بكت عندما جاء يقبلها عريسها والسبب؟؟؟؟

[فتى ^ الاحزان]

هذه قصه قد لايحب الكثير نهايتها.

في ليلة الدخله كان وليد ينظر الى زوجته وكانت جميله جدا وأحس أن الحياه لاول مره تبتسم له أقترب منها ووضع يده على شعرها ثم أقترب ليقبلها فجأه بكت وصرخت في وجهه ابتعد عنها وليد ثم سألها ما المشكله؟ بكت وقالت له بكل الم بأنها قد أخطأت وفقدت شرفها مع احد الاشخاص صعق وليد وأحس وكأن الدنيا تدور فيه كانت ضربات قلبه تضرب بشده لاكنه تمالك نفسه ثم خرج من الغرفه ونام بالغرفة الاخرى من الشقه وفي الصباح جلس مع زوجته وقال لها لو اني طلقتكِ فستصبحين على كل لسان واهلكِ ايضا سأدعكِ تعيشين معي سنـــــة كامله بعدهـا اطلقكِ. فستنامين بغرفه وانا بغرفه مرت الايام وكان وليد لا يتكلم مع هــدى كان قليل الكلام كانت هدى تنظر الى وليد بحب لانه كان يمثل جميع صفات الرجوله فهو انسان عصامي ماتــت أمه وهو صغيـر وتزوج ابوه وكـانت امرأة ابوه تعامله بحقد ورغم ذلك فهو لا يكرهها يعاملها بكل أحترام كـــان متسامحا مع الجميع وكــــانت هوايتــــه هي الرسم. وكانت هناك لوحه مخفيه في يوم من الايام أقتربت منها هــــدى ورفعت عنها الغطـــــاء فرأت وليد في اللوحه وحولــــه اطفال كأنه بهذا يجسد أمنيته بأن يكـــــون لديه أطفال بكت هدى كثيرا لانها احست بانها ظلمت وليد لانه ليس له ذنب . وفي يوم ممطر شديد البروده كان وليد يقود سيارته وعند أقترابه من البيت تعطلت سيارته فجأه, ترك وليد سيارته ورجع للبيت مشـــــــيا كان الجو باردا وعند وصوله للبيت كان مبتلا ويحس بالبروده الشديده دق بــــاب شقته وفتحت له هدى الباب وسقط مغشيا على الارض قامت هدى وحملته للغرفه وسهرت بجانبه طوال الليل ووضعت عليه الكمادات كان وليد يتأوه من شدة البرد عطفت عليه هدى وأحتضنته كما تحتضن الام ولدها بدات حرارة وليد تنزل كان وليد كلما يفتح عينيه يجد هدى تنظر اليه وهي تبكي على حاله احس بانها صادقه في مشاعرها وبعد شفاء وليد من مرضه مرت الايام وانقضت المده التي قال لها وليد انه سيطلقها فيها وفي يوم اكتمال السنه بدأت هدى في حزم اغراضها وتوضيبها لانها ستذهب لاهلها قال لها وليد بانه قبل ان تذهب لاهلها عليها ان تذهب لصالون نسائي لم تعرف هدى لماذا؟ كان وليد يريدها ان تذهب لصالون نسائي وهو سيطلقها دخلت هدى للصالون فوجدت عاملات الصالون يقولون لها اهلا بالعروسه ورأت فستان العرس لقـــــد سامحها وليد وغفر لها غلطتــــــــــها

تحياتي لكم

فتى ^ الاحزان

[نـاصـر]

لاحول ولا قوة الا بالله مشكلة البنات مشكله

شخصية وليد نادره في زمانا هذا

والله لايهينك يافتي الاحزن على القصه المعبره

وتقبل تحياتي

بن هادي

[فيصل بن حجرف]

قصه جميله
بس ماعتقد انه فيه رجل يرضى بالشي هذا ويقدر يصبر معاها سنه كامله
لاهنت اخي العزيز على النقل

[المسافر]

ترى البنات الحين يقرون مثل ها القصص ويصدقون


ترى هذي من قصص الف ليله وليله

ومشالله سامحها وبعدين انتشرت القصه يا سبحان الله

الله يستر على بنات المسلمين

بس اللي ماتستر عليها ترى ربي مهوب بساترها


تحياتي

[the_one]

