امى تسلم عليكم وتقول عندكم .... طماط....!!

[الكحيلا]

بسم الله الرحمن الرحيم




حين طرق باب بيتنا ... ليقول لى ولد الجيران

امى تسلم عليكم وتقول عندكم .... طماط....!!

ابتسمت من قلب ....

وقلت له عندنا ... ولو ماعندنا زرعنا لكم بحوش بيتنا


هلا بالجار الصغير ....

منذ متى لم يطرق بابكم احد الجيران لطلب

طماط او بصل او خبز ... !!!


ربما احلى اعضاء يقال اننا بخير ونعمه ولم يعد الطلب من الجيران

له ضروره ... ولكن لا اعتقد

فقدنا الطلبات الصغيره بين الجيران

فقدنا طعم الجيره ...

كان الجار يطلب من جاره بصل

وبعدها يرسل له قليل من الطبخه

عيش وملح

الان تعد الطلبات بين الجيران عيب وقله ذووق ... !!

وقد تستغرب ان يطرق جارك بيتك بدون موعد واذن مسبق واتصال

وقد يتهم الجار بالجنون حين يطلب طماط

زمان لم تكن الحاله الاقتصاديه مثل الان

اليوم فواتير وديون واقساط واسعار مواد غذائيه عاليه

وعيب نطلب وندق باب الجيران...

زمان حياه بسيطه وقلوب ابسط ,,, وصغار الجيران

وجمله .... امى تسلم عليكم وتقول عندكم بصل

جميله العباره

بجمال البساطه

وجمال المحبه

وجمال روح الجيران الوحده

كنا بيت واحد

وطبخه وحده

اخبرتنى جدتى

ان الاسر قديما تشعر بمدى حاجه جارها

وترسل له من غير طلب

واذا راعى البيت قضى لبيته ماينسى جيرانه ...

واذا بقى شي من العشاء... يرسل للجيران( غريفه)

واليوم يزعل الجار من بقايا العشاء باعتبرها فضله....

ليست المساله بمجرد الطلب احلى اعضاء

وليست عباره امى تسلم عليكم وتقول عندكم طماط هى المحك

لا ....

ولكن العلاقه نفسها فقدت طعمها

فقدت دفئها

فقدت الجيره

لم تعد الحياه لها طعم بعد الاستغناء عن بصل وطمام وخبز الجيران

وحين نعطى الصغير طلبه ... نتنتظر عودته بطبق من عشاءهم ...

ليتها تعود تلك الايام ... رغم انى لم اعشها حقيقه

ولكن احيانا اتمنى عوده ايام ماضيه بزمن جميل

وجيران ترسل وتسال وتطلب

بدون قيود حياه ممله ورسميات قاتله

احضرت الطماط للولد الجيران .... ووصلت لنهايه كلامى

قول لماما امي تسلم عليكم وتقول .. اذا بقيتو شي لايردكم الا لسانكم

وخرج الصغير ولسان حالى يقول:

شكر لك عشت معك لحظات اصبحت مفقوده .... بزمن لم يعد الجار يعرف جاره





منقووووول ..
ابي تفاعلون معي اول موضوع انزله

[محمد بن فراس]

السلام عليكم ورحمة الله وبركاته

الكحيلا

الله لايهينش على الموضوع الجميل

الجار اوصى عليه الرسول صلى الله عليه وسلم واوصى لسابع جار .

[k.n.1984]

الناس تغيرو ماعادهم مثل قبل

الحين اذا سار عندك عشا او ديوانيه

وجاو المسايير ووقفو دقايق عند بيت جارك

راح واشتكا عليك في المخفر ( سارت معنا )

ويعطيش العافيه على الموضوع

[من العجمان]

الله ابدعتي الكحيلا

منذ متى لم يطرق بابكم احد الجيران لطلب

طماط او بصل او خبز ... !!!

اندثرت مع اهلها ........

[ya7bny_lsh]

لا هنتي على الموضوع

[بتاااار]

يسلموو على الطرح الرائع


ايام قبل احلى الايام الحين كلشي تغير



تقبلي مروري

[صوت القلوب]

والله ما أنسى قبل لا صار عندنا عشا رحت أفر على البيوت شايله صحون بيدي

وأفتر على جيراننا حتى إني كنت أتسابق أنا والخدامة أمي توديني بيوت والخدامة بيوت

ونااااااااااااااسه

كل شي قبل له متعه وطعم غير ليت أول يرجع حتى لو كانت حالتنا الماديه قبل مو شي

بس ترجع العلاقات الطيبه اللي قبل

ألحين ما نعرف جيرانا إلا في العزاء وإلا بعرس (بالغصب بعد)

لا هنتي على هالموضوع الجميل يا جميله

أختشـ

[الكحيلا]

اشكركم على الردود الوافيه تسلمون :)

[وكيل آدم]

أنا أذكر قبل عشر سنوات جيراننا يطلبون منا غاز


لكن اللحين مثل ماقلت صارت كنها قلت ذوق

[سالم الحبيشي]

السلام عليكم ورحمة الله وبركاته

الكحيلا

الله لايهينش على الموضوع الجميل

الجار اوصى عليه الرسول صلى الله عليه وسلم واوصى لسابع جار .

