ممنوع دخول المغرورين الأذكياء اللي واثقين بنفسهم بس

[صوت القلوب]

بسم الله الرحمن الرحيم

سين سؤال :

ما هو الشيء اللي في الليل يرتاد القبور وفي النهار يدخل القصور , يخافه الرجال , وتحبه النساء

وتهابه الملوك, ويلعب به الأطفال, له شعر ووبر , طعامه الملح والتمر ,وذكر في القرآن الكريم ويبدأ

بحرف الميم ,,

وإذا ذكرت مـآ هو إذكر سبب تشبيهه بما سبق؟!

بشوف المغرورين بيعرفون أو لا ;)

[صوت القلوب]

بدا شغل قوقل ها :p !!

[Lawrence of Arabia]

قد مر علي من قبل... واعرف اجابته... والاجابة مالها علاقة باللغز... يعني راح تنفقع كبدك على الوقت اللي راح وانت تفكر فيه... الللغز هذا يذكرني بالغاز ديوانية شعراء النبط... اللي مالها علاقة بالحل... يعني ما يعرف اللغز الا اللي مسويه<<<< معقد نفسيا:)


دز لي ولد عمي لغز سمعه من برنامج ديوانية شعراء النبط... ولا عرف يحله... ويبيني احله... ولا قدرت احله... المهم انه علمني بحل اللغز بعدين.. بغيت اموت من سخافة اللغز واجابته ومن اللي حطه:

اللغز يقول:

بنشدك عن عذرا لها خمسة قرون... قرن محنّى وأربعٍ ما تحنت
في جوفها علمٍ عن الناس مدفون... وان عبّرت عن علمها ما تثنّت


الاجابة كانت: القنوات الاخبارية


طيب الحين انت يا للي حطيت اللغز... وش دخل (خمسة قرون ) في القنوات الاخبارية.. وش دخل القرن المحنى واربع ما تحنت... لغز تعيس واللي حطه انسان بائس.


طلعت اللي في قلبي يا سوشه:)

[محمد ابن عكشان]

اغلبها تجيك مدفونه وماتفهمها

[صوت القلوب]

يوم قريت اللغز تخيلت حيوان عزكم الله بس وش هالحيوان اللي خمس قرون :p

<< ميح بشي اسمه ألغاز :(

لا ويعني دقيق واحد بس اللي تحنى !! :p

أحس فيه أحد بياخذها منك لورنس وبيسميني شوشه :)

[صوت القلوب]

ابن عكشان

مهب مدفونه يا اللي قايلها عبيط

يا كل العرب ما يفهمون ;)

تدري فيه ناس لو تجيب له أي لغز يحله

أذكر مرة جدي لا قعدنا عندها كل شوي تقول لغز أنا أتعقد مـآ أعرف أحل كلش

هذي سهرتنا :)

فأحترم نفسي وأروح أرقد لأني غاسلة إيدي من نفسي :p

[محمد ابن عكشان]

لا البيت الاول فيه دفن

[صوت القلوب]

أنت أخبر يالذكي :)

[موادعك خيره..!]

مار علي هاللغز بس ناسيته للأسف:)

واغسلي ايدش افكر

[صوت القلوب]

خخخخخخخخخخخخخخخخخخ على راحتش

أصلاً الإجابه طويلة

[‏وَتـے ـيــنْ]

هاللغز كل ما شفته تعوذت من ابليس لا اسوي بنفسي شي اذا ما عرفت احله

اعطي فرصة حق غيري :d ;)

[صوت القلوب]

ريم استريحي

أصلاً لو تقلبين على بطن وظهر منتي حالته فـ ريحي نفسش :p

[راكان الفارس]

السلام عليكم ورحمة الله وبركاته....


المتاع....وتفسيره أيات قرأنيه..بس قولي صح ولا لا

[صوت القلوب]

ارررررررررحب

لا غلط

حاسه إنك بتجيبها حاول مره ثانيه !!

[مغتـــــرب]

الحل هو اللسان في الليل يرتاد القبور وقت النوم اللسان مغلق عليه بالفم وفي النهار يدخل القصور يبدا بالحديث بما يحلو له تهابة الملوك يحبون المديح ويكرهون الهجاء ويخاف منة الرجال لسانك حصانك ان صنته صانك يحبه النساء من المعلوم ان النساء يحببن كثرة الكلام وتلعب بة الاطفال يلعبون بالسنتهم لبعض (( يخرجون لسانهم بالطريقة المعروفه عن الاطفال )) لة وبر وشعر اللسان له شعيرات دموية وطبقة مثل الوبر على سطحه طعامة الملح والتمر وهنا اشارة لحاسة التذوق يمييز بن المالح والحالي من الاطعمة









انشهد اني مانيب هين



هاااااااااااااااااه وشرايش صح ولا غلط

[صوت القلوب]

