من أسراري...للبنات

[عزوف]

لكل امرأه اسرار واكيد هالاسرار ناتجه من تجارب !!!




طبعا وبما اني بنت !!!!! لازم يكون عندي تجارب واسرار بعد

من اسراري

ومن تجاربي الخاصه جدا اللي ما ابوح فيها لاي شخص لان كل بنت تحب التميز وانا اموت فيه !!


لايروح فكركم بعيــــــــــــد

اسراري في عالم المكياج والناتجه عن تجارب وخساير ماديه كبيره وصلت لهذه النتيجه


ما اطولها عليكم

احلى مرطب استخدمته من كلينك
واحلى كريم يومي وعملي بس يوحد لون البشره من كلينك مع البودره مالته طبعا
مافيه لون محدد كل بشره يصلح لها درجه معينه تساعدها خبيرة التجميل عليها

بس انا حبيت هالماركه لانها طبيه وماتعب البشره


اما اقلام العين
الاسود من كلينك وسعره 4 دنانير
وهم بعد جفنشي روعه سواده مو طبيعي

اما الاقلام الملونه
فاحلى شي اورلان مو طبيعي الاخضر والازرق والبني جيب

كريم اساس للعروس لايمكن تتخيلينه على البشره
شارمل اما البودره فما تتخيلون ان ما ناسب هالكريم الا نيبو اللون الوردي
تخلى بشرتج مثل بشرة البيبي

وبصراحه انا احط شغله بعدها وهي من اختراعاتي بودره زري وهي عباره عن انبوبه فيها بودره زري لونها فضي مايل للابيض وفيها فرشاه مثل فرشاة احمر الخدود تمسح تحت العين وعالخشم خفيف( موجوده عند الهنود ب 750 فلس !!)

والله يصير الكريم ولا كريم فندق خمس نجوم
جد بعد ما اخترعت هالخلطه العجيبه ما اروح الصالون الا نادرا بعرس اخوي او اختي بس

اما الماسكرا فلا تستخدمون غير لوريال المربعه وسعرها تقريبا 3 دنانير
وهم بعد فيه ديور الجديده بس انا افضل لوريال ارخص واحلى
وهم بعد لانكوم المدوره حلوه


الكحل
انا ما استخدم الا 2 يا لانكوم او كحل محمود سعيد غطاته خضرا بس جد سواده حلو


طبعا هذي بعص اسراري

واي استفسار انا حاضره وبالشوفه

[روووووعه]

مشكوره عيووووووني عــــــــزوف على الموضوع.. تسلمين على هالاسرااااار

الله لايحرمنا منك..;)

تقبلي تحياتي رووووعه

[cool]

السلاااام عليكم ورحمة الله وبركاااته


معليش داااااااااااااخل بالغلط على مشاااااااااركتش عزوووف :o مادريت انها للبنات

كله بسبب ابو فيصل والعجمااان الله يهديهم :(

لا يجي المستشااار يخااانقني :cool:

السمووحه المره هذي


كـووول (صورة وجه واحد مستحي)

[عزوف]

ههههههههههههههههه هههههههههههههههههه

مو مشكله يا كول حياك الله بس مجرد انك تشوف مو تروووووووح اتطبق :D

رووووووووعه
تسلم عيونج :)
شاكره لج مرورج وانا حاضره يالغاليه

[المستشار]

أختي عزوف ،، مشكورة حيل على المشاركة ،،

وانت يا كووووول أصيدك في راس العاير ويا ويلك مني ،، (جلليييييللليييييييين الحيا) (سوري) لوووووول

عندي مشاركة وإضافة : أن شرب الماء بكثرة خلال اليوم يفيد الجسم عامة وخصوصا بشرة الوجه ، كما ينقي الدم من السموم .

أخوكم / المستشار

[عزوف]

100 على ميه يالمستشار فعلا الماء له فواد كثيره وهو من ارخص مستحضرات التجميل :)

شاكره لك مرورك مشاركتك اللي اسعدتني واضافت الشي الكثير للموضوع

اختك
عـــــزوف

[بنت راكــــان]

مشكووووره اختي عزوف على التجارب

بس بغيت اسالش ماجربتي كحل من شانيل اللي نصه اسود ونصه ازرق بالريشه



وبغيت اسالش عن ماركه ماك ماجربتي كحلها يمدحونه صديقاتي حيييل


والله يعطيش العافيه

[عزوف]

لا والله يا بنت راكان ما جربت كحل شانيل ولا ماك
اذا كنتي تقصدين بكحل شانيل المائي اللي كأنه شدو تبللين الريشه وتستخدمينه فهذا الكحل ما اعتقد انه يصلح للمناسبات لانه يبهت فوق الشدو وما يكون سواده داكن ممكن تستخدمينه للعزايم وللمسايير العاديه لانه راح يكون اهو الشدو واهو الكحل بنفس الوقت


على فكره ترى الروج من ماركة ماك مو طبيعي
وذكرتيني على طاري ماك ترى ما انصحكم بكريم الاساس منه لانه يلوع الجبد والله شريته وكان غالي وما استخدمته الا مره

اما الكحل جربي روشاس عماتي يستخدمونه اهو مع الماسكرا بس بصراحه
النوعين اللي ذكرتهم في بداية موضوعي حلوين

انشالله ابحث لج بانواع الكحل الجيده واسجله لج اهنيـــــــــه

انتظرينــــــــــــي :)

شاكره لج مرورج يالغاليه اللي بصراحه اسعدني

[بنت راكــــان]

ياجعلي ماابكيش ياعزوف

ولاهنتي على النصايح

وبانتظار مالديش

[عزوف]

عيــــــــــــوني لج يا بنت راكان وانا حاضره باللي تامرون عليه :)

[المستشار]

وأنا الظاهر بدور لي قسم غير هذا لأن صار فيه كحل من نوع ثاني غير اللي أحطه ،،،


وهم علشان ما تفهموني غلط ،،



أنا أكحل عيني بشوفة الوالدة كل يوم الله لا يحرمني منها .


مشكورين على المشاركات الناعمة ،،


أخوكم الكبير / المستشار

[عزوف]

ولـــــــــــــــــو يا المستشار مالنا غنا عنك :)

ولاشكر على واجب


والله لايحرمك من كحل عينك ;) ويخلي لك الوالده انشالله


تحياتي