& رساله الى من لا يهمني امره ( قصيدة ) &

[ابوحمد الشامري]

عمل الطيب مع الناس ما يثمر الا مع الطيبين ولكن من ينكر الجميل والطيب فهو أشد وطئا من اللئيم وهو يقول لي عند الحديث معه انني أكلمك عمك فقلت مستغربا من هو:confused: فالطيور على اشكالها تقع وهو ينتقص من قدري ومن قدر ربعي القروم.
ولم اجد الا هذه القصيدة التي تعبر عن ما نفسي :


حنا إليا جاء الطلب جينا رباعين = كلن ليا جاء لزومه شد ميزاره
ننطح من الوجه ما نقفي المقفين= مانيب بهقوتك (........ ) ماكر الفاره
يا ابن ( ...... ) تراها بين الاثنين = والكلب دربه على القصاب معباره
أنته أزريت الجمل رجلاه في الطين= وإليا هدر في نحاه الجِمال هداره
وهَّقك عند الصلب قول الملبين= نعم إليا أقبلت من طِمران وطَماره
الناس يا اللاش كلن ماقِفَه زين= الا انت ما قِفَك بين الفِرت وحماره
تراك دايم مَلَم لشياطين= وتثوَّر الحرب عقب الخبز وكراره
يا النجس يا الدود يا الدّيان يا دوين= يا الفاجر اللي يعم الناس بشراره
عمَّتك تعمي عيونك يا كوينين= عَمَّتك بالشر حمراء عند جزاره
مزبان يا له يقولونه مغنين= من حد العبد يوم يوضح أشعاره
يا النذل يا اللاش عمانك سلاطين= ما همهم لو تتجازا الطيب بإنكاره
ترا الكرم يا الرديء يملك كريمين= ولا انت مارد مِريد(ن) تذي الجاره
وش انت خابر حداك الله على الشين= لولا ( ......... ) ما غنيت يا عماره
حسن الذَّنَب يا الذَّنَب ما يقضي الدين= أذناب مثلك مع الاجواد غدّاره

ابوحمد الشامري

[راكان اليامي]

صح لساااااااانك يابن شايقه
وهذا جزا المعروف وجزا الطيب اللي تستحقه
والرجاجيل الطيبين اللي مثلك وشوراك مايلاقون من اللئيم الا الردا ياجعلهم الرد اللي تردا في روسهم

وذولا مايسوون وطاة رجلك جعلهم نذرا عليك

وشد اظهرك يا القرم اجيك مع بني عمك صبيان يام ونلين اظهورهم بالمشاعيب

[وردة&العجمان]

صح الساااانك يا بوحمد

وماقصرت ويقولك المثل

الطيب عند الطيّب تجاره
والطيب عند الردي خسااااااره


نرش الدرب للنشوان ولعينه نصير اهداب /// نحسب الناس كل الناس نسخة(ن) من طبايعنا

وهالقصيده للشاعر على المفضي



يا النذل يا اللاش عمانـك سلاطيـن
ما همهم لو تتجزا الطيـب بإنكـاره
ترا الكرم يا رديء يملـك كريميـن
ولا انت مارد مِريد(ن) تذي الجـاره


تحياتي لك

دمعة^الوادي

[العماني]

صح لسانك يا بوحمد

ولو انا ما نعرف من تقصد بس خابرينك ما تتكلم الا على المخطي والبادي اظلم.

وقد قيل:


ويش على العقبان من دبي الجراده=ما يروع الذيب من ترعى النباتي


تقبل تحياتي،،

[السياسي]

كفو ثم كفو ثم كفو يابن عمره وفيه احد ما يعرف الاد مقصم

وما أقول الا ما قال عبدالله بن مترك بن عمره ال شايقه ال شامر



- ان جت للحمايا وكل(ن) ضد للغالي=بزهم ربوعي إليا كبرت بلاويها
-وانا احمدلله ربوعي مسند(ن) عالي=ألاد القصيمي عذاب اللي يعاديها
-هل سربتن دايم تمنع هل التالي=وكبد العدوا من سعير السم تسقيها
-ان كان بلعوا رشدهم ذا شرع من عالي=راع الخطية ترى حن ما نخليها
ارقى سنود يا بن عمره قطع صيب اللي ما يعرفكم


إخيك السياسي

[الشامرى]

ابوحمد ،،،
صح السانك والسان شاعر القصيده
(( بندر بن سرور))
قصيده معبره وماعاش اللى يخطى عليك أو على بنى عمك
وش العلم يالشايقى !!!!!!
وش الموضوع ؟؟؟
هى من قريّب والا من بعيد ؟؟؟
أبشر بالفزعه

اخيك الشامرى ،،،،

[محمد آل نصار]

ابو حمد
صح لسانك ولاهنت يالشامري .


ابن فادر

[ابوحمد الشامري]

راكان اليامي
بيض الله وجهك يا السنافي على هذا الشعور الطيب ولا هنت طال عمرك ولا هيب غريبة عليك ولا على ربعك يا القرم.

دمعة الوادي
لا هنتي يا السنافية على المرور الذي تشرفت به وبيض الله وجهش وما قصرتي.


العماني
لا هنت يا السنافي وما عليك زود طال عمرك لا انت ولا ربعك اللي لا ذكرتهم يزيدني شرف وانت منهم.

السياسي
بيض الله وجهك ياالقرم على هذا الشعور الطيب وانت فوق الشكه ياالسنافي ولا هنت وعساك ذخر.

الشامري
صح بدنك طال عمرك وانت من الروح طال عمرك وانت تدري بذا الشيء وعساك ذخرك ياالسنافي لا انت ولا ربعك.

ابن فادر
لا هنت طال عمرك وصح بدنك وتشرفت في مرورك يا السنافي

لا هنتم يا جماعه على هذا الشعور الطيب وعساكم ذخر لرفيق

اخوكم ابو حمد الشامري