تعرف على الاعضاء

[سياتل]

الهدف من الموضوع ان حنا نتعرف على بعض اكثر .
لكن فيه عدت شروط :
1- لكل عضو الحريه بتوجيه السؤال لعضو اخر مع حرية عدم الرد من العضو الاخر.
2-ممنوع السؤال عن الاسماء.



الي عنده اقتراح حياه الله يقول.



ملاحظه: مو لازم تنطر لين احد يوجهلك سؤال عشان تشارك.

[سياتل]

يالله خلوني اكون اول واحد يبدي.:)
السؤال:منين ياراكان اليامي.

[اليامي]

pass

صراحه انا مافهمت السالفه

ممكن توضح اكثر وانا

اخـــــــوك

[فيصل بن حجرف]

السلام عليكم


اللعبه واضحه

اسأل اي سؤال تبي حق اي واحد من الأعضاء بس لاتسأل عن اسمه

واللي مايبي يجاوب يقول pass

يعني اللعبه بشكل عام عشان يتعرفون الأعضاء على بعضهم اكثر


وانا بسأل اخوي كول وبقوله من وين انت؟

[مخاوي الذيب]

بشارك معكم .....:Dسياتل

أنت من وين السعوديه وال الكويت ؟؟؟........:rolleyes:

ومشكور على هالموضواع مــــخـــاوي الــــــذيــــــب
:rolleyes:

[cool]

السلاااام عليكم ورحمة الله وبركاااته

تسلم سيااااتل على الفكره الزينه واللي ان شاءالله تزيد التعااارف بين الااعضااء.

واتمنى التووفيق ان شاءالله للجميع .


:eek: :eek: :eek: :eek:

صراااحه كذا وجهي يوم شفت سؤالك ابو عبد الله لاني ماتوقعت .


اجاوبك على سؤالك ابو عبد الله

من السعوديه من الريااااض بس حاااليااا برى السعوديه :(


كـووول

[سياتل]

حياكم الله ويسعدني ان الفكره نالت استحسانكم.
وارحب بالاخ مخاوي الذيب واقوله حياك الله في ديوان العجمان.
الجواب: انا من الكويت .

ملاحظه:ماقدر اسال لين يرد الاخ راكان اليامي على سؤالي.
اخي كوول شاكرلك مرورك لكن حنا طمعانين بالاكثر,و مايكفيناانك تجاوب على السؤال...نبيك تشارك بطرح الاسئله .

[بنت راكــــان]

السلام عليكم ورحمه الله

ولاهنت اخي سياتل على الفكره

ويستاهل التثبيت الموضوع

في امان الله

[عزوف]

انا عندي سؤال وموجهه لكاتب الموضوع سياتل

والسؤال هو ؟؟

بجم منتدى مشارك يا سياتل :) ؟

[سياتل]

منتدى واحد غير هذا المنتدى.
وسؤالي لبنت راكان:
كم ساعه تقعدين على النت(المعدل)

[cool]

السلاااام عليكم ورحمة الله وبركاااته


لو سمحتم عندي سؤال لبو عبد الله او ابو فيصل بعد اذنهم :

المنتدى الحمد لله من فتره واشوفه في تحسن مستمر ماشاء الله عليه

وش الصعوبااااات اللي وااجهتك او تسبب لك قلق ؟


وتسلم مقدما على الاجااابه .

كـووول

[بنت راكــــان]

السلام عليكم ورحمه الله

واعتذر عن تاخري في الرد

وبالنسبه للنت على حسب فضوتي اجلس عليه


ونرجع لسؤال اخينا كول

المنتدى الحمد لله من فتره واشوفه في تحسن مستمر ماشاء الله عليه

وش الصعوبااااات اللي وااجهتك او تسبب لك قلق ؟

[فيصل بن حجرف]

السلام عليكم

سوري على التأخير

وانا برد على سؤال اخوي كووول

بالنسبه للي يقلقني بخصوص المنتدى ولله الحمد في الوقت الحالي مافيه اي شي
خصوصا بوجود امثالكم من الاعضاء
اللي الواحد يشووفهم كاتبين مشاركات ولا يمر عليها الا عشان يستمتع مو عشان يشيك ويدقق عليها
وهذي حقيقه ماهي مجامله والله
لانه بداية المنتدى كان فيه بعض الناس اللي تدخل تخربط وتمشي

ولكم مني كل التحيه اخوي كوول على السؤال الحلو

وسؤالي حق عزوف والجادل

متى انشالله بتشترون اجهزه؟؟ ولا تبون نسوي قطيه لكم؟ :D

[النايفه]

مرحباااا يالربع كيف الحاال...

اول شي مشكوور سياتل على الموضوع الحلووو وعساااك على القوووووووووه...


وسؤالي لاخووي جنوبي ..:D

كيف عرفت منتدى وادي العجمان؟؟؟


تحياتي,,,

[الجنوبـــــي]

السلام عليكم ورحمه الله وبركاته
تحياتي سياتل علي اضافتك بتعريف الاعضاء علي بعض

النايفه : شنو وادي العجمان انتي مبين عليش مكثره من البن الليله :confused:
وادي العجمان يمتد من جوده وينتهي لغايه النعيريه :D

اها فهمت سؤالش قصدش موقع العجمان والله مدري ناسي :(

[راكان اليامي]

كاتب الرسالة الأصلية سياتل
يالله خلوني اكون اول واحد يبدي.:)
السؤال:منين ياراكان اليامي.



هلا وغلا باستايل

العذرو السموحه توني انتبه للموضوع

انا طالع عمرك متنقل احيانا بالكويت احيانا بالخبر واحيانا بنجران

تحياتي

[سياتل]

اشكر كل من شارك
لكني لاحظت ان اغلب الي شاركوا بس يجاوبون وما يطرحون اسئله
وهذا ليس الهدف من الموضوع
الهدف انةالكل يسال ويجاوب عشان نتعرف على بعض اكثر.

