وبنت الرجـال اللـي نسبهـا آل آل................؟؟

[مزاجي]

قصيده جازت لي كثير


وعسى انها تعجبكم..




مرغوبة العاشق .. وغايـات المنـال
ودواء الجروح اللي تعسـر طبهـا !!
غيدا " بتول تحترف فـن الـدلال !!
ودك تقهوهـا .. قبـل لا تصبهـا !!
( في ابهتها طلعـة مضـاوي هـلال
احبهـا .. وآتوقهـا .. وآحبـهـا )
مخلوقة من زبد .. لو تلمسـه سـال
ونعومة حكاها .. كذا مـن ربهـا !!
وبنت الرجـال اللـي نسبهـا آل آل
قوم تنـوش المرجلـه .. وتذبهـا !!
واللي لا هب فوجهها ريـح الشمـال
قمت استشك !! ان الجنوب تهبهـا !!
الخصـر يرسـم انحـدرات التـلال
وردوفها .. من ثقلها تلعـب بهـا !!
يفوح منها المسـك والخمـر الحـلال
كنه علـى ذيـك الشفـاه يعبهـااا !!
وخدودها ورد شـذى عطـره خيـال
خلا ( فراشات الـورود ) تربهـاا !!
ولا قالت من الشوق يا عمري تعـال
شليت ذا الغتره وقمت اضـرب بهـا
فديتها اللي لا اوقفت مـن الاختيـال
تستنقص اللي يـوم تاقـف جنبهـا !!
أشوف فيها .. انها لي ( راس مـال )
وتشوف فيني .. ( فارس " مغرم بها )
مياسة القد !! وضفايرهـا طـوال !!
هي معجبه فيني وانـا معجـب بهـا
تشيخ فالخفرات وآشيـخ الرجـال !!
وتشب فينـي الشـوق وآنـا اشبهـا
احبهـا ولغيرهـا .. مابـه مجـال !
وجميع مابي من ( غلا ) فـي لبهـا
مهـوب لازم انهـا .. ملكـة جمـال
أهـم شـي : ( تحبنـي وآحبهـا )!!





وسلامتكم

[قرناس العازمي]

هي معجبه فيني وانـا معجـب بهـا
تشيخ فالخفرات وآشيـخ الرجـال !!

الله الله آبيــــــــــــــآت رووووووووووعه صـــــــــح السآآآآآآنك ولاهنــــــــــــــــــت

[ديقول22]

وبنت الرجـال اللـي نسبهـا آل آل
قوم تنـوش المرجلـه .. وتذبهـا !!



مزاجك رااااااايق ... لاهنت يالمزاجي .....

[عجميه ماتهاب]

يعطيك العافيه
وسلمت الايادي ع النقل
تحياتي

[{ ظبي الرمال}]

صح لسانك ولا هنت اخوي المزااجي

تقبل مروري وتحياتي
حلوة

[رجـم بـذال]

يسلام


جازت لي مثل ماجازتلك



صح لسانك ولسانه

[ملكعه]

ولا قالت من الشوق يا عمري تعـال
شليت ذا الغتره وقمت اضـرب بهـا


ابدااااااااااااااااااااااااااااااااااااااااااااااا اااااااااااااااااااااااااااع





صح لسان شاعرها ,,وتسلم ايادي الللي نقلتهااا,,












وتقبلوااا مروري