سؤال للرجل ..

[اسجد لربي عجميه]

بسم الله الرحمن الرحيم


بداية أنا أبي أتكلم عن قيادة المرأة للسيارة وموضوعي موجه للرجل هل في وجهة نظرك قيادة المرأة غير مقبولة (عيب) أو لسبب آخر (واذا بتقولون خايفين عليها من اي شي ممكن يحدث وهي مع السواق بعد)

وثانيا هل ترضى بزوجة كانت تقود السيارة ام لا ..؟؟
مع جواب مقنع

[(( أقدار ))]

أي والله أنا بعد بشوف رايهم؟؟

أختش: أقدار

[لـيـتـنـي هـمـك]

جميل جداً هذا الموضوع
اما بالنسبة لي ماراح اخليها تقود السيارة
لـئـن الــعــادات والـتقـالـيـد مـاتـسـمـح لـي
وتقبلي مروري

[رومنسي بس بشويش]

تسوق وليش لا احسن من سواق خايس يجيب العيد

سوقي سوقي والتوالي على الله سبحانه


مشكوره على الموضوع يا عجميه
كذا احسن الاسم مختصر

[فهد الميع]

بسم الله رحمن الرحيم

اسعد الله اوقاتكم جميع في كل وقت وكل حين

اختي

اسجد لربي عجميه

انتي ذكرتيني بشغله

فالحقيقه مره من المرات انا يا فهد شغلت التلفزيون على قناة اذا ما خانتني الذاكره

قناة الصحرااااء

فكان يناقشون موضوع المرأه تقود المركبه بمعنى السياره

فاورد بالقول ان في حياة الملك

فهد بن عبدالعزيز رحمه الله وجعله في فسيح جناته

كان مانع منعأ باتأ بقياده المرأه السعوديه فلما مات عسى الله يغفر له

وستلم الحكم من بعد ما غمضت عينه

الملك

عبدالله بن عبدالعزيز ال سعود طول الله في عمره

سمح بقياده امرأه فالمملكه العربيه السعوديه وليس متأكد من المعلومه

لكن هنااااك كثير من النااااااااس والنسبه اكثر من المعااارضين ونسبه قليله من الموافقين

فاضحكني قول امرأه دخلت تقول دام الرجل يستحي لا ينظر المرأه وهي تقود المركبه يحطون للرجال طريق وحنا طريق ولا طريق الحريم يصبغونه لون وردي عشان مايدخله بس الحريم يدخلون هالطريق وعشان اذا دخل فيه رجل يخالف ياخذ على قولت اهل السعوديه قسيمه

هههههههههههههههههههههههه

عاد انا بغيت اتصل واقول فالبرنامج ولا ينسون يسوون طريق حق الرجل الي ياخذ عائلته معاه

هههههههههههههههه

والله العظيم...


فا انا مستغرب يعني المرأه اذا قادة المركبه شي طبيعي بالعكس توفر على الرجل اشياء كثيره مثلا المرأه هي التي تودي الاطفال الى المدارسهم واذا كان الولد مريض هي التي تسعفه

وبدل لا يتأذا في مشاوير المرأه في السوووووووووق <<< لا يحوشك مجربها

لويه ودوخه هههههههههه

فا كان من المعارضين ان المرأه ان تقود المركبه

ان المرأه جنس يخاف من كل شي

فا يمكن تودي خوفها الى حادث شنيع

او امرأه تقود المركبه ويخالفها واحد من المستهترين ان يغازلها او يتحرش فيها

وانا بصرااااحه احترت فالموضوع وكل يطرح اراءه بشكل صحيح ولا يوجد من الخطأ شي

ولو ان نقاااش ولو انو النقاااش في هالموضوع يطووووول جدااا

اما انا وجهت نظر

فأنا اقول ترى المرأه المحترمه تفرض احترامها لو انها فالشارع تمشي بروحها ولا فالشارع الا 1000

رجال ما راح يهزون شعره من راسها

وكل(ن) على نفسه عيونه بصيره

وفي وقتنا الحاااالي

ان بعض الاحيان الام فالبيت والاب فالدوام وواحد من العيال عند الام مريض مسخن كيف توديه المستشفى؟..؟

