المساعد الشخصي الرقمي

مشاهدة النسخة كاملة : اكتباللي يحرك سعاطير راسك!!

شـاعـر ولاكـن
06-12-2009, 12:22 AM
السلام عليكم ورحمة الله وبركاته

هذا الموضوع عباره عن كتابه اجمل ابيات الشعر
في المدح او القتال او وصف القبيله
بالعربي اللي يخليك تشوش ويطحن الحب اللي في راسك اكتبه؟؟
والموضوع غير مختص في قبيله معينه لجميع القبائل!!


ربعي ضنا مرزوق بالعسر واللين...
لطامة اللي براســــــــه يزوم
عجمان لا رد البــــرا للمعادين...
حريبهم من همهم مـــا ينوم
نوب سلاطين ونـــوب شياطين...
وكم من شيخ قوم توهم ما يقوم
وإليا تعلو فوق مثـــل الشياهين...
مركاضهم يشبع وحـــوش تحوم


الشاعر:راكان ابن حثلين
بنت الزعبي ..
06-12-2009, 01:50 AM
وعليكم السلام ورحمة الله وبركاته

يعطيك العافيه وتسلم يمناك

لي عوده :)
مريغان
06-12-2009, 01:54 AM
لا هنت وبيض الله وجهك موضوع جميل وانا اقول بيات وكيل الجزاله


حنا ترى يام العريقة وانت عارف ويش يام


:

:

كبيرنا مطنوخ واصغرنا يجي قرم وشلي

:

:

ولا طلع فينا جبان يخاف من جنح الظلام

:

:

ااخر نتيجة عندنا يذبح مثل ذبح الطلي

:

:

ابشر بعزك كلنا من دونك نشد الحزام

:

:


ناقف مثل عثمان ولا مثل ابن طالب علي
ديقول22
06-12-2009, 01:59 AM
البارحـه هوجسـت والجفـن مـانـام
ومانـع ولـد شلحـاط قافـه شعانـي
قضيت كـل الليـل غنّـى و درسـام
يوم ٍ هيضـي مـن فراشـي حدانـي
قعـدت احـط ارقـام وامسـح ارقـام
وعزمت اعسف القاف مهمـا عصانـي
حييـت ياخـط بـك اخبـار واعـلام
اعداد من صلـى وصـام ارمضانـي
ترحيبـة ٍ بنيتهـا بـنـي الاهــرام
فيهـا عبيـر الــورد والقحويـانـي
صورت يامانـع لـي المشهـد العـام
والشـوق لبيـوت القصايـد دعـانـي
قاف ابن قضعان وقـاف ابـن وسـام
وقافك بقت في الشرق رمـز ومعانـي
ثلاثـة ٍ يطـرح لكـم راس الابـهـام
وعسفتـوا ابيـوت القصيـد اعسفانـي
ومدحت شهران ومعك عـرف والهـام
ومدحـك دفعنـي للـردود وخـذانـي
ودون اشهران اشيوخ وابـدود والحـام
اقـول تسلـم واخــذ ردي عيـانـي
المدح في (العجمـان) يلزمنـي اللـزام
امـدح رجـال ن فعلهـم ماخفـانـي
لاجـا نهـار فيـه لــروح ســوام
تصمـد وتصـدم بلجنـوب المتـانـي
تـرد الحرايـب وردة المنهـل اهيـام
وتعدي على اظهور المهـار اعديانـي
غاراتهـم اتعقّـب امــوات وايـتـام
واهل الكـرم وقـت القسـى والليانـي
ياربع (ابن حثلين) يا اهل الوفـا التـام
للـي بقالـه فـي الجزيـره مكـانـي
(راكان بن حثلين) شاعـر وضرغـام
شيـخ شجيـع فــارس صيرمـانـي
عجزوبه الاتـراك والشـرق والشـام
مشهور واشهر مـن سهيـل اليمانـي
شلفاه تشـدي فـي المهمـات لا قـام
شلفـا ذيـاب اللـي تفـض المحانـي
شيخ على (العجمان) فـارس ومقـدام
ربعـه هـل القالـه اطـوال اليمانـي
و(ال ناجعه) نصيتهـا مدحـي اشمـام
زبـن الدخيـل امعربيـن المجـانـي
و(ال ضاعن) اللي صيتهم في الزمن دام
عـوق الخصيـم امرفعيـن المبـانـي
قيدومهـا (الدامـر) محنـك وجــزام
الفـارس اللـي مارضـى بلهـوانـي
اللي دمر مخلاص (شمـر مـع يـام)
يومـه رفـع سيفـه وجـر العنـانـي
و(الملتقم) لاما زهم عـوق الاخصـام
(ال هادي) اللي تقتضـي كـل شانـي
و(ابن منيخر) لا حصل حرب وزحـام
هلل وكبـر فـوق سـرج الحصانـي
لا قال (يـال سفـران) دام الظفـر دام
غصب ن على الحساد قاصـي ودانـي
و(ال مفلح) اللي تبرم الساحـة ابـرام
في الحرب لا جـا لركـاب ارزمانـي
و(ال صالح) اللي ترغم العاصي ارغام
ربع (لبن طفـلان) مـروي السنانـي
ويبقى ل (ال سليمان) تاريـخ ووسـام
العـزوه اللـي مادخلـهـا الهـدانـي
و(ابن عصيـدان) إبيـده القنـا السـام
اللـي يجيلـه فـي الكبـود اقضعانـي
والبيض ل (ال مصرا) شجيعين واكرام
جماعة (ابن وذين) مـروي الضمانـي
وان صاح (ابن مكراد) للخيل ثم حـام
تفازعو (المحفوظ) لـه فـي ثوانـي
اللي بعضهم حل فـي (الـرس) واقـام
هـل الجميـل امكرمييـن العـوانـي
والبيض ل (ال حبيـش) ورجالهـا لام
اهل العـلا اللـي ماتحـب الطمانـي
ربع (الطويل) اللي حكم حكم الاعـدام
فـوق الاعـادي والـزمـن قلبـانـي
و(جريس بن جلبان) لـروس صـرام