مغترب وربي إجابة منطقية لين وصلت للعب باللسان خرتهااا :p

بعدين اللسان يغطيه وبر ياكبرها عند الله :eek:

مو هذي الإجابه

بس احس خذيت فيك أجر من متى مو مشغل مخك؟! :p

[مغتـــــرب]

ههههههههههههههههههههههههههههههههه




زين يا ام مخ مفتح



انقول الميزااااااااااان

[صوت القلوب]

لا يبه غلط

أنا مخي مهب مفتح إلا متعطل عن العمل منذ عقدين من الزمن

<< كل حيـآتهـآ :p

[مغتـــــرب]

الاجابة هي الغيوم((المزن))



ماهو الشئ الذي بالليل يرتاد القبور

يعني لما ينزل المطر يتسرب الى باطن الارض

وبالنهار يدخل القصور
شكل الغيوم في النهار كأنها القصور
تخافه الرجال وتهابه الملوك

في حال الصواعق والفيضانات


وتحبه النساء وتلعب به الأطفال

لما يكون المطر خفيف اوينزل على شكل ثلج


له شعر ووبر
اطراف الغيوم كأنها الشعر والوبر


طعامه الملح والتمر
يعني اذا نزل المطر يكثر الخير




يبداء بحرف الميم ورد ذكره بالقرأن
{أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ}





هاااااااااااااه وش تبين بعد






قولي صح وممنوع الغلط:)

[صوت القلوب]

صح الإجابه بس تحليلك يبي له تعديل شوي وأنا بعطيك الإجابه

ما هو الشيء اللي في الليل يرتاد القبور وفي النهار يدخل القصور(المطر لا يستأدن)

يخافه الرجال لأن الرجل هو الذي يخرج للعمل و يخاف منه (أن يعيقه في عمله) .
وتحبه النساء لأن المرأة (تبقى في المنزل و تحب النظر إليه) . << رومنسية :)
وتهابه الملوك( خوفا من الفيضانات و الخسائر التي يلحقها إدا زاد عن حده).
ويلعب به الأطفال (كل الاطفال تحب الماء و تلعب به و هو جزء من المطر).
له شعر: المقصد الشِعر (أن معظم الشعراء قد ذكروا المطر في شعرهم) .

أما الوبر:فبالمطر (تزيد الفلاحة و تكثر الماشية و بالتالي يكون كثرة الوبر).
طعامه الملح( لمذاقه المالح) .
أما التمر فهو (نتيجة سقوطه).
وذكر في القرآن الكريم ويبدأ بحرف الميم و قد ذكر في القرآن الكريم حقا كلمة ماء أكثر من مرة .لقوله تعالى بسم الله الرحمن الرحيم :"أخرج منها مائها و مرعاها"
و المطر و غيره من الظواهر الطبيعية السائلة جزء من الماء فالفيضانات ماء و المطر ماء

برايفت مغترب: مبروووووووكـ الألفية شكلك بتقعد أسبوع ما ترد عشان ما يتغير الرقم :p

[البــــــــــاحث]

مغترب أبصم لك يعجبني قوقل البشري

هههههههههههههههههههههههههههههههه

لاهنتي على الموضوع

تحياتــــــــــــــــي

[مغتـــــرب]

الباحث


ابصملك على اللقافه خخخخخخخخخخخخخخخخخخخخ


ياخي قول خير والا أسكت





على العموم قوقل شاله من جهازي لأني أعتبره حيلة الضعيف <<<<اي هين هههههههههه

[فــكاك الـمـناشـيب]

السلام عليكم

حل اخووي مغترب اورد من الحل الثاني

[موادعك خيره..!]

الحل مومقنع حيل

[صوت القلوب]

وش اللي مهب مقنع فديتش !!

المطر يستأذن ؟!

لا جاء المطر مـآ يأثر على عملنا ؟!

الحريم مو أكثر من يتلصق في جام الدرايش من كثر الفرحة في المطر؟!

البزران ما يراكضون في المطر ويوصخون نفسهم ويرجعون يمه بدلينا ؟!

طيب لا زاد المطر وصار فيضانات ما يخسرون الملوك ؟!

أذكر مثال على أبيات الشعر في وصف المطر وجماله؟! << امتحان هو !!

زين البهايم ما تنتعم ويكثر العشب لا جاء المطر ؟!

ألم يُذكر في القرآن ؟!

والله لو إنه نظرية يا أختي لغز وذا حله شقول يعني عندش حل ثاني دامه مهب مقنع ؟!

إذكريه من ألحين ترى إجابتش صح :p

[موادعك خيره..!]

:rolleyes:


هدي ياماما:)

[صوت القلوب]

أهدي والله أتغشمر معش عادي

أنا ما أعصب إنسي فديتش :)

[موادعك خيره..!]

بعدي شاطره:)

[الاصيله]

على كل حال يسلموو الكل

لي شغل مخنااا ولي جاوب عنااا هههههه


تحيااتي لكم جميع