السلام عليكم

القصه مو حقيقيه مثل ما قال المسافر سامحها وبعدين انتشرت :)

بس القصه فيها عبره

انا اعتقد ان اللي يحب يحاول ينسى ويسامح اللي يحبه حتى لو حصل نفس هالقصه ،، اكيد شي صععب ومو سهل ان ينسى بس انا برايي ان اللي يحب اذا يبي علاقته مع حبيبته تستمر لازم ينسى الماضي ويفكر بالمستقبل معاها

شي حلو ان البنت حست بغلطتها وبجت لان اهيا تبي تبدي حياتها من يديد مع وليد الشخص اللي فعلا حبته ورضت ان يكون زوجها ،، اعتقد ان تصرف وليد رجولي وتصرف بكل حكمه لان خلاها ،، لان فعلا حس ان البنت تحبه .

فتى الاحزان يعطيك العافيه :)

باي

[فتى ^ الاحزان]

تسلموون على المرور
يابن هادي
Alajman
المسافر
the_one طبعن القصه مو حقيقيه وهي اصلن خيالياا

بس البنت اعترفت بغلطاتهاا لاانه لاتهاا تريد ان تعيش حيااه سعيداا


تحياتي لكم


فتى ^ الاحزان

[كويتيه]

قصه حلوه صراحه...
و شخصيه وليد وايد حلوه..

الله يهنيهم:)


يعطيك العافيه فتى الاحزان

[العماني]

لاهنت يا فتى الأحزان على القصة.

تقبل تحياتي،،

[المسافر]

صراحه قهرني

رد كويتيه

شخصيته وايد حلوه

اي هذا اللي يبونه البنات

واحد استغفر الله مو رجال ولا عنده غاريه

عموما وليد بنظري مو رجال

بالعكس اهو ومرته نفس الشي


شخصيه وليد ترى بتلقونها بدول مافيها نخوه

بدول تلقون فيها الامور منفلته والحبل على الغارب

وبالنسبه لي احتقر كل شخصيه مثل وليد وامثاله

[the_one]

السلام عليكم

اخوي المسافر ،، الموضوع خو قلبي ما يحتاي عصبيه :) هذي قصه مو حقيقيه وكل واحد من حقه يقراها واللي يبي يبدي رايه يبديه مثل ما يبي لان ما اعتقد ان كاتب القصه فتى الاحزان بيرفض هالشي .

بس الشي اللي ما يرضيني ولا يرضي كاتب القصه ولا يرضي الاداره انك تغلط وتحتقر ،، اخوي المسافر انا ردي نفس رد كويتيه ووليد تفكيره صح وفعلا شخصيه نادره ،، اخوي المسافر كل واحد له شخصيه وافكار تختلف عن الثاني انا احترم وجهة نظرك لانك كرهت شخصيه وليد ،، وتكلم مثل ما تبي عنه ،، انا ما قلت شي ،، بس من غير اي غلط رجاء .

اخوي اتمنى منك انك تتقبل كلامي وتاخذه بصدر رحب وتتقبل راي الاخرين وتحترم وجهة نظرهم :)

باي

[المسافر]

رساله للاداره

اذا كان ردي فيه غلط او تحقير لاي عضو

مابيهم يلغون المشاركه

بالعكس ابيهم يعطون المسافر باند من المنتدى مره وحده

ولا اعتقد اخوي ان ردي فيه غلط عليك او تحقير لك او لكويتيه

انا ابديت راي ونظرتي لشخصية وليد الخياليه

وحبيت ابين لكل بنت ان ها الكلام بالاحلام فقط

ولا فيه رجل في هذا الزمان يقبل بها الامر

ويمكن يقبله لفتره ولكن شوف العواقب

اخوي انا في مجال تمر علي مثل هذي الحالات

وعارف عواقبها اذا تمت

ولاتعقتد فيه مثل ها الكلام

تقبل تحياتي

[فتى ^ الاحزان]

لا هنتو على المرور
يالكويتيه
ويالعماني
والمسافر
وي the_one

وتحياتي لكم


فتى الاحزان

[Saudi]

