مش لدّراقادي يا حويله

[عجمي الزمالك]

نريد اعضاء مثل اعضاء مطير هذي الجمله تجدها تكرر في افواه اغلبيه شباب قبيله العجمان بختصار شديد نريد اعضاء في المجلس يطولون ارقابنا بمواقفهم الثابته ليس فقط امام باقي القبايل ولكن امام الشعب الكويتي بأسره...
عندي سؤال واريد الاجابه عليه من اي شخص قريب من النائب محمد الحويله...
س: هل وقفت مع الحكومه لكي تمشي معاملات بني عمك؟ فلماذا يتشكي منك الكثير من ابناء القبيله الذين لم تنفعهم؟ اذن ما الذي كسبته من وقوفك ضد اراده الشعب وضد ابناء عمومتك الذين ينخونك قبل الاستجواب وتقول انشاءالله ابشرو ؟ تاخذهم على قد عقولهم يعني؟ لماذا لم تقنعهم ان كنت مقتنع بما فعلت اساسا؟
انا اختفيت انا اختفيت بس خلاص

[رازين ال شامر]

بصراحه انا ماعطيته في الفرعي لاكن اذا نجح ثاني مره بلفرعي والله ان ينقطع عليه الصوت

[الوااافي]

مافي أحد كل يمدحه ميه ي ميه لكن حسب الرجال ومواقفه الحويله مايمشي ليش ولا معاملات ليش عضو لا على المعارضه الكلام على قوة الرجال وقرب مثل مسلم براك راعي الستجواب وكل مامله له خلصه مافي داعي غضو يلعب بعقل الواحد

[من العجمان]

الله يهديكم بس

ويصلح بالكم

وهذ ماوصل للمجلس الا عن طريق العجمان كافة

[صابر على الدنيا]

اخي عجمي الزمالك انا اقترح اقتراح انك تروح الزمالك احسلك واذا انت تبي تذم اعضاء العجمان ذمهم في الزمالك الحين المنتدى كل العالم قاعدين يشوفونه وحنا مايسير انذم ابو هادي في منتدى مثل منتدى العجمان لان في ناس غرب .

وانا اقولك اذا انت منت مصوت لمحمد هادي فهذا شئ خاص فيك محد قادر يقصبك على الشئ

وانا بقولك شغله ابيك تحطها في بالك بان ابو هادي نفع الكثير من القبيله ودليل الفرعي الي طاف وحنا بصراحه ما نفعنا في شئ والله يسلم(( محمد فالح العبيد)) الي وقف معنا وقفة رجال

وانا اقول ان الانسان ماهو معصوم من الخطا الا اذا انت شايفه نبي هذا شي راجعلك

وعلى فكره انا ما اقرب لمحمد هادي وانا لاني محفوظي لكن انا مع الحق

وارجو ان اتقبل مني هالكلام

[صابر على الدنيا]

لكن على فكره اخوانا النواب السابقين الي هم محمد العبيد , وعبدالله البرغش

كانوا من معارضين الحكومه في كل شي وما اشوفهم انجحوا

لكن انتو يلي تكلمون هل صوتوا لهم ولا لا ؟

بس على كلام الناس يقولون ان ما ينفعون وانا على نفسي ما شفت عليهم غلط

[D0LAR]

انا بعقب على كلام رزين ال شامر اذا في التشاوريه منت معطيه لان حنا ماعندنا فرعي :) عندنا بس تشاوريه هذا حقك بس في الرئيسي انت مجبور تعطيه ولا لك منه دامه طلع من التشاوريه وانا اتمنى اعضائنا المجلس الجاي الطاحوس والصيفي ويرجع البرغش بدون قصور في الباقين لان مواقفهم دلت عليهم وشكرا

وملاحظه للي يحسبني اسوق شيئ ولا اسوي دعايه للبرغش والله لاهو مني ولاني منه لكن حب الرجل هذا فيني وعلى فكره تراني جيته في معامله ولا مشاني لكن موقفه يغفرله عن معاملاته اللي مامشاها

[وكيل آدم]

:)



الله يهديكم تبون نفس أعضاء مطير وأنتم مسقطين (عبدالله البرغش )..!!!!!!


بصراحة حنا لازم نتحمل نتايج أختيارتنا ( مثل تكونون يولا عليكم ) ...



