فهد بن عبدان الهاجري (( لاتجيب أقصاك ))

[ياميه جديده]

مشاركه اتمنى تعجبكم

وقصيده هالمره بنظري رااااااااائعه
أتمنى ان تنال استحسانكم


(( لاتجيب أقصاك ))


ماأبي الا ترفّق وكلّمني بعدال
.............. لاتجيب أقصاك وتضيق ماعندك دليل

الحكي أخذ وعطا وأنت ماتعطي مجال
...............راكبٍ راسك ومهموم ودموعك تسيل

تنتظر مني الاجابه على قد السؤال
............. كيف أجاوب وأنت عامل علي حالك ثقيل

أول المطلوب مفروض تغرقني دلال
............. ولو توسّع صدرك شوي تكسب بي جميل

العواذل من قهرهم وشولك بالعمال
............. قالوا ان محبوب قلبك لقى غيرك خليل

بثّوا سمومٍ تكسّر أساسات الوصال
............. وأنت كنّك يوم صدّقت ماعندك بديل

ماتقول الا خسيتوا وكذّبتوا .. يمال
............... البلا اللي كل عاقل من أسبابه هبيل

هذا محبوبٍ بخصته ملك ذرب الخصال
.............. شوف من في الكون علقم وشوفه سلسبيل

قل لهم والقاع رمضا يباريني ظلال
.............. قل لهم لأشتدّ برد الشّتا حضنه سبيل

قل لهم معروف عنّه الى من قال طال
.............. حقق اللي قالوا الناس عنّه مستحيل

حبّني حب ابدويٍ عشق صفر الدلال
.............. من غلاها ماتقلّط على غير الأصيل

حبّني حب ابدويٍّ ورث قطعة اجمال
............. شايبه وصّاه فيها وقال أنت الوكيل

برّ بي برّ أجوديٍّ تعدّاه الخمال
............ يوم وصله في جماعته مامثله مثيل

وأنت ماعنّي تباعد لو ان الدم سال
............ توّ عينك بظهر الحق وأشب الفتيل

بوصلك والله لوني أخوض امية نزال
............. موت في عز وكرامه ولا عيشة ذليل



الشاعر/ فهد بن عبدان الهاجري

[نبض المعاني]

اختيار جميل يا اليامية وشاعر جيد إلا ان لي ملاحظه على بعض الابيات التي اقحمها الشاعر:

فمثلا يقول:
حبّني حب ابدويٍ عشق صفر الدلال
.............. من غلاها ماتقلّط على غير الأصيل

هل هذا تشبيه يستحق ان يذكر ؟! كيف تريدها أن تحبك
حب بدوي للدلال ,يعني ما عاد فيه اغلى من الدلال؟!!

ثم يقول الشاعر:
حبّني حب ابدويٍّ ورث قطعة اجمال
............. شايبه وصّاه فيها وقال أنت الوكيل

نحن في القرن الواحد والعشرين!! وانت يا شاعرنا تقول حبني حب بدوي لقطيع من الجمال؟! امحق من حب والعاقل لا يرتضي لنفسه ان يكون في الحب بمنزلة كهذه.

ثم يقول الشاعر:

وأنت ماعنّي تباعد لو ان الدم سال
............ توّ عينك بظهر الحق وأشب الفتيل

بوصلك والله لوني أخوض امية نزال
............. موت في عز وكرامه ولا عيشة ذليل

والله لو انا في حرب؟!! المعاني يجب ان تواكب العصر
والشاعر الذكي هو من يخاطب الناس بمفردات حياتهم المعاصره.
ولو نظرنا لشطري البيت لوجدنا عدم وجود اتفاق في المعنى.


ولكن في نفس ولكي اكون منصف فالشاعر مجتهد ولكل مجتهد نصيب.