[سياتل]

وسؤالي للنايفه
منين انتي (الكويت , السعوديه)

[عزوف]

؟؟؟ انا جاوبت على بو عبدالله واليوم مالقيت ردي :confused:

عموما ارد واعيد علشان مايقول حاقرتني :D

بو عبدالله والله ودي اشتري جهاز اليوم قبل باجر بس خايفه يشغلني عن اشياء كثيره بس دام فيها قطيه خلاص ابشتري .....انت جمع فلوس القطيه وانا اشتري على طول ;)


سؤالي حق الاخ كووووووووووووول

على ما اعتقد الاخوان في الاداره اعرضوا عليك الاشراف .. ليش رفضت ؟؟

تحياتي

وعســـــــاني ارجع والقى مشاركتي ملغيه :mad:

[admin]

ابي اسأل اخوي سياتل
هل اقدر اسأل احد من الاعضاء اكثر من سؤال او فقط سؤال واحد في كل مشاركة ؟

وتحياتي لك

[الجنوبـــــي]

السلام عليكم ورحمه الله وبركاته


مساكم الله بالخير جميعا

سؤالي لخوي اليـــــامي
انت عجمي ولا مري :confused:

[زبون كيمو]

انا زبون كيمو
وانتم اعضاء المنتدى
السؤال للاخ (ابوفيصل او للاخ ابو عبدالله)) اللي يرد قبل يجاوب؟
ويش يسوي العضو عشان يغدي عضو نشيط او عضو فعال او عضو خاص او مشرف منتدى؟؟
pass: الاخت سياتل :: على ذا الطريقة محد راح يشارك ،، اذا كان لكل عضو سؤال،، بعدين وش راح تخسرين اذا سألنا سؤالين والا ثلاثة،، الرجاء عدم الزعل انا الموضوع عاجبني جدا ،،

[النايفه]

الجنوبي شكرا على الرد وسوري على الخطا المطبعي مدري كيف جا وادي العجمان اقصد ديوان العجمان بس ماشاء الله شكلك عبقري فهمتها وهي طايره ....;)


وجوابي على اخووي سياتل..

وسؤالي للنايفه
منين انتي (الكويت , السعوديه)

انا من الكويت طال عمرك...:)


تحياتي,,,

[راكان اليامي]

سياتل انت بنت والا ولد:confused::confused:

[المستشار]

وانا محد سألني وبحط pass هههههههه

سؤالي للأخ زبون كيمو : أفكارك كلها حلوة ،، من وينلك كل الأفكار ؟ الظاهر بنات أفكارك واجد .

[فيصل بن حجرف]

السلام عليكم

رد على سؤال اخوي زبون كيمو

حالة العضو تتغير على عدد مشاركاته ..هذا هاك كل مازادت مشاركاتك تغيرت حالتك
من عضو جديد الى عضو نشيط والى اعلى
وطبعا كل هذا يكون تماتيك على حسب عدد المشاركات
ولكن لي تعليق على الشي هذا

مو معناة الكلام هذا انك تكثر من المشاركات الغير مفيده بس عشان تتغير حالتك
لان المهم ماهو الكم ولكن نوعية المشاركات هي الاهم

ولك مني كل التحيه وارجو ان اكون وفقت في الجواب على سؤالك

وسؤالي حق اخوي زبون كيمو
كم عمرك؟ طبعا لك الحريه انك تجاوب او تقول pass
على فكره ترى سياتل رجال مهوب بنت

[سعود العجمي]

انتوا يالربع ويش شفيكم؟مستحين؟ترى حنا ناس محترمين ومشاركين بموقع محترم ,انا ما اعرف راعيه بس احس انه موقعي الشخصي.
قبل اسأل عندي اعتراض على الاخ سياتل,ليش ممنوع السؤال عن الاسم؟
ترى حنا ما حناب سارقينها ولاهيب سر اقتصادي اوعسكري. قبل لا اسال ودي اقول معلومه او معلومتين عني.اول وحده اسمي الصحيح هو سعود ,ثاني معلومه اني من الكويت واللي يبي يسال يتفضل وانا مستعد حتى لو تبون عنوان البيت ورقم التلفون __فقط لحد يسأل عن ؟؟؟؟؟؟.سهالات يالربع
سؤال للعجمي:اذا ظني في محله ان صاحب الموقع سليماني.صح والا لا؟

[سياتل]

حياكم الله وشاكر لكم المبادره والمشاركه
1- الديوان ديوانكم والوضوع منكم واليكم القوانين الي فيه وضعت للتسهيل وليست للتعقيد واذا ميب عاجبتكم خلوها تولي.
2-السؤال عن الاسم ممكن يسبب الاحراج للاعضاء شباب او بنات. وهذا هو الشي الوحيد الي ابكم تلتزمون فيه.
3- الاخت بنت راكان حاطه موضوع (بطاقتك الشخصيه ............لو سمحت)وممكن للعضو انه يكتب اسمه وهو موضوع مختلف عن موضوعنا هذا.
http://www.alajman.net/vb/showthread.php?s=&threadid=467
4- في افكار كثيره بالنسبه لوضوعنا هذا لكني ناطر لين نحذب اكبر عدد من الاعضاء واحس انهم مرتاحين مع الفكره ومتجاوبين فيها.



سياتل = اسم اكبر المدن في الشمال الغربي في امريكا
وانا ساكن بالقرب منها..لهذا السبب اخترت النك
اخوكم سياتل

[cool]

السلاااام عليكم ورحمة الله وبركاااته


ماحطيتي اختياااراااات عزوووف :p

صراااحه أعتذرت من اخي ابو عبد الله لاسباااب كثيره ويشرفني قبل كل شي

اني احد اعضاء المنتدى واما الاشراااف فيه نااااس ان شاء الله ااافضل مني

وعندها معلوماااات سوء في تخصصها مثل الشعر او الكومبيوتر او اي قسم

ثاااني وأسباااب ثااااني تمنعني والله ولو احس اني بقدم شي والله وافقت

بس راااسي فاااضي مافيه افكااار :( دراااستي ويالله يالله الحق عليها .

اتمنى اني وفقت في الاجاابه على سؤالش .


كـووول

[راكان اليامي]

عندي وجهة نظر
ان الموضوع ملخبط من اوله لين اخره

وفيه تشابه بموضوع بنت راكان

وتقبلو تحياتي واحترامي للجميع

اخيكم راكان اليامي

[عزوف]

مشكور يا كـــــــــول عالاجابه الوافيه :)
بجد انت من الاعضاء المميزين في هذا المنتدى واتمنى لك كل خير

سؤالي للاخ سياتل طبعا وعلى مااعتقد انك تدرس صح ؟
شنو تخصصك ؟

[سياتل]

هندسه مدنيه
نفس السؤال لكي اختي عزوف.



