يا يااااااااااااام

[اللحياني]

بسم الله الرحمن الرحيم
السلام عليكم ورحمة الله وبركاته


صغيركم يا يام قرمـن وصمصـوم=وش حال سيدكم ليا قيل يا يـام؟
يا يام يا جبر الذي طـاح مصـروم=من بعد كسره صارت (أ)عظامه ليام
يا يام يا نصر الذي بـات مضيـوم=من بعد ضيمه يلمح النصـر قـدام
يا يام يـا عـز(ن) تمنـاه محـروم=عز(ن) جعل من سادة القوم خدام
شبيهكم يا يـام فالجـود معـدوم=واللي ينافسكم صدر حكمه اعدام
قصيركم يبقـى مكـرم ومحشـوم=ما جاه ما ضره مدى طول الايـام
يا يام يا صقر(ن) تعلى على حـوم=تسطـا مخاليبـه للأجـوال فـرام
يا يام يا رجـل المهمـات قيـدوم=انا اشهد انك فالخطر صرت مقدام
يا يام ياللي ما رضا البيع والسـوم=من دون حقه طاوي البطن بحـزام
من فعلكم شاب الذي تو مفطـوم=والذيب يكسر شوكته ليث ضرغام
يا يام يا جسم(ن) معافا وملمـوم=ملتمـه اوصالـه ولافيـه اقسـام
يا يام يا نبع المفاخر علـى الـدوم=ما جف حوض النبع لو كثروا صيام
يا ذخرنا في وجه الاتراك والـروم=يا سيل في وجـه المعاديـن هـدام
انتم هداة الليل بـل انتـم نجـوم=يا نور يجلى ظلمة الليـل واعتـام
يا يام يا خير(ن) ومقسوم مضمـوم=خير(ن) يدوم أعوام من بعده أعوام
يا يام يا شر(ن) مركـز وداهـوم=واللي يعاديكم فـلا ضنتـي قـام
وختامها عـود معتـق ومشمـوم=مني ومن ربعي لكم يا نسـل يـام


الموضوع الأصلي : هنا || المصدر : مجالس يام