والله اعلم

شكرا يا الياميه وننتظر منك الجديد

اخوك:ابن زابن

[ياميه جديده]

شكرا ابن زابن

مرورك يشرفني

واما ماقلته عن القصيده اسمحلي الاحظ انك تجنيت على الشاعر وعلى ذوقي في اختيار القصيده لان انتقادك للبيوت الاثنين الاوليه خطا ليش ان الشاعر ممكن يصور على كيفه ومن ناحية البيتين الثانيه تبي الشاعر ياخذ كلمات عصريه
وهذا الخطا بعينه لان الشعر مايحلا الا بالمفردات القديمه وترتيبه للابيات الاخيره متناسق ومتناغم اوله توعد وثانيه مواجهه وثالثه ملحمه ورابعه نتيجه


انا موشاعره بس متذوقه واشكر مرورك وتعقيبك

[نبض المعاني]

معاذ الله يا الياميه أن أتجنى على ذوقك
بل جهدك مشكور وانتقادي ليس بالضروره
قدح في اختيارك.

وابشري بالحق وما يلحق ان كنت غلطان في حقك
وتراني محكمك ومرضيك.

يقول الشاعر:

ألا أني اموي وليلى علويه
اختلاف الرأي لا يفسد للود قضيه

اخوك :ابن زابن

[الوطن]

يعطيك العافيه اختى
ياميه جديده

واعلمى ان اختيارك موفق

وان الشاعر عندما وصف الحب مثل حب الدلال لان اياااام زماان الدلال عندهم لها شأن عظيم وايضا الأبل لذا الرجل واكب عصره ووصف الحب لها بهذا الوصف الرائع .

[ياميه جديده]

ابن زابن شكرا لك والاختلاف لايفسد للود قضيه


اختي كيفي هاجريه شكرا على مرورك واحب اقوللك ان الشاعر معاصر !

[رجـم بـذال]

مشكوره ياميه على القصيده وانا اول مره اشارك بس شاركت عشان كلمت ابن زابن الوصف الاول اللي انتقدته كيفك انت وياميه اما الثاني اللي هو عن الابل في ناس يحبون الابل فوق ماتتصور ويمكن ان الشاعر يحب ابله او من هذا القبيل وشكراً

[عيد بن شدقان]

بوصلك والله لوني أخوض امية نزال
............. موت في عز وكرامه ولا عيشة ذليل
رائعه
قصيده رائعه
ياميه جديده الله يعطيش العافيه على الاختيار الرائع
وصح السانش والسان
الشاعر/ فهد بن عبدان الهاجري

[ياميه جديده]

بدون اسم

انا احييك على المشاركه واشكرك على المداخله واتمنى ماتحرمنا من طلتك ومربا فيك في منتدانا .


الراكد

والله ياكلامك انه مثل العسل على القلب واختيارك للبيت يبين احساسك
بالقصيده وانا اللي يتكلم عن الشعر كيفه لكن اعلموا اني اخترت قصيده
احس انها تستاهل رواد منتدانا منتدى العجمان .

[مـحمـد]

صح لسان الشاعر قصيده جميله وشكرا يالياميه :)

[ابوتركى]

تسلمين ياميه على النقل الجميل والاختيار الاجمل

تحياتى لك

[ياميه جديده]

تسلمووووووووووووووووووووووووووووون

[لـولا الوفا]

القصيده جزله والله لا يهينك على النقله الحلوه

أخ نبض المعاني كل شاعر وله تصوير في من يواكب عصره
وهناك من يستعين بالعصر القديم ( عصر أجدادنا )

والأستعانه بالعصر القديم حتى يوضح الحب الصافي ( حب بقعا )

اللي لانملكه هذي الأيام



وهذي قصيده للشاعر فهد بن عبدان الهجري أعجبتني
وياليت تعجبكم

[لـولا الوفا]

