اجمل ماقيل في القهوووه ((( تفضلوووووو )))

[مطنوخ خلقه]

السلام عليكم ورحمة الله وبركاته

هنا فكره بسيطه ولانستغني من حضوركم ومشاركتم معنا لنجمع أشهر ماقيل في القهوه من أشعار وذلك لما لها من أهميه بالغه جداً عند العرب قديماً وحديثاً ولنكن سبّاقين في هذا الصرح الى تكوين مايشبه الموسوعه في قصائد القهوه التي تعد من عيون الشعر الشعبي مشاركتكم وتفاعلكم يكفل لنا النجاح بإذن الله .

وأبداء بهذه القصيده المشهوره في القهوه للشاعر المرحوم بإذن الله / محمد القاضي .







يامـن لقلـبٍ كـل ماالتـمّ الاشفـاق
من عام الاول به دواكيـك وخفـوق
يجاهد جنودٍ في سواهيـج الاطـراق
و يكشف له أسرارٍ كتمها بصنـدوق
إلى عنّ له تذكار الأحبـاب واشتـاق
باله وطف بخاطـره طـاري الشـوق
قربت له مـن غايـة البـن مـالاق
بالكف ناقيها عـن العـذف منسـوق
إحمس ثلاث ٍ يانديمـي علـى سـاق
ريحه على جمر الغضا يفضح السوق
حذراك و النيـة وبالـك والإحـراق
واصحى تصير بحمسة البن مطفـوق
الى اصفرّ لونه ثم بشّـت بالاعـراق
وصارت كما الياقوت يطرب له الموق
وعطّت بريـح ٍفاضـح ٍفاخـر ٍفـاق
لا عنبر ٍ ريحـه بالانفـاس منشـوق
دقـه بنجـر ٍ يسمعـه كـل مشتـاق
راع الهوى يطـرب ليـادق بخفـوق
واحشه بدلـة مولـع ٍ كنهـا سـاق
بلـورة ٍ منصوبـة ٍ تقـل غرنـوق
خلّه تفوح وراعـي الكيـف يشتـاق
الى طفح له جوهرٍِ صـح لـه لـوق
أصغراقمـوره كالزمـرد بالأشـعـاق
وكبارها الطافح كمـا صافـي المـوق
زلّه على وضحا بها خمسـة ارنـاق
هيل ٍ و مسمار ٍ بالأسبـاب مسحـوق
مع زعفرانٍ والشمطري الى انسـاق
ريحه مع العنبرعلى الطـاق مطبـوق
إلـى اجتمـع هـذا وهـذا بتيفـاق
فصبه كفيت العوق عن كـل مخلـوق
بفنجال صين ٍ صافي عنـه الارمـاق
تغضي وكرسيـه غـدان ٍ لمعشـوق
الى صب فابصر جوهره تقل شبـراق
رنق ٍ تصور بالحمامة علـى الطـوق
شكل غَرَا الفنجال صبغـه كمـا راق
دمّ الغزال الى امّـزع منـه معلـوق
خمر ٍ الـى منـه تساقـى بالاريـاق
وعليه من ماء صافي الورد مذلـوق
راعيه كنـه شـارب ٍ ريـق تريـاق
كاس الطرب واسرور من ذاق له ذوق
يحتاج من خمرالسكـارى الـى فـاق
طفل ٍ يشف شفاه والعنـق مفهـوق
عبث ٍ يعيل ابحُبـة ٍ منـه مـا مـاق
وهو يباهـي باهـي البـدر بشعـوق
في وجنتيه الى غنـج بـارق ٍ حـاق
عجل ٍ رفيفه بالطها الغـرق بطبـوق
سحر ٍكتب مـن حبرعينيـه بـاوراق
خديه صادين ٍ و نونيـن مـن فـوق
كن العرق بخدودهـا حـصّ ارنـاق
نثر على صفحـات بلـورة الشـوق
إلى تبسـم شـع و أشـرق بالآفـاق
نور ٍ يفوق البـدر سحـار منطـوق
والعنق كن المسك والـورس بـراق
ما مشخص ٍ في صدره الشاخ مدفوق
يمشي برفق ٍ خايف ٍ مدمـج السـاق
يفصم حجول ٍ هزه الثقل مـن فـوق
الى صفت لك ساعة ٍ و أنت مشتـاق
فاقطف زهر مالاق و العمـر ملحـوق
فالى حضر ماقلت عنـدي فـالارزاق
بيـدي كريـم ٍ كافـل كـل مخلـوق
والله لو يمشـي شقـاق ٍ بالأسـواق
من الملاء مايمسط الخمـس مخلـوق
هذا و صلوا عـد مـا نـاض بـراق
أو ماشكى الفر قا شفيـق ٍ لمشفـوق
على النبي مـا زج زاج ٍ بـا لأوراق
و آله و صحبه عد ماسيق مسيـوق