راكان اليامي الموضوعين مختلفين عن بعض بس الفكره تقريبا واحده وهي ان الاعضاء يتعرفون اكثر على بعض لكن هني الواحد يقدر يسال اي عضو اي سؤال يبي مو لازم يكون شي موجد فوجود في البطاقه الشخصيه.
اتمنى اني قدرت اوصل الفكره لك اخوي

[عزوف]

سياتل تسأل عن دراستي ؟
صح


المهم انا موظفه وتخصصي حاسب الي وانشالله على وشك اني اسجل بالجامعه بس عالكورس الجاي بس للحين محتاره بين التربيه او نظم المعلومات !!! < < والظاهر ان لاجا وقت الصجيه قعدت ماسجلت بس بصراحه خاطري بالتربيه حيل لان امنية حياتي اكون مدرسه :)

منو منو منو اسأل

اي بسأل بنت راكان انت في اي سنه دراسيه وشنو مميزات تخصصج اللي على مااعتقد انه تصميم داخلي صح

[راكان اليامي]

واصله واصله ياستايل فديت قلبك

بس لو تلاحظ ان فيه لخبطه شوي

تحياتي

[زبون كيمو]

ردا على المستشار
الحمد لله ان مواضيعي قد اعجبتك
اما ابو عبد الله :
انا ابو ستطعش سنةsixteen years old

[بنت راكــــان]

السلام عليكم

هلا بش عزيزتي عزوف

وبالنسبه لسؤالش طال عمرش عن تخصصي

مستوى ثاني ــ
اداره مساكن وندرس المساكن القديمه على مر العصور والمساكن الحديثه وتصميم المسكن والتصميم داخلي ومعالجه العيوب السكنيه

وبالنسبه لسؤالي احب اوجهه لش ؟؟
على مااعتقد انش مطيريه والواضح من توقيعش

وشكل فيش عرق عجمان :) ؟؟

وش لون تعرفتي على الموقع ومن متى؟ظ

اتمنى تكون اسالتي خفيفه عليش

في امان الله

[عزوف]

لا والله مافيني عرج :)

اما شلون عرفت الموقع فكان بالصدفه عن طريق روابط على ما اعتقد :) لانه من زمان وناسيه يالغاليه

[بنت راكــــان]

ونعم فيش اختي عزوف وحياش الله بيننا سواء فيش عرق عجمان والامافيش

ونسيتي تحطين سؤال لاحد الاعضاء

ولاكم مو مشكله انا وياش واحد

احب اوجه سؤال لاخي سياتل

من من الاعضاء يعجبك طرحه في المواضيع ؟

[زبون كيمو]

سؤال للاخ ((سعود العجمي ))،وينك؟

سؤال للادارة منهو العضو رقم 2؟


شكرا

[فيصل بن حجرف]

السلام عليكم

الاخ سعود العجمي مسافر قبل فتره على حسب علمي وكان عنده بعض الارتباطات ولكن انشالله راح نشوفه معانا عن قريب

العضو رقم 2 هو الخويطري
ولكن الارقام لا معنى لها اخي زبون

فالعضو بمواضيعه ومشاركاته المميزه

تحياتي

[فواز]

سؤالي للاخ سياتل

انا صراحه فرحت يوم لقيت واحد زي تخصصي :)

بس عندي سؤال

وش مسارك في الهندسه المدنيه ؟؟؟؟؟

يعني ((structural eng.:transportation eng: water resources eng: ))

وانت تعرف وش اقصد انا ؟؟؟

اتمنى الاجابه للاهميه

وشكرا



فــــــــــــــــــوااز

[سياتل]

اسمحولي على التاخير بالرد......ظروف السفر و الدراسه:)

بنت راكان : الاعضاء اللي يعجبني طرحهم كثير و منهم و ليس كلهم : الاخ المتميز و الاخت السؤدد.

الاخ فواز: هندسة طرق:)

سؤالي للاخ كووول: منت براجع الرياض بالصيف؟

تحياتي
سياتل

[زبون كيمو]

العجمان ، ابو عبدالله، سؤالي كان فضول مهب لشي ثاني.

سؤالي للاخ سياتل انت عجمي من ويش؟

[سياتل]

ياك الله يا الزبوووون:D

و ومينك ماعاد تبين.....و وين قصصك الحلوه؟؟؟
ترا هذا سؤال لك؟؟؟;)

ما اجابه لسؤالك فانا معيضي.

[cool]

السلاااام عليكم ورحمة الله وبركاااته

هلاااا بك سيااااتل وين الغيبه ذي يالغاالي :(

والله ودي اارجع بس عندي صيفي :)

سؤاالي لك سياااتل :

سمعت الياااهوول يقوولوون انك مستاااجر سياارة من عندهم يقوولوون انك

نقلة لشقه جديده .

اخباار الشقه ياربها زينه واخباار قصراااك ؟

السؤاال الثااني :

الحين انت في ديرتك او رجعة الكويت ؟

كـووول

[سياتل]

هههههههههههههههههههههههههههههههه


اشتكو علي عندك ايوهوووول:D:D

ما عطيتهم باقي الاجار ملاعين الصفه;)

المهم

انا الحين بديرتي اللي انت خابر و الشقه الجديده تسرك اوضاعها

على بحيره و فلت حجاج و ساكن فيها لحالي لا روميت و لا ازعاج

و انشالله بعد الصيفي عندي ثلاث اسابيع بروح الطايف:)

يعني مصيف:D:D:D

ملاحظه : ترى غيرت الرقم و بدزه لك على الرسايل

تحياتي

سياتل

[الـــصـــعــــب]

مساكم الله بالخير

وأشكر الأخ القدير : غريب الدار

على الموضوع الجميل حتى تسنح لنا الفرصه لنتعارف ولو ان البنات ماراح اسألهم لاني اذا سألت عن شىء معين يمكن اذا اجابت على السؤال تقوم القيامه ( استغفرالله ) وهذا اللى صاير من بعض الأخوات وعشان كذا بسأل الشباب الله لايهينهم

