مداهيل الضلوع [الأرشيف] - ::. مـنتدى قبيلـة العجمـان .::

بنت الزعبي ..

12-10-2009, 03:04 AM

السلام عليكم ورحمة الله وبركاته

صبحكم الله بالخير

حييت يالهاجوس لـو منتـه بضيـف
اقلـط مداهيـل الضلـوع النحايـف
جنّبنـي الهزلـه وجنبنـي الحـيـف
وقدم لي جـزال البيـوت الطرايـف
لا استرسلت من فوق روس المشاريف
غنيت قافً جاء من القلـب [ Live ]
سقت القلم ساع استوا لي على الكيف
الليـل كايـف دام ذا القـاف كايـف
ولا الطواري في الضلوع المهاديـف
تتلنـي تــل المـهـار العسـايـف
في ذمتي ما حيلتـي حيلـة ضعيـف
لا كـن خلنـي مثـل منـت شايـف
سـود الليالـي والهمـوم المراديـف
عقب خذت منـى عطتنـي وصايـف
لا ترخص الطيب ولاترخص السيـف
هم السنـد لا جـاء نهـار الحسايـف
وعن خوة اهل الكذب واهل السواليف
صدرت يا ابن نعيس مصدار عايـف
خليتهـم لـو رأس مـال التكالـيـف
موتي ولا آقف فوق جـرفً مهايـف

الشاعر : فارس بن مرداس

تركي الميموني

12-10-2009, 01:16 PM

حييت يالهاجوس لـو منتـه بضيـف
اقلـط مداهيـل الضلـوع النحايـف

قصيده مميزه

صح لسان شاعرها

مبدعه كالعاده يا بنت الزعبي

وماهي غريبه على قلمك

وبانتظار الجديد والمزيد من روائعك

تقبلي مروري