قصتي مع .. الزنــــوبة !!

[صوت القلوب]

بسم الله الرحمن الرحيم

الزنوبة دي حكايتها حكاية

بصوا .. الحكاية اللي حئولها ليكو سر ماشي ؟!

خلينا متفئين عشان محدش يتئتل

قبل عدة سنوات .. بدأت حكايتي مع الزنوبة

إنها حكاية طالت كثيراً وأعلم بأنها ستطول !!

ما باليد حيلة سوى الإنصياع لهذه الزنوبة ولـ حربها الهوجاء علي

نعم حرب فلا تستهينوا بها

تلك التافهه التي تلبسها في رجلك

(مستئوية عليا) ربنا عالظالم :mad:

من الآخر :

عمركم رحتوا مكة الله يشرفها وما انسرقت زنوباتكم !!

توقعون هي تنسرق وإلا تنحاش عشان منقرفة من ريحة رجيلنا !!

يا جماعة مرت علي سنة كنا رايحين مع بنات عمي وأبوي الرجال الوحيد معنا

حنا حول 10 بنات طلعنا من الحرم ندور زنوباتنا ما عيّناها كلها

وكان الظهر وفي الصيف والقاع مووووت حاره نمشي وننقز من حرارة القاع

حتى إن حنا شكينا في أنفسنا ان حنا حاطينها عند باب ثاني ونفتر كلنا حافين

اللهم لقينا زنوبة بنت عمي حبة وحده قلت اللي سرق هذا اصيل مخلي وحدة ذكرى :D

ومن يومها وأنا أسوي كذا

http://alajman.net/up/uploads/0b06f14fb2.jpg (http://alajman.net/up/)


عشان الحقير اللي يبي يسرق يا يسرق ثنتين وإلا يخليهم كلهم

<< حاقدة صدق

شاركونا بقصصكم مع الزنوبات :D

[@بنت العز ما تنهز@]

هههههههههههههههههههههههههههههههههههههههههههههههه

مقدية هذا الحل الوحيد:p

صادقة اتحصل هالمواقف بكثرة في مكة الله يشرفها
شوسة..
يعطيش العافية عالموضوع الطريف:)

[صوت القلوب]

الله يعافيش يا غناتي

لا هنتي عالمرور فديتش

[Lawrence of Arabia]

سنة 2007 رحت انا وابي للعمرة ...وانسرقت زنوباتنا... فاضطرينا نشتري زنوبات من افارقة واقفين عند احدى البوابات... شريناها كلها بخمس و عشرين ريال وهي مستعملة... بس كل شي يهون ولا المشي على "الصاج".. اقصد الرخام:)

اما العام رحت انا وخالي الكبير وعوال خالي... و هم ما شاء الله خبرة.. يعتمرون في السنة اكثر من مرة... وقبل لا ندخل الحرم وزع علينا ولد خالي اكياس وقال كل واحد يحط حذاياه فيها ويشلها معه:)... وانا اشوف ان هذي الطريقة هي الحل الوحيد للاخوة المعتمرين:)

شكرا شوسه على الموضوع الطريف

[لــــبيـِِِش]

الله لايهينش,,,

[صوت القلوب]

العفو يا أخوي لورنس

ما شاء الله تصدق إني اشتقت تنسرق نعالي عادي بس أروح عمرة

أنا أعطيهم إياها

أقول شكل الأفارقة هم اللي يسرقون الزنوبات ويبعونها دبل سعرها

لو إنك أول ما خذيت الزنوبات بلغت عليهم كان خذيتهم ببلاش :p

لا هنت عالمرور

[صوت القلوب]

الله لايهينش,,,


ولا يهون قايلها

مرحباا

[الظبيه العنزي]

خخخخخخخخخخخخخخخخخخخ شوسه موضوعك عجيييب هالمره :) انا عندي موقف بس لجدتي مع زنوبتها التيربو في العمره....لكني ذكرته مسبقا في قسم الترفيهي بموضوع الاخ الباحث :)

[الاصيله]

[size="4"]
انا اول كنت اروح مكه

تكرمون اشتري نعال كشخه

وتنسرق واحتر وقمت اروح بنص دينار واشتري منه

علشان منقهر اذا ابقوهاا

شفت لاهنتي على الموضوع الحلوو

[صوت القلوب]

خخخخخخخخخخخخخخخخخخخ شوسه موضوعك عجيييب هالمره :) انا عندي موقف بس لجدتي مع زنوبتها التيربو في العمره....لكني ذكرته مسبقا في قسم الترفيهي بموضوع الاخ الباحث :)