أبو فيصل شلون العرس ؟؟


انشالله تكون مرتاح


:)

[سياتل]

شكور يا المتميز على المرور و المشاركه:)

ترى انا راعي الموضوع موب غريب الدار :P

بس كلنا اخوان و لابه فرق

و ابو فيصل موب بحالنا الايام هذي ;)

س فبل امس مكلمه و ابشرك مبسوط عسى الله يوفقه:)

لا هنت يا الذيب

تحياتي
سياتل

[زبون كيمو]

مشكور سياتل على الاطراء ومواضيعي نفس باقي المواضيع

اذا تبيها دور عليها والا دز لي ((سبيشال ماسيج)) ولا تحسبني ما اعرف عنجريزي

[الـــصـــعــــب]

سياتل اجل انا قلبي مهب أخضر ؟؟


لاتلومني ياخيك العتب على النظر (اقصد العتب على الكيبورد ) يرقعها لوووول


واتمنى السعاده وان الله يرزقه بالذريه الصالحه ويسعد الجميع


سؤالي الحين


سياتل المعيشه عندك شلونها ؟ يعني الديره غاليه اللى انت فيها


وتحياتي للجميع


المتميز

[سياتل]

حياك الله يا المتميز.

اما بالنسبه للحياه و المعيشه فاغلى من الكويت و ارخص من لندن.

السكن 650$.

و الجمعيات تقدر تقارنها بمركز سلطان و اسعاره بس ضيف الضريبه.....

و سؤالي لك ؟؟؟

وين تشتغل او تدرس؟؟؟

[زبون كيمو]

سؤال للاخ سياتل وينك انت الحين يعني وين تدرس؟
وكم عمرك؟
وكم صار لك في ذا الديرة اللي انت ساكنن فيها؟

[سياتل]

طال عمرك

انا بمريكا و بسياتل و صار لي 5 سنين و هذي انشالله اخر سنه

العمر بالعشرينيات:)

[الـــصـــعــــب]

هلا بأخوي سياتل

واسف على التأخير

انا طال عمرك بالداخليه (بمنفذ العبدلي حدود الكويت والعراق )


وسؤالي الحين لك


متزوج او لا ؟

تحياتي للجميع


المتميز

[كويتيه]

يعطيكم العافيه:)...

الله يعينك سياتل على الاساله لك:)..



اوكي بسال اخووي زيوون كيمو...

باي مرحله دراسيه انت... و شنو مخططاتك المستقبليه.. من الناحيه الدراسيه طبعا...

[سياتل]

لا

و السؤال لاطياف الماضي:

الشهاده او الوظيفه؟؟؟؟

[اطياف الماضي]

سياتل ان شاء الله ترجع لديرتك بالسلامة انت وكل واحد بعيد عن اهله

وبالنسبة لسؤالك

انا معي بكالوريوس تربية خاصة

طبعا الوظيفة الى الحين لان توني ماتخرجت الا من كم شهر بس

وسؤالي لك سياتل وش هي دراستك هناك

وياربي يوفقك اخوي

[سياتل]

حياش الله يا طيوف و ماني براد عليييييش:p:p

السؤال سالته كذا مره و جاوبت عليه:D;)

روحي دوريه و اسالي غيره:eek:

[اطياف الماضي]

سياتلhttp://www.jaralqamr.com/smiles/smile_files/smile1_data/0230.gif ترى جد انا ما انتبهت وعلى العموم ياربي يوفقك ياباش مهندسhttp://www.jaralqamr.com/smiles/smile_files/smile1_data/0234.gifوترجع لاهلك وديرتك سالم وغانم

وانا راجعه لكم ان شاء الله

تحياتي

[اطياف الماضي]

سؤالي لكوول

كم عمرك؟؟ وش دراستك؟؟ وكم باقي لك وتخلص ؟؟http://www.jaralqamr.com/smiles/smile_files/smile1_data/0222.gif

بنغير شوي عن سياتل http://www.jaralqamr.com/smiles/smile_files/smile1_data/0205.gif

تحياتي

[زبون كيمو]

الاخت كويتية
باي مرحله دراسيه انت... و شنو مخططاتك المستقبليه.. من الناحيه الدراسيه طبعا...

انا بالصف الثالث ثانوي وراح انتقل للصف الرابع الثانوي العلمي في العام الدراسي القدم ان شاء الله
مخططاتي المستقبلية :
والله انا افكر بكلية العلوم الادارية ادارة اعمال لاني احب السوالف هذي وعلى فكرة انا داش القسم العلمي غصبن عني ومع ذلك انا من المتفوقين ولله الحمد



وسؤالي لش اختي كويتيه، من اي قبيلة انت؟

[بخـــــــــــوت]

احووووووووووول محد قال بخــــــــــوت بساالش :D

سياتل حمد الله عا السلامه وموضوع حلووو

سؤاالي لسوالف ليل اي مرحله وشو تخصصش؟ وهل انتي عجميه ؟

اتمنى ما اكون ثقلت عليك سوالف ليل

تحياتي

[فيصل بن حجرف]

:)

بخوت كم عمرك وشنو شهادتك ووظيفتك

يالله عشان ماتقولين محد سألني

بس ترى الحال من بعضه

[سياتل]

مشكوره اطياف خففتي الضغط علي :D
حسيتي اني على الكرسي الاعتراف

الله يسلمش يا بخووت و سؤالي لش؟؟؟؟

هو....





















كيف الحال:)

[اطياف الماضي]

سياتل جايك الدور لاتستعجل على الكرسي ترى مانسيناك في البال :D

ودنا نعطيكم اسألة انت وبخوت عشان تتعودون على الاسئلة قبل يجي دوركم على الكريسي :D

المهم سؤالي لبخوت

وش مخططاتك المستقبلية ؟؟

تشااااااااااااااو

[سياتل]

لا رجاءا ترى ماتحمل الكرسي انسيني عسى الشر ينساش

[بخـــــــــــوت]

بخوت كم عمرك وشنو شهادتك ووظيفتك

يالله عشان ماتقولين محد سألني

بس ترى الحال من بعضه


عموررررررري 23

شهادتي بكاليريوس تربيه خاصه ( صعوبات تعلم )

وظيفه توني متخررررجه واذا عندك وظيفه ترا ماعندي مانع :D

.............................................


