فهد عياد يطعن رسميا

[لمانيا1938]

نقلا عن جريده الان الالكترونيه هذا اليوم 28_5_2009_ علمت من مصادر خاصة أن مرشح الدائرة الخامسة فهد عياد المطيري بصدد تقديم طعن في فرز نتائج الدائرة الخامسة.

ويأتي طعن المرشح عياد مكملا لطعن النائب السابق خالد العدوة الذي قدمه صباح اليوم في الدائرة ذاتها.

وأضافت المصادر ل أن المرشح فهد عياد واجه خلال الأيام الماضية ضغوطا كبيرة من قبل أبناء الدائرة الخامسة وتحديدا من تحالف 'لأجلكم' الذي ضم بالإضافة إليه كلا من ' د.بادي الدوسري , سعدون حماد العتيبي, دليهي الهاجري', حيث قدر هذا التحالف في حينها بـ 22 ألف ناخب وناخبة حسب ما أفاد النائب حماد حينها, وكذلك التأكيد المستمر من قبل 'مندوبي' المرشح عياد الذين حضروا عملية فرز الأصوات أنه حصل على أكثر من العدد المعلن في النتائج النهائية وحصوله على مركز متقدم ضمن الـ 10 مقاعد الفائزة في الدائرة الخامسة, حيث حصل على 12669 صوتا بينما حصل صاحب المركز العاشر د.بادي الدوسري على 12986 صوتا, وبذلك يتضح أن الفارق بينهما 317 صوتا فقط.
قال احد المعلقين على طعن خالد العدوه _تذكرون المثل طير ابن برمان قد يتحقق وقد لا يتحق


لسؤال للقراء هل تتوقعون ان يتحقق المثل او لا يتحق وماهي عواقبه

انا عن نفسي اتوقع ان يبقى الوضع كما هو عليه ولااتوقع اي تغيير او عواقب

[الهتـ بدر ـلاني]

مشكور على الاخبار ,

واقول يطعن ولايستريح مكانه, ماهمنا اللي له حق بياخذه وخل تحالفهم يستريح

[عُــمَرْ بن خَــالِد]

نأمل أن يحصحص الحق ويزهق الباطل ,,

ويأخذ كل ذي حق ٍ حقّه ...

[Mohammed Alajmi]

صدقوني طعنه وراه واحد انتم تعرفونه زين وراح يتم التلاعب بالنتائج

[موكب]

طعن خالد العدوه صحيح 100%


وسيأخذ مكانه الصحيح في المركز العاشر


وطعن فهد عياد زياده في ارقام الاصوات فقط لا غير


وخلف طعن فهد عياد سعدون حماد لكي يبرر ما حصل من خيانات ويغطي عليها


بقول مناديب سعدون وليس فهد عياد انه ناجح :)



والله يوفق الجميع

[* راكان *]

نأمل أن يحصحص الحق ويزهق الباطل ,,

ويأخذ كل ذي حق ٍ حقّه ...


كلام يكتب من ذهب

[فيصل فهد المطيري]

عمر بن خالد

صح لسانكـ

[ابو شقره]

بسم الله الرحمن الرحيم
يابوي حدث العاقل بمايعقل الوضع باين مثل عين الشمس مع احترامي الشديد لقبيلة مطير والنعم والف نعم بس الرجال العاقل يعرف ان فهد عياد ماله امل في النجاح لو طعن الف مره بس الوضع مفبرك وكلكم عارفين منو ورا الفبركه
والاخ الفاضل سعدون يبي يكحله وراح يعميه وراح تبين لكم الايام معنى كلامي وابو محمد راجعع بمشيىْة الله غصب عن الي سوا ذا اللعبه القذره بس مسالة وقت
ومشكورين وتقبلو مروري

[الوااافي]

لووووووووو ان فهد عياد بمجموووووع المناديم ناجح والله راح يطعن من ثاني يموووووووووووم ولا مايخليهى هذى الكرسي الأخضر والله مايخليه بس كلها فبركه من بطل المسرحيه سعدوووون يبي يبين حق اناس انه ملتزووووووووون في الأنتخابات يعني السنه الجايه انزيد التحالف اشوي وننجح بس يستريح ياخذ كرسي من كرسي العجمان وانا اقووووووووووول روووووووووووح باركوووووووووووووووووووووو حق ابووووووووووووو محمد

