شاعر الاسبوع

[كيك و عسل]

السلام عليكم ورحمة الله وبركاته
من خلال هالموضوع راح يختار كل عضو أو عضوه شاعر الاسبوع وباقي الاعضاء عليهم يجبيون قصايد هالشاعر لمدة أسبوع
وأنا راح اختار هلأسبوع وصيف شاعر العرب الشاعر..عبدالله بن هويدي العدواني
واللي أجيب أول قصيده له له حق في اختيار شاعر الاسبوع القادم

[وكيل آدم]

ليل الشتا يامطوله وانا بعـد صبـري طويـل
صبري ليا ماله مدى والليـل ينهيـه الفجـر
بعض الهجوس تسرمد الفكره ولاتشفي غليل
ماكنهـا الا بذرتـن تسقـا ولا فيهـا ثمـر
وانا هجوسي تضرب الفكره مثل حد الصقيـل
فيها اتنومس وانثني لطرق ويزيـن السهـر
ياراكب الي كنها البراق في عـرض المخيـل
اليا استعت تطوي الاميال فـي لمـح البصـر
حربيتن كن حسها صوت العزاوي والصهيـل
لا لجلجت بين الغيـوم الـي تبشـر فالمطـر
قم يانديبي فوقهـا منصـاك مزبـان الدخيـل
الشاعر الي ذاع صيتـه فالجبيـل وفالخبـر
سلم عليه وقل يابندر صاحبك راسـه عليـل
عجـزت تداويـه الاطبـه فالمغـذي والأبـر
اعماسي راسي مايطيب الا بطاروقـن جزيـل
من راس شغموم يعرف العلم ويغوص البحـر
البارحـه والدلـه الـي بهـرت فالزنجبيـل
الي مسويهـا عرضهـا للبـوادي والحضـر
طالت يميني وقصرت يمنا الذليل ابن الذليـل
شربت فنجال اطلق الاشناب وانا ابن أجعفـر
يالين صرت الشاعر الـي لايميـل ولايعيـل
ادرج الخطوه على كيفي ولاكـن فـي حـذر
من بعد مابار العميل الي هقيـت انـه عميـل
شخصن تمزهلي قبل شهرين ويـدق الصـدر
ياقوم يالي ترتجي مده مـن كفـوف البخيـل
غلطه وصارت درس للايـام والدنيـا عبـر
مشوار الاميال الطويله يبتدي في ربـع ميـل
وانا علي مبطي نذر والحين جا حـل النـذر
لعيون من خيالها في عيـن عبـدالله نزيـل
من وين مالديت وجهي شفتهـا مثـل القمـر
ام العيون الناعسات الخرس والرمش الظليـل
ام النحر وام الصدر وام الجدايـل والخصـر
ام ايش؟ام الزيـن كلـه الجمـال المستحيـل
الي خذت من ورده الجوري ومن نور البـدر
والله لو اكتب قصيده كل صبـح وكـل ليـل
واغني اجمل ماعرفه الشعر من وصف وصور
انه بحق المهره الـي تسكـن بقلبـي قليـل
فديت قلب الي تعومس كـل ماحـان السفـر
ماطيع فيها عـاذل ولاا غيرهـا بلقـا بديـل
لايابعد قصه قطر والـي حصلـي فـي قطـر
العشـق لامنـه تملـك قلـب رجالـن ثقيـل
عمره تعدى السته وعشرين وقليبـه خضـر
معاد دور للحبيـب الـي سكـن قلبـه بديـل
وجه نظر واكيد كلـن لـه بعـد وجـه نظـر
وان كاني مرويت من يسمع قصيدي بالجزيل
علم هنوفن عاشقتني بـن شاعرهـا خسـر
هاذي علومي ياجعل عمرك يابو ثامر طويـل
واليا وصلك الصوت مالك لا مصـد ولاعـذر
عطيتك المعنى مغطا وانـت عـراف ودليـل
برق بقفله عجـز قيفانـي وبـرق فالصـدر












الشاعر القادم / مناحي الصميل

[طويلـةً آلـ зḿг]

أنا والله إني عايشً فـي صـدى ذكـراه
ولا أسمع نصيحة من بنى عم وإخوانـي

أنا والله إني حالـفً حلـف مـا أنسـاه
وهو حالـف بربـه ولا يـوم ينسانـي

مقيله وسط رمشي وفي ناظري ممسـاه
وقلبي له المجلـس بـه دلال رسلانـي

هو اللي تسيّد وسط قلبي وحـطّ مركـاه
مثل ماتزعّـم هتلـر الجيـش الألمانـي

أردّد وسط صـدري كـلامً بمـا معنـاه
أنـا والصراحـة كـل يكمّـل الثـانـي

أنا شف حالي شوفته بـس ويـن القـاه
ابي بس أناظر في رموشـه والأعيانـي

تحرّيتـه يجينـي وطـول وأنـا اتـنـاه
جلست انتظـر مـدّه تباطـي ولا جانـي

رحل جعل ربّي يحفظـه ويـن مـا ودّاه
عسـاه يتذكّرنـي ولا فـكـر بثـانـي

وإلا جيت بيته قلت في نفسي يـا عـزّاه
تذكـرت زولـه يـوم وقـف وحاكانـي

هجرني من ظروف تحاوطه فـي دنيـاه
ولا هـو بكيفـه لكـن الوقـت خوّانـي

وحظّي معوكس دوم ويوم لـي بشلفـاه
ولا من دعيتـه دايـم الـدوم يعصانـي

وجودي وجود اللي قضى العمر في مأساه
تشابه وجودي مثل وجـد ابـن نوطانـي

أنا يـوم شفـت البيـت متهـدمً مبنـاه
تذكـرت زولً كـان فالبيـت سكّـانـي


http://www9.0zz0.com/2009/07/08/21/225946102.gif

الشاعر:محمد العزام

[كيك و عسل]

توقعت تعرفون قصايد اكثر له
صراحه ما قد قريت لمناحي الصميل من قبل