سؤال للأخ العماني وللجميع ؟

[محمد السبيعي]

السلام عليكم

من مِنا لا يعرف الشاعر محمد الأحمد السديري ! خال كل من الملك فهد وسلمان وناايف وسلطان واحمد وتركي ابنااء حصه السديري رحمها الله

وهو من قبيلة الدواسر المعروفه بأصاالتها وقوة معدنها وموطن السداراء على حسب علمي الأفلاج

سبق وان قال لي احد الأخوان وهو مصدر موثوق منه بأن ال رشود من سبيع هم اخوال خالد الأحمد السديري اللي هو امير نجران سابقا وامه هي منيره بنت زيد ال رشود ! رحمها الله وجميع موتى المسلمين

سؤالي هو اخي العزيز منهم اخوال الشاعر محمد الأحمد السديري وهل هو اخ لخالد من امه وابوه ولا من امن ثاانيه ؟؟!!

والمعذره على الأطاله

اخوكم في الله السبيعي

[العماني]

وعليكم السلام ورحمة الله وبركاته

صراحة يا أخوي محمد لا أعرف منهم خوال الأمير محمد السديري واخوانه وهل هم من أم واحده أم لا.

وانت ذكرت ان السدارى مقرهم الأفلاج والصحيح هو الغاط ،ووُلد الأمير محمد السديري في الأفلاج عندما كان والده أميراً عليها.

وأسرة آل رشود حسب علمي من الأفلاج فربما ان والد الأمير محمد السديري تزوج منهم عندما كان أميراً على الأفلاج.بس ياليت تذكر لنا المصدر اللي أخذت منه المعلومة للفائدة العامة.

وان شاء الله الأخوان يفيدونا بالموضوع وانا بخبرك بأي معلومة توصلني.


تقبل تحياتي وسامحنا على القصور.

[الباسل]

أخي العزيزالسدارا بلد مثل ماقال الأخ العماني الغاط

ولكن بلدهم الأصلي وبلد البدارين عامه والذي نزحوا منه قبل مئات السنين

هي قرية خيران

التابعة لمحافظة السليل
15 كيلو جنوب السليل

ويسكنها الآن آل ضويان من الوداعين

وهذه القصيده للمبيعيج ناصرالودعاني
بمناسبة نزوح البدارين
وخاله عامر بن بدران






ياسدرة المغنى على مشرع الصفا =في جال مخضرجناب( قرون)
بنشدك ماشفتي هل الجود والصـخا =اللي لهم كود الأمور تهـون
شدوا وخلوني أجاذب هضايمي=تحملت من كثر الغبون أغبون
ونيت ونات تحطم لها الحشا=وهلت غزيرات الدموع عيون
أقفو وأنا عيني تخايل أضعونهم=ضعاين قفّت تلاها أضعون
اقفوا هل الشيمات يادار وانتحوا =الى وين يا وادي قرون يبون
اقفو كما نوٍ حقوقٍ مخايله=وبله وبرقه للعدات منون
مع البيدا تبارى اضعونهم=يقودون طوعات الرقاب بهون
لاكن أرقاب الزايديات بالحن=رقاب المها لولادهن أصفون
يتلون نزال الخطر مرهب العدى=عامر لصعبات الأمور زبون
خالي ولا غيره عزيز رجيته=أرجيه رجو الممحلين قرون
ان صاح صياح نذير لقيتهم =على سروج طوعات المهار يجون
ترعى بهم جرد الرقاب و تنثنى =ولها صهيل المرهفات الحــــون
لاكن خرير الدم من ضرب شلفهم =كما ناضح الما من عيون شنون
ياليتني معهم على كور وجنا=ويبرى لها وقم الرباع ودون
من عقبهم يادار لا علك الحيا =ولا أخضرت بك بالسنين اغصون

[النمر]

نعم خذها مني خوال محمد الاحمد السديري الرشود من النبطه من سبيع ومنهم

كبير المستشارين في أمارة الرياض الشيخ / راشد الرشود

وخوال أخوه خالد الاحمد السديري وخوال عبدالرحمن

ولكن مدري عن بندر الاحمد السديري هل هم خواله أم لا.

وشكرا"