انتي العجيبه لبى قلبش

زنوبة تيربو :eek:

لا يكون جدتش تقرب لأمي :D

لا هنتي عالمرور فديتش

[صوت القلوب]

انا اول كنت اروح مكه

تكرمون اشتري نعال كشخه

وتنسرق واحتر وقمت اروح بنص دينار واشتري منه

علشان منقهر اذا ابقوهاا

شفت لاهنتي على الموضوع الحلوو تسلمين على

خخخخخخخخخخخ

والله خسارة

ولا انتي فديتش

الحلو مرورش يالغاليه

[بتاااار]

يسلمووو شفت


انا بصراحه من ادخل مكه الله يشرفها وانا ناسي الزنوبه لاني عارف اني ماراح الاقيها



دمتي

[محمد بن فراس]

السلام عليكم ورحمة الله وبركاته

ياكثر مانسرقت مني :)

لكن ماعليها حسوفه

ولاهنتي على الموضوع

[الظبيه العنزي]

انا عندي احساس والله اعلم ان عمرتنا هذيك مارتفعت انش واحد عن روسنا....كله من جدتي وخواتها...بصفا والمروه انا مع جدتي ووحده من خواتها...اقولهم امشوا وراي وانا اقول الدعاء وانتو امنو عليه...وقلت لهم ترا سبع اشواط....المهم انا من بعد الشوط الرابع فقدتهم وقعدت اتلفت يمين يسار وين دجو؟؟؟...ولا اشوفهم المسعدات قاعدين؟؟....متي اخلصوا السبع اشواط؟؟ انا للحين بشوط الخامس!!.....واصير لك طياره واخلص باقي الاشواط واجي عندهم.....وانشد جدتي:يمه متي خلصتو انا عدي بكم بشوط الرابع والخامس انا شفتكم قاعدين؟؟كان تعطيني نظرة وحده يعني اني تعباااانه ومااقدر ارد...طبعا اخت جدتي سوت روحها صمخه ماتسمعني...انا سكت عنهم ووقفت جنبهم وهم مبسطين على الارض كنهم رايحين حديقة الصباحيه مو السعي...هني يصير الهبال عدل....اسمع اخت جدتي تقول :الله يهداج يا أمنا هاجر وراج ماقعدتي بمكانج يوم مالقيتي ماي لازم تركضين سبع مرات....ولا ترد عليها جدتي بكل برود :احمدي ربج ماركضت من هني الين جده كان وش يركضنا....انا غطيت وجهي بكتاب الادعيه وقعدت اختض من الضحك...جدتي عبالها انا اقرا من كتاب الادعيه وتأثرت وقعدت ابكي....كان اطينها وتقوم تبي تسكتني اللي خلاني ابطها ضحكه صدق ...جدتي وهي قايمه امسكة نعولها ((الزنوبه)) وصفقتهم مع بعض صفقتين وحطتهم تحت ذراعها بنفس اللحظه مر واحد اهبل شاف جدتي تصفق بنعولها ولا يقولها:عاش بوعذاب ...روح خمس حافي بالحرم.....انا ماقدرت امسك نفسي من الضحك




طبعاً اعلاه نص القصه (( الخاص فقط بنعال جدتي >>>> الزنوبه التيربو)) وشلون خلتها تطير بالسعي وتنطّق المعتمر الدجه:)...عشانج شوسه شقحتها من قسم الين قسم.

[فهيد بن سالم]

السلام عليكم ورحمة الله وبركاته

أنا رحت مكه مره وحده في عمري اللي هي سنة 2007 فالصيف وأنا الرجال الوحيد اللي فيها وعينة واحد من جماعتنا هناك وهو شايب وأنا أدزه على دراجته لأنه ولده كبير وأنا بكفيه والشايب يصلي وزاني وكل ما دخلنا الحرم خذيت حذايااي وحذاياه وحطيتها في مخبى " جيب الدراجه " وكان الله غفورن رحيم :)

بس اللي يقهر في مكه بيت الله ويسرقوون هذا اللي يقهر لا حول ولا قوة إلا بالله بس :)


شف وش سوا هبالك يعطيش العافيه على الموضوع

ولا هنتي :)

[(( أقدار ))]

يعطيش العافيه ع الموضوع

بس أحنا غير دايما أبوي يجيب أكياس ويجمعهم ويشيلهم عننا الله يخليه لنا

وتقبلي مروري


أختش: أقدار

[صوت القلوب]