في إنتظار مشاركاتكم .

حفظكم الله

[مطنوخ خلقه]

الفارس .. راكان بن حثلين

ياما حلا الفنجال مع سيحة البال ^^^^^ في مجلس مافيه نفـس ثقيلـه
هذا ولد عم وهـذا ولـد خـال ^^^^^ وهذا رفيق مـا لقينـا مثيلـه

[مرتاح أحبك]

الله لايهينك على الموضوع الرائع
وهذي مشاركتي



قصيدة الشاعر المبدع بدر االصبيحي الخالدي
عن القهوه


مجلس من دون كيف العرب كيف أروقه ## لو معازيبـه عيـال القايـد السلطانـي
أح يـا وجـداه يالمحموسـة المدقوقـة ## تو جيبت من وراء حد اليمـن بقطانـي
مضمدت راس العروبي ليا اوجعته فلوقه ## ريحها من قبل صبتها هوى الضرمانـي
و ان شرب فنجالها ضرم فتـح غالوقـه ## وقام كنه مـن سرايـا هتلـر الالمانـي
للعرب تنسب و ترمز للكـرم وطروقـه ## قدرها قبل الشحم و العـود للضيفانـي
و كل بيت بلا قهوة ناقص فـي ذوقـه ## كنه اللي صـك بيبانـه بوجـه العانـي

[مطنوخ خلقه]

مرتاح احبك ارحب اسعدتني مشاركتك
وبيض الله وجهك

[تركي الميموني]

خلّه تفوح وراعـي الكيـف يشتـاق
الى طفح له جوهرٍِ صـح لـه لـوق


صح لسان شاعرها

طاب نقلك مطنوخ مبدع كالعاده

وماهي غريبه عليك

وبانتظار جديد روائعك

تقبل مروري

[مطنوخ خلقه]

ارحب ياتركي طاب حالك الروعه هو مرووركم ومشاركاتكم
لاهنت يالامير

[عبـق أجدادي]

.
.







موضوع مليء برائحة الهيل



البدو تغنوا في القهوة لـ ولعهم الشديد بها
حيث إنها تمثل رمز للكرم والضيافة





أحد الشعراء وأظنه شليويح المطيري
يوصي إبنه " نمر " هنا فـ يقول


امل الوجار وخلو الباب مفتوح
خوف المسير يستحي ماينادي

يانمر مافي صكة الباب مصلوح
ولاهي لهلكم يامظنـة فـؤادي










لعلنا نعود هنا






دمت بود

[مطنوخ خلقه]

عبق اجدادي مرحبا تراحيب المطر
نورت الصفحه بيى مشاركتك الرائعه
واسعدني مروورك ومشاركتك

[ابو بدر الحبيشي]

السلام عليكم ورحمة الله وبركاته

الله يعطيك العافيه يامطنوخ خلقه على الموضوع الى يستحق الوقوف عنده والرد والمشاركه
عليه
ولك الشكر الجزيل.....





