معاناة

[سعود بن عرار الكعبي]

المعاناة ... وش هي المعاناة
انا اسير ذاتي
عايش باهاتي
محدن سمع صوتي ، الا صدى موتي
كلما اقدمت خطوة
ارجع بعشرات
سحابة الحظ
امطرتني بعثرات
اعاني الايام ومرها
والعين تبكي بجمرها
والروح تلعي بحسرها
انشد الناس حالتي
محدن شفع لي دنيتي
ناصي الخلايق يامن يشفق بحالي
رداة حظي دايمن في مجالي
يادنيتي ... باسألك وين المساواة
يادنيا تكفين ماعاد بالعين ادموع
جفت عيوني من لواهيب الافجوع
عجزت اساير دنيتي
ومحدن دري وش محنتي
خايف من باكر لا لفى
مدري اعيش ولا النوى
اموت وارحل بوحدتي
هذي حياتي ... يارب كيف المجاراة