وأتوقع ان الحويلة وقف مع الوزير مو علشان المعاملات !! ولكن حفاظاً على أسم العائلة المرموق ومكانتها عند ألأسرة الحاكمة والحكومة

[رازين ال شامر]

يادولار يسعد مسائك حبيبي بلفرعي ماراح يشد الصوت واذا نجح مايشد الصوت علشانه يركز على فئة محددة من العجمان تقريبا 2000رجال الي يبيهم بلفرعي واذا انت تصير له بلغه بلكلام هذا مو بس انا فئة كبيرة من العجمان وثاني شي الكرسي ماهو وراثه لهم وثالث شي يوم الطاوحوس والصيفي وقفوا ضد الوزير لية ماقف مع بني عمة علشان الاسم الحويلة كلهم حكومين وبعد ابلغك بشي هو حكومي ونفعه مافية لاكن الوعد قدام

[وكيل آدم]

^


^


^




كلامك صح يابطل

[محمد بن فراس]

السلام عليكم

الله يعطيك العافيه ياعجمي الزمالك على الموضوع

انا بعقب على كلام رزين ال شامر اذا في التشاوريه منت معطيه لان حنا ماعندنا فرعي :) عندنا بس تشاوريه هذا حقك بس في الرئيسي انت مجبور تعطيه ولا لك منه دامه طلع من التشاوريه وانا اتمنى اعضائنا المجلس الجاي الطاحوس والصيفي ويرجع البرغش بدون قصور في الباقين لان مواقفهم دلت عليهم وشكرا

وملاحظه للي يحسبني اسوق شيئ ولا اسوي دعايه للبرغش والله لاهو مني ولاني منه لكن حب الرجل هذا فيني وعلى فكره تراني جيته في معامله ولا مشاني لكن موقفه يغفرله عن معاملاته اللي مامشاها

كلامك 100% اذا صوتنا بالتشاوريه لازم نلتزم بالرئيسي هذا الكلام وهذا اللي اتمناه .

والتمني اللي اتمناه انشالله بيصير بعد الله ثم من ابناء قبيلة يام والناس وانا اخيك مهيب مثل

اول تغيرت والحين كله جيل شباب وشبابنا ولله الحمد فاهمين ومتوعين لانهم شافوا ماكرهو

مثل كلام علي الراشد والجويهل والقلاف راينا من وقف ضدهم ورينا من وقف وصوت معهم

والدليل يوم جلستة الاستجواب والله لاتشوف اوجيه اللي صوتوا مع الوزير يتلفتون وينحاشون

ولا قعد الا الفرسان اللي صوتوا ضد الوزير ويحينهم الناس ويصفقولهم على مواقفهم الطيبه

ونفس ماقلت الصيفي والطاحوس عسى الله يثبتهم مشالله عليهم انهم من نبحث عنهم

وصدق انهم ارفعوا روسنا وجملونا بمواقفهم المشرفه ، اما بخصوص عبدالله البرغش رجل ونعم

الرجال ابوفهد ياليته كان مع ربعه الصيفي والطاحوس لكن اعتبر سقوطه استراحة محارب

وملاحظه للي يحسبني اسوق شيئ ولا اسوي دعايه للبرغش والله لاهو مني ولاني منه لكن حب الرجل هذا فيني وعلى فكره تراني جيته في معامله ولا مشاني لكن موقفه يغفرله عن معاملاته اللي مامشاها

وانا اضم صوتي مع صوتك انا جيته بكم معامله ولا مشاها لكن مع ذلك انا معه لان مواقفه تشهدله

بالمجلس الماضي وطبعا لا هو من فخذي ولا شي مع ذلك كلمة الحق تنقال وباذن الله المجلس

القادم راجع ابوفهد وراح يرجع انشالله هو واخوانه الصيفي والطاحوس .

[_عزيز النفس_]

صح لسان عجمي الزمالك
حته انا عندي سؤل حق لحويله وحق نواب البدو الي وقفو وياه..
وزير الداخليه سوه مداهمت على منو مو بس على البدو ودش على حريم البدو وعفس الدنيا عليهم ماعندكم نخوه ياالبدو وماعندكم غاريه على حريمك ليش وزير الداخليه ماسوه مداهمته على الاحزاب هم عندهم فرعي ولا على الشيعه هم هوم عندهم فرعي ولا بس دايس عل روس البدو وراحت هيبتهم لو تلاحظون المناصب كلها صارت حق الحضر والشيعه بالقطاعات الثانيه والبدو صارو صفر تحت الشمال النواب 11 واحد لو موقفين ضد الوزير جان حسبو الف حساب لنه بس للأسف بس الشرها عليكم ياعجمان العاشره الي طلعتو لحويله وانتو تعرفونه عدل وتعرفون ابوه قبل شنو

[عامر ال مصارع]

هذا رأيه وهو حر فيه
واللي يصوت بالتشاوريه لازم يلتزم فيها ..

وعني انا كنت قبل اقول بصوت وانت طلع من التشاوريه بقطع عنه
لكن هذا بيكون اخلال بشي ونقض لأمور كانو ابانا ملتزمين فيها

لكن الحين راح اقاطع التشاوريه عشان اذا طلع شخص مالي قناعه فيه ما التزم فيه ولا بغيره ..