فــــز يــافــوّاز وصّـلـنــي الـمـطــار ودي آخــذ عـنـد ربـعـي كــم يـــوم

شغّـل الموتـر والـى مـن صـار حـار شيّكـه .. مايطـرب ان صـار محـروم

وحط غرضاني على السيت اليسـار مـن خلافـك .. تحـت عـلاّق الهـدوم

ون وصلـنـا عـنــد صـالــة الانـتـظـار قـبـل لاطـيــر ( الكويـتـيّـه ) يـقــوم

قــص تذكـرتـي وكـرسـيّـي جـــوار شــيــخ ولاّ آمــيــر ولاّ راس قــــوم

في بطن ( بوينـغ ) ترسـى فالغبـار وعـن هبـوب الـبـرد تذريـهـا الغـيـوم

كـن هواهـا مــن مراوحـهـا اعـصـار فـي مكاينهـا مـن (الـثـوره) عـلـوم

ماتحـاتـي اللـيـل وأطـــراف الـنـهـار تنـتـغـر مـنـهـا الـكـواكـب والـنـجـوم

مايـقـطّـع عـزمـهـا طـــول الــمــدار وماتجـفّـلـهـا لـواهـيــب الـسّـمــوم

كـابـتـنـهــا لايـــشـــاف ولايـــــــزار والمساعد مـن حشيمتـه محشـوم

قـابـض المـقـود .. معـيّـرهـا عـيــار عـيـن لـلـعـداد واخـــرى لـلـرسـوم

مــايـــغّـــط ازرار ويـــخـــلّـــي ازرار ليـن ترضخلـه وفـي طـوعـه تــروم

لاظـهـر مــن تـحـت تايـرهـا شـــرار فـــوق خـــطٍ ماتـزفـلـت لـلـعـمـوم

واظـهــرت لـمـبـات اطـفــاء الـزقــار واقلعت يالله عسـى نوصـل سلـوم

وحـط مقْدمهـا علـى خـط المـسـار ياعسى عمره علـى الطاعـه يـدوم

كنّـهـا طـيـرٍ خـــذا قـسـمـه وطـــار له على المسراح والمسـرى عـزوم

واستـوت واستعـدلـت قـالـوا عـمـار يامـورّدهـا جـعـل مـاانــت مْـهـمـوم

عقـب ساعـه يعـلـن الكبـتـن قــرار نـاصـي الظـهـران اصـحـى لاتـنــوم

وتهـبـط فــي ديــرة طــوال العـمـار ( آل تــــوّاه ) الـصـنـاديـد الــقـــروم

لابـتــي ويــحــق لــــيّ الافـتـخــار دام بيـرقـهـا عـلــى روس الـحــزوم

يـــوم كــانــت انـتـصــار وانـكـســار الـرجــال رجـــال والــذلــه رخــــوم

لالتـقـى الجمعـيـن والـدّخــان ثـــار والنتـيـجـه بـيــن هـــازم وامـهــزوم

الحـرار اللـي تسلـسـل مــن حــرار مـايـجــون الاّ يــســـدّون الــلـــزوم

فعلـهـم يـطـرب .. ميتّـمـة الصـغـار دون عـرض وأرض مافيـهـم رحــوم

مايحـطـون الهـنـادي فــي الـجـفـار والـعـدو مـاهــو مـعـقّـل ومـخــزوم

ل / ستشاش اللي ملا راسه شنار مــايــفــر ولايـــصـــد ولايـــحــــوم

لادعــى الحـمـرا وسـرّجـهـا وغـــار ماعقب هجمته في الوقعـه هجـوم

أكرم من الجـود .. منـه الطيـب غـار فـي العطـا يمنـاه تشـري ماتسـوم

مـايـقـلّــط ضـيــفــه الاّ والــفــقــار حقّـه وقـدره وسلـم امـن السّـلـوم

فالمواجـيـب الصّـغـار وفــي الكـبـار عنـد وجهـك ماعـلـى شــرواه لــوم

فــــز يــافــواز وصّـلـنــي الـمـطــار شاقنـي شـوف الصنـاديـد الـقـروم

[فالح ابو ريم]

لا هنتي يالياميه على نقل القصيده

وابن عبدان شاعر لا غبار عليه



ويا ابن زابن مساك الله بالخير
اللي ماله اول ماله ثاني

وبضربك مثال يومك تقول انك في العصر الواحد والعشرين
شف لك شايب وخيره بين دله صفرا وبين لاب توب توشيبا وشف وش بيختار
عشات تدري ان ابن عبدان معه حق

هو له نظرة وانت لك نظره
وانا احترم رايك

وياليت الانتقاد في محله


لا هنتي يالياميه وبيّض الله وجهتس



ابو ريم