كلمة احبك لمن تقال؟؟؟؟؟؟؟؟؟؟؟؟؟؟

[دغري]

!!! كلمة احبك ... ما اجملها من كلمة ولكن من يقولها بصدق

كلمة عميقة المعنى...

هل تحس بمعنى هذه الكلمة عندما تقال لك؟؟؟
مع الاسف لم نعد نعرف من الصادق الذي يعنى هذه الكلمة...

صارت لا تعنى سوى المجاملة...


لذلك اغلبنا يتسائل من يحبني..!!

لا اعرف من يحبني ؟؟؟

لم يكونوا بالسابق فى حاجة لهذه العبارات
لأنهم كانوا يكتفون بكلمة...أحبك....
ولا يشكون في صدقها لحظة واحده لأنها كانت تملك مكانه كبيره ومستوى راقي......


كلمة رائعة تحمل كل المعاني الجميلة في العالم ؟؟؟

فمعنى اني احبك:

انا احترمك

انا مخلص لك

انا احتاجك معي

انت مميز جدا

انت رائع في نظري

قربك يكفيني

انا افضلك على الاخرين

انا افضلك على نفسي

انا اخاف عليك

انا افتقدك دائما

تهمني مصلحتك

اريد ان اراك دائما سعيد

لااحب انا اراك حزينا

احب ان اساعدك في كل شيء

انا موجود دائما عندما تحتاجني

لا احب ان اغضبك

لا احب ان اراك وانت تبكي

يحزنني كل ما يحزنك

احب ان اقدم لك كل ما تحتاج اليه حتى اهم الاشياء بالنسبة لي

انت في تفكيري دائما....

وغيرهااا الكثير ........



وهنا السؤال...!!!

هل تقصد انت كل هذه المعاني عندما تقول لأحد:


احبك
او
حبيبي
او
ياحبيبتي

[the_one]

السلام عليكم

كلمه احبك كلمه دافئه وعميقه تحرك كيان الشخص وكل احاسيسه واهيا احلى كلمه بالوجود :)

واكيد كل شخص يحس بهالكلمه سواء اذا اهو قالها او اذا انقالت له ،، كلامك صحيح ان ما قمنا نعرف منو الصادق فيها وصارت كلمه سهله والكل يقولها مع ان اهيا صعبه لان الشخص اذا صادق فيها ما يقولها مني والطريج .

ومثل ما تفضلت سالتنا هل تقصد كل المعاني عندما تقولها لاحد ،، انا بقول لك بصراحه اذا كان الشخص صديق راح تقولها عادي ، اما اذا كان من البنااااااااات وصج حسيت فيها صعب انك تقولها نفس ما انا ذكرت في كلامي فوق ،، الكلمه ما تنقااااااااال بسهوله الا اذا حسيت فيها من صج :)) واذا قلتها من غير احسااااس صدقني راح تطلع بايخه وتبين انها مجامله :)))

الكلمه هذي ما تنقال حق اي شخص ،، كل واحد قبل ما يقولها اذا احساسه صادق راح يفكر فيها مليون مره قبل ما يقولها حق البنت اللي يحس فعلا انها حبيبته ،، لان الكلمه خلاص معناها الارتباط والتفكير بتكمله الطريج والوصول حق اللي اهما يبونه واهو ((( الزوااااج ))) :)) .

مشكور ويعطيك العافيه على الموضوع :)

باي

[كويتيه]

يعطيك العافيه اخوي دغري..

والله الحين من كثر مانسمع انه محد يحب و الشباب يجذبون.. صارت كلمه احبج.. ولا حبيبتي تخوف.. و مانحس في طعمهاا.. لي واحد قالنا احبج.. ولا انتي حبيبتي.. احس انه يبي شي من وراها.. .. احس اني اشك بمصداقيه الكلمه.. من السوالف اللي نسمعها ونشوفهاا.. صار في مثل نوع من الخوف.. من هالكلمه..
بس مثل ماقال اخوي the one...لي كانت طالعه من القلب وصادقه بنحس بمعناتهاا اكيد..

يعطيك العافيه اخوي

[the_one]

السلام عليكم

كويتيه الله يعافيج :) كويتيه الكلمه مااااااااااااااا تخوف بالعكس تحسس الانسان بالراحه بس كلامج صحححح ومااااااااااااااااا الومكم الصراحه من اللي قاعدين نسمعه مثل ما قلتي واكيييييييييييييييد البنت لازم تخاف .

البنت بطبيعتها عاطفيه بس لازم ما تخلي عاطفتها تسيطر عليها لاااااااازم تخلي عقلها اهو اللي يتحكم في اللي اهيا تبيه والبنت لازم تدير بالها عدل وتكون وااااااااااااااايد حذره ولازم تتاكد من ان الشخص صج يحبها او لا ،، انا من رايي ان مع الوقت بين الشخصين راح يبين ويكشف علاقتهم عدل وهل فعلا يحبون بعض او في احد يقص على الثاني ،، الشاب غالبا اهو يسبق ويقولها بس البنت لازم تفكر فيها عدل واهيا بذكائها واحساسها واسلوبها تقدر تعرف هل اهو صادق او لا .

