الا ياسعد عمّك ذرف عقبك العبرات :: ورفع للسما كف الدعا والعرب ممسين

[المفاوض]

قصيده مؤثره للشاعر حمد بن سعد المسرع في ابن اخيه سعد بعدما تعرض للسقوط من الباص

اثناء عودته من المدرسه وقد اصيب برضوض وكسر في رأسه وقد تماثل للشفاء والحمد لله





الا ياسعد عمك ذرف عقبك العبرات
ورفع للسما كف الدعا والعرب ممسين


يبي النوم لكن طرف عينه عجز مابات
يناظر عقارب ساعته كل حين وحين


ويامثقل البارح على الصدر بالضيقات
همومن تغافلني وانا خالي الكفين


مكانتك عندي مثل ( فيصل ) عشر مرات
ولا فيه فرقن بينكم جعلكم حيين


الا ياإلهي وانت وحدك عظيم الذات
تشافيه مما جاه ياسامع الداعين


طلبتك الا ياغافر الذنب والزلات
تجيب السؤال وماتخيب رجا الداعين




للشاعر : حمد المسّرع

[شّيهـًــانُـــهً~]

صح الله لسان الشاعر
لاهنت على الطرح الجميل

تقبل مروري

[مريغان]

صح الله لسانه ولا هنت

[(سعد بن محمد)]

حمدلله على سلامته

وصح السانك والسان شاعرها

ولاهنت وبيض الله وجهك على المجهود