قصه عجيبه تصرف وليد في البدايه تصرف رجولي لايستغرب علي رجل يوجد عنده نخوه وشهامه فهو اراد ان يستر البنت وبعدها يطلقها ولكن ان يرضي ان يعيش معها فهذا مستحيل وتصرف جنوني ولا اتوقع انه يوجد رجل يرضا بالشي هذا ولاهنت علي القصه المنقوله
وتحياتي








اخوك Saudi:cool:

[بحريني عجمي]

بصراحة نوعية وليد نادرة جدا هالأيام , فبصراحة آنة ما أقدر أصبر معها ثانية وحدة مو سنة كاملة

[البدر]

في البداية اشكرك أخوي فتى^الأحزان على القصه الحلوة ويعطيك الف عافية

وراي بالقصة ان وليد شاب نبيل على الي سواه مع هدى لانه تذكر شغله يمكن أغلب الشباب ينسونه اذا صادفهم مثل هالموقف وشغلة اهي ان الرحمة و المغفرة صفة من صفات الله عزوجل ، فالله تعال يغفر ويرحم كل شخص يخطأ ويندم على خطاه ويرجع يتوب له ، فا ليش احنا ما نرحم ونغفر حق بعض ، وايد من الناس في مثل هالمواقف او اي من الموقف الحياتية يبدون نفسهم وينسون غيرهم ، الي سواه وليد يدل على حسن تصرفه وذكائه لانه فكر ما راح يستفيد شي اذا طقها او ذبحها بالعكس اهو بتصرفه عطاها درس ما راح تنسى طول حياتها وبنفس الوقت عطاها فرصة علشان تثبت له انها ندمانة وتبي تبدي حياة يديده ...... وفي حديث عن الرسول صلى الله عليه وسلم ( اسمحولي ما اذكرالنص عدل ) في معناه من فرج كربة عن أخيه المسلم ، فرج عنه الله كربة من كربات يوم القيامة ، والحليم الي يمسك نفسه عند الغضب ..

ألف شكر لك ياخوي :)

[سراب]

قصه جميله وتهز المشاعر
وانا مع اخوي البدر بكل كلمه
وشكرا لكم
ولاهنت اخوي فتى الاحزان

[سوالف ليل]

القصه فعلا فيها عبرة للبنات لكن ما اتوقع انها حقيقيه

ثانيا يا مسافر ليه تقول قهرك رد كويتيه لانها قالت شخصية وليد حلوه

ليه مو بس البنت الي تخطي الرجال يخطي كمان لكن سبحان الله البنت تعاقب

خطاها مايغتفر وما تقدر تغطيه مو مثل الرجال بس كلهم عند الله سوا

وكلهم يحاسبون نفس الحساب ولكن عند البشر الرجال مهما غلط هو رجال

ومايعيبه شي لكن البنت تشيل فضيحتها طول عمرها

[فتى ^ الاحزان]

كل واحد وجه نضره

وطبعاا بالفعل ان تصرف وليد تصرف غريب ونادر لان شباب اليوم على اي شقله طلق وش ذنب المره المسكينه علشان اطلقه

وشخصيه وليد شخصيه بالفعل نادره ورائعه


وتحياتي لكم ومشكورين على المرور


فتى ^ الاحزان

[qataria]

مثل ماقالوا الأخوان انها قصة خيالية ............

لانه لايمكن يكون فيه رجال في زمنا مثل شخصية وليد ....... لان مع احترامي للجميع لو حصل هذا الموقف مع اي واحد من شباب اليوم ماراح يتردد بارجاعها الى بيت اهلها في نفس الليلة ...... ولايفتكر في فضيحة او اي شي ثاني اهم شي هو شفى غليلة في هالبنت الساذجة اللي نخدعت بكلام معسول من شاب آخر هو من نفس جنس الزوج اللي مسوي نفسه حمش ....... ومن الممكن ان هذا الزوج نفسه لعب على بنت ثانية هذا الدور وسلب منها اعز ماتملك .......

ادري اني طلعت كثير عن موضوع القصة ..... لكن الكلام يجر الكلام .....