هذا واااحد فانا اقول تقود السياره احسن لها الشي الثاني

ان كان الاب محجوز فالدوام ليس مرخوص ان يطلع من الدوام ويبات فالدوام من يوصل الابناء الى المدارس

اكيد الام

طيب الام كيف توصلهم وهي ماتقود السياره؟..؟

يجب ان المرأه تقود السياره

انا اكتفي في هذا القول

وانا اسف على الطاله وعساني عطيت للموضوع حقه واني افت في مروري للصفحه المعطره

ولاهنتي على الطرح الراقي

وسلمت اناملش الذهبيه

وتقبلي مروري

وحترامي وثناء سلامي

ودمتي بود

اخوش

فهد حربي الميع العجمي

[بنــ ابـــوها ـــــت]

مشكوووووره اختي على الموضوع الحلو

والردود الحلوه

خاصه فهد الميع < وجهة نظرك وافيه وواقعيـــه >


ولا هو بتقليـــــل بس ..... ثلاث اللي ردوا



شكـــــــــــل الباقي ماعنده ردوووود مقنعـــــــــــه



:rolleyes:

[محمد بن صبحان]

لا هنتي على الموضوع بس من وجهة نضري ان السواقه ما فيها عيب اذا كانت المره مستتره

اما اذا كانت المره كاشفه اكبر عيبب!!

اتمنى قبوول وجهة نضري تقبلوا فائق احترامي!!

[ناصــ!!!ــر العجمي]

جميل جداً هذا الموضوع
اما بالنسبة لي ماراح اخليها تقود السيارة
لـئـن الــعــادات والـتقـالـيـد مـاتـسـمـح لـي
وتقبلي مروري

[الشيخه شيخه]

يالله نبي ردودكم
وبنشوف اعذاركم:d

[الشيخه شيخه]

مشكووووووووووووووووره على طرح الموضوع

[اسجد لربي عجميه]

اشكركم على الرد جميعا .. بس هذا الي اقصده للي يقول عادات وتقاليد طيب وضح وين العيب ؟؟ اما بالنسبه لخوي فهد الميع يشرفني مرورك كفيت ووفيت وجه نظرك هي وجه نظري ..

[مغتـــــرب]

ماهوب عيب بس الا فشيله





لو مثلا راحت زوجتك والا اختك للسوق لحالهااا وتحرش فيهااا احد او خطفهااا الله يمنعنااا من الشين وجات بكبر


علمني وين عاااد بطلع وجهك قدام الناس والقيل والقااال وخاصه حنا في زمن الفتن والعياذ بالله والله يكفينااا شر الدنيااا ومصايبهاااا




الاخت عجميه


هذي وجهت نظري



لاهنتي ع الموضوع :)

[خضراء القلب]

الظروف هي اللي تحكم بقيادة المرأة و احب اشكر الأخ فهد الميع على هالرد الراقي الإنساني ..

جميل تقديرك لظروف الحياة و الله يخليك لأهلك تقوم فيهم و ترعاهم مثل ماوصى النبي عليه الصلاة و السلام ..

و الله يحفظنا و يرعانا و يطلع سياراتنا من الوكالة > مسوية حادث و سيارتها بالوكالة :p

القيادة متعبة بالنسبة .. لكن ظروفي تحتم علي ان اسوق السيارة


الحمدلله

[أفلاطون العجمي]

اختي العجميه...

موضورع رائع ومحل للنقاش ...

واتمنى ان تكون هناك ردود واقعيه ....

انا عندي سؤال من يقولون العادات والتقاليد لاتسمح بقياده المرأه...

طيب مذكور في كتاب العادات والتقاليد ان يسمح ان تكون المراه مع السواق ....

يااخوان اي عادات وتقاليد تتكلمون عنها .....

انا عندي المراه تسوق افضل من انها تروح مع سائق هندي اخاف من شره ولا امن لخيره....

مادام المراه محتشمه مستتره تسوق السياره ومافي مانع شرعي يمنعها من قياده السياره ....

مشكلتنا ان بعض الناس يتكلمون بامور غير منطقيه .....

