قالو هبيل وقلت جايزلي هبالي ( استفساار يااالنشاما )

[الخويطري]

السلام عليكم ورحمة الله وبركاته


مسيكم بالخير ياربعنا

عندي استفسار بخصوص :

قصيدة : قالوا هبيل وقلت جايزلي هبالي = هبال طيب ولاصحاوة رخامه


( ابي القصيده كامله وهل لها قصه ؟

والي يعرف رد ضيدان بن قضعان يجيبه ؟


وننتظركم يالسنافيه

تقبلوا سلامي

اخيكم

[مـحمـد]

والله البيت معروف وجميل لكن ماعندي خلفيه عنه وانشاءلله احد يفيدنا من الاعضاء .

[االعماني]

القصيده هي للشيخ ابو ثنين

[الأدوح]

مسيك بالخير يالخويطري السالفه على مسلط بن شعيفان الازمع من كبار الجمالين من سبيع وكان خوي عند الوليد بن طلال ال سعود وكان الوليد يغليه غلا غير طبيعي ويستهال ابو شعيفان وفي احدى الطلعات كانوا على مجموعه من المواتر وكانوا في مقناص وفي نهايه المقناص امر الوليد بن طلال ان تكون السيارات كلها لبن شعيفان فقال مسلط بالجهاز الكنود كل رجال على ظهر موتر فترى الموتر له فأخذ بعض الرياجيل يلومه ويقول مهبول فرد مسلط بن شعيفن بقصيده ولم يشتهر فيها الا البيت هذا.....
قالوا هبيل وقلت جايزلي هبالي = هبال طيب ولاصحاوة رخامه



تحياتي الأدوح

[الخويطري]

بيض الله وجيهكم يالنشاما

وماقصرتوا

بس يالادوح ولايهونون الربع :

ترا صاحب القصيده مسلط ابوثنين من شيوخ سبيع ومتاكد من ذا المعلومه بس ابي القصيده كامله

ولاهنتوا يالربع

وننتظر السنافيه :)

تقبلوا سلامي

الخويطري

[ffahad]

مسلط بن شعيفان الازمع ال ابو ثنين من الجمالين من سبيع

اهل المزيرع شرق جنوب رماح

يعنى كلكم صادقين فى الاسم

ابو ثنين ولا الازمع

[محمد السبيعي]

الابيات لمسلط بن شعيفان ابو اثنين السبيعي . وهو اقرب خوي للوليد بن طلال والقصه التي ذكرها الاخ اعلاه ليست صحيحه والدليل ان الامير هو من قال له انت مهبول وليس الاخويااء اللي معهم .. قصة هذه الابيات هو انهم كاانوا مجتمعين فسأل الوليد بن طلال مسلط من اطيب جدك ولا جدي ومن المعروف ان سبيع لهم دور كبير في فتح الرياااض .. رد عليه بن شعيفان وقاال جدك ونعم فيه لكن مارساه على الحكم الا جداااني.. بعدهاا زعل الوليد وقاال انت مهبووول زضجره في الكلالام .. بعدهاا زعل مسلط وارسله هالابياات ومااكان من الوليد الا ان ارجعه مع مبلغ كبير من المااال .. وهذه هي القصه الحقيقيه...

وهذي الابياااات بالضبط


يا أمير أنـا عنـدك حشيـم وغالـي "" ولا احب انا شئ يمـس الكرامـه
نفسي تـروم المرجلـه والعوالـي "" هـذا هـدف نفسـي وهـذا مـرامـه
تاجرت في بـاب الشكالـه بمالـي "" بعت الرخامه وأشتريت القرامـه
انــا مهـبـول وجايـزلـي هـبـالـي "" هبال طيـب ولا صحـاوة رخامـه
هـذي تفاصيلـي وهـذي خصالـي "" يقول اللي مـا زهـف فـي كلامـه
أن جزت لك فأنا الرفيق الموالي "" وأن عفتني مسموح ومع السلامه
دور وتلـقـالـك رفــيــق بــدالــي "" وكـل يبـي رفقتـك تـرفـع مقـامـه

وبالنسبه لضيداان نعم جاراا هالقصيده وكاان يقول ان هالبيت اصلا لي مهوب لمسلط بس انه خطفه من خياالي لست حاافظ القصيده ولكن حاافظ منها

حييت ياامسلط كريم السباالاي ** من روس قومن ....
حي مهبووولن صااحي ماايبالي ** ولا صااحين وقت الشداايد هلامه

............................** وهبال مسلط يعطي الرااس زامه
ان اتهم انه خااطفه من خياالي** في سااعة ....( منيب خاافظ التكمله

المعذره كنت خاافظها لكن نسيت احاااول اجيبها اخي العزيز

ودمتم جميعاا

[محمد السبيعي]