بخير سيااتل يمال الخيررررر
.........................

وش مخططاتك المستقبلية ؟؟

نفس مخططاتش يبعدي ;)

..............................................
طيووفه كم وزنك ؟ كم طولك ؟وش عيارتك يوم انك صغيره ؟العلامه الفارقه بوجهش:D ؟



العجمان وش وظيفتك ؟

سياتل كم عمرك حدد لاتقول با العشرينات ؟

شاكره لكم

[اليامي]

ماشاء الله عليكي يا بخوت استلمتيهم من اوله لأخرهم

سؤالي لسياتل واقوله

كيف الحال انشاء الله بخير
هع هع هع هع لا تصدق

وينك الحين قد رجعت من سفرتك ولا توك؟

[فيصل بن حجرف]

هههههههه حلوه وش عيارتك يومك صغيره

يعني العياره والواحد صغير تتغير لا كبر؟

الله يعين اطياف بس ترى لازم تجاوب على السؤال


اما بالنسبه لسؤالك اخت بخوت لوظيفتي

انا مشغل مصفاة في شركة البترول الكويتيه
----------------------
ومرحبا مليون بأخوي اليامي ومن طول الغايبات جاب الغنايم

والسؤال حق اليامي

وين الغيبات عسى ماشر؟

[بخـــــــــــوت]

اخت رووووووعه؟؟ :confused: انا ساالتك بس يلا بنات عم والغاالط بينهم

دال.

اليامي ;) طيب الياامي < بتستلمه

وين الغيبااات ؟


تحياتي

[سوالف ليل]

تسلمين اختي بخوت واسفه جدا لاني توني اشوف الموضوع

انا موظفه تخصصي بكالوريوس حاسب الي وانا بصراحه مانييييييييييييييب بدويه ولا نيييييييييييب عجميه بس احب العجمان

وابد اختي خذي راحتك في الاسأله يا عسل

[كويتيه]

زبون كيمو... الله يوفقك يارب ويالله شد حيلك .. و انشالله تحقق اللي في بالك...

عني انا انا يا زبون شمريه:)

[cool]

السلااام عليكم ورحمة الله وبركاااته

سيااااتل ااجل الى الحين ماعطيتهم حسااابهم :D

مااهوب انت الحاالك اااجل ;)

تسلم على جوااابك ولا هنت الغااالي

بس لو انك مجاااوب على اسئلة اطيااف المااضي كانت تمة بس الله يهداااك :(

نجاااوب على سؤااال الاخت اطياااف المااضي :

العمر 26 :) الدرااسه جااامعه :( بااقي لي ان شاء الله سنتين ونص اذا تسهلة الامور .


سؤااالي للأخت بخـــــــــــوت مع المووضه كلهم ينشدونك :)

الاجاازه الحين وين النية ان شاء الله بتساافرين ؟


كـووول

[اليامي]

هلا والله فيكم كلكم من اولكم لأخركم

<<<< مصدق ما يدري انهم ثلاثه

تبون تعرفون وين كنت غايب

هذي قصه طويله قصيره بعدين تعرفونها

هع هع هع هع هع هع

صراحه ظرف شخصي طارئ

[بخـــــــــــوت]

كوول اذا الله كتب ما ليزيا


كووووووول نفس السؤال ؟ وين بتساافر؟

[اليامي]

وين غيبة ابو فيصل ما اشوف له مشاركات؟
موجه لكم كلكم

[سياتل]

الله حيهم شحالكم جمييييع

اما اللي ينشدني عن الحال فباحسن حال توني مكلم الشيبان بمزرعتهم بالوفره , ابي بيروح يلعب قولف:eek: وامي بتروووح تتدرب على الخيل ( عندها سباق بكرى مع ام ابو عبدالله:) ):cool:

و انا بدا الويك اند وانتهى اطول اسبوع بالصيفي:D

الحمد لله قدمت زين بمتحاناتي ,,,,

اما بالنسبه للاساله خلونا نشوووف و من سال و السؤال الزين بنجاوبه و الشين كانه موب موجوود:)

لا اشوا كلها زينه:)

بخوت: انا كبر كوووول :)

اليامي : انا الحين بمريكا قدلي شهر راد و برد الكويت قصدي الطايف اول ثمانيه انشالله....

كووول: سرقت يو هوول حلااال محلل ( ملاعين الصفحه) كل ما جيتهم يقولون السعر 30 $ و لما ترد السياره يطقطقون بالكمبيوتر و الا حسابك 65445435$
لييه لييه <----- (هذا انا انشدهم ):)
يقولون البنزين و الانشورنس و بلا و جلا و ندفع غصب :(



اليامي شقومك و ش وراك تبيني اظيق عليك كم مره كلت لك خلك فطيين و عن الاساله المدوجه :mad: شعندك تنشد من ابو فيصل


ابو فيصل ابشرك اعرس و موب في حالنا عقبالك :D

و سؤالي لسولف ليل ....
عسى ماشر نشاطك صاير خفيف الايامي هذي عسى المانع خير؟؟

يالله سي يو ليتر

[اليامي]

توصل بالسلامه انشاء الله

ماشاء الله تزوج ابو فيصل
من تعيسة الحظ عفوا اقصد سعيدة الحظ هذي

الله يسعدهم انشاء الله ومنه المال ومنها العيال
ويستاهل كل خير ابو فيصل

وين عقبالي ومن الي مالها حظ مره لا سعيد ولا تعيس تقبل فيني

هع هع هع هع

:D:D:D:D:D:D:D:D

سؤالي موجه الى بخوت
وين بنت عمك رووووعه غايبه؟

[زبون كيمو]

كويتيه والله والف نعم في شمر
........................
........................
سؤالي للاخ اليامي: ان شاء الله تقعد معنا طول العطلة؟

[cool]

السلاااام عليكم ورحمة الله وبركاااته

الله يسهل الامور لش بخـــــــــــوت ولا وصيش بالسوق الصيني ترى في الليل

وكل شي عندهم رخيص من ساعات وشناط وكل شي ولا عليش من اسعارهم

اللي يقولون لكم تراها رخيصه مره والاكل الله يكون في عونكم بس انه عندهم

لطازج هو ازين شي . ان شاء الله تستانسون فيها علشاانه زينه الديره وحلوه وامنه .