هذا جدال دار بيني وبين واحد من الاصدقاء في احد الدوواين....

وكنا نتكلم عن قياده المراه ومن هذا القبيل...

كان يقول انه ضد قياده المراه وان تكون مع السواق افضل .....

فرديت عليها قلت اانا عندي المره تسوق سياره وافضل انه تكون مع السائق....

وقلت له افضل انه ماتكون مع واحد غريب ماادري شنو هو وشنو اطباعه وطبيعته ....

ويرد صاحبي علي ويقول اصلا المفروض ان اهل اي واحد بيروحون مع السائق ياخذون الخدامه معهم وكانها محرم...

رديت عليه وقلت اصلا الخدامه نفسها يبيلها احد محرم لها لوحدها ....

وقفلت الموضوع وياه نهائي....

مشكلتنا ان ندري هالشيء ماعليه كلام ولافيه غلط...

بس نخاف من كلام الناس ونظره الناس ....

شوفوا فلان اهله يسوقون او زوجته تسوووق ....

نتمنى من بعض العقليات ان تتفتح قليلا ولا اقصد الانفتاح الهابط بل المحتشم ووفق الشنه الشريفه وديننا الحنيف وليس ضمن العادات والتقاليد....


شكرا لصاحبه الموضوع....

فقد تكلمت كثيرا وعلى الاطاله دون ان اعي ....

بصدق....

لك السعاده....

[اسجد لربي عجميه]

اخوي مغترب احترم وجهه نظرك ..خضراء القلب سلامات ماتشوفين شر ..
يشرفني مروركم..

[اسجد لربي عجميه]

افلاطون .. كلامك جدا مقنع .. اما بالنسبه لتاخذ خدامه معاها هذا يدل على انه مو راضي يقتنع يعني عيب وبس وطبعا مو خوف عليها بس فشله قدام ربعه وجماعته ولي بقول خايف الي بصير معاها يمكن يصير مع السايق يعني قدر سواء مع السايق او غيره ..عاد هنيه ما اقصد انها تسوق متى ما بغت او لأي مشوار لا بس تروح لشي ضروري او حاجه ..واذا ما رضيتوا على هاذي بعد اقل شي الليسن لا صار شي طارئ لا سمح الله ...تتصرف..عرفتوا شلون؟؟

[مادموزيل دندش]

أسجدلربي عجمية,,,,,,, تحياتي لش إختي أعتقد إن إللي مهم رأية لأي بنت أوسيدة إبيهاوولي أمرها !بس لكن خلق الله... متعددة آراءهم حسب حاجاتهم وظروفهم وإذاعلى,,, الزواج فهوقسمة ونصيب الممثلة والراقصة والملتزمة وغيرهم وغيرهم يتزوجون.. ماله شغل بقناعات البشر,,,,,,,,,,,,,, لش سلامي

[**عافكـ الخاطر**]

مشكووووووووووووووووره على طرح الموضوع

[mr.3jmi]

اصير سواقها وسايقها...! (اذا زوجتي):rolleyes:...اما تسوق او مع سايق..

فهذا حرام لازم يكون لها محرم...

والبنت تطلع من البيت بدون محرم مايجوز...وحتى السايق مو محرم لها..

المحرم هو الي يوديه وجيبها..

وجه نظر...

[وســيع البنــايد]

ارفض وبشده ...


ما سمعتوا ياسر التويجري يوم قال ...



في طريقن مظلمن مال للمبايل رنه

مقطعه ما حوله مرمرت سكاني

ويش يسوي يا جماعه الله اعلم انه

يفتح المصف ويقرا صورت الرحماني ...:)

[عبـق أجدادي]

.

.












يعتمد على حسب ظرف كل أسرة






إذا كانت القيادة لأجل القيادة فقط .. مالها داعي

خاصة إذا كانت " مكفية " وعندها اللي يقضي حوائجها

تصير مثل " الشيخة " وتخفف زحمة شوارعنا









أما لو كانت الضرورة تفرض قيادة المرأة

بالعكس مافيها شي والبنت الآن تعمل وتسوق

وتدرس بالجامعات










وشخصيا ً .. أشوفها عادي












سلام

[راكان الفارس]

السلام عليكم ورحمة الله وبركاته....




