المساعد الشخصي الرقمي

مشاهدة النسخة كاملة : وحده بوحده

عجميه ماتهاب
16-10-2009, 10:56 AM
وحده بوحده

طالبك تسكت ولاتنشد يابوسفاح
ماودي يزعل كلامي واحد ٍ موالي

مالقلب طيب ولا بالي بعد منساح
والخوف اجمع غثى الاول على التالي

ياما وياما تركز بالضلوع ارماح
لاكن رمح الرفاقه يزيد غربالي

مابين هرج الشماته وضحكة المزاح
شعره بسيطه وانا ماني على فالي

وحده بوحده وتصبح القلوب اصحاح
لو كان طبع ابد ماصار ذا حالي

ولوي من اللي يناطح بصياح صياح
ماكان تعبت ركابي في وقف عالي

الله وكيلك يانايف وش بقى ماطاح
واقرب قريب ٍ غدى في صف عذالي

اذكر خسرت وخسرت ولاجنيت ارباح
الله يعوض جهودي والله الوالي

واسمع عزايا في ذيب ٍ في عواه انباح
بيتٍ واحطه مع تصنيف الامثالي

الحر دايم تغشه ريشة الملواح
لاكن يبقى عزيز ومنزله عالي

خلني بفضفض بشعري كني المرتاح
بكتبه مره بعقل واحيان بهبالي

بعسف امهار القصايد وارتشفها قراح
وياكثر ناس ٍهوت قافي وموالي

بنيت نفسي بنفسي والتحفت وشاح
واخترت انا في رفيع المجد منزالي

والحاسد اللي بغاني مامعاه سلاح
ياكود هرج القفيا وجوفه الخالي

طالبك رح له ورجه لي يابو سفاح
لايحدني واقلب الاول على التالي


الشاعر/فيصل العدواني

تحياتي
المحامي vip
16-10-2009, 11:05 AM
مشكوره ويعطيك العافيه على النقل المميز
دايم اهذريبكـ
16-10-2009, 11:42 AM
صح لسانش ولسان العداوني
ولاهنتي
على النقل الروعه :)

تقبلي مروي
ديقول22
16-10-2009, 12:20 PM
مشكوره ويعطيك العافيه على النقل المميز
يالعجميه
عجميه ماتهاب
16-10-2009, 12:53 PM
عطرن مروركم
ولاهنتو
تركي الميموني
16-10-2009, 01:09 PM
وحده بوحده وتصبح القلوب اصحاح
لو كان طبع ابد ماصار ذا حالي



صح لسان شاعرها

اما عاد العنوان غير شكل<<<:)نال اعجابه والقصيده اكثر

تسلم أيدك عجميه ابدعتي

بالنقل وبانتظار جديد روائع حروفك

تقبلي مروري
عجميه ماتهاب
17-10-2009, 04:03 PM
نورت صفحتي
وباذن الله
!المزن!
17-10-2009, 04:15 PM
صـح لسآإن قاايلهاا
ولاآهنت :)
عجميه ماتهاب
17-10-2009, 04:25 PM
نورتي صفحتي
ياماسه المنتدى