لا صيـح الصيـاح والحـرب حانـي
و(ال شامر) اللي لا كسى الهية اعسـام
تركـي لهـا مثـل البعيـر العمانـي
و(ابن زنيفـر) فـي المهمـات همـام
يـرد الوغـى يـوم الـردي مايدانـي
و(منصور بن مطلق) لهم درع واحزام
ذرب اليميـن المنـهـل الريهجـانـي
صيته بقـى للنـاس عـام بثـر عـام
راعـي كرامـه لـو يشيـن الزمانـي
ومواقف (ال خويطر) اكبـار واجسـام
حرابهـم يبـطـي كسـيـر يعـانـي
و(ال ريمه) اللي تشعم النيـره اشعـام
اهـل الفعايـل كاسبييـن الرهـانـي
في مدحي (العجمـان) مانـي ابمـلام
واثنيـه لـو يزعـل فلانـي الفلانـي
ان جـو مجالسهـم سلاطيـن وحشـام
وقـوم شياطيـن ن اذا الوقـت شانـي
تاريخهـم سجلـه ابــواب واقـسـام
وبكـل اللغـات يصوغـه الترجمانـي
قلته وانا ربعـي هـل الموقـف الهـام
(شهـران) لا سـد الكضيـم اللسانـي
ترسـي وتجعـل للعـدا حـد والجـام
مثل البوارج لا رسـت فـي الموانـي
وربعي (بني واهب) على جـور ليـام
سجّـل لهـا التاريـخ رمـز وبيانـي
فوق الرمك والجيـش دكـه ودرهـام
ويبرّكـون الحيـل فـوق الصـوانـي
ربعـي اكعـام ٍ للمعاديـن وخــزام
وتروي القنا والسيف وقـت الطعانـي
تامن بهـم طـراف وحـدود واقـوام
والـذود يامـن والغـروس المثـانـي
تـروح فرسـان العـدا منهـم اقـزام
وتفرهـم فــر الـرشـي لسـوانـي
واذا غزا الطماع فـي حمـر الانعـام
مـن فعلهـم بتصيـر عشـره ثمانـي
واذا غزوا دار العدا صـارت احطـام
يشـدون سيـل يجعـل الحـي فانـي
يشدون سيـل جـارح ضكـه اعجـام
صوته يروّع لاصفـق فـي المحانـي
مثّلهـم الزلـزال فـي منطقـة بــام
يـوم اقتلعهـا مالبـحـر لصفهـانـي
يطـول بيرقهـم علـى كـل لـعـلام
مـن باسهـم يبقـى عيـان بيـانـي
(ربع الفويه) اللي العـدا منـه تنضـام
خيـال سبـلا يـوم مـس البطـانـي
بشلفا تفض المـخ لـو دونـه اعظـام
شيـخ الشيـوخ وفـارس مايهـانـي
من شاع لا بيشه بها اجمـوع واكـوام
وتمتـد شـرق لا حـدود اقحطـانـي
اقصى جنـوب ديارهـم دار ال خـذام
واسفـل منازلهـم نزلـه ادرعـانـي
واليوم يامانـع عليـك الرضـا التـام
منـا وتستاهـل اشـحـوم السمـانـي
مدحت شيخـي والجماعـه والاعمـام
واظهرت منـي واحـد مـن اخوانـي
((وحنا ترا ربع وبنـي عـم وارحـام
وابغـي الروايـه واضحـه للعيانـي))
والله يديـم الحـكـم لـعـز حـكـام
ال سـعـود اموسسـيـن الكـيـانـي
القـاده اللـي طبقـوا ديـن الاسـلام
وفي حكمهـم عشنـا النعـم والجنانـي
مافيـه مظـلـوم ولا فـيـه ظــلام
عـدل وسعـادة روح وامـن وامانـي
لجـل المواطـن حققـوا كـل لحـلام
وتحققـت لشـعـب كــل الامـانـي
وتحفـظ ملكنـا الفـذ للامـه امــام
يـارازق الجنـه ومعطـي الحسانـي
يامنـزل سـورة تبـارك والــف لام
ياللـي كسيـت العظـم لحـم وبنانـي
هذا وسقت القـاف ليـن اذعـن ورام
وانـا عطيتـك يـوم ربـي عطانـي
افخر وفاخر يابن شلحـاط فـي (يـام)
وانـا بفاخـر وافتخـر (بشهـرانـي)