الصوت امانه وقناعه نفس ماهو قال صوت عن قناعته مو قناعة اللي صووتو له ؟؟
ماله داعي اصوت لشخص مو بقناعتي :)

[عجمي الزمالك]

انا ماني راد على اي رد لكم لاني ولد عمكم ولا ودي اتجادل وياكم هالشي يسبب ظغينه لحد يحسب اني اكره احد من اعظائنا بالعكس لهم الحشمه والتقدير لكن ودك انهم يبيضون وجيهنا من اول العجمان يتفاخرون في فرسانهم فالمعارك امثال الطويل وبن حثلين وباقي الفرسان الحين اعظائنا هم فرسانا نبي نتفاخر فيهم

صابر الصمت في حرم الجمال جمال ليتك لابخ يعني ولا قايل شي يسوا انك تقوله لكن حسبي الله على الي خلو المدارس تعطل بالصيف

يالربع انا ودي ان وليد الجري وشارع وياهم
هذولا اسامي اعظاء عجمان رنانه دخلت وطلعت وهم حاطين بصمه كل القبايل تعرف افعالهم فالمجلس ونعم الرجاجيل والله لاجيتهم بلازم خلصوه ووقفاتهم بالمجلس مشهود يعني ماسكين المواقف والخدمات......

انا اختفيت انا اختفيت

[_عزيز النفس_]

اي والله ليتك لابخ ولا ساكت احسلك يا انك تتكلم كلام رياجيل ولا تسكت احسلك ماقال شي عجمي الي قاله انه يذم ولد عمه في منتدى العجمان يعني منتدى عيال عمه يعني تبينا نشوف ولد عمنا يغلط ونسكت لا بنتكلم وبنقول ومافيه خير بعد ان سكت ماقول الا طول بالك ياعجمي الزمالك اسمع وطوف.....

[Lawrence of Arabia]

لقراقادي؟!! وش يعني لقراقادي؟؟

قصدك " للدرجة دي"؟ او لدّراقادي؟




الحويلة اخطأ بمخالفته لمواقف بني عمه... ولو انه عارض وهو ساكت كان احسن من البيان اللي نزله قبل جلسة طرح الثقة ويأيد فيه الوزير الخالد ويشيد بأدائه وبتفنيده للمحور الاول للاستجواب!!

[نزف المشاعر]

لآ تعــليــ ق !!

^

^

^

^

^


وصلـنــآ لحــآل [ يرثـــآ لــهـآ ] !!

[مايصح الا الصحيح]

:)



الله يهديكم تبون نفس أعضاء مطير وأنتم مسقطين (عبدالله البرغش )..!!!!!!


بصراحة حنا لازم نتحمل نتايج أختيارتنا ( مثل تكونون يولا عليكم ) ...



وأتوقع ان الحويلة وقف مع الوزير مو علشان المعاملات !! ولكن حفاظاً على أسم العائلة المرموق ومكانتها عند ألأسرة الحاكمة والحكومة

تعبت نفسك على هالرد.......الله يهداك بس ..........واسم العائله مثل مااتقول انشاءالله انه مرموق
عند الاسرة الحاكمة الله يحفظها وعند الحكومة وعند القبيله وعند كل اسنافى وطيب ........ ومايحتاج شهادة منك .......... ياعريف آدم........واذا عندك شى وانتقاد ارجوا انك تنتقد موقف النائب من غير مااتطرق لأى شى ثانى ...... وانت فاهم شنو اقصد .......يعنى عيب ننزل الى هالمستوى ونقعد انجرح فى بعض ترى كلنا من جد واحد وصلب واحد.........

[حُـرّهـْ]

^

الموضوع من شهر سبعه الله يهديك :d
لآترجع وتفتح الجروح علينآ :d

[مايصح الا الصحيح]

ماعليه العذر والسموحه يااختى الكريمه ..........بس اشتبينى اسوى معاهم ......على العموم انا كنت غير متابع للمنتدى بسسب سفرى فى الصيف و حلول شهر الخير والمغفرة ......ومن ثم كثرة انشغالى .....وانا آسف اذا ازعجتكم فى هالردود ......والله انها سهرتنى كثرة الاطلاع على المواضيع وعلى ماهو مطروح فى هالمنتدى الطيب .وعلى العموم مافى نوم الحين ..قربت صلاة الفجر ...اصلى وانام انشاءالله.....وسامحونا.....

[دله و فنجال]

اذكر الله يرجال

[الmرى]

;) وسع بالك الخير بقبال والايام الجايه ساخنه جدا وبتحرق ناس معها وتخدم ناس أخرين

والميه بتكدب الغطاس :d

[السيف الصارم_21]

بصراحه انا ماعطيته في الفرعي لاكن اذا نجح ثاني مره بلفرعي والله ان ينقطع عليه الصوت

يربع والله هذا الغلط الي يطلع في الفرعي زين ولا شين نوقف ويه حتا شنو كان انتمه يجب احترام اصوات الفراعي والاتزام