[سلطان الغرام]

الخاين والكذاب والمدلس والفداوي مايخلي حركاته يبي يظمن طلعه جديده على التحالف بالانتخابات الجايه :)

[فيصل فهد المطيري]

ياجماعه
حدث العاقل بما يعقل ندري بأن أبو محمد خالد العدوهـ مظلوم وترى طعن فهد عياد مو بخالد العدوهـ وصدقونـي طاعن بالفرز

وبشركم محامي خالد العدوهـ

محمد منور المطيري يقول خالد العدوهـ ناجح بالطعن

وطعن فهد عياد بالفرز بـس

وتمنى ماننجرف بالعنصريــه وكراســي الأربــع ماراح تقدم العجمان ولا راح تأخرهم

العجمان فخر قبل الأنتخابات وبعد الأنتخابات

وتمنى يمثلونــا افضل تمثيــل

[نزف المشاعر]

ماعليــك زود يا مطيري !

[سلطان الغرام]

فيصل المطيري حياك ونعم بمطير والقبايل كلها بس علامه الاستفهام هي ليش فهد عياد توه اقدم طعن ليش التأخير شنو السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[أبو فهد]

فهد عياد ونعم الرجل

ومن حقه الطعن


ومن له حق بياخذه

[فيصل فهد المطيري]

فيصل المطيري حياك ونعم بمطير والقبايل كلها بس علامه الاستفهام هي ليش فهد عياد توه اقدم طعن ليش التأخير شنو السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ماعليك زود يالغــالـــي والبقابكـ

كان ينطر خالد يطعن عشان يطعن عقبـه وطعنه ع الفرز بــس

وأنا من وجهت نظري بالطعــن أتوقع نفس محامي العدوهـ ناجح وأنظلم ولازم كل واحد ياخذ حقــه


وأنشالله ببارك لكم

ودمتم

[فيصل فهد المطيري]

أبوفـهـد بيض الله وجهكـ

وأنشالله ربي يطلع اللي فيه خير هالأمــه والله يوفق خالد العدوهـ

وماعلي زود

[المبهم]

بإذن الله وبالقضاء النزيه سوف يعود الاسد الى العرين

[موادعك خيره..!]

ذا السعدون باسه قوي


الله يوفق خالد العدوه والنجاح فاله

[عُــمَرْ بن خَــالِد]

كلام يكتب من ذهب

مرحبا يا راكـ ـــان
أشكرك على الإشادة وما قصرت .,

[عُــمَرْ بن خَــالِد]

عمر بن خالد

صح لسانكـ

يا مرحبا ، صح بدنك

[ابن سالم من يام]

اذا كان صحيح ان المطيري ماخذ اكثر من 13300 هل معناه ان العدوه ما راح يرجع للمجلس
او حتى الدوسري
انا استبعد ذالك
اهم شي يكونون مناديبنا منتبهين ومركزين لما ينعاد الفرز خوفا من التلاعب للمره الثانيه
والله يعينهم على اكثر من 60 الف ورقة تصويت

[موادعك خيره..!]

دام المطيري بيطعن في خوف على الحويله:rolleyes:


الله يستر وتصير النتايج مرضيه

[فيصل فهد المطيري]

فيصل المطيري حياك ونعم بمطير والقبايل كلها بس علامه الاستفهام هي ليش فهد عياد توه اقدم طعن ليش التأخير شنو السبب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياهلا وسهلا وماعليكم زود ياخوي

كان ينطر العدوهـ يبدء بالطعن عشان يطعن وسمعت أنه مركزهـ التاسـع يعني الحويله وبادي طايحين والله وأعلــم


وسمحلي توني ترا انتبه لسؤالكـ ياغالي

وفقكم الله

[فيصل فهد المطيري]

اذا كان صحيح ان المطيري ماخذ اكثر من 13300 هل معناه ان العدوه ما راح يرجع للمجلس
او حتى الدوسري
انا استبعد ذالك
اهم شي يكونون مناديبنا منتبهين ومركزين لما ينعاد الفرز خوفا من التلاعب للمره الثانيه
والله يعينهم على اكثر من 60 الف ورقة تصويت