ايه نرجع لسؤالش :

والله لو الود ودي كان رجعت الرياض قلبي يفرك على شوفة ابي وامي واهلي
بس عندي صيفي وان شاءالله تزين الامور.

هههههههههههههه سياااتل لا بعد البنزين غاالي الحين وموترهم يشرب البنزين

بسرعه حسبي الله عليهم .

السؤاال لأخي الياااامي :

اول شي الحمد لله على السلااامه الغاالي وان شاء الله تستمر معنا مثل اول وازين.

وين وصلت الايااام اللي رااحت وين رحت ؟

<<<<<<<< وده يدري وين اختفيت :confused:

كـووول

[بخـــــــــــوت]

كووول الله يردك لهم با السلاامه اخوي

اليامي موجوده روووووعه كل يوم رازه خشتها

السؤال موجه لمممممممممممممممممم ؟ من اختار








































هونت مانيب ساائله:cool:


تحياتي

[اطياف الماضي]

كاتب الرسالة الأصلية بخـــــــــــوت
طيووفه كم وزنك ؟ كم طولك ؟وش عيارتك يوم انك صغيره ؟العلامه الفارقه بوجهش:D ؟





الطول والوزن لاتعليق

والعيارة والله مابه عيارات كله بس دلع :D

العلامة الفارقة بخليك تشوفينها اذا شفتك

>> ناوية عليها

تشااااااااااااااو

[اليامي]

هلا والله اخوي زبون الكيمو

والله يخوي ما اعتقد يمكن اشارك معكم من فتره لفتره
لضروف شخصيه


هلا والله اخوي كووووووووول
جعل ما تفقد لك غالي
والله كنت غايب لضرف شخصي حاد
فما كنت اقدر اشارك فالمنتدى
وما اقدر ازيدك عن الشي هذا



مشكورين والله ينطيكم العافيه على السؤال

[سوالف ليل]

كاتب الرسالة الأصلية سياتل
الله حيهم شحالكم جمييييع

اما اللي ينشدني عن الحال فباحسن حال توني مكلم الشيبان بمزرعتهم بالوفره , ابي بيروح يلعب قولف:eek: وامي بتروووح تتدرب على الخيل ( عندها سباق بكرى مع ام ابو عبدالله:) ):cool:

و انا بدا الويك اند وانتهى اطول اسبوع بالصيفي:D

الحمد لله قدمت زين بمتحاناتي ,,,,

اما بالنسبه للاساله خلونا نشوووف و من سال و السؤال الزين بنجاوبه و الشين كانه موب موجوود:)

لا اشوا كلها زينه:)

بخوت: انا كبر كوووول :)

اليامي : انا الحين بمريكا قدلي شهر راد و برد الكويت قصدي الطايف اول ثمانيه انشالله....

كووول: سرقت يو هوول حلااال محلل ( ملاعين الصفحه) كل ما جيتهم يقولون السعر 30 $ و لما ترد السياره يطقطقون بالكمبيوتر و الا حسابك 65445435$
لييه لييه <----- (هذا انا انشدهم ):)
يقولون البنزين و الانشورنس و بلا و جلا و ندفع غصب :(



اليامي شقومك و ش وراك تبيني اظيق عليك كم مره كلت لك خلك فطيين و عن الاساله المدوجه :mad: شعندك تنشد من ابو فيصل


ابو فيصل ابشرك اعرس و موب في حالنا عقبالك :D

و سؤالي لسولف ليل ....
عسى ماشر نشاطك صاير خفيف الايامي هذي عسى المانع خير؟؟يالله سي يو ليتر



اسفه يا سياتل بس والله ظروف الشغل ومشاكل في الشغل معكره مزاجي بس والله اوعدكم برجعه قويه انشا الله

[زبون كيمو]

سؤالي للاخت بخوت ، كيف حالش ؟ شلون تعرفتي على المنتدى؟
سؤالي للاخ سياتل؟ هذا الموضوع تم اهماله لمدة طويلة ولو اني ما شاركت فيه كان لذا الساع وهو منسي،، لييييييييه وش السبب؟

[سياتل]

لا هنت يا زبون على اعادة الحياة للموضوع...

و مافيه سبب محدد السبب هو الاهمال مني حيث اني اهملته و لم اعد اليه...

سوالف ليل: الله يسهل الامور انشالله و ترى مشاكل الشغل ما تخلص و انا اخوش:)

السؤال : للجميع يعني اي واحد يدش الموضوع؟؟؟؟

شنو السؤال اللي تبي تساله لعضو او ملاحظه بسس دايم تتردد بطرحها ومو لازم ذكر اسوم العضو:)

فمان الله

[فيصل بن حجرف]

السلام عليكم

ياخي بدلياتك واجد ياسياتل

مافهمت شي ترى

على العموم انا بسأل زبون كيمو

زبون انا اذكر مبطي انك قلت لي انك طالب ثانويه عامه

وان عمرك تقريبا 18 سنه اذا ماني غلطان

لكن بكل صراحه اللي يقرى اسلوبك في القصص اللي كتبتها

وفي بعض المواضيع الجاده واذكر انك راسلتني رساله خاصه بالانجليزي

يعني لغتك بعد ميه ميه يعني على الشغلات هذي ماعطيك العمر هذا

لكن قريت لك رد ثاني للحين تقول انك في الثانويه

تعليقك اخوي؟

[زبون كيمو]

?I can speak English fluently................what is the problem


وعلى فكرة انا طالع الاول على المدرسة ونسبتي 96%، وعمري 16 سنةوثمانية اشهر

وكتا باتي عادية اي واحد يقدر يكتبها.

اما بالنسبة للغتي الانجليزية فالفضل يعود لله ثم لاستاذي العزيز الذي لن انسى جميله ما حييت وهو الاستاذ شاكر عثمان، ونوعية هذا الاستاذ لم يعد لها وجودفي الكويت.
وشكرا على سؤالك اخي العجمان.

الاخ سياتل بدلية قوية :((و مافيه سبب محدد السبب هو الاهمال مني حيث اني اهملته و لم اعد اليه...))
شلون مافيه سبب محدد ، وانت تقول السبب هو الاهمال

[qataria]

السلام عليكم ورحمة الله وبركاتة....

