تقدرون ..!

[×-{ فخر •●]

السلام عليكم ورحمة الله وبركاته





في مادة التطوير التنظيمي - وفي مشروع البحث
تم اختيار برنامج الملك عبدالله لتطوير التعليم
وهو قائم على برامج متعدده مثل تطوير المدارس الى مدارس ذكيه
وتطوير المناهج
وتطوير المعلمين وتدريبهم لاكتساب مهارات التدريس المطلوبه





طبعا احنا مانقدم دراسه عنا - لا نصير كاننا احنا اللي خططنا له ووضعنا اهدافه واسسه
ولازم نشرح المراحل اللي تمت والعوائق وووو



مالكم بالطويله




احتاج بدائل عشان اقول انه من خلال دراسة كل بديل واللي من بينها هذا البرنامج تم اختياره لانه يحقق كذا وكذا




انا ابي بدائل


يعني شي مختلف عن برنامج الملك عبدالله و [ برامجه اللي ذكرتها ]


استعنت بتجارب الدول مثل ماليزيا ومصر - بس كلها حول الدعوى مافيه اختلاف واصلا كلها تدور حول هالاشياء ادخال التكنلوجيا وتغيير المناهج واكساب الطالب مهارات التفكير



انا وقف مخي صراحه وخصوصا انه عرض المشروع يوم الأربعاء
والثلاثاء اللي قبله عرض مشروع التخرج
والتوتر لاعب بحسبتي






ممكن احد يقدم لي افكار واكون من الشاكرييييييين

[‏وَتـے ـيــنْ]

:)

:)


هــلا والله اني صادقة :)


ودي اساعدش يالغالية بس ما فهمت شنو المطلوب =(

[×-{ فخر •●]

ارحبي



المطلوب خيار آخر ممكن نستعين فيه إحنا فريق التطوير غير البرنامج حق عبدالله


واضح ..؟؟

[×-{ فخر •●]

للي مااتضحت له الصوره بعد
هذي وتين استلمتها تو - وسويت لها عصف ذهني ههههههههههه





--{ وَينـْـڪ . . ؟! :
*البرنامج الاصلي شنو فكرته ؟

*تطوير المناهج

..:
*وتدريب المعلمين
--{ وَينـْـڪ . . ؟! :
*آآها
..:
*وبعد المدارس الذكيه
--{ وَينـْـڪ . . ؟! :
*حنا بالكويت عندنا الحين التعليم الالكتروني
..:
*اييه
--{ وَينـْـڪ . . ؟! :
*يعني شرح الدروس على الكمبيتور والداتا شو
..:
*هذا من ضمن خطط برنامج عبدالله
*يعني مايصلح بديل
--{ وَينـْـڪ . . ؟! :
*سوو حق المدرسين من حوالي سنتين دورة حق شهادة icdl
*شنو عندكم زيادة ؟
..:
*كل شي موجود بالبرنامج
*عندنا اللحين
--{ وَينـْـڪ . . ؟! :
*طيب شرايش باقتراح :)
..:
*شي اسمه مدارس ذكيه
*تكون تكنلوجيه بالكامل
*فيه ايضا دورات للمدرسين
*في مهارات مختلفه
--{ وَينـْـڪ . . ؟! :
*اي هذا قاعدين يطبوقه على مدارس الكويت كلها
..:
*وبعد المناهج
*ابي شي غير
*نطور فيه التعليم
--{ وَينـْـڪ . . ؟! :
*في اقتراح وودي انه يصير عندنا بالكويت
*حق الطلبة الاذكياء
*:)
..:
*ممممممم
*اشرحيلي
--{ وَينـْـڪ . . ؟! :
*على ما اعتقد ان امريكا تسويه
..:
*ايه
*وكيف هو