والله ياخوكـ زهقنا كل سنه يغلطون بواحد

وأنا بتوقعي الشخصــي البسيط

أتوقع العدوهـ ناجح

والحويلـه هو اللي عليه الكلام

ومبروكيـن مقدم

حنى مانشبع وزيرين وخمس أعضـا ومناشبين العالم :)


عسى الله يكتبها من نصيبكــم

[موكب]

والله ياخوكـ زهقنا كل سنه يغلطون بواحد

وأنا بتوقعي الشخصــي البسيط

أتوقع العدوهـ ناجح

والحويلـه هو اللي عليه الكلام

ومبروكيـن مقدم

حنى مانشبع وزيرين وخمس أعضـا ومناشبين العالم :)


عسى الله يكتبها من نصيبكــم




العدوه ناجح والحويله قاعد بكرسيه صدقني وانا اخوك :)


واذا تم اعادة الفرز بتزيد ارقام الحويله اكثر من 13336 بكثير


وابوبدر بيزيد رقمه لكن ماهو رقم النجاح


وهذي لعبة سعدون كل سنه عشان يغطي عيوب اخطاءه للأنتخابات القادمه


ويضمن كرسيه الدوره القادمه مع التحالف


والله يوفق ابوبدر بالجايات


ونعم الرجل صاحب اخلاق ودين ولو عنده الخبث السياسي كان نجح قبلهم

[الضاعني_78]

ياجماعه ليش نحط كل شي على سعدون
اذا بومحمد له حق بياخذه واذا لهم حق بياخذونه
انبذو العنصريه حنا صج نبي بومحمد ياخذ الكرسي ويرجع كرسينا
بس مانبي نطلع بصوره منبوذه وعنصريه ونحط اللوم على الناس
ونزعل ويزعلون علينا ترى كلها انتخابات

[لمانيا1938]

مشكور على الاخبار ,

واقول يطعن ولايستريح مكانه, ماهمنا اللي له حق بياخذه وخل تحالفهم يستريح


الاخ بدر الهتلاني شكرا للتعليق واذا خالد العدوة له حق يطعن فهد عياد له حق يطعن ولكن التعليق المطلوب على الخبر هل سيتتحق المثل طير ابن برمان لو سقط محمد الحويله وخالد العدوه جراء طعن العدوة او سيتحقق جراء سقوط بادي جراء طعن فهد عياد وذلك من باب الطرفة ولكن حق الطعن مكفوول للجميع

[فيصل فهد المطيري]

العدوه ناجح والحويله قاعد بكرسيه صدقني وانا اخوك :)


واذا تم اعادة الفرز بتزيد ارقام الحويله اكثر من 13336 بكثير


وابوبدر بيزيد رقمه لكن ماهو رقم النجاح


وهذي لعبة سعدون كل سنه عشان يغطي عيوب اخطاءه للأنتخابات القادمه


ويضمن كرسيه الدوره القادمه مع التحالف


والله يوفق ابوبدر بالجايات


ونعم الرجل صاحب اخلاق ودين ولو عنده الخبث السياسي كان نجح قبلهم


اللـه يكتبهــا من نصيبكـم

وأنا توقعت بس وماعليك زود يا غالـــي ولا عليكم قصور وربعكم سابقينا بالطيــب

[ابوفـيصل]

فيصل فهد المطيري ... حللت اهلا وسهلا .. ابوبدر من الناس الطيبة ,, والطيب للجميع

وليس لقبيلته ,,, الله يوفقة ويعطيه على قد نيته الصافية .. والله يعوضها له في الدنيا والآخرة

[عريب المجنا]

فهد عيد المطيري

رجال ونعم الرجل ويكفي إنه من قبيله عريقه

وحنا إنتمنى الخير له والغير وإن كان له حق ياخذه

واللي كاتبه المولى بيصير ولانقدر نغيره

واهم شي مصلحة البلد

[فيصل فهد المطيري]

فيصل فهد المطيري ... حللت اهلا وسهلا .. ابوبدر من الناس الطيبة ,, والطيب للجميع

وليس لقبيلته ,,, الله يوفقة ويعطيه على قد نيته الصافية .. والله يعوضها له في الدنيا والآخرة