لاهنت ع الموضوع الطيب يالغالي . . .
بنت الزعبي ..
06-12-2009, 02:02 AM
النعم و الله فيكم :rolleyes:


زعوب حنا هل النخـوه والصيـت سجل لنا التاريـخ صفحـة وفانـا
الكرم عاده لنـا فـي كـل بيـت موجبين الضيف والجـار بحمانـا
فرسان شجعان بالمعارك ثوابيـت مانخاف الموت ليـا منـه دعانـا
ابيات شعري ماتوصف اللي تمنيت حيث الشعـر عيـا يوفـي معانـا
زعب يارجالنا لايمسها واحدن هيت تبقى رفيعـه مثـل نجـم بسمانـا
من دونها نلحـق الحـي بالميـت نرخص لها الغالي ونبـذل عطانـا


وسلامتكم ;)
ديقول22
06-12-2009, 02:04 AM
يازين حس البوم يوم الشفق غاب=فى فيضتن عنها الزواريب مقفين

وتشاوش قدهن على الصوت دراب=من عقب ذاك جوها الربع عجلين

ياما نحينا فقها خيل الا جناب=عجمان لا ركبو عليهن شياطين

عجمان يردون المنايا والاسباب=قدهم على نطح المشاهير ظارين

يردون حد السيف بدمى الارقاب=ويردون حوض الموت ورد المحبين

مهبول ياللى يالمرازيق حراب=فالموقف الكايد على الموت جسرين

انشملو فلهم على الصلب مضراب=وان اجنبو تراهم على الهجر ناوين
ديقول22
06-12-2009, 02:07 AM
آه من دمع على الخدين سايل=بالوصايف لانثـر صـب المـزادى
ما خطـر فالبـال ياتيلـه دلايل=ويتبيـن كـل ماكـن الفـوادى
قربوا لى من عطا الرحمن حايل=حايل تدنـى بعيـدات الريـادى
حايل من ساس عيرات اصايل=تاصـل المشتـاق ديـران بعـادى
فوقها ننحر طرييـن الفعايل=ربعـى العجمـان ذربيـن الايـادى
لالفيت ديـار وافيـن الخصايل=بلغوهـم لـى سـلام بازديـادى
لاوصلتـوا بيـن هذيـك النزايل=انتهينـا واهتنيـنـا بالقـعـادى
زين ممشا بينهم ماهـى رسايل=الكبـار كبـار واللـى بالمهـادى
ربعى اللى تحتمل لاجت وهايل=فى جميع امورها تمشى اسنـادى
فضلهم مشهور من بين القبايل=بالكرم والطيب من بيـن العبـادى
وفعلهم مشهور من عصر الاوايل=فالعصور الماضيه واللى جدادى
فعلهم للناس تضربـه مثايل=لاحصـل يـوم عبـوس بـه تنـادى
ربعى العجمان حامين الهزايل=كـم عقيـد طوحوبـه كالوسـادى
ربعى العجمان حامين الدبايل=لاحصل ذبـح وضـرب بالهنـادى
لازهمنا يام تكعم كل عايل=صلب يام الى نهـق عيـر الرشـادى
يام والله يام الى جات الصمايل=من حربهم حل فى جمعه نفـادى
من حربهم راح يبرى له وشايل=مسـاس بالقودعجـل بالمقـادى
ربعى اللى جندلوا من كل صايل=كم هنوف درعوها فى الحـدادى
من حبلهم طاح طوله فى الحبايل=طاح طوله يوم داسوه العـوادى
ومن بغا لسلومهم ماهو بطايل=سلمهم يصعب على كـل البـوادى
استمع للصدق ماهـو قـول قايل=لاهرجنـا مانعـد الا الوكـادى
افتهم ماقلت دام الفكر جايل=واستمـع لبيـوت سواهـن استـادى
شاعر لاقال تر قوله محايل=وشاعر لاقـال تـر قولـه ****ى
يوم بعض الناس فى قوله مسايل=عايش بلسينـه عيشـة زهـادى
فى قصيده كاسب كل الفشايل=ويعترض للـوم وألسنـة حـدادى
مايعز النفس مقصور المهايل=دايم بسـؤال فـى عيشـة نكـادى
وختمها صلوا عدد وبل المخايل=للنبى اللى لكـل الخيـر هـادى
شـاعـر ولاكـن
15-12-2009, 09:07 PM
والنعم والله في جميع:cool: القبايل ولاهنتو على المرور

ياشيح ترا حن على الحكام قاسين...
نوطى دماغ الشيخ وطي الحذايا
101 بنت العجمان 101
17-12-2009, 11:52 AM
حنا العجمــان يا جاهلين الافعــــال العتيقه
قايدين الحروب واسمنا في التاريخ عالي
مع راكـــــــــــان راعي السيف و الحقيقه
شيخ القبيله وافــــي العهد وطيب الفالـي
101 بنت العجمان 101
17-12-2009, 11:58 AM
حنااا بني العجمااان كسااابت الطيب
تشهد لنــااا العــــدوان قبــــل القرااابه

حنااا هل الطــــولات حـنااا هل الزيـن
حناااا بني العجمــــان فوق السحابه

حناااا بني بـــدوان جياشت الزيـــــن
يشهـــد لنــا التـــاريخ و وقــت" مضــــابه