قصيدة الشاعر الكبير علي بن بلال اليامى فى حفلة العجمان

[الشامرى]

الاخوان الاعزاء ،،،،،
هديه منى لكم بعد العوده للمنتدى
هذه القصيده النادره والحماسيه للشاعر الكبير بن بلال فى حفلة العجمان فى الكويت وفزعتهم المشهوره أمام حشود رجال يام وقبائل كثيره بعد الفوز وهى من ضمن نتائج قصيدة شايب آل شامر ابن عمره يوم زهمهم واللى اوردها الاخ ابوحمد الشامرى .
وهى اول مره تنشر وخاصه لمنتدى العجمان ويقول فيها :---------------


ياسلام الله على الدرع القوي الضافى=جمع يام اللى لمعاصير الدول نبراسه
وللجميع اثنى سلامى من ضمير صافى=ماهمل وبل السحاب وذعذعت نسناسه
المواقف والقوافى والحقوق اصنافى=والرجال اسماعها وقلوبها عساسه
والتجارب مدرسه والشرح شرح وافى=والزمان استاد وظروف الحياه دراسه
والجنيهي بالحصاه يطقه الصرافى=يحتمى نقد الذهب عن فضته ونحاسه
يا(وعيل)(هشام)(مذكر)(يام) رمزاسلافى=ياملينت الحديد اللى قوي باسه
احتزمنا واعتزينا بالجموع اردافى=الوفا من طبعنا ومجددين ارماسه
ارثوه شيوخنا وابطالنا العرافي= من زمان الجبخان مولع مقباسه
ياهل الميقاف جينا ساعة الميقافى =حامسين الشعر حمس البن فى محماسه
حمي راسى من حماسى وابتديت بقافى= لاقصر عن مستحق ولايساق دساسه
كلنا (العجمان) حتى نبدى المشرافى=وكل من سود الليالى ماتغبي راسه
ومن وفا مع يام من يام الوفا يستافى=وانتم أهل كويت ثوب العز يا لباسه
وسلامتكم ،،،،،،

الشامرى ،،

[ابوحمد الشامري]

بيض الله وجهك يا السنافي سبحان الله القلوب عند بعضها اناالبارحه سمعت شريط الكاسيت لشاعر يام ( ابو سلطان ) علي بن بلال معطيني اياه واحد من الربع من ال سالم الوعله بغيت افرغ ذا القصيدة واكتبها والحمد الله كفيتنا يا القرم مؤونة كتابة القصيدة.


حمي راسى من حماسى وابتديت بقافى=لاقصر عن مستحق ولايسـاق دساسـه
كلنا (العجمان) حتى نبـدى المشرافـى=وكل من سود الليالـى ماتغبـي راسـه
ومن وفا مع يام من يام الوفـا يستافـى=وانتم أهل كويت ثوب العز يـا لباسـه

لا هنت يا القرم وصح السان شاعر يام الاول ( ابو سلطان ) على القصيدة الجزلة.

لا هنت يا الشامري وما قصرت وعسى عمرك طويل.

اخوك ابو حمد الشامري

[مـحمـد]

الله لا يهينك ومرحبا ومسهلا وصح لسان الشاعر

[فيصل بن حجرف]

السلام عليكم
قصيده جميله جدا ويعجز اللسان عن وصفها
صح لسان بن بلال
ولاهنت اخي العزيز الشامري على نقلها لنا
ونحن في انتظار كل ماهو جديد ورائع

[ظبي العدام]

قصيده رائعه...


شكرا على النقل.. يالشامري

لاهنت


تحياتي

[راكان اليامي]

مرحبـا عـد بـراق(ن) تـلالا وحـنـت لــه رعــود=وارسـل الغيـم همـال المطـر والشعـاب سيولـهـا.
والحيا رد بغصون الشجر وازهرت من كل عود=بسـم ذا المنتـدى واسـم الجميـع ارحبـوا بنقولـهـا


ارررررررررررررررررررحب يالشااااااااااامري
انتم اهل الحمية والفزعه:
وصح لسااااان ابن بلال ونعم في قبايل يام كاافه
وحي ذالعين وانت معنا يابن شامر :D


سلام مني عد وبل المخاييل= على اهل العادات واهل الحمية
صفو وأنا ابجيب زين التماثيل= لعب(ن) نهار العيد حق (ن) عليّه
في مجلس(ن) تلقى بها البن والهيل= والعود الازرق ما يوقف صبية
والبن الاشقر مشهاب الفناجيل= وإدلال رسلان لها زعفرية
حنا أهل العادات ذبّاحة الحِيل= لا جاء الملاقاة نورد حوض المنية:
ذبحتني يا ابو رموش مظاليل= راحت حياتي بين روحه وجيّه
من قبلنا ابو زيد شِعب المهابيل= في حب عَليا راح عِمره ضحية

[الشامرى]

ووجهك ابيض يابوحمد ،،،
وعدك ناقلها فالحال واحد يالسنافى

العجمى ،،،،
ولا انت والله يصح بدنك وابن بلال يستاهل

العجمان ( المدير ) ،،،،
ولاتهون وحاضرين بكل مايميز منتدانا ويجمله

المهايطيه ،،،
انتى الاروع وسعيد باعجابك بالقصيده

اما انت ياراكان ..... وش اقول
والله انى تباطيت ترحيبك ياشيخ !!!!!!
لكن ترحيبك يسواله بندق
الله لايهينك ووجهك أبيض وعلومك غانمه

اخيكم الشامرى ،،،،،،،،،،،،

[راكان اليامي]

ماجور والسلامه يابن شامر

السموحه ياذيب وتراني بالديره ومثلك خابر الواحد بالديره مهوب حول ذالنت


والله يحييك على تيا الرجعه الطيبه اللي والله انها مفرحتني يابن شامر

اخيك

[السياسي]

لا هنت يا الشامري على عرض القصيده الطيبه


السياسي

[الشامرى]

السياسى ،،،،
ولا انت
وسعيد بمرورك ونيل القصيده اعجابك
لك خالص تقديرى ،،،،
الشامرى ،،،،،،،،،،،،،،،