سؤالي للاخ زبون كيمووو....

اذا كانت لغتك قوية في الانجليزي....

هل سبق لك وقدمت امتحان التوفل ؟؟؟؟

وكم اعلى درجة حصلت عليها؟؟؟؟

[زبون كيمو]

لا والله يا اختي ما قدمت امتحان التوفل؟
وامتحان التوفل من خمسمية درجة والزمن قصير بالنسبةللاسئلة الكثيرة ، واحب اقولش ان هذا الامتحان لم ينجح فيه الا القليل حتى من الانجليز انفسهم.
وقال لي استاذي شاكر انه هو نفسه تقدم للاختبار خمس مرات ولم يفلح فيه بالمرة،، مع انه قدمه بعد ان تخرج من الجامعة وبعد ان امتهن التدريس
وانا اذا تخرجت ان شاء الله من الجامعة،،سأفكر في التقدم لهذا الاختبار فإن نجحت فالحمد لله،، وإن رسبت فخيرها بغيرها.
وشاكر لش سؤالش

[بخـــــــــــوت]

سؤالي للاخت بخوت ، كيف حالش ؟ شلون تعرفتي على المنتدى؟


بخيرر الله يسلمك والله عرفت المنتدى من بنت عمي رووووووعه

شاكره لك

[سياتل]

حياكم الله و لا تنسون الفكره من الموضوع انها الاجابه و كذلك طرح اسئله:)

زبون شقومك علي و انا اخيك عزالله اني من المعجبين بمشاركاتك فلا تماحك علي و انا اخوك و الا جبت لك عيال عمي و جماعتنا كلهم:mad:

بس ماشي الحال خلني اعيد الرد عليك مره ثانيه:

مافيه سبب معين بس ممكن الاهمال و راء نسياني للموضع.;)

عسى الرد عجبك:D

قطريه التوفل سهل انا اول مارحت امريكا خذيته و جبت 480 ( الدرجه الكامله للامتحان = 670)

اغلب الكليات تطلب 450 للدخول للكليه (سنتين)
اما الجامعات او كليات اربع سنين فتطلب بين ال 500 و ال 550 .

مدرسك يا زبون اكيد كان ناوي يدرس ماجستير و الماجستير اغلب الجامعات تطلب 575 و الدرجه هذي صعبه شوي بس ما اظن صعبه على مدرس انجليزي:confused:

اي ,انا و لله الحمد جبت 560 ثاني مره امتحنت و الكلام هذا بعد ما قعدت سنتين بمريكا.
سؤالي لقطريه ليش تبين التوفل و تسالين عنه؟؟؟

[فيصل بن حجرف]

سياتل

الحين يصير اسأل ولا مايصير الا اذا كان موجه لي سؤال؟

اذا يصير انا ودي اسأل السياسي منهو منه؟

[qataria]

الاخ سياتل ....

احتاج لامتحان التوفل لاكمال الدراسات العاليا في جامعة اريزونا في امريكا....

قدمته في مدينة الدمام من شهر وحصلت على درجة 520 وان شاء الله راح اعيده على الشهر الجاي لان الدرجة المطلوبه هي 550 ( ان شاء الله هانت )

سؤالي للاخ سياتل :

سمعت عن امحتان في مادة الرياضيات تشترطة بعض الجامعات الاميركية للدراسة فيها ..... هل عندك معلومات عنه ؟؟؟؟؟؟؟؟

ولكم مني تحية .....

[بخـــــــــــوت]

ادربي راسي شسالفتكم انتو والنووفل والله طلعتو خطيرين

:)


سؤالي لروووووووعه وراش ها هاجده ذا الاياام ؟؟

[سياتل]

الله يوفقش انشالله يا قطريه

و اريزونا و لايه حلوه و جوها مثل جو الخليج تقريبا

اما بخصوص اختبار الرياضيات سامع عنه بس ناسي اسمه و مو كل الجامعات تطلبه


اابو عبدالله تقدر تسال اي وقت ....

اوكي سؤالي

لبنت العجمي : شمعنى اهتمامك بالزياء ( ملاحظ اكثر مشاركاتك من النوع هذا)

[زبون كيمو]

السؤال لك اخي سياتل
انت تطلع كشتات في امريكا، اقصد عندكم مناظر طبيعية حلوه تطلعون لها او تكشتون فيها، اذا كانت اجابتك نعم ، كم مرة في الاسبوع او في الشهر تكشتون؟، ومن ازين الجوعندكم والا في الوادي في الشتاءو الربيع ؟

[مـحمـد]

طووووووووووووط طوووووووووووط

السلام عليكم :

ممكن اسأل ومن اسأل وكم سؤال وفيه شروط او لا ؟

ارجو الافاده لان عندنا اساله كثير تدور لها اجوبه

[روووووعه]

سؤالي لروووووووعه وراش ها هاجده ذا الاياام ؟؟

لو احد غيرك سالني هالسؤاال كان مايخاااااالف ..

بس انت عارفه البير وغطااااه :rolleyes:

ـــــــــــــــــــــ
ر
و
ع
ه
:)

[بخـــــــــــوت]

وش البير وغطاه كلها كم بطاانيه وكم قلاص تنقلونها وانتهى المو ضوع

:)
<<< فضيحه

دمتـــــــي

[فيصل بن حجرف]

السالفه فيها إنا

طيب سؤالي لبخوت

وش عنده روعه هاليومين؟ شادين ولا شسالفه

[سياتل]

زبوون حياك الله

انت تطلع كشتات في امريكا، اقصد عندكم مناظر طبيعية حلوه تطلعون لها او تكشتون فيها، اذا كانت اجابتك نعم ، كم مرة في الاسبوع او في الشهر تكشتون؟، ومن ازين الجوعندكم والا في الوادي في الشتاءو الربيع ؟

و الله في السنه حسنه نطلع كشتاات و بس بالصيف الشتاء ما يصلح برد و مطر ,

لا و الله الجو هنا احسن (سبحان الله لهم جنات الدنيا و انشالله لنا جنات الاخره)

ALAJMI حياك الله

ممكن اسأل ومن اسأل وكم سؤال وفيه شروط او لا ؟

ارجو الافاده لان عندنا اساله كثير تدور لها اجوبه

اكيد ممكن و الشروط مامن شروط محدده اسال اللي تبي عن اللي تبي بس لا تسال اساله شخصيه و بس:)