تتعدد الثقافات...وتختلف البيئات...ومستويات التعليم...ولكن بالنهاية

الحاجه تفرض نفسها..مهما تعددت الاسباب..والمؤثرات...

فعلي سبيل المثال...كان تعليم البنات..بمرحلة زمنية غير مقبول

وأمر قد يكون مستهجن...لعدم اتساقه مع الاعراف والتقاليد السائده أنذاك

ولكن لضرورة الحاجه..وتهيئة المجتمع...بأهمية التعليم..ورفع المستوي الثقافي

تم قبول هذا الامر..وكذلك الامر مع خروج المرأه لميادين العمل...فوطئة الحياة

وقسوتها..والحاجه لتوفير متطلبات الحياه...فكانت الحاجه الدافع الرئيسي

وكذلك يكون مع قيادة المرأه..فهي حاجه..وهي تعتمد كما ذكرت علي مستويات الثقافه والتعليم

ومدي شدة تمسك المجتمعات بأعراف ومفاهيم تعاكس هذا الامر..


لذلك أنا أجد أنه ليس من المحرمات أن تقود المرأه...فهناك حاجه...وقد تكون ضروره

وأسبابها كبيره..والتهيئة المجتمعيه لهذه الحاجه...شي أساسي..علي سبيل المثال

ومع كل الاحترام للجميع..ولكن كمثل...المجتمع السعودي..له سنوات وهو يبحث

بمسألة القياده للمرأه...والتصاريح المتعدده..سواءا بالرفض أو القبول..أنما تلك الامور

تجعل المجتمع..لديه أرضيه للتهيئة...ويبقي الامر للمدي الزمني...بحسب أعرافه

وتقاليده...وضروراته.....ومادامت المرأه..أصبحت تتبؤأ مناصب قياديه عاليه..ومستواها

التعليمي مرتفع...فهو امر وقتي...

ولا أعتقد بشي من الضرر بقيادة المرأه...



أسجد لربي عجميه

شكرا للموضوع القيم...طرح جميل..أستفدنا من خلاله....

سلامي اليك

[عـ الكلام ـذب]

المجتمعات فى تطور من جميع النواحى ونحن ما زلنا فى قيادة المرأه عيب ويا عيب الشوم:)

العيب هو عندما تترك زوجتك أو ابنتك أو اختك مع رجل غريب واحيانا غير مسلم لا يحلل ولا يحرم, العيب عندما تتخلى عن المبادئ التى أمر بها ديننا الحنيف ,العيب عندما تترك احداهن تخرج بعباة ضيقه او ما تسمى بعباة الكتف والمكياج الفاظح والنقاب الخالع الى السوق او الجمعيه او اى مكان عام .

انا من المؤيدين لقيادة المرأه للحاجه مهما كانت والالتزام باوقات الخروج ( يعنى مو عندها سياره ومتى ما بغت وطق براسها انفظت عباتها ودقت سلف ومن بيت الى بيت ومن شارع الى شارع :) ).

من وجهة نظرى لا هى عيب ولا حرام .

[اسجد لربي عجميه]

اشكركم جميعا على ردودكم.. ونلاحظ بهاذا الموضوع اختلاف كبير في وجهه النظر..
بس الأمانه نورتوا الموضوع ..
تحيااااااااااااتي

[حسبي عليك !!]

لا ارى ان الموضوع عيب او حرام

بس اذا انت تقدر تودي حرمتك وتجيبه احسن ما تخليها تسوق او تخليه مع سواق اجنبي ما تعرف وشهو مذهبه

بالكويت قبل وين تشوف مره تسوق او مره تطلع بعد ال12 بالليل الحين صار الوضع عادي قبل لا شفنا مره تسوق شف بنت فلان تسوق وبنت فلان جايه متاهره الحين مافي بنت الا من رحم ربي الا تسوق او تروح وتجي لحالها

الله يستر علينا
و السيارة ارجع و اقول مهي ضرورية اذا رجلج او اخوج او ابوج بيوديج ويجيبج

[اسجد لربي عجميه]

حسبي عليك يشرفني مرورك...
تحياتي لك..