وشكرا :)

باي

[كويتيه]

معاك حق اخوي the one... و كلامك على العين والراس..
بس وينه الحين اللي يحب صج .. .. كلهم يحاجون بدال الوحده عشر.. وحتى البنات نفس الشي انا ما احط اللوم على الشباب و اطلع البنات ملائكه.. بس الطرفين مذنبيين..
بس بهالزمن.. كل الشباب يقولون لا ما احب بنيه.. اكيد تعرف غيري.. ما احبهاا صج خل تولي بس العب عليهاا.. و لي قالك انا احب فلانه تقوله اوكي تزوجهاا قال لا انا تعرفت عليهاا و رضت تكلمني اكيد كلمت غيري.. يعني معناته حتى لو حبيت.. العلاقه صعب انهاا تستمر.. من جذي تلقى اللي يحبون ويصدقون بالحب قليل ونادرين..


كل واحد فيناا وده يحب و ينحب.. حب صادق وبريئ.. وينتهي نهايه سعيده.. :)

[the_one]

كويتيه قلتي كلهم يحاجون بدال الوحده عشر سواء بنت او ولد .. مو الكل يكلم بدال الوحده عشر مو كل الشباب جذي ولا كل البنات جذي صحيح مثل ما قلتي الطرفين مذنبين ومثل ما في مذنبين في ما يسوون جذي وصحيح بعد ان في شباب وايد يقولون خل العب عليها بس نسبه هذي ما تشمل الكل .

انا اعتقد ان اللي يقول احبهاااااااااااا واذا قالوا تزوجها وقال لا اذا عرفتني اكيد عرفت غيري هذا شخص مااااااااااااااااااا يحب ولا يعرف شنو معنى الحب ،، والله اللي يحب يسامح وينسى اذا كان للبنت ماضي وكلمت احد من قبل ، والله اذا صج يبيها ويحبها راح يفكر معاها بالمستقبل وبس . وطبعا مستقبل كل حبيبين ان يعيشون مع بعض طول حياتهم .

ومثل ما قلتي اللي يحبون ويصدقون بالحب قليلين ونادرين :) وكل واحد فينا وده يحب وينحب وينتهي نهايه سعيده :) الله يسمع منج :)

باي :)

[كويتيه]

اوكي the one
الحين في وايد ناس.. لي قالولك انت تحب ولا تحاجي تقول لا.. مايصدقونك.. حاطين في بالهم انه كل البنات تحاجي وتطلع وتخربط.. هذا الشي الحين اللي يخلي الشباب ينسون كلمه حب....
في فئه معينه من الناس خربت معنى الحب... .. من جذي صار الواحد يخاف انه يقول احبك او حتى لو يسمعهاا.. يخاف انهاا تكو ن كلمه مزيفه و مو طالعه من قلب خصوصا لي انت تكون تحب هالانسان.. بتحسه ملاك جدامك.. و انه كلامه كله صح و عدل..

يالله الله يرزقناا باللي يحبوناا:)

[the_one]

كويتيه كلامج صحيح ان في نااااس ماخذين فكره غلط عن البنات والعكس صحيح بعد اكثر البنات يقولون اكيد هذا يكلم ،، يقول لا ما اكلم هذا جذاب :)) اما اذا قال اي اكلم والسالفه قديمه ونسيتها واهو ما يكلم تصدقه البنت ،، يعني تصدق الجذبه ولا تصدق الحقيقه :)))

الكلمه والله حلوه تعطي الراحه النفسيه للشخص صحيح في ناس يشوهونها بس لازم ما نفكر او نخلي الشي هذا يخلي فيننا عقده .

واكرر اللي انا قلته فوق نصيحه حق كل شخص يقول ويحس ان اهو يحب سواء بنت او ولد لا يستعيل وخل يفكر بالكلمه عدل قبل ما يقولها . وقبل لا تشوفون اللي تحبونه ملاك استفيدوا من اللي قاعدين نسمعه . ولا تحطون في بالكم ان كلامح صح وعدل لان الانسان مهما كان صادق يظل انسان وبشر والبشر مو معصومين من الخطأ مثل ما قلت انا الوقققققت يقدر يكشف الاثنين على حقيقتهم :)) الوقت هم يقدر يبين هل انت تحب فعلا او ان هذا شي عابر فتره وتعدي . العلاقه ما يبيلها اي تسرع لانها تحدد مستقبل كل شخص صادق بكلامه واحاسيسه . اما الجذاب يبي يستعيل فيها :))

مشكوره كويتيه على ردودج .

باي

[كويتيه]

اي والله كلامك صح عدم التسرع اهو والحل الافضل اذا انت صادق في علاقتك..

يعطيك العافيه the one...

[the_one]

السلام عليكم

الله يعافيج كويتيه :)

وكل الشكر حق الكاتب دغري اللي عطانا المجال ان نتكلم في الموضوع هذا ،، يعطيك العافيه :)

باي

[كويتيه]

اي اولله الف شكر له بس عاد مادري وينه اهوو ماشاركناا..

[دغري]

the-one

مشكور على الردود الجميله والمشاركات اجمل ....واعذرني انشغلت ويعطيك العافيه

[دغري]

كويتيه ...............

دائما مطله على المواضيع واطلالات رائعه ومشكوره على الردود ودائما سباقه الى قراءة المواضيع في المنتدى والرد عليها والعين ماتعلى على الحاجب................

[كويتيه]

مشكور وتسلم يا اخوي على هالاطراء ولا والله بالعكس المواضيع الحلوه تجبرناا انه نقراهاا..:).. و نتفاعل معاهاا



لك مني كل التحيه

[دغري]

................................................ لك مني كل التحيه.........................................