[نبراس المراجل]

السلآم عليكم ورحمة الله وبركاته,,,,

الله لا يهينش على الموضوع الجميل ولاهنتي ,,,,

واكيد لأن الرسوول وصى على سابع جاار ,,,,

بس الحين (الله المستعان)وش اقول خلوووني ساتر ابرك,,,,

والله انهم تغيرووووو الجيرااااااااان,,,,

[بنــ ياااام ــت]

يـآلكحيــلآ


لآ تزيـديــن آلمــوآجــع يـآزيــن آيـآم أول


أذكــر كنـآ تونـآ نـآزليــن بيتنـآ جـديــد ومـآنـعرف أحد فـي آلمنطقــه

يـوم قـآمت أمــي آلصـبح ليـن جـآرتـنــآ فـي آلمطبخ تسـوي لنـآ غـدآ تقـول جيـت وأنتـو نـآيميـن وآلبيـت مـآيحتـآج شـي مـآعرفت وش أسـوي ودخلـت آلمطبـخ أسوي آلغـدآ

يـآلبـى قلـب ذيـك آلعجــوز



كنـآ نـروح آلمـدرسـه مع بعض وآلسـوق مع بعـض وفي آلويـك إنــد نسـوي مسـآبقـآت عجـآيز وبزآريـن ومرآهقـآت يالبيــــه


بـس نقلوآ لمنطقـه ثـآنيـه :(

[البــــــــــاحث]

الحمد لله عندنا جيرانا من حوالينا من الناس الاجاويد

وليما الحين متمسكين في عاداتهم وليما الحين يدزون لنا وندز لهم الي يحتاجونه

وانشالله مانشوف احد متخلي عن الثاني

لاهنتي الكحيلا على الموضوع الروعه

تحياتــــــــــــــــــي لج

[المجهوله]

والله الى الحين على هالحاله

ما تغيرنا قسم بالله

الى الحين درامات الغاز تلعب بالشارع بينا وبينهم

خصوصاً لا قد فيه عشاء وفي نص الطبخ الا الغاز مخلص

هههههههههههههههههههههه

المشخاط لاجاينا في حزته نفر ندور مشخاط (( يعني علبة الكبريت))

وما حصلناه ما لنا الا بيت ام فلان

الحمدلله ما تغيرنا

وما فيها شي هالعاده حلووه

وتحس ان الامور طيبه بيننا

ماهو من قل الخير ولا النعمه بس تجيك اوقات تحس انك متوهق

وما تلقى الا جارك جعل ربي يحفظهم لنا

بس اللي تغير انه بدال البزران صرنا نطرش الخدامات

لان البزران كبروا << انا وحده منهم هههههههههههههههههههههههه


ربي يعطيش العافيه عالطرح المميز

ما قصرتي يالغلا

[مادموزيل دندش]

(الكحيلا)...... أسعدالله مساش.....الظاهرإنتوابمنطقة جديدة:confused:, حنابالجهراللحين ندق بيبان بعض وموبس نطلب طماط إلانستلف سيارات بعض:) ومجلس حريمناواحدعندأكبرإعجيزبالشارع وأحلى شئ لماتكون فيه حرمه إنفاس بالشارع يصيرالريوق مجاناللجيران :)حتى بالمناطق الجديدةإللي قامت عندنا لازال الشباب محافظين على التواصل مع جيرانهم الله لايغيرعليناأعتقدالتواصل بين الجيران يرجع لطبيعة الناس وتعقيدات حياتهم حياش الله عندنابالجهرا....لش سلامي

[هادي العيسى]

و الله انش صادقه

<< يتذكر يوم انه يجيب الغاز من بيت الجيران خخخخخخخخخخ

لا هنتي عالطرح

[Lawrence of Arabia]

منطقتنا اغلبها حضر و بدو "يبالفيت انهم حضر" ...ولا فيها ذا العادة

اما يوم كنا ساكنين في بيت جدي قبل لا نطلع كانت العادة ذي موجودة... وبيت خوالي نفس الحالة :)

[@بنت العز ما تنهز@]

موضوووووووووع اكثر من رائع
اما بالنسبة لي الحمدالله ما زالوا جيرانا على عادات قبل
عسى الله لا يغير علينا
وفي الثلاث بيوت سايق مشترك
ودورية شاي الضحى ماشية
وحسافة كان حاطين لهم ديوانية بس راحت مع الازالة:(
ونطلب من بعض اللي يطري عليكم واللي ما يطري


الله لا يغير علينا ..


لش جزيل الشكر

[تبطي وأنت غالي]

الله يا الزمااان الدنيأإ تغيرة ماهي مثل قبل جعل ربي يكافينا شرهاا .


و الجار اوصى عليه الرسول صلى الله عليه وسلم واوصى لسابع جار .


الكحيلاا

لاهنتي وبيض الله وجهس على ما تقدمين لنا من جميل وورائع وكفيتي وأوفيتي و إلى الأمام

[كحيـــــــلان]

لاهنتي يا الكحيلا على المواضيع الحلوة ..

<== داخل بس عشان نكش ههههههههههههه
:
:
:
:
:
كل الشكر من : كحيلان
للـ: كحيلا :)

[الكحيلا]

مشكووريين كلبوكم على هالردود الوافيه
...... انا نزلت هالموضوع لاني اعيش هالمعاناه صارلنا اكثر من خمس سنين وماأعرف جيرانا ... عكس قبل .

كحيلان نكك حلو >>>>>ياشين التميلح :d


بنت يام بكيتيني .:(

[كحيـــــــلان]

8
8
ههههههههههههههههههههه ابد نكي ونكش وجهين لعمله واحده ;)

[موادعك خيره..!]

مافيه شي يبقى على حاله:)

[Her Majesty]

اذكر تسلفنا من جيراننا استريو في احد العراس

عادي الحياه سعيده :p

,

جد الحين الناس ما صارت مثل أول :)

مشكوره على الموضوع الحلو ^.^