جبتلك قصيدة ضيداان ومجاارااة القصيده نفسهاا

وليــت يــــا مســـــلط كـــــريــــم السبـــــــــالي

مـــن هـــــول بيــتٍ يستحـــــــق الــــزعــــــامـــه


بيــتٍ تمنيتـــــــه وهــــــو مـــــا ينــــــــــــالي

ودامــــه خطـــــف قبـــــلــي فـــلا لــي ملامـــــه


انــــا اتهــــم انـــه خــــاطفـــه مــن منــــــامـــي

فـــي غفـــلــــه كــــل غــــرق فــي منــــــامـــه


لـــو كــــان وقتـــي غــــرنــي عــــزتــــــالـي

وغــــديـت طيــــر وهــــو الشبـــك والحمــــامــه


وقـت ٍ علـــى كســـــــابــه الطيــــب مـــــــالــي

يــلعـــب بشيخــــــان العـــرب لعــــب دامــــــــه


مـــن اول تـــــذرى خشـــــــوم الجبــــــــالــي

واليــــوم يغنــــي عــن ذرا الضـــــلـع خــــــامــه


ومـــع كــــل ذا مـــا جمعـــــت الــريـــــــــالـي

ويهــــون مــــوتــي دون جـــــرح الكــــــرامـــه


واجـــــود باليمنـــــى وتجهــــل شمــــــــــالــي

وهبــــال مســلـــط يعطــــي الــراس زعــــامـــه


حـــي مهبـــــــول صــــــامـــل مــــا يبــــــالــي

ولا صـــــاحـــي وقـت الشــــدايــــد هــــلامـــــه


الشعـــــــر بنـت لبـــــو زيــــــد الهـــــــلالـــي

وبيـت مســــلـط يــلوح بخــدهــا كنـه شــــامــه


انـــأ اتهـــــم انــه مــــاخــــذه مــن منـــــامـي

فــي لحظـــه قلـــبي غـــرق فــي منــــــامـــه


وشكرا

اخوكم

[الخويطري]

السنافي : الادوح و العجمي و العماني و فهد ( بيض الله ووجيهكم ولاقصرتوا يالطيبين )

محمد السبيعي

كفو وبيض الله وجهك

وماقصرت وتسلم يمناك يالقرم

وتقبل سلامي

اخيكم

الخويطري [/B]

[Saudi]

عز الله انها قصيده زينه وفي رجال يستاهل ولاهنتو الربع علي مجهودكم ولا هنت يالخويطري علي فتح الموضوع

[مـحمـد]

لاهنتو كفيتو ووفيتو

ولكن بودنا تنسيق قصيدة ابن قضعان .

[محمد السبيعي]

ابشر يالعجمي على خشمي






وليــت يــــا مســـــلط كـــــريــــم السبـــــــــالي

مـــن هـــــول بيــتٍ يستحـــــــق الــــزعــــــامـــه

--

بيــتٍ تمنيتـــــــه وهــــــو مـــــا ينــــــــــــالي

ودامــــه خطـــــف قبـــــلــي فـــلا لــي ملامـــــه

--

انــــا اتهــــم انـــه خــــاطفـــه مــن منــــــامـــي

فـــي غفـــلــــه كــــل غــــرق فــي منــــــامـــه

--

لـــو كــــان وقتـــي غــــرنــي عــــزتــــــالـي

وغــــديـت طيــــر وهــــو الشبـــك والحمــــامــه

--

وقـت ٍ علـــى كســـــــابــه الطيــــب مـــــــالــي

يــلعـــب بشيخــــــان العـــرب لعــــب دامــــــــه

--

مـــن اول تـــــذرى خشـــــــوم الجبــــــــالــي

واليــــوم يغنــــي عــن ذرا الضـــــلـع خــــــامــه

--

ومـــع كــــل ذا مـــا جمعـــــت الــريـــــــــالـي

ويهــــون مــــوتــي دون جـــــرح الكــــــرامـــه

--

واجـــــود باليمنـــــى وتجهــــل شمــــــــــالــي

وهبــــال مســلـــط يعطــــي الــراس زعــــامـــه

--

حـــي مهبـــــــول صــــــامـــل مــــا يبــــــالــي

ولا صـــــاحـــي وقـت الشــــدايــــد هــــلامـــــه

--

الشعـــــــر بنـت لبـــــو زيــــــد الهـــــــلالـــي

وبيـت مســــلـط يــلوح بخــدهــا كنـه شــــامــه

--

انـــأ اتهـــــم انــه مــــاخــــذه مــن منـــــامـي

فــي لحظـــه قلـــبي غـــرق فــي منــــــامـــه

[مـحمـد]

لاهنت يالسبيعي وافي جعلك اتحيا :)