وش الي صار بالدنيــآ .؟ دخيل الله بس كلمه

[( ~قلب مهجؤر~ )]

السلام عليكم ورحمة الله وبركاته



قسم بالله لي شفتك تفـز بخافقي كلمه
تبي تطلع وامنعها واناشبها ولااقــدر
..
قسم بالله بغيابك احس بعالمي صدمه
قسم بالله يالغالي احس الشوق بيتــفـجر
..
قسم بالله صرت اخلط عسل حبك على سـمه
وصرت اجهل مفاهـيـمك وكل مافيني اتبعــثر
..
دخيلك بس كلمني وطمن روح منغمه
تبي تنشدك عن حالك وعن دنياك لااكثــر
..
قسم بالله يالغالي جروحك وصلت القمـه
وصرت اشرب خطاك بشوق واعطش للجروح اكثــر
..
وش الي صار يالغالي .؟دخيل الله بس كلمه
ابي افهم سبب صدك وفيني ليه ماتشعـــر.؟
..
دخيلك وش هي الدنيا واغلى الناس ماهـمه
حيـيت او مت مايدري وحبي بقلبه اتبخــر؟؟
..
هقيت الارض تتبلى مع ان الارض منصمه
هقيت الناس تنكرني هقيت الكل يتنكر
..
هقيت ان الخفوق الي بصدري يغدر بدمه
وتصور كم هقيت انك ابد واللــه ماتـغدر
..
وكنت اقول في نفسي علام الناس مهتــمـه..!؟
وكنت افـخـر وانا يـمك وكانت احلى ست اشهــر
..
وكنت احلف وانا اضحك بانك للوفا هِـمـه
وصرت اسأل وانا ابكي علامه قلبه اتـحجـــر ؟
..
قسم بالله ياقلبي وغلاة امي وغلاة امه
الين الحين ماادري وش الي جاه وتغــير؟
..
ثلاث شهور من عقبه وصرت اشوف بس اسـمه
وكل ماشفته اتـمنـى.. يقول اسف ويتعذر
..
ويرجع لي مثل اول .. ويقتلني فـ كل ضمـه
ويحلفلي بحبه لي ويحلف انـه مايهـجر..!
..
وارد اتذكر بعاده والم دمعي و اضـم هـمه
وهذي حالتي ويآآآه اشوفه بس واتحسـر
..
قسم بالله الين الحين تفز بخافقي كلمه
اذا شفته تبي تطلع وامنعها ولااقــدر
..
قسم بالله ياعالم جروحه وصلت القمــه
وصرت اشرب خطاهـ بشوق واعطش للجروح اكثــر
..
وش الي صار بالدنيــآ .؟ دخيل الله بس كلمه
ابي افهم سبب صدهـ وفيني ليه مايشعر

واسمحولي ما عرفت اسم شاعرها؟؟؟؟؟؟؟

........منقوووووووووول.........

[سعد بن بصيص ال فنيس]

ابن مشوط


شكرا على النقل


والقصيده لشاعره تكتب باسم مستعار

وهو \ جرحي وانا

وصح لسانها على هالقصيده

وتقبل مروووري

[بنت الزعبي ..]

وعليكم السلام ورحمة الله وبركاته

قسم بالله لي شفتك تفـز بخافقي كلمه
تبي تطلع وامنعها واناشبها ولااقــدر
..
قسم بالله بغيابك احس بعالمي صدمه
قسم بالله يالغالي احس الشوق بيتــفـجر



يآآآسلام عليك بالاختيار ابداااااااااع

صح لسان كاتبها وناقلها

ولا هنت تقبل حضورى المتواضع

[تبطي وأنت غالي]

صح للسان قايلها وعلا شانه وشانك .:.


وتقبل مروري .:.

[سفيره بني خالد]

وربي أبدااااااع صح لساااااااااانهَ على هـ الكَلمات الروعــهَ


فالك الجنه يـ ابن مشوط على النقل الرائع

ولاخلآ ولا عدم


،

دمت وسلمت

[شوقـ الصحاريـ]

قسم بالله لي شفتك تفـز بخافقي كلمه
تبي تطلع وامنعها واناشبها ولااقــدر
..
قسم بالله بغيابك احس بعالمي صدمه
قسم بالله يالغالي احس الشوق بيتــفـجر

**

رووووووعــه يا بن مشــوط
صح لساااان شاعرهــــاا , ,
ولاهنتــــــي على النقل الجميـل

دمتي بخير