ماقال دغيم الظلماوي بالقهوة رحمه الله :
يا كليب شب النار يا كليب شبــــة ..... عليك شبة والحطب لك يجابي
وعلي انا يا كليب هيلــة وحبـــــة ..... وعليك تقليط الدلال الــــعذابي
وادغث لها يا كليب من جزل حبة ..... وشبة ليامن غفى كل هـــــابي
باغ ليـــــا شبيتهـــــــ،ا ثم قبـــــــة ..... تجذب لنا ربع سرات غيـــابي
بنسريــــة يا كليب صلف مهبــــــة ..... لانسنست لياكن به سم دابــي


تقبل مروري.,

[ديقول22]

الله لايهينك

[مطنوخ خلقه]

ارحب اخوي ابو بدر الحبيشي الله يعافيك ويطول عمرك وبيض الله وجهك على المروور
البطران
الشكر لك يالامير

[مطنوخ خلقه]

ديقول 22 ارحب لاهنت على مروور

[مرتاح أحبك]

سولي الكيف وارهولي من الدله....البن الاشقر يداوي الراس فنجاله

كيفن لنا نحرق النار ونزله....واليا انقط لو ورى صنعه عنيناله

[مرتاح أحبك]

يا عيد شب النار قم سو قم سو = وسـو فنجـالٍ وزيـن قـنـاده
هات الدلال ووسع حفرة الضـو = شب بحطب سمرٍ ولوعٍ عـراده

خل النشاما لا تلافولـك وجـو = يلقون من جدك مراسيـم عـاده
إحمس من البن الخضر لاتلافوا = وللعود حط شـداد وألا وسـاده

وبهارها هيلٍ من الباخـرة تـو = توه منزّل مـن سنابيـك سـاده
مع البحر ملفاه وألا مـع الجـو = مع زعفرانه كبر رجل الجـراده

حتى يجـي فنجالهـا لاتقهـووا = مثل صفار البيض في كأس ساده
فإن كان هم عجلين قـل تغـدواو = ألا العشاء مضمون مثل العباده
حتى لا راحـوا لأهلهـم وقفـوا = كلٍ يعد الطيـب علـى إنفـراده

[مطنوخ خلقه]

مرتاح احبك اررحب مشاركات اكثر من رائعه
اسعدني تواجدك يالامير

[مرتاح أحبك]

يا سعود قم هات الدلال المهانيف=في ليلة ناخذ سهرها قطوعه
إحمس وكيفها ترى طاب لي كيف=واستدن (مزعل) ياشفاتي وصوعه

إلى تهيض بالعوى والزعانيف=يشدي عوا ذيب شكا حر جوعه
يشدي عواذيبٍ بروس المشاريف=حادية حادي والهبايب تلوعه

حتى يجيب مسيّر البيت والضيف=مثل العقيد اللي تلافت جموعه
مخصصٍ الى صار جماعه مواليف= ماركز الشيطان معهم بكوعه

يا زين سجتهم وزين السواليف= ما دوّروا واحد بالاخر طموعه
والى احدث الجهال بعض التخاليف=إستدركوها قبل تكثر فزوعه

تلقى لهم سمعة وهيبه وتصريف= وكلٍ يجي فعله على قد نوعه

[مرتاح أحبك]

الى ضاق صدري قمت لم الدلالي=شبيت ناره يوم عني الكرى غاب
الى اصرهت بالجمر عقب اشتعالي= زليت صافيها على كيف شراب

وقلبت حمستها على شف بالي= حوش الغنم لين العرق فوقها ذاب
ودقيتها من ضيقتي باعتجالي=نجره يصيح لراعي الكيف جذاب

[مطنوخ خلقه]

الله على الفنجال مع هجعة النــــــــــاس...... بدلال نارٍ مايبطل سنــاهـــــــــــــــا
مع حمسة يملا بهــا كل محمـــــــــــاس.. ..ويقلبــه قرم يعـرف استواهــــــــــــا
قم يافرج شبّه تر الكبد والـــــــــــــرأس ... العين اشوفه قازيه من خطاهـــــــــا
حط الجروم اللي من العام يبـــــــــــاس .... .ليـاما يطوح ضوها مع فضاهــــــــا
واحمس على جمـــر ترى ماله اجـناس..... .وكفـّه ليا منه عرقها غشــاهــــــــــا
واودع بهاره هيل ورهه بالاجـــــراس ...... ياخالط الفنجال تر هو حلآهـــــــــــا
ودقه بنجر يسمعه كل نعـــــــــــــــاس...... ولاتغلق الضبة على من بغاهــــــــــا
وصفـه وصبه تر هو الصفى بقيــــاس...... ماهو خطاة الخامل اللي طهاهـــــــا
اللي يحطه باوسط النار مرفــــــــــاس ..... لما يطير قبوها مع غماهــــــــــــــــا