يسلمووو شفت


انا بصراحه من ادخل مكه الله يشرفها وانا ناسي الزنوبه لاني عارف اني ماراح الاقيها



دمتي


خخخخخخخخخخخخخخخخ

صادق عاد في مكة وكذا

استغفر الله

لا هنت أخوي عالمرور

[الغرياف]

مافيه أمل البس زنوبه:o


وجزمتي دايم بكيس ومع الخدامه


بس لاتباعدون اللي سرقو زنانيبكم تلاقونهم باسطين فيها عند بوابات الحرم المشكله يعرضون احيانا فردة وحده شلون من بيشتريها!!!!!!؟؟؟

اختي مره لقينا صندلها عند تكرونيه وفيك خير قولي هذي حقتي عشان يفقعون وجهك:(


يالله هانت كلها كم يوم ويجي رمضان ونلتقي هناك باذن الله

[ولييد]

لاهنتي

[‏وَتـے ـيــنْ]

والله انش دجة قسما بالله


كركركركركر

بس المصري عندش عجيب .. غلبتيني ;)

رحنا العمرة واكياسنا معانا وامي كل شوي تشيك علينا نعولكم وينهي .. وكل شوي تعدهم خخخخخخخخخ

نستفيد من تجارب الآخرين :)

بعد افصلي ونزلي من هالمواضيع :d


بايوووو

[البــــــــــاحث]

والله أنا الحين ماشتري زنوبه نزلت دلاغات جديده حلوه حق العمره

خفيفه وماتحسين فيها اذا لبستيها <<< يسوي دعايه

صج مريحه بس تحمل الريحه عقب ماتعتمر وتخلص الله لايوريك هههههههههه

لاهنتي على الموضوع الروعه \\\ ومالومهم ههههههه

تحياتـــــــــــــــي ولد خالتج

[الـسـلطانـه]

ههههههههههههههههههههههههههههههههههه

بصراحه اقديتي فذمتي ذمه وذمه وذمه ههههههههههههه يختي جنوني فديتش انا اكثر وحده مشجعه لش وبراحه يستااااااااااااااااهلووووووووووون >>>> مبين اني حاقده :p

( اتشرف بالرد عليش لبا عينش )
اختش السلطانه

[الظبيانيه7]

انا سرقو مني كروكسي اصفررر احبه وايد للحين ادعي علي اللي سرقه @@

[غلاووي]

لا هنتي خيتو ع الموضوع الروعه
وتسلمين

[صوت القلوب]

السلام عليكم ورحمة الله وبركاته

ياكثر مانسرقت مني :)

لكن ماعليها حسوفه

ولاهنتي على الموضوع

وعليكم السلام ورحمة الله وبركاته

لا دخلت مكه افصخهم وإلا هم بيفصخونك إياهم :p

إيه والله ما عليها حسوفة

يا لبى شوف مكة وبس

ولا أنت يا أخوي

[صوت القلوب]

السلام عليكم ورحمة الله وبركاته

أنا رحت مكه مره وحده في عمري اللي هي سنة 2007 فالصيف وأنا الرجال الوحيد اللي فيها وعينة واحد من جماعتنا هناك وهو شايب وأنا أدزه على دراجته لأنه ولده كبير وأنا بكفيه والشايب يصلي وزاني وكل ما دخلنا الحرم خذيت حذايااي وحذاياه وحطيتها في مخبى " جيب الدراجه " وكان الله غفورن رحيم :)

بس اللي يقهر في مكه بيت الله ويسرقوون هذا اللي يقهر لا حول ولا قوة إلا بالله بس :)


شف وش سوا هبالك يعطيش العافيه على الموضوع

ولا هنتي :)

وعليكم السلام ورحمة الله وبركاته

مرة وحدة !!

عسى ربي ما يحرمك شوفها

لا حول ولا قوة إلا بالله

هي وقفت على نعال تكرمون بلاوي الله لا يبلانا

الله يعافيك

ولا أنت يا أخوي

[صوت القلوب]

يعطيش العافيه ع الموضوع

بس أحنا غير دايما أبوي يجيب أكياس ويجمعهم ويشيلهم عننا الله يخليه لنا

وتقبلي مروري


أختش: أقدار

الله يعافيش ويطول بعمرش يالغالية

الله يخليه لكم يارب ولا يحرمكم منه

يا مرحبا بش