[مـحمـد]

اوكى

سياتل اخبارك علومك؟

متى بتعود ياحضرة المهندس

وليش اخترت اسم سياتل؟

[سياتل]

اما علومي فتسرك

و بعود الكويت بعد سنه انشالله

و سياتل اسم اكبر مدينه بالشمال الغربي صورتها بالتوقيع و تبعد مني حول الساعه

[بخـــــــــــوت]

العجمان :D ايه

[مـحمـد]

بخوت من وين انتى؟

[روووووعه]

العجمان ايه

مبسوووطه انتي ووجهك اهااا بس عن الفضايح :confused:

[بخـــــــــــوت]

روووووووعه:(


العجمي من اسلام ابااد وانت يا الطيب ؟

[مـحمـد]

شكلكم من اهل العليا ياشيخ :)

انا من تورا بورا

[مـحمـد]

سياتل وين رحت ماعودت الكويت ؟

[الــشـــامــخ]

الله لا يهينكم علي المضوع وعلي صاحب الموضع وتشرفني معرفتكم ومعرفتكم تجاره ولاهيب خساره فديييتكم كلكم ولا عندي لي اي عضو صراحه يكفي اني بينكم هاذا هو الراحه







تحياتي:الـشـامـخ

[سياتل]

لا والله العجمي بعد اسبوعين انشالله

5/8 برجع:)

وانت بتروح مكان بالصيف؟



الشامخ حياك الله و علمنا منيين يال اسنافي؟

[مـحمـد]

انا احتمال كبير اروح بيروت بتاريخ 10/8

وانت؟

والشامخ كم عمرك :)

[تركي بن ماضي]

الاسم
تركي بن عبدالعزيز بن جاسر بن ماضي ال بو راجح المزروعي ال حماد التميمي

العمر 29 سنة .

اعزب ولكن بتزوج انشاء الله .

موظف قد الدنيا في وزارة التربية والتعليم .

النشاطات مشرف على منتديات بني تميم .

يكفي ولا تبون اسم امي منيرة بنت فهد بن محمد بن جاسر بن ماضي .

[مـحمـد]

ونعم فيك ياتركي وشرفتنا بحضورك المتميز

وليتتك حدثنا عن بنى تميم اكثر وديارهم وهل صحيح ان امراء قطر من بنى تميم ؟

[اطياف الماضي]

سؤالي للعضو اللي بيدخل :D

وش كان برنامجك في العيد

[كويتيه]

كان يومي عادي جدا :(..

بس ميخالف كل ايام الله عيد.
<-- تونس عمرها:)

[اطياف الماضي]

ايه كويتية وسعي صدرك بس :D

[سياتل]

سؤالي للي بيدش بعدي على الموضوع:)
شرايك بهلا فبراير؟
يعني تايده او لا بعدين هلى استفدت منه شخصيا او لا؟

[saprj]

هلا فبراير ........فكرة فاشله قاعدين بعض الناس يحاولون يستغلونها في جمع الفلوس عن طريق الحفلات الغنائة اللي يشارك فيها المتردية و النطيحة!!!!!!!!!!!!!!!!!
اما غير هذا ما احنا شايفين أنشطة و فعاليات تنشط السياحة و تفيد البلد...........ز

يحاولون يقلدون مهرجان دبي و مو عارفين.

[مصلح]

سياتل سؤالي لك.. لك نيه تكمل ماجستير ان شاء الله والا لا؟؟ وابنشدك تروح للمؤتمرات اللي يسوونها اتحاد الطلبه والا مالك فيها.. وبعدين ما شاء الله شي طيب فيه عجمان في امريكا ..ومتى متخرج ان شاء الله؟
على فكره ترا فيه عرض مغري حيل للي يبي يكمل ماجستير يا سياتل من دار الاستثمار.. يبون بس قبول ما جستير في كم جامعه موجوده على على موقع الملحق الثقافي.. مدري اذا عندك خبر فيها والا لا.. بس ان شاء الله تكمل ماجستير

[سياتل]

هلا والله اخوي معقل الخبلان
بالنسبه للماجستير والله افكر فيه بس خلني اخلص من البكلريوس بعدين اذا الله اراد بسويه بالكويت مليت من الغربه:)
بعدين بالنسبه للتجمعات فلا والله مالي فيها خصوصا ان معظمها يصير في مدن الشرق و بعيده من منطقتي,
والله حركه حلوه من دار الاستثمار و يشكرون عليها و ياليت اذا عندك معلومات كافيه تتدزها لي او تنزلها بالمنتدى للاخوان اللي يفكرون فيها
بغيت انسى سؤال:)
انشالله بتخرج صيف 2006 العشا اذا الله اراد 1/6/2006 و تراك معزوم:)
سؤالي لك
من اي العجمان وو تشتغل او تدرس؟؟؟

[Aziz]

السلام عليكم ........

شلونكم ...

والله انا عندي سؤال للأخ كويتي انت من وين بالكويت؟؟؟

وشاكر لكم على الموضوع.

[مـحمـد]

عزيز اخوك الله يرحمه ماصار شى على تحقيقهم؟ يعنى ماطلعو من المتسبب الرئيسي او شى؟

[Aziz]

لا والله مابين شي صكروا السالفه..؟؟

وخلاص اللي كاتبه الله يصير الولد وراح ومعاد ينفع .... شي

الله يرحمه ويرحم اللي معه .......( بس والله قهر )

[مـحمـد]

اخوى عزيز من شهداء الواجب انشاءلله والله يغفر الله ويجعل العوض براسك
وسؤال لك ماهو مؤهلك؟

[Aziz]

الله يجزاك خير اخوي العجمي......

ومؤهلي الدراسي .. دبلوم طيران.

والسؤال لك اخوي العجمي وش منه من العجمان انت.

[مـحمـد]

من المعيض:)
السؤال للاخ غريب كم عمرك ؟

[الخاجه]

نبي السيره الذاتيه حق خالد الطاحوس

[العجمي كوم]

السلام عليكم ورحمة الله وبركاته
..
..
السؤال الىى دلع قحطان من وين ... وشكرا