[فتى ^ الاحزان]

مشكوووووور اخوي qataria
على المرور


وتحياتي لك فتى الاحزان

[عجمية مردده]

اخـــي الغـــالى

فــتى ^ الاحـــزان

اشـــكرك جــزيل الشــكر على القـــصه الــتى تـــهز المـــشاعــر

فعلا مؤثـــره جــدا الـــله يـــستر بــنات وشبــاب الاســلام

تقبل احترامى

عــجــميه مــردده

[زبون كيمو]

انا مع اخي المسافر

اصلا حرام يتزوجها وذلك بنص القرآن:

" الزانية لا ينكحها الا زان او مشرك وحرم ذلك على المؤمنين"سورة النور

وانتهت القضية

[ابو محمد]

لاهنت يافتى الاحزان على القصه الموثره

[مربوش]

الله لا يهينك على القصة المعبرة




.,’.,’.,’.,’.,’.,’.,’.,’

[والله ماكان الفراق اختياري]

على ما اظن ان شباب اليوم ماراح يوافقوا انهم ياخذوا بنت بتكلم عشان ياخذوا بنت غلطانة
وشكرا اخوي على هالموضوع

[فزاع]

الله لايعاقبنا ويكفينا الشر ويجزى وليد خير ولاهنت عالقصه

[شبل حمران النواظر]

مشكور على القصه ولاهنت

[((شيخ القبيلة))]

مشكور

[al876anya]

فتى الأحزان

تسلم على القصة..
وشئ صعب ويمكن مستحيل عند الأغلب تقبله..

ولكن نسأل..؟

لو كل انسان غلط وماسامح شلون بتكون الحياة..؟

سوف يتردى الكل ويتاجعون لوراء

يعطيك كل عافية وصحة وسلامة
لاعدم ولاخــلا

أختك في الله
القحطــانية

[بنت حمران النواظر]

تصدق فتى الاحزان شوي وأبجي
قصة نادرة الحدوث
الله يكثر من أمثال وليد بس مو على هيئة مغفل
أمثاله بالرحمة والمغفرةفي جميع النواحي
تسلم عالقصة المؤثرة...

[هند]

قصة ولا في الخيال

لاهنت يافتى الأحزان



لك تقديري
السؤدد

[صلاح المخايطه]

يعطيك العافيه اخوي فتى الاحزان
بس الله يسلمك فتحت علينا بااااااااب البنات الحين
كل ماجابت وحده العيد قالت لرجلها خلك مثل وليد
ههههههههههههههههههههههههههههههههههه
لاهنت اخوي

[عابد الجبار]

مشكور على القصه الرائعه

[بسكوته]

قصه خيـــــــــــــــــــــاليه
اونه بتقووله من اول لمسه انهاا مب بنت انزين تترياا شوي ؟؟!!

واونه هووو عاادي عنده ؟؟؟

يسلمووووووووو عالقصه

[صـــبـــــــــا]

فتى الأحزان.....

مشكور على هالقصه الخياليه ....ومنها اننا ناخذ منها العظه والعبره ...

وأقول للبنات موكل مره تسلم الجره....

وحبيت أقول للي شاد حيله ترى وليد مادرى عنكم ....

سلملم

[ضاحي غشام]

ما اظن الحر وعزيز النفس يرضيه اقل من انه يثور بها هذا رئيي والله اعلم

[gravity]

اولا لك كل الشكر على القصه المؤثره بصراحه قريت كل الردود عشان شوف وجهه نظر الجميع حول القصه !!!

لكن بصراحه لو هو رضا عني انا ماراح ارضاها لنفسي بعيش طول عمري اشوف نظرات من زوجي وابداا طول عمره ماراح يحترمني ولا يقدرني الله يكفينا الشر..

الله يستر على خلقه ..

أختك الجاذبيه ..

[محب العجمان]

على قولة القصمان

وش دراك انه كذبه قال من كبره

[فلاح بن ملبز]

قصه ولا في الخيال

ولاهنت يا فتى الاحزان

[بن عجمـــــــــــــى]

قصـــــــة ولا فى الخيـــــــــــــال

لاهنت فتى الاحزان
وشــــــــــــــــــــــــــــــــــــــــكراااا