[مرتاح أحبك]

قم قلّط الدله علـى بكـر صافـي
شامية طرّف لها الجمر تطر يـف
وأحمس من البن الخضر كف كافي
من سوق صنعا جاذبينه على الكيف
حماسها قرم من الغـوش شافـي
دايم يجغفها على النـار تجغيـف
أحمس وعجّل حمستـه يالسنافـي
وكبّه ونسفها على النجـر تنسيـف
ودقّه بنجـر يسمعـه كـل غافـي
نزيز حسه يدعي الجار والضيـف
أصفه وصفّه عن سيريب المصافي
عن قولة من شف بالكأس يا حيف
وإبهارها مـن يمـة الهنـد لافـي
مع مركب حاد يه زجر العواصيف

[مرتاح أحبك]

قم قلّط الدله علـى بكـر صافـي
شامية طرّف لها الجمر تطر يـف
وأحمس من البن الخضر كف كافي
من سوق صنعا جاذبينه على الكيف
حماسها قرم من الغـوش شافـي
دايم يجغفها على النـار تجغيـف
أحمس وعجّل حمستـه يالسنافـي
وكبّه ونسفها على النجـر تنسيـف
ودقّه بنجـر يسمعـه كـل غافـي
نزيز حسه يدعي الجار والضيـف
أصفه وصفّه عن سيريب المصافي
عن قولة من شف بالكأس يا حيف
وإبهارها مـن يمـة الهنـد لافـي
مع مركب حاد يه زجر العواصيف

[مطنوخ خلقه]

لاضاق صدري من هموم تـــــولاه ** وزاد العماس وقام صدري يفوحي
أنا بلاى اللي على الرب مشكـاه ** اللى محرولني وانا ازريت أروحي
يامعذربين التتـن لــولاه لـــــــولاه ** لولا شرابه ياعرب وين أروحـي
لولا شراب العظم يوم أني أمـلاه ** اكوي به الجمره اويكوي جروحي
مع دلة صفرا على النـار مركـــــاه ** أقصر ابصبتها على كيف روحـي
فنجالها يشدي خضاب الخونـداه ** الجادل اللي عند اهلهـا طموحـي
يا مكيف الفنجال خصص هل الجاه ** راعي الجمايل قبل قـن قموحـي
صبه لمن هو تنثـر الـدم يمنــــاه ** يثي جواده عنـد راع اللدوحـي
والثانـي للـي ماتوانـا مطــــايـاه ** يظوي ليا صكت عليـه النبوحـي
وعده لمن عوص النجايب تنصاه ** ريفن لهن ليا جا الزمان اللحوحي
دب الدهر يضحك حجاجه لمن جاه ** وقـت المعاسرمـارد مايزوحـي
وباقي الرجال فحول نسوان ورعاه ** ضباط مال وحافظيـن السروحـي
وراعي الرد ماحد ليامـات ينعـاه ** ليا صار محروم جبان شحوحـي

[شعاع]

الشاعر: عبدالله العلي الحرير يرحمه الله:



قم ســو فنجــــــال ونظـــف أدلالــــه
......ريحه لراعي الكيف يجلي اعماسه
اشعل ولونـه مثـــــــل دم الغزالـــــه
......لاذاقــــه الراقـــــد يحـــارب انعاسـه
في مجلس تدله الى جاء مجالـه
......اللي عن اللجات يقصر حساسـه
والا ترا بعض المجـــالس عـــذالـه
......لا معشـــــــر طيب ولا فيـه اناسـه



لاهنت على هالفكره المميزه

[ناصر العسكر]

السلام عليكم ورحمة الله وبركاته

لاهنت اخى مطنوخ على الاختيار الموفق فى اختيار اجزل القصائد والتى تدل على انك شخص يتمتع بذائقه شعريه ليس لها مثيل ...وبصرحه اختيارك لهذه القصيده وهذا الموضوع بذات جعلنى اشارك بجميع ما لدى من قصائد تتكلم عن القهوه لم للقهوه عند الرياجيل من مكانه ...

