المساعد الشخصي الرقمي

مشاهدة النسخة كاملة : رديات (ضيدان بن قضعان&سلطان الهاجري) حلتن دونها عشرين باب


محمد بـن صـبـيـح
27-07-2009, 12:07 PM
هاذي محاوره قديمه بين
الفطاحله :)
ضيدان بن قضعان و سلطان بن وسام
في الامارات:p


*ضيدان*

مرحبا في حلتن دونها عشرين باب=المراوح فوقنا والهبوب تفرها
الحرار الي مواكيرها روس الهضاب=حولت في نقرتن مايقاوم حرها



*سلطان*

البقى ياصاحبي ما وراه الا العذاب=والجريره حسبي الله على من جرها
صاحبي ضيدان غرب ولا ادري ويش جاب=يوم حصل خيرها ماكفاني شرها



*ضيدان*

ما يبرك للحمول الثقال الا الركاب=أحتمل وأجنود الاسلام لله درها
وإن سراء ثلثين ليلك ونجم الجدي غاب=اسال عيوني ليش حلو الكراء مامرها



*سلطان*

الفخر والعز بين الثريا والسحاب=والمطر لو مايضر الدِير ما سرها
مير قلي وش فرق المشالح والثياب=إن سبحت بحرها ولا مشيت ببرها



*ضيدان*

فرقها فرق أزرق الجم عن ضوح السراب=السراب يوهق الضاميه ويغرها
البلا من شعلتن ما حسبت ألها حساب=وأحدن منا قدحها والاخر كرها


*سلطان*

ما بقا في حوض الاجرب طعام ولا شراب=والجنوب من الجرب كل ليل يعرها
لا تعاتبني عليها خطا ولا صواب=في ذرا روسن مطار الهوا بغترها



*ضيدان*

كل ابينا لقمتن مابين ضرس وبين ناب=مير يا سلطان دك الركاب وسرها
وأضرب ام جلال بلهرش يامال الذهاب=لقحت ام جلال ولا الجمل ماضرها


......إلى اخر الرديه:) )))
اتمنى انكم استمتعتوو بها:)

ذيب مطنوخ
27-07-2009, 04:47 PM
يا سلام رديه من الوزن الثقيل رائعه

ولاهنت على النقل

سلمان بن ضيدان
27-07-2009, 05:35 PM
ليت الزعل ممنوع

يا ليت الناس كلهم مثل

ذوقك الرائع في اختيار

أجمل المحاورات بين الشعار

تقبل مروري

وشكرا"

مريغان
28-07-2009, 05:33 AM
لا هنت وبيض الله وجهك النقل المحاوره
الجزله

,؛غريب الدار؛,
28-07-2009, 05:46 AM
الله عليك

ولاهنت على النقل


تحياتي

فهيد بن صبيح
28-07-2009, 06:30 PM
الله الله

ليت الزعل ممنوع لاهنت على نقل المحاوره الملغومه :)

تقبل تحياتي

لــــبيـِِِش
07-08-2009, 03:19 AM
تسلم علي المحاوره العذبه

عَشّــاقْ آلصلَــفْ !
09-08-2009, 12:56 PM
والله الرديه طيبه
وبيض الله وجهك على النقل

وتقبلوا مروري
وشكرأ