ماعقب كلامكـ كلام

بيض الله وجهكـ وماعليك زود ياغالــي وهذا من صيب اصلكــم لاعدمتكم

والله يجزاك خيــر ويفقكم لخيـر المسلميــن

[فيصل فهد المطيري]

فهد عيد المطيري

رجال ونعم الرجل ويكفي إنه من قبيله عريقه

وحنا إنتمنى الخير له والغير وإن كان له حق ياخذه

واللي كاتبه المولى بيصير ولانقدر نغيره

واهم شي مصلحة البلد


ماهو غريبـه على عيال مرزوق هالكلامـ

والله يكتبهــا من نصيبكـ

وماعليك زود يا غالــي يكفي كلامك الطيب ولاهو غريب الطيب منكم

ودمتمـ

[العجمي كوم]

الله يوفق الي فيه خير لمصلحة الوطن ..

وشكرا

[لمانيا1938]

شكرا لجميع الزوار على المشاركه واذا كان لخالد العدوة الحق في الطعن فان فهد عياد له حق في الطعن والتوقعات تشير الى خروج محمد الحويله ودخول فهد عياد والله اعلم

[موكب]

توقع على كيفك ولا تقول التوقعات تشير وتجمع


يا اخ لمانيا1938


:)

[عامر ال مصارع]

المشكلة ان هناك ايادي خفيه وناس تحرك البعض ..
ونتمنى ان يكون الفيصل بالطعن القضاء الكويتي وليس احمد الفهد :)

[لمانيا1938]

توقع على كيفك ولا تقول التوقعات تشير وتجمع


يا اخ لمانيا1938


:)


شكرا على المشاركه الاخ موكب والتوقعات والتمنيات بفوز فهد عياد حق مشروع

[موكب]

قول اتمنى مو اتوقع :)


والله يوفق ابوبدر


واذا له حق بياخذه



والكرسي الرابع بيرجع غصب بإذن الله


:)

[لمانيا1938]

مصادر تؤكد فوز فهد عياد بالانتخابات وسوف تظهر في الثاني من يوليو 2009 والله اعلم

[أبو فهد]

مسجات متداوه وخاصه عن المطران تؤكد دخول فهد عياد من ضمن
ال 10 الاوائل

وخروج العدوة والدوسري من المنافسه

لكن تبقى مسجات مو اكيده

[لمانيا1938]

اخبار ومسجات شبه مؤكده عن فوز فهد عياد بالمركز التاسع والله اعلم

[(الأملح)]

مساء الخير احب اوضح للأخ لمانيا1938 ان الأخ فهد عياد في كشوفات الداخليه الي اودعت لدا المحكمه حصل على 20 صوت زياده على اصواته 12669ليصبح مجموع اصواته 12689وترتيبه 12وبادي الدوسري 11 وبومحمد10 كلام اكيد. انظر الموضوع في الصفحه الرئيسيه (ابشركم خالد العدوه فايز انشاءالله)

[صابر على الدنيا]

تسلم يا الاملح علي هالبشاره

[لمانيا1938]

مساء الخير احب اوضح للأخ لمانيا1938 ان الأخ فهد عياد في كشوفات الداخليه الي اودعت لدا المحكمه حصل على 20 صوت زياده على اصواته 12669ليصبح مجموع اصواته 12689وترتيبه 12وبادي الدوسري 11 وبومحمد10 كلام اكيد. انظر الموضوع في الصفحه الرئيسيه (ابشركم خالد العدوه فايز انشاءالله)


الاخ يقول حصل فهد عياد على زياده عشرين صو ت واقول انت كلامك صحيح انه حصل على زياده ولكن حسب ماسمعنا 420صوت زياده ومركزه التاسع وليس عشرين صوت كما تدعي واقول من هنا مبروك للنائب فهد عياد العضويه وحصوله على المركز التاسع

[موكب]

اخي الكريم لمانيا 1938


ابوبدر رقمه 12669 + 420 = 13089


والمركز التاسع النائب د محمد الحويله بــ 13331


والمركز العاشر النائب بإذن الله خالد العدوه بأكثر من 13226



فسرلي شلون بالمركز التاسع بالله عليك ؟؟؟



والله ما اسمع هالكلام الا منك


اتمنى تعطينا مصادرك اخ لمانيا1938 :)