--{ وَينـْـڪ . . ؟! :
*طلبة المرحلة الابتدائة المتفوقين ياخذون بالصيف كتب الصف اللي بعده ويدرسونها اذا نجحوا بالامتحان يروحون للصف اللي بعد . . يعني لما يبدون الطلاب دوامات هو يتقدم صفين عن الطلاب اللي معاه :)
*كورس صيفي نفس الجامعة
*قطر اول كانت تطبقه
..:
*يااااي
*حلووو
*ممكن
..:
*طيب افكار ثانيه
--{ وَينـْـڪ . . ؟! :
*اوكي
..:
*سوي لمخك عصف ذهني ك2
--{ وَينـْـڪ . . ؟! :
*ممكن ينطبق على طلاب الثانوي
*بس بطريقة اكبر شوي
*بالصيف طلاب سنة 2 ثانوي يسوون لهم امتحان قدرات واللي ينجح بمعدل مرتفع يروح الجامعة
*يعني الامتحان هذا يكون بمثابة دراسة للصف الثالث ثانوي
..:
*بس مو بالاول لازم يكون فيه تنميه لهلقدرات
--{ وَينـْـڪ . . ؟! :
*ويكون التوفل من ضمنه اكيد
*دورات على ايدي دكاترة الجامعة
*البرنامج هذا يطبق على الطلاب المتفوقين بدرات مرتفعة
..:
*اهااا

..:
*يعني
*لاتفوق الولد
*تنعمل له دوره
*من قبل دكاتره جامعيين
*ويختبر
*وان نجح
*يروح للجامعه
--{ وَينـْـڪ . . ؟! :
*اي
*بس يكون النجاح بمعدل مرتفع
*لان طلاب بهالمستوى حرام انهم يدرسون مع طلاب اقل منهم بالمستوى :)
*صح والا لأ ؟
..:
*ممكن
*وممكن بعد
*لما تجي مرحلة المفاضله
*نقول اخترنا برنامج عبالله
*لان الخيار حقك اللي قلتيه
*ممكن تكون مساعدته قاصره على فئه معينه فقط
*لكن التطوير في البرنامج حق عبدالله
*يشمل الجميع
*وه بس ياحبيلك ياذي الادميه
*ض1
--{ وَينـْـڪ . . ؟! :
*ك2
*تقدرين تخلينه يشمل فئة اللي مستواهم ضعيف
..:
*اهااااااااا
*والله فوووكره
--{ وَينـْـڪ . . ؟! :
*يكون نفس الفكرة دورات صيفية تعلمهم مبادئ واسس الصف اللي بعده
..:
*ياشيخه روحي ربنا يزيدك كمان وكمان
--{ وَينـْـڪ . . ؟! :
*آمين :)

[الجوود]

عاش من شاف استاذه فخر

بس سؤال انتي تبحثين عن التعليم الالكتروني ELearning .. والجديد فيه ؟!

[×-{ فخر •●]

الله حيها : )



لا مو الألكتروني .. لأن إدخال التكنلوجيا لعملية التعليم من ضمن خطط برنامج الملك عبدالله
يعني مايعتبر بديل آخر : )




أقصد شغله ممكن لو طبقناها أو سويناها ترفع مستوى التعليم لدينا : )

[×-{ فخر •●]

الجود شوفي حبيبتي هذي اهداف برنامج الملك عبدالله





_ تطوير المناهج التعليمية بمفهومها الشامل لتستجيب للتطورات العلمية و التقنية الحديثة ، وتلبي الحاجات القيمية والمعرفية والمهنية والنفسية والبدنية والعقلية والمعيشية لدى الطالب والطالبة.


_ إعادة تأهيل المعلمين و المعلمات، و تهيئتهم لأداء مهامّهم التربويّة و التعليميّة بما يحقّق أهداف المناهج التعليميّة المطوّرة .


_ تحسين البيئة التعليمية و تأهيلها و تهيئتها لإدماج التقنية و النموذج الرقمي للمنهج ؛ لتكون بيئة الفصل والمدرسة بيئة محفزة للتعلّم من أجل تحقيق مستوى أعلى من التحصيل والتدريب .



_ تعزيز القدرات الذاتية و المهارية و الإبداعية و تنمية المواهب و الهوايات و إشباع الرغبات النفسية لدى الطـلاب والطالبات، و تعميق المفاهيم و الروابط الوطنيّة و الاجتماعيّة من خلال الأنشطة غير الصفية بمختلف أنواعها .





طبعاً الأهداف هذي لها برامج خاصه لتنفيذها يعني تتم من خلال خطوات محدده

الأهداف هذي من شأنها أن ترفع المستوى التعليمي في المملكه من جوانب متعدده




اللي أبيه أنا نقاط مثل هذي بس غيرها تساعد أيضاً على رفع ممستوى كفاءة التعليم




وضحت الصوره عزيزتي ..؟؟ : )

[بنــ ياااام ــت]

السلام عليكم

:)

اول شي الله يوفقك يارب في مشروعك وتخرجين وتصيرين أستاذه أد الدونيااااا :d

انا عندي افكار اتمنى اني اصير وزيرة تربية عشان اطبقها :d

اول شي الغي الاختبارات <<. لأنها سببت ازمه صار الطالب بس يبي يحفظ المعلومه عشان يعدي الاختبار مو عشان يستفيد منها في المستقبل والدليل اغلب طلاب الجامعات ناسين معلومات الابتدائي

وبدل من الاختبارات نطور المعلمين لين يقدرون يوصلون المعلومات للطالب بطريقه ماينساها حتى لو سُئل عنها في عمر متأخر
والتطوير يكون من خلال دورات تُقدم للمعلمين من قبل اساتذه في علم النفس كيف يتعامل مع طلبته وايش الصعوبات اللي تواجه وكيف يحلها وكيف يكون مدرس مبدع

ولازم يكون فيه توافق بين المنهج المطروح وبين المرحله الدراسيه (عندنا بالكويت مناهج تبارك الرحمن يستخفون بعقول بزرانا خاصة مناهج اولى ابتدائي لو مو مطورينها ابرك)


اشياء ع السريع
اتمنى اني افدتك
وبالتوفيق

:)

[×-{ فخر •●]

بنت يام يخليك ربي

راجعه لردك عزيزتي بس شوي اشرح للجود

[×-{ فخر •●]

الجود



طبعاً ذكرت لك فوق أهداف برنامج الملك عبدالله واللي جاري العمل الآن على تطبيقها


أنا اللي أبيه شي ماسواه البرنامج


مثل هالنقطه .. أخذتها من التجربه الماليزيه شوفي معي : )





تعد البرامج المصاحبة للمنهج جزءاً مكملاً للمنهج الدراسي.
وتوفر المدارس ثلاثة أنواع من هذه البرامج هي: الجهات الموحدة، الأندية، الرياضة. وتطبق هذه البرامج على مستوى المدرسة والمنطقة والولاية والمستوى الوطني.
ويتم دعم بعض البرامج المصاحبة للمنهج مالياً
من قبل بعض الجهات الحكومية والقطاع الخاص.
فعلى سبيل المثال، يقوم البنك العام بتمويل مشروع مغامرة الشباب، ويمول المصنع الماليزي الأمريكي للإلكترونيات برنامج الحرف اليدوية للشباب، وتتولى دائرة الوحدة الوطنية مسؤولية برنامج الجسر الذهبي.



اتضحت الصوره ..؟؟

[صوت القلوب]

السلام عليكم ورحمة الله وبركاته

يالله حيها

خيتو مشتائين لك كتير :o

بنت عمو قالت كل اللي بخاطري :)

أنا كنت مسوية بحث عن هالموضوع والنتايج اللي طلعت فيها قالتها لش بنت عمو


شغلة مهمة :)

هي تدعيم فكرة التعلم الذاتي

لأن المناهج وللأسف قائمة على التلقين الذي يبدأ ببداية الدوام الرسمي للمدارس وينتهي

بانتهاء امتحانات الفاينل وينتهي معه عمر المعلومات التي تم فغصها في عقولنا بالغصب

وما صدقت خبر لما انتهى الدوام لتخرج راكضةً لا نرى إلا غبرتها :D

موفقة يا عمري :)

على فكرة تذكرين النية اللي كنت أنا وياش ناوينها :)

ترى تمت ;)

[الجوود]

اختي الكريمة


×-{ فخر •●


اتمنى ها البرنامج يفيدك

http://moodle.org


والآن يوجد برنامج يستخدم في التعليم يسمى SLOODLE


www.sloodle.org/moodle



ولكن بمواصفات اقل من moodle

# تم ارسال الاسئلة وبانتظار الاجابات ..

تمنياتي لكِ بالتوفيق

[×-{ فخر •●]

من القلب شكراً : )

[الجوود]

ومن القلب عفواً : )

[# أم أطياب #]

السلام عليكم ورحمة الله وبركاته

..

اللي فهمتهـ أفكار عن التعليم

http://www.alajman.net/vb/showthread.php?t=72390

شوفي هالموضوع مادري يمكن يفيدج برغم بساطتهـ

:)

وان شاءالله لي رجعهـ بأفكار

والله يوفقج

..