لحظة رجوعك

[شيوم العجمي]

لحظة رجوعـــــــــــــــــــــــــــــــــــك


ما علموك إن الجفا ياصاحبي قطع الوصال
وما علموك ان الليالي تجني دروس وعبر

وماعلموك ان الهوى لا هب صوب الشمال
يضيق صدري وانت ما تدري ليا ضاق الصدر

ينتابي حزن الغني اللي عجز يمحيه مال
وينتابني حزن الفقير اللي حياته للفقر

مير المصيبة والبلا اني كل ما حال الظلال
اشوف بعيونك زلال الماء واحس انه نهر

واشوف بعيونك غلا والبعد مهما البعد طال
اسباب حبك في خفوقي تخلق لبعدك عذر

اللي محيرني سؤال وشوف وش صعب السؤال
أبسألك ليه انفطر في روحتك قلبي فطر

تبي الدليل ان الغلا ياروح روحي لا يزال
شفني وانا شايل غلاك بوسط قلبي وانتظر

لحظة رجوعك.... وادري ان الوصل بعيونك محال
لكنها الأقدار يابن الناس وصروف الدهر

نادتني الضيقة عقب فرقاك يوم الدمع سال
والليل مايرحم وطول الليل قضيته سهر

دام القدر يانور عيني عجل بسود الليال
ابدعي الله خالقي ماغيره يرد القدر

صدفة جمعنا الله وصال القلب حبك رجال
صدفة وليت الله يكررها وقدامي تمر

ماني مطول بالحكي واقولها لجلك تعال
واللي خلقني من بعد غيبتك مافيني صبر

وان كان مالك نية برجعتك يالماء الزلال
يكفي على شانك بموت من الضما قبل اختصر

طاري البعاد وغيبتك.. والدمع كيف الدمع سال
طاري البعاد المبتدأ .. والدمع في عيني خبر

[بنت الزعبي ..]

السلام عليكم ورحمة الله وبركاته

وماعلموك ان الهوى لا هب صوب الشمال
يضيق صدري وانت ما تدري ليا ضاق الصدر


صح لسان كاتبها وناقلها

تقبلي حضورى المتواضع

[تركي الميموني]

اللي محيرني سؤال وشوف وش صعب السؤال
أبسألك ليه انفطر في روحتك قلبي فطر





صح لسان شاعرها

قصيده معبره

تسلم أيدك شيوم على نقل

الرائعه الشعريه أبدعتي وبأنتظار

جديد روائعك

تقبلي مروري

[شيوم العجمي]

بنت الزعبـــــــــــــي

شكرا لمرورك
ولا هنتي ..

[شيوم العجمي]

اخوي تركـــــــــــــــــــــي

صح بدنك

ولآآآآآهنت

وشكرا لمرورك