بتاااار
27-05-2009, 11:07 PM
السلام عليكم ورحمة الله وبركاته
من بغى الفرقا لقالـه عـذر واسبـاب ودليـل
خل عنك العذر والاسبـاب دام الحـب ضـاع
كان ودك بالفراق ابشر عسى عمـرك طويـل
لاتردد وانت لـك كلمـه ولـك امـراً مطـاع
لي عليك انـك تبـد بكلمتـن تشفـي الغليـل
ولك علي اني لوقف وقفـه الرجـل الشجـاع
لاتجاملني مخافـه قـال مـدري خـوف قيـل
عمر هرج الناس مايسمـن ولا يغنـي جيـاع
كان قصدك سر حبك اوعدك لا اصبـح بخيـل
واحمل اسرارك معي للمـوت قـد المستطـاع
بس قلها قل ما احبك وابشـر بصبـراً جميـل
لاتحسبني من مثل من طبعهـم لـوي الـذراع
صاحبك ماهـو كـذا ياصاحـب القـد النحيـل
صاحبك طبعه غريب وغربـه غربـه طبـاع
فالهـوى مايقبـل الحـل الوسـط ولا القليـل
مثل ماهو لاشرى يشري ولا مـن بـاع بـاع
ثابـت لوهـي تميـل الارض حـدرة مايميـل
يدري ان الفقر ماهـو عيـب والدنيـا متـاع
ماعشق لـذة حيـاة كثـر عشـق المستحيـل
ولا كرة حتـى مماتـه كثـر كـرة الانصيـاع
كم تعلم من شديد البـدو وش معنـى الرحيـل
وكم تعلم من غروب الشمس وش معنى الوداع
وكم تعلم من سحاب الصيف وش معنى الحصيل
وكم تعلم من ليالي البرد وش معنـى الضيـاع
ايه انا هذا طريقي موحوش وصعـب وطويـل
وانت لمنـك تعبـت العالـم فجوجـه وسـاع
اعتبرنـي فـي بدايـه سكتـك عابـر سبيـل
ورح وانا قلبي معك ومن وين وجهت الشـراع
يكفي اني لا ذكرت في سالفـه عشـاق قيـل
عاشر احبابه شجاع وفـارق احبابـه شجـاع
الشاعر / فهد المساعد
من بغى الفرقا لقالـه عـذر واسبـاب ودليـل
خل عنك العذر والاسبـاب دام الحـب ضـاع
كان ودك بالفراق ابشر عسى عمـرك طويـل
لاتردد وانت لـك كلمـه ولـك امـراً مطـاع
لي عليك انـك تبـد بكلمتـن تشفـي الغليـل
ولك علي اني لوقف وقفـه الرجـل الشجـاع
لاتجاملني مخافـه قـال مـدري خـوف قيـل
عمر هرج الناس مايسمـن ولا يغنـي جيـاع
كان قصدك سر حبك اوعدك لا اصبـح بخيـل
واحمل اسرارك معي للمـوت قـد المستطـاع
بس قلها قل ما احبك وابشـر بصبـراً جميـل
لاتحسبني من مثل من طبعهـم لـوي الـذراع
صاحبك ماهـو كـذا ياصاحـب القـد النحيـل
صاحبك طبعه غريب وغربـه غربـه طبـاع
فالهـوى مايقبـل الحـل الوسـط ولا القليـل
مثل ماهو لاشرى يشري ولا مـن بـاع بـاع
ثابـت لوهـي تميـل الارض حـدرة مايميـل
يدري ان الفقر ماهـو عيـب والدنيـا متـاع
ماعشق لـذة حيـاة كثـر عشـق المستحيـل
ولا كرة حتـى مماتـه كثـر كـرة الانصيـاع
كم تعلم من شديد البـدو وش معنـى الرحيـل
وكم تعلم من غروب الشمس وش معنى الوداع
وكم تعلم من سحاب الصيف وش معنى الحصيل
وكم تعلم من ليالي البرد وش معنـى الضيـاع
ايه انا هذا طريقي موحوش وصعـب وطويـل
وانت لمنـك تعبـت العالـم فجوجـه وسـاع
اعتبرنـي فـي بدايـه سكتـك عابـر سبيـل
ورح وانا قلبي معك ومن وين وجهت الشـراع
يكفي اني لا ذكرت في سالفـه عشـاق قيـل
عاشر احبابه شجاع وفـارق احبابـه شجـاع
الشاعر / فهد المساعد