]

صباحكم شعر




كل يوم .. يـزل ّ عمـره عقبـه ايـام ٍ تتـالا
وكل عمر .. يحلّ يومه عقبـه أيـام ٍ نصايـب

لو نعمر !! مـا لحقنـا عمـر الايـام الطـوالا
لكن أيـام العمـر توخـذ مـن ايدينـا نهايـب

السحاب يقول : عطني ، والبحور تقـول : لا لا
كن ما خلقت لنا شمـس ٍ ولاهبـت هبايـب !!

لو يميل الجدي صوب اسهيل ما مـال الشمـالا
من تخـلا عـن محلـه مانعـده غيـر غايـب

مابقى شـي ٍ بأقولـه غيـر شـي ٍ مـا يقـالا
((والله ان الصمت حكمه ,, مير راع ِ الحق صايب ))

ان كتمته !؟ قامت اضلوعي من الغيـره تصـالا
وان حكيته !؟ مل ّ قلب ٍ مايبي فرقـى الحبايـب

قلت : بالله يا ( زماني ) اركد اشـوي ٍ تمـالا
قال : توووك وان عطاك الله عمر شفت الغرايب

بعد ما قفّى تلفّت قـال : يـا ( خالـد ) تعـالا
قلت : بس اقبل ( زماني ) وانتهى وقت الطلايب

قال : أخذ مني نصايح يوم شفت العهـد طـالا
لاتحسب ان كل عجّه مقتفي ثرهـا سحايـب !!

ومن يبي عينه تحلوى النوم واجروحه تشـالا ؟
عن تخاتيـخ المحبـه يعقـل ايديـن الركايـب

آآه .. أنا اللي لو تضيع جرتـي حمـر الرمـالا
باستخير من الطرد واعـود مـن البيـد تايـب

يـا وليفـي .. لا تدورنـي ويتعبـك السـؤالا
كيف تلقاني ؟ وانا اللي في حلاة الملـح ذايـب

(( ما يخاف من النهار الا الـذي مالـه ظـلالا
ولا يخاف من الظلام الا الذي مالـه قرايـب ))




لشاعر / خالد بن مدعث

[جابر بن عبدالله الفايز]

صح ألسان شاعرها وناقلها

ولاهنت ,,,

[عجمي جداوي]

قصيده رائعه وجميله..

يسلمووووو البتار يعطيك الف عافيه..

[جرح العنا]

يـا وليفـي .. لا تدورنـي ويتعبـك السـؤالا
كيف تلقاني ؟ وانا اللي في حلاة الملـح ذايـب
لاهنت بتاااار ع القصيدة الرااائعه
يسلمووووو خيووو ...

تقبل مروري وتحياااتي..

[بنت الزعبي ..]

السلام عليكم ورحمة الله وبركاته


(( ما يخاف من النهار الا الـذي مالـه ظـلالا
ولا يخاف من الظلام الا الذي مالـه قرايـب ))


صح لسان كاتبها وناقلها

ولا هنت

تقبل حضورى المتواضع

[ﺂلـِ͡ـِبطْـِرﺂڼ ̸~]

صح لسآنه الشآعر : خآلد بن مدعث الدوسري


ولآهنت يا بتااار على النقل



تقبل مروري.