فأرجوا ان تكون مشاركتى ذات فائده لموضوعك...



* يقول الشاعر محمد بن احمد بن محمد السديري:


يا بجاد شب النار وادن الدلالي
وأحمس لنا يا بجاد ما يقعد الراس
ودقه بنجر يا ظريف العيالي
يجذب لنا ربع على اكوار جلاس
وزله الى منه رقد كل سالي
وخله يفوح وقنن الهيل بقياس
وصبه ومده يا كريم السبالي
يبعد همومي يوم اشمه بالانفاس
فنجال يغدي ما تصور ببالي
روابع تضرب به أخماس وأسداس

* وهذا الشاعر الفارس تركي بن حميد حيث يصف القهوة وصوت النجر.


يا ما حلا يا عبيد في وقت الاسحار
جر الفراش وشب ضو المناره
معدلة تجذا على صالي النار
ونجر الى حرك تزايد عياره
النجرب طق وجاذب كل مرار
مالفه الملفوف من دون جاره
في ربعة ماهيب تحجب عن الجار
لامن ولد اللاش ما شب ناره

* كذلك قول الشاعر: سعد بن حمد بن ضويان في القهوة:


ياحسين لاكني على الجمر مجضوع
من فقد خلاني وفقدي ربوعي
قم سو فنجالٍ ترى الراس مصدوع
صفه وزله عن سريب الخموعي
فنجال فيه مخموس الكيف مجموع
بدلال يشدن الخباس الوقوعي
ونجر دلاله ماو بالصوت مفجوع
يا زين حسه والخلايق هجوعي
وانجاك بالمجلس سنافي وبالوع
عده على الطيب وكب البلوعي

* وهذا الشاعر: عبدالله العلي الحرير يرحمه الله:


قم سو فنجال ونظف أدلاله
ريحه لراعي الكيف يجلي اعماسه
اشعل ولونه مثل دم الغزاله
لاذاقه الراقد يحارب انعاسه
في مجلس تدله الى جاء مجاله
اللي عن اللجات يقصر حساسه
والا ترا بعض المجالس عذاله
لا معشر طيب ولا فيه اناسه

* وهذا الشاعر: غازي بن عون


يا ريف قلبي للمسايير قم شب
وحط المنارة في طويل الظلالي
عقب تشق لها لجزل الحطب جب
وهات النجر واحضر جداد الدلالي
دنّه وخلّه للمسايير يجذب
لا قام صوته للنشامى يلالي
يوحونه الجيران لا قام يقنب
ويجيك الاقصى والقصير الموالي

* ويقول سليمان المحمد الهزاع بهذه القصيدة:


لافي على جمر الغضى سو فنجال
فنجال بن من رخيص وغالي
حيثك قديم مغربل البن غربال
حكيم عند مصاطرات الدلالي
خله على المطلوب يلفت لنا البال
يفتح لنا المعنى بمبدا المقالي
الى انطلق من ثعلب المبهرة مال
يشدي خضاب مخفرات حيالي

* وهذا الشاعر هايس بن مجلاد يقول وهو يصف الدلة وصوت النجر:


قم سو ما يصبغ على الصين ياذياب
بدلال يشدن البطاط المحاديب
احمس الى من العرق فوقها ذاب
واستدن ما يجذب عليك الشراريب
نجر يصيح من الطرب تقل بحجاب
يصبر على طول الدهر للمواجيب

وقال حمد ابراهيم العمار:


الى ضاق صدري قمت لم الدلالي
شبيت ناره يوم عني الكرى غاب
الى اصرهت بالجمر عقب اشتعالي
زليت صافيها على كيف شراب
وقلبت حمستها على شف بالي
حوش الغنم لين العرق فوقها ذاب
ودقيتها من ضيقتي باعتجالي
نجره يصيح لراعي الكيف جذاب

* ويقول الشاعر سعد بن قطنان من سبيع في وصف القهوة:


جر الفراش لنا وهات الدلالي
اربع مغاتير على النار تدنا
ترى حلاة النار دوم اشتعالي
وسوقة فناجيل عليهم من ادنا
فنجال اشقر مثل دم الغزالي
اليانقص شيء من الكيف زدنا
اتعب لها بالسوم لو كان غالي
لو كان سوقه نازح عن بلدنا
ياما دفعنابالثمن من ريالي
غير القرى نسهر لهم ما رقدنا

* يقول الشاعر: عبدالله بن سبيل الباهلي:


ترى حلاة الكيف يا مشرب له
لا فارقوك اهل الحسد والنجاسه
لا صار شغاله ظريف بزله
وظرف بتقليبه وقيمة قياسه
الى صفا بنه على ما شغله
تلقا على الفنجال ردعة لعاسه
خطو الولد توه على شبة له
جميع هو مات المراجل براسه
يقوم بالمعروف دقة وجله
والله مهيئ له على قوباسه
وخطو الولد رجم على غيرحله
لو جازلك مبناه برّق بساسه

* هذه قصيدة للشاعر: شليل بن عواض من بني عمرو من قبيلة حرب يقول:


يا سعود قم هات الدلال المهانيف
في ليلة ناخذ سهرها قطوعه
إحمس وكيفها ترى طاب لي كيف
واستدن (مزعل) ياشفاتي وصوعه
إلى تهيض بالعوى والزعانيف
يشدي عوا ذيب شكا حر جوعه
يشدي عواذيبٍ بروس المشاريف
حادية حادي والهبايب تلوعه
حتى يجيب مسيّر البيت والضيف
مثل العقيد اللي تلافت جموعه
مخصصٍ الى صار جماعه مواليف
ماركز الشيطان معهم بكوعه
يا زين سجتهم وزين السواليف
ما دوّروا واحد بالاخر طموعه
والى احدث الجهال بعض التخاليف
إستدركوها قبل تكثر فزوعه
تلقى لهم سمعة وهيبه وتصريف
وكلٍ يجي فعله على قد نوعه

* واختم مشاركتى بهذه الابيات:


الكيف خله عند من يشترونه
المشكلة اللي جابها من بلدها
ياحامسين الكيف لا تحرقونه
حذراء عن الشعله تغير نقدها
حتى يجيك محمر كن لونه
مجت جراده ظاهرة من جسدها
صبه على اللي ربعته يدهلونه
له ربعة من راح منها حمدها
وعده عن اللي واقف له بشوته
يمسي ويصبح عارف لك عددها
ما غير عنده طايرات عيونه
لا باع شاته جاك حزة وعدها


لك كل الشكر على اتاحت الفرصه لى للمشاركه ...واسمح لى على الاطاله ... وتقبل مرورى ...

[فيافي]

مـــاشاء الله مبدعـــين كلكم وجزل مانقلتـــوا ,, لاهنت مطنوخ على طرحك مبـــدع

تقبل مروري

[ﺂلـِ͡ـِبطْـِرﺂڼ ̸~]

ياحسين لاكني على الجمر مجضوع
من فقد خلاني وفقدي ربوعي
قم سو فنجالٍ ترى الراس مصدوع
صفه وزله عن سريب الخموعي
فنجال فيه مخموس الكيف مجموع
بدلال يشدن الخباس الوقوعي
ونجر دلاله ماو بالصوت مفجوع
يا زين حسه والخلايق هجوعي
وانجاك بالمجلس سنافي وبالوع
عده على الطيب وكب البلوعي

[تعال اليوم]

ما فيه داعي تصحي غفوة أوجاعي,,,,,
القهوه